سـؤال يا نفــط الخلـــيج ...؟

الكاتب : جونم جقرم | المشاهدات : 686 | الردود : 6 | ‏6 مايو 2008
  1. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    صبــاح الخير يا أخوان


    سؤالي بسيط

    1- وش الفرق بين نفط الخليج" الوفرة " ونفط الخليج " عمليات الخفجي " ؟؟

    2- ليه فيه تفاوت بين موظفي الشركتين حتي لو كانو بنفس الدرجة والمسمي الوظيفي ؟؟



    مجرد سؤال تهمني أجابتة

    وتقبلو مروري وسؤالــي
     
  2. حاطب ليل

    حاطب ليل بـترولـي نشيط جدا

    213
    0
    0
    أخوي جونم
    الفرق بين موظفي الخفجي والوفرة من وجهة نظري
    مبني على الوضع اللي كانوا عليه موظفي الخفجي والوفرة
    أيام شركة الزيت في الخفجي
    كان فيه نظام اتفق الطرفين الكويتي والسعودي على تطبيقه
    وكان فيه تفاوت في المسميات الوظيفية والدرجات وحتى الهيكل التنظيمي
    بين الخفجي والكويت
    ولما يت الشركة الكويتية لنفط الخليج
    وتمت سنتين تدرس نقل الموظفين الكويتيين اللي في الخفجي
    قعدوا يخمبقون
    وكانوا للأسف ما يشوفون أبعد من طرف خشومهم
    فتموا يحلون التفاوت اللي سبب مشاكل القريدات وعدم تساويها
    وغيرها من المشاكل بعين عورا
    حلوا المشاكل بمشاكل
    ومشاكلهم ما زالوا يحلونها بمشاكل
    وكل هذا لأنهم ما هم أصحاب اختصاص
    ولأنهم تصدروا أماكن صنع القرار بالواسطة
    وأكبر ما ممكن يصادفك معاهم
    إنك تدري إن شغلهم غلط
    وتبين لهم وين الغلط
    لأنك صاحب اختصاص
    ويتجاهلونه
    أو يطلعونك غلطان لا
    ويصدقونهم اللي في الإدارة العليا
    بس لأنه مو صاحب اختصاص يظن إنه بأنصاف الحلول والملفات المعلقة
    راح يصير فاهم
    هذي كل المشكلة
    من وجهة نظري
     
  3. جابر

    جابر قــلــم بــتــرولــي أعضاء الشرف

    حياك الله جونم جقرم ..
    فعلا ...مثل ماقال حاطب ليل ..أخطاء بالكوم ...
    الخفجى كانت تابعه لشركة الزيت العربيه ولها أنظمتها (يابانيه مع تعديلات سعوديه + تعديلات أخف كويتيه)
    الوفره كانت تابعه لنفط الكويت وقوانين كويتيه بالكامل
    لما ضمو الشركتين تحت مسمى نفط الخليج ..حاولوا يرهمون كل شى ..وطلعنا بقوانين مشوهه
    وموظفين (من الطرفين) حاسيين بالغبن ..والتفاوت فى كل شى ..
     
  4. الوليد

    الوليد بـترولـي نشيط جدا

    424
    0
    0
    كلام اخوي جابر صح
     
  5. على الدنيا السلام يا نفط

    على الدنيا السلام يا نفط بـترولـي نشيط جدا

    328
    0
    0
    الفرق بسيط انه احنا نفط الخليج عيال البطه السوده وبس
     
  6. cool_engineer

    cool_engineer بـترولـي نشيط جدا

    191
    1
    0
    مهندس
    الكويت
    الفرق كبير جدا
    الدرجات غير
    البدلات غير
    بدل الطريق غير
    حتى الدورات الخارجيه غير
    العلاج بالمستشفيات غير
    القروض غير بانواعها
    حتى سيارات الشركة غير
    ولاتنسى ان جدة غير:)
     
  7. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    الله لا يهينكم يا الربع علي الأجابة الشافية والكافية

    ولاهنتوو كلن بأسمه
     
جاري تحميل الصفحة...

مشاركة هذه الصفحة