هل صحيح القضيه المرفوعه حق كادر المهندسين تكنسلت!!

الكاتب : المهندس | المشاهدات : 1,009 | الردود : 10 | ‏28 أكتوبر 2007
  1. المهندس

    المهندس بـترولـي خـاص

    1,305
    8
    0
    في واحد في المنتدى يقول انهم تنازلوا عن القضيه المرفوعه لكادر المهندسين ليتم اقرار الزياده!!! صحيح هذي امعلومه!!! افيدونا جزاكم الله الف خير
     
  2. Instrument

    Instrument بـترولـي نشيط جدا

    339
    0
    16
    Instrument
    K.O.C
    أنسحبت و لا ما أنسحبت


    ترا جزء من الزياده ،، علاوه تشجيعيه


    و العلاوه التشجيعيه هي جزء من الكادر ،،،


    ف علشان نغسل ايدنا من الكادر حطو هذه العلاوه


    ما كو فايده من الكارد اذا اقروا الزياده


    و نبي الفايد حق الكل الصراحه

    اذا كان الكادر الي يستفيد منه فئه معينه ما نبيه

    نبي الكل يستفيييييييييييييييييييييييييييييد
     
  3. نفط الكويت

    نفط الكويت بـترولـي نشيط جدا

    183
    0
    0
    نعم تكنسلت و بتوقيع جميع النقابات و الثمن الزياده العامه يعني يا مهندس بل شهادتك و اشرب مايتها للاسف .
     
  4. Q8_oil

    Q8_oil بـترولـي خـاص

    1,387
    0
    0
    و الله يا جماعة أنا بنفط الكويت و أمس كنا قاعدين مع عضو بالنقابة و قال بأن النقابة لم و لن تتنازل عن كادر المهندسين و راح تطالب فيه و لكن أول شي خل تمشي الزيادة العامة و بعدين بكون في كادر ليس للمهندسين فقط و لكن لمجموعة من الوظائف و راح تتراوح ما بين 100 - 300 دينار و راح تكون تحت بند بدل مسمى و لكن يبيلها وقت شوية و لكن إن شاء الله
     
  5. المهندس

    المهندس بـترولـي خـاص

    1,305
    8
    0
    اخي العزيز لولا مطالبه جمعيه المهندسين في الكادر كان ماجاتك هاذي الزياده- الشكر لله ثم لجمعيه المهندسين :)

    وانشالله يوقفووووووون الزياده زيييييييييييييييييييييين :)
     
  6. فيصـل الكندرى

    فيصـل الكندرى بـترولـي جـديـد

    32
    0
    0
    مهندس
    نفط الكويت
    اول شى القضيه مرفوعه من نقابة المؤسسة فقط -جزاها الله خير- لا جمعية المهندسين سوت شى ولا غيرها من النقابات لها شغل بالموضوع ... موضوع سحب القضية يرجع الى نقابة المؤسسة فقط ..

    القضية ما تكنسلت ... الاتفاق كان بين نقابة المؤسسة والادارة ان اذا انزلت الزياده (كامله) بحسابات الموظفين راح يسحبون القضيه ... وبعدها اذا تفكر جمعية المهندسين او غيرها انها ترفع قضيه فالساعة المباركة ، وهذا المفروض يكون قبل سنه ونص (صح النوم)

    الكادر تفرغ من نص محتواه تقريبا ... العلاوة التشجيعية وبدل طبيعة عمل صارت من ضمن الزياده العامة ... وباقى بدل موقع وبدل مستوى وظيفي


    جمعية المهندسين مع الاسف ما كان لها دور نهائيا بالزياده (كادارة جمعية) يمكن اجتهادات من بعض الشباب.
     
  7. Mr. Engineer

    Mr. Engineer بـترولـي مميز

    662
    0
    0
    يبا لعبوها صح يعني حتى إذا رفعت قضية و ربحت فلنراجع الكادر:

    العلاوة التشجيعية ==> جزء من الزيادة الجديدة
    بدل طبيعة عمل ==> تم تعديله كجزء من الزيادة الجديدة
    بدل الموقع ==> يقابله بدل الطريق الموجود حالياً

    يبقى فقط بدل المسمى الوظيفي،

    مما يحبط أي محاولة للمطالبة بالكادر.

    كان يجب أن تكون الزيادة كلها على الأساسي.

    و لكن لا نقول إلا حسبنا الله و نعم الوكيل
     
  8. فيصـل الكندرى

    فيصـل الكندرى بـترولـي جـديـد

    32
    0
    0
    مهندس
    نفط الكويت



    جزاك الله خير .. كلامك عدل

    الهدف من العلاوة التشجيعيه في الزياده انها تشمل الكويتيين فقط وانها تفرغ الكوادر كلها من بند العلاوة التشجيعيه في حال اقرارها من المحكمه ..

    والمشكله ان العلاوة التشجيعيه ما تقدر تغيرها لان ديوان الخدمه ما يمشى على مسمى العلاوه انما يمشى على مضمونها ومحتواها وهدفها .. فلو غيرنا اسمها حق علاوة نفطيه مثلا ما راح يقبل الديوان انه يرجع العلاوه التشجيعيه على الكادر لان هدف العلاوة انها "تشجيعيه للكويتيين العاملين بالقطاع النفطي"

    بس اختلف معاك في "بدل موقع" وهذا البدل تكلمت فيه مع الاخ/عبدالعزيز الزبن شهر 3 اللى فات بحضور مستشاره والاخ/ عبدالوهاب الكندرى -عضو نقابة المؤسسة، وقلناله ان بدل الطريق عباره عن بدل نقدى عن الوقت اللى يتطلبه خروج الموظف من المنزل عشان يوصل الدوام بالوقت المحدد (الساعه7) والوقت اللى يضيع من يوم الموظف نتيجه خروجه من العمل للوصول الى المنزل .

    اما بدل موقع فانا لي مقر عمل (بالروضتين - المناقيش- البرقان) اخرج منه لمواقع عمل بالحقول دار مدار مقر عملي الرسمي ( موقع مشروع - سنتر - ريق.. الخ) .. وضحت الصوره عنده وطلب ان ادارة المؤسسة ترسل هذا التوضيح عشان يكون رسمى ويقر هذا البدل للقطاع النفطي.

    وبالفعل كلمت الرئيس(فاروق الزنكي) وشرحتله الموضوع بس توقفت السالفة لما رفضت اقبال الغانم تطبيق الكادر واقرت الزياده للكل ..
    هذا للتوضيح .. ومشكور اخوي
     
  9. جابر

    جابر قــلــم بــتــرولــي أعضاء الشرف

    يعطيك العافيه أخ فيصل على التوضيح
     
  10. فنطاسي

    فنطاسي بـترولـي نشيط

    53
    0
    0
    الله يعطيكم العافيه كلكم
    المهم توصل الزياده ونخلص من هالسلفه
    مشكورييييييييييين
     
  11. Q8_oil

    Q8_oil بـترولـي خـاص

    1,387
    0
    0
    مثل ما قالوا الإخوان بأن الزيادة كانت عبارة عن مسميات أخرى منها علاوة تشجيعية و إللي راح تتضمنها الزيادة القادمة و لكن الكادر بهذه الحالة بكون تحت بند بدل مسمى و واصلني كلام من أكثر من شخص إن شاء الله بتكون ما بين 100 - 300 دينار و لكن السالفة يبيلها وقت
     
جاري تحميل الصفحة...

مشاركة هذه الصفحة