مادري هل أباركلكم ولا أعزيكم على الوزير الجديد ؟؟

الكاتب : Q8_oil | المشاهدات : 1,216 | الردود : 20 | ‏29 أكتوبر 2007
  1. Q8_oil

    Q8_oil بـترولـي خـاص

    1,387
    0
    0
    السلام عليكم

    أول شي أحب أقوله لكم و للأسف الشديد بأن الكويت من الدول التي لا تؤمن بالتخصيصية أي تحط الرجل الغير مناسب بالمكان الغير مناسب يعني ببساطة شديدة الرجل يوضع بمنصب لا يفقه به شي !!

    و هذا حال وزارة النفط أول شي كانت لأحمد الفهد بعدين للجراح و حاليا للحميضي و لكن هؤلاء الرجال ليسوا بمهندسين و عمال أصلا بالقطاع النفطي !! و خصوصا النفط المسائل فيها تيكنيكال و أوبيريشن و يبيلها المختص فيها مو أي شخص !!

    و إللي برد علي و يقول إن الوزير منصب سياسي و الوكلاء المساعدين أهم يمشون الشغل برد عليه و قوله إذا الوضع جذي عيل مالا داعي نحط وزير ! و ثانيا لو كان الوكيل نفس قصة الوزير أي لا يفقه بالشيء خصوصا إن العين كلها على الوزير فيقول الرجل لا يبى تبون تعينوني أبي أصير وكيل مو وزير و هكذا .

    يا إخوان لازم الواحد يمسك الشي إللي درسه أو إللي إشتغل فيه سنوات طويلة على قولتهم شعرنا شاب من النفط هذا المفروض يحطونه و لكن للأسف دام الوضع بهذه الصورة عندنا عيا أبشروا بالمستوى الرديء و المتواضع جدا للنفط و لا حول ولا قوة إلا بالله
     
  2. زهرة التوليب

    زهرة التوليب بـترولـي خـاص

    والله معاك حق اخوي

    المفروض القطاع لنفطي يكون له وزير فاهم ومختص وعارف في هالمجال
    ويقدر يطور ويعدل في هالوزاره اللي بلاويها وايد للأسف

    لكن بعد التدوير اللي صار
    اقول لا عزاء لموظفين البترول
     
  3. ابوشوكه

    ابوشوكه بـترولـي نشيط

    نعزي انفسنا ونعزي جميع موضفي القطاع النفطي على الوزير الجديد حيث انه لايحب الخير لاحد الا نفسه وشلته وستثبت لكم الايم صدق ما اقول

    ودمتم
     
  4. 63447

    63447 بـترولـي جـديـد

    24
    0
    0
    اجرنا واجرك طال عمرك جزاك الله خير وسعيكم مشكور والله يجعلها خاتمة الاحزان
     
  5. أبو طلال

    أبو طلال بـترولـي نشيط جدا

    430
    0
    0
    و عليكم السلام و رحمة الله و بركاته

    أخي الكريم مهندس البورصة ... هنالك ما يسمى بحكومة التكنوقراط ...

    و هي تتكون من وزراء متخصصين كلا في مجاله ... و لكن ليس بالضرورة أن

    تكون حكومة ناجحة ... فمنصب الوزير يحتاج بالدرجة الأولى شخص قادر على

    إتخاذ القرار و قادر على رسم الخطط و تصورها ... و بلا شك أن هناك عدد كبير

    من المستشارين الفنيين حوله ... و كلما كان فاهما في تفاصيل وزارته كلما كان

    أداؤه أفضل ...
     
  6. زهرة التوليب

    زهرة التوليب بـترولـي خـاص

    لووووووووووووووووول

    احسن الله عزاكم :p
     
  7. Q8_oil

    Q8_oil بـترولـي خـاص

    1,387
    0
    0
    كلام سليم و لكن معقول لا يوجد أحد بالقطاع النفطي يملك الخبرة النفطية و إتخاذ القرار بآن واحد !!
     
  8. فنطاسي

    فنطاسي بـترولـي نشيط

    53
    0
    0
    الله كريم والمعين
    قولو امين
     
  9. فيصـل الكندرى

    فيصـل الكندرى بـترولـي جـديـد

    32
    0
    0
    مهندس
    نفط الكويت
    مشكور اخوى مهندس البورصه على الموضوع ... بس حبيت اقولك ان وزير النفط يرأس مجلس ادارة مؤسسة البترول الكويتيه .. والمجلس هذا عباره عن اعضاء منتدبين عن الشركات النفطيه وكل رئيس شركه يعتبر عضو بمجلس ادارة المؤسسة.

    الشغل في مؤسسة البترول الكويتيه استثمارى بحت .. لا فني ولا له علاقه بالمكامن او بالالات .. فالوزير يقترح اسماء تمسك مجالس ادارات الشركات اللى تدير العمل الفنى بالنيابه عنه.. اهو مهمته يهتم بطريقه التصريف والبيع والعقود اللى ملتزمه فيها دولة الكويت جدام العالم ... يهتم باحتياط النفط الخام الاستراتيجى بالدولة .. يهمه انه شركة نفط الكويت تستكشف آبار وتزيد كميه المخزون الاحتياطي.. ويهمه ان انتاج النفط يكون بالرقم المطلوب منه بمنظمة اوبك ... مثل ما يهتم ان منتجات النفط تتوفر بالكميات المطلوبه بالسوق من بانزين وامونيا وكيروسين و... الخ (شغل البترول الوطنية) .. يهمه كل شركه تكون مؤدية غرضها لانه في المحصله هذا الاستثمار اللى راح يديره ويكون مدخول البلد منه

    بالعربى انا اختلف معاك واعتبر الحميضى الرجل المناسب بالمكان المناسب .. وصندوق الكويتى للتنميه اكبر شاهد على نجاح هذا الرجل ، كافى ان الصندوق من سنة 1986 ما يآخذ فلوس من ميزانيه الدوله نهائيا وصار عنده اكتفاء ذاتي ومو بعازة احد وفوق كل هذا مستعد يسلف ويقوم بمهامه على اكمل وجهه.. الى ان وصل سنة 2001 انه يمول بنك التسليف والادخار بدل ما تموله الحكومه :)

    يمكن الريال (حزره) او (بخيل) بس هذا الشى بشخصيته ماله علاقة بنجاحاته ...
     
    آخر تعديل: ‏30 أكتوبر 2007
  10. Q8_oil

    Q8_oil بـترولـي خـاص

    1,387
    0
    0
    كلامك صحيح يالكندري و لكن فيه ناس تتوافر فيها هالشروط و يكونون بالقطاع النفطي ترى إحنا من الدول القلة بالعلم إللي نحط الأشخاص بالمواقع إللي عمرهم ما إشتغلوا فيها و الدليل شوف الوضع شلون صاير !!

    و ثاني شي إنت شفت رؤساء الشركان النفطية ؟؟

    أنا بييبلك دليل واحد بس فاروق الزنكي الشخص هذا طول عمره بالكو أو سي و ماشي الرجال فيها و كل شي أوكي أواديه كي إم بس سي شراح يسوي هناك ؟؟ شنو يعرف فيها !!

    السيستم غير و الأوبيريشن غير و كل شي غير !!

    إذا وزير و على قولتك رئيس مجلس غدارة ما يعرفون شي أو مو بتخصصهم منو إللي راح يتخذ القرار ؟؟

    بس أنا أقولك منو الأجانب ( الهنود و الأمريكان و المصاروة ) أهم إللي قاعدين يتخذون القرارات و يطلع بإسم الزنكي أو الرشيد أو الحميضي
     
  11. فيصـل الكندرى

    فيصـل الكندرى بـترولـي جـديـد

    32
    0
    0
    مهندس
    نفط الكويت
    عدل كلامك

    السالفه شرباكه وماتدري ربعنا شيبون

    اللى اعرفه ان سامي الرشيد قاعد يتهيئ انه يمسك مكان سعد الشويب
     
  12. Q8_oil

    Q8_oil بـترولـي خـاص

    1,387
    0
    0
    و الله إذا كان خوش رجل فلما لا إحنا نبي واحد زين و الشوين للحين ما بين شنو مايته على قولتهم
     
  13. Wes@m

    Wes@m بـترولـي نشيط

    51
    0
    0
  14. ابو العتاهية

    ابو العتاهية بـترولـي نشيط

    112
    0
    0
  15. ضارى

    ضارى بـترولـي نشيط

    ماشاء الله حتى تقييم الوزراء ما قام يصعب عليكم


    سبحان الله
     
  16. Q8_oil

    Q8_oil بـترولـي خـاص

    1,387
    0
    0
    ممكن التوضيح أكثر ؟
     
  17. القلب نفطي

    القلب نفطي بـترولـي نشيط جدا

    للحين ما بين خيره من شره

    وانشالله كل خيرررررر


    و دمتم
     
  18. ضارى

    ضارى بـترولـي نشيط

    خير الكلام ما قل ودل بس إذا تبى توضيح أكثر للمقصود إن شاء الله نحاول نوضح

    لا أنا ولا إنت ولا واحد من اللى شاركوا بالموضوع يقدر يقيم وزير مع أحترامى للجميع دون إستثناء

    ليس عيب فينا ولا قصور بعقلياتنا ولكن تخصصنا وعدم ممارستنا لمثل هذا العمل وعدم توفر المعلومة ستضعف نتيجة التقييم بشكل جذرى

    والدليل من كلامك المقتبس

    أنت تقول أن النفط خصوصا تكنيكل وأوبريشين ويبيلها المختص فيها . هذا كلامك

    طيب وعلى سبيل المثال الوزير فاروق الزنكى كون الشخص متمرس بالقطاع النفطى ورئيس مجلس إدارة شركة سابق

    بوجهة نظرك إنه الشخص المناسب . صح ؟؟

    طيب هل فاروق الزنكى يفهم

    بالتسويق النفطى

    أدارة 14 ألف موظف

    النقل (ناقلات النفط)

    الاستكشافات الخارجية

    التعامل مع نواب مجلس الامة

    المواجهة السياسية

    المشتقات النفطية (شركة البترول الوطنية - إيكويت)

    التعامل مع أوبك

    الخ

    هل تعتقد أن فاروق الزنكى يفهم وعمل بكل ما سبق ؟؟

    أعتقد جوابك والله أعلم لأ

    إذن فهو ساقط بنظرك لأنه غير مختص بكل هذه التشعبات

    ما أدرى وضحت الفكرة ولا لأ

    عموما النفط صناعة

    من البئر حتى تسليم الشحنة وإستلام المبلغ المتفق عليه

    من يريد شراء مصنع فليس بالضرورة أن يكون متدرج بأعمال المصنع

    وأخيرا فى رئيس مجلس وزراء يختار الوزراء اللى يشوفهم مناسبين وليس بالضرورة أن يكونوا كاملين من جميع النواحى فالكمال لله وحده وهو وليس نحن من يتحمل نتيجة الاختيار


    وأعذرنى على الاطالة
     
  19. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    أحسن شي أن مو فاهم
    خل الناس تلعب علي كيفها

    وشنو سوى لنا الفاهم عشان نزعل على اللي موفاهم
     
  20. Q8_oil

    Q8_oil بـترولـي خـاص

    1,387
    0
    0
    كلامك أخي الكريم صحيح و لكن ليش نقيت فاروق الزنكي :) محد قال فينا إنه هو عنده مؤهلات الوزير !

    و لكن هناك مانجرية و دي أم دية عندهم المواصفات و من عيال النفط ( دهنا في مكبتنا )
     
جاري تحميل الصفحة...

مشاركة هذه الصفحة