سموم الابخره في النفط

الكاتب : engineera | المشاهدات : 1,068 | الردود : 11 | ‏29 أكتوبر 2007
  1. engineera

    engineera بـترولـي مميز

    626
    0
    0
    السلام عليكم

    اليوم الله يسلمكم كنت اتناقش مع الوالد عن القطاع النفطي والابخرة والمصافي واللي يتلهم جلطات وماتوا بسبت غاز السيانيد اللي موجود بشركه البيتروكيماويات وشنو كان يصير بالموظفين والاهمال والبلاوي وطبعا انا كنت جذيه :eek: وانا اسمع اخر شي جان يقولي الحين الوضع تعدل شوي والمصافي ارحم من مقبره النفط pic المهم قالي شغله غريبه انا ماكنت مصدقتها يقولوي الشركه كانت تعطي العمال حليب عشان الحليب مادري شيسوي بجسمهم ومثل يساعدهم انه يمتص السموم اللي موجوده بالابخره(هذا اللي قدروا عليه حليب)المهم وانا كنت قاريه موضوع واصلني بالايميل هم عن الحليب والصراحه شي غريب وانا لحد الحين مو عارفه شنو السر
    طريقة تنظيف الرئتين لدى المدخنين


    يغلى كاس حليب في قدر وكذلك يغلى كاس ماء في قدر آخر وعندما يصل كل
    منهما لدرجة الغليان يخلط كلا من الحليب والماء في قدر آخر ويستنشق
    البخار الناتج من الخليط لمدة 10 دقائق تكرر هذه العمليه لمدة 10 ايام
    متتاليه ستخرج جميع الاوساخ والسموم العالقه في الرئتين بجميع الوانها بطريقه
    مدهشه وكثيفه وبعد مضي فترة ال 10 ايام سيكره المدخن طعم السجائر
    وسيساعده ذلك في الاقلاع عن التدخين

    هذه الطريقه منقوله ومجربه
    من شخص عمل بها وبعد زيارة الطبيب
    اكد الفحص والاشعه ان صاحب
    الرئتين لم يدخن طيلة حياته


    اتوقع نفس المفعول بيكون حق العاملين في القطاع النفطي اللي عايشين بين الابخره والسموم والله المستعااااان:cool:
     
  2. فنطاسي

    فنطاسي بـترولـي نشيط

    53
    0
    0
    عليكم السلام
    الله يعطيج العافيه على الموضوع
    شركه البترول تصرف حليب وشاي وقهوه حق كل موظف شهريا
    علشان الغازات اللي نشمها خاصة غاز H2s (كبريتيد الهيدروجين) وهو العن الغازات
    ولكن الحليب ما يسوي شي عند هذا الغاز علاجه القبر
    والله يستر علينا وعليكم
    مشكووووووووووووووووره
     
  3. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    بالفعل الحليب يمتص غاز H2s بس مو حليب كرنيشن اللي يوزعونه ويا الراشن
    لكن في السابق سمعنا انهم كانو يوزعون حليب عادي وللحين اذا احد عندنا شم غاز زياده عن اللزوم على طول قوطي حليب:)
    عاد انا اقول لو يحطون عند كل وحده بقرتين ثلاث يكون افضل
     
  4. Mr. Engineer

    Mr. Engineer بـترولـي مميز

    662
    0
    0
    و الله إذا كان الحليب صج يمتص السموم، فأنا أنصح بدل ما يعملون حقن الماء water injection يسوون حقن الحليب milk injection في الآبار و يفكون روحهم من الـ H2S و غيره. لووووووووول :D

    شكراً على الوصفة، و الله بانصح أخوي المدخن بتجربتها و انشالله فيها فايدة.

    تحياتي
     
  5. dehen_3ood

    dehen_3ood بـترولـي خـاص أعضاء الشرف

    الله الحافظ إن شاء الله

    ودام الحيل بالحليب يا معودين حيلكم بالحليب

    شتسوون بعد؟؟؟ سوات الله أبرك :)
     
  6. engineera

    engineera بـترولـي مميز

    626
    0
    0
    حلوة حقنوا الابار بحليب..اي اوكي الحليب زين

    بس الشره على السيفتي اللي معداتهم غير صالحه للاستخدام ومن كمامات وبدل وقائيه..تدرون انه كل اللي اشتغلوا باللاب ماتوا بسبب جلطه الله يرحمهم والسبه الابخرة والسموم اهناك بعيد الشر عنكم على ايامه.. لو بامريكا واحد من الموظفين صار فيه شي جان اهو ولا اهله ارفعوا قضيه على الشركه وخذوا تعويض مليون مليونين مو احنا دار دره ودار مادره حسره على اهالينا ان صار بالموظف شي اهني قصوا عليه وطلعوا تقاعد طبي وعطوا جم دينار بدل الملايين اللي يقدر ياخذها منهم بسبب الاتعاب الصحيه والبدنيه والنفسيه والاجتماعيه
     
  7. bshmohandes

    bshmohandes بـترولـي نشيط جدا

    200
    0
    0
    حليب

    للبيع ابقار للعاملين بالقطاع النفطي جملة و مفرد لوووووووووووول

    ياجماعة اتغشمر مو صج
     
    آخر تعديل: ‏29 أكتوبر 2007
  8. Green Tea

    Green Tea بـترولـي مميز

    514
    0
    0
    الحليب وايد زين ومعروف انه يوخر السموم بالجسم نصيحتي للي يشتغلون بالحقول لازم على نهاية الدوام قلاص حليب:) والله يحفظكم من كل شر
     
  9. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    فعلا سمعت هذه المعلومة


    لكن طريقة الأخت المهندسة اللي جاءتها بالايميل


    أعتقد انها يبيلها اثبات علمي

    ومن هنا أنصح جميع الزملاء والزميلات أنهم لا يجربون أي شيء يجي بالايميل

    الا اذا كان هناك بحث علمي لهذا الشيء ..لأن البعض ممكن يكون عنده حساسية من هذه المادة


    أو يؤثر على وظيفة ثانية في الجسم لذا لابد من الاثبات العلمي أو الاثبات النبوي


    أما عن طريق التجربة دير بالكم

    [​IMG]
     
  10. engineera

    engineera بـترولـي مميز

    626
    0
    0
    بس يا وسام لو مضر جان ماعطوه حق العمال في النفط!!!ماتوقع يضر انشالله وان مانفع ماراح يضر ويالله همتكم يا هندسه الكيميائه سولنا search في الموضوع
     
  11. مختبرجي

    مختبرجي بـترولـي نشيط جدا

    196
    0
    0
    KOC
    اي والله اي والله
    الله يستر علينا وعليكم شنسوي هذي لقمة العيش
     
  12. engineera

    engineera بـترولـي مميز

    626
    0
    0
    الله يعاينكم ويصبركم
     

مشاركة هذه الصفحة