ليش القبليه كسحت أغلب وظفي هذا القطاع

و الله هذا الموضوع ماله حل إلا إن الواحد يفكر و يعمل لمصلحة الجميع


بس اغسلي ايدج تصير ...

كل واحد يبي جمعاته ..


و ماشيه الأمور على جذيه ,,

 

والله مادري صح انه في قبايل في الاقسام بس الصراحه ماشفت احد تعامل بقبليه معاي انا شخصيا وانا انسانه حدي ماعترف بهالسوالف وهالشي معروف عني والكل يسوي شغله ويتعامل عادي ...ومومعناته اذا كانت الاقسام فيها قبليه انه الوسطات اتزيدوهالسوالف وبعدين انتو شعليكم اذا شغلكم ماشي وكل اللي تبونه يصير !!!ولا اهو موضوع وخلاص!!

 

والله العظيم الكلام كله صحيح 100% والكل يدري انه الي صاير غلط بس الوضع العام يجبر الكل انه يمشي بهذا النظام والي يمشي على حسب القانون يقولون عنه ماعنده سالفه!!!!!

 

الاخت فرفوشه انتي انتقلتي من المكتب الرئيسي الى المصافي يعني من المناطق الداخليه الى المناطق الخارجيه,,فشي طبيعي تشوفين القبليه,,لكن بالنسبه لقطاعنا احنا مانحط اللوم على القبليه فقط ,,لا ,,فيه طائفيه وفئويه وقبليه وكل اللي تغلب به العبه .
والله المستعان لان التعصب مايجيب الا البغض والمشاكل ,,

 

75% من شعب الكويت قبائل - شنو راح تتوقعووون يعني--- عالعموم الوظائف الدنيا للقبائل اما الوظائف العليا لمن!!!!!!؟ هذا اسؤل

 

أذا كان في شي يزعل فهو هذا الوضع اللي زاد عن حده القبلية والطائفية مشكلة من مشاكل الكويت الكبيرة مو بس بالقطاع النفطي وأذا تبون تشوفون الوضع بوضوح شوفو موظفين أوسكو اللي أنا أسميها شركة نزوة شركة أنشئوها وهي مالها داعي وظفوا فيها 5 أضعاف المطلوب يعني حلو مشكلة جيل (الله يوفقهم) وقضوا على مستقبل 4 أجيال قادمة والكل يعرف السبب

 

فرفوشه هذا الواقع في جميع الوزارات بس المفروض انه الجميع يشتغل حق مصلحه البلد
ولا يكون فيه تحيز ............. والمشكله الاساسيه هي الواسطه اذا استعملت غير صحيح
مشكووووووووووووره

 

كلمة حق يراد بها باطل

 

انا اشهههههههههههههههههههد

 

:d

مشكله العذال

 

مو شى جديد إختى، لكن ترى مو قبليه وبس فيه بعد مذهبيه واللى مالهم فى هذا ولاذاك راحو مع حزب معين ..طريقة توزيع المناصب العاليه سواء بالبترول أو الوزارات .. خاضعه للعمليه الحزبيه أكثر منها للقبليه أو المذهبيه..
هذى حال البلد فى ظروف تنعدم فيها المعياريه لإيجاد الموظف أو الشخص الأفضل فيصبح "كل من صادها عشاها عياله" شعار صالح للتطبيق

 

ياجماعه انا اقول ان الكلام في هالمواضيع تسبب بعض الحساسيه
هذي وجهة نظري

 

اييييييييه

انا ما اقول الا حسبي الله على اللي كان السبب

 

لايغير الله مابقوم حتى يغيرو مافى انفسهم

 

إخواني الكرام ... و أختي فرفوشه ...

الشلليه ظاهره موجوده في كل مكان في المصافي و في جميع

الوزارات و المؤسسات و الشركات ... و هي ليست حكرا على القبلية ...

بل نلاحظ أن بعض الأماكن تبقى حكرا على أبناء بعض العائلات ... و كأنه لا يوجد

في البلد كفاءات إلا عندهم ...

و طبعا هناك شلليه وواسطه لإعطاء الحق لصاحبه ... و هذه محموده و مطلوبه ...

كما أن هناك شلليه وواسطه لتنفيع البعض على حساب الآخرين ... و هذه مذمومة ...

و لكنها و لله الحمد ليست بالصورة التي تصورونها ... فهي محدودة ...

و أنا شخصيا أعرف العديد من أبناء القبائل ... سواء من البدو أو الحضر ... ممن يتبوأوون مناصب

قيادية في المصافي و لا توجد عندهم أي ذره من العنصريه ... بل بالعكس ...نجدهم عادلين و الأغلبية تشكرهم ...

 

صباح الخير ... انا أشوف يا إخوان ان الموضوع ماله أي داعي ... لأن اذا واصلنا بالنقاش راح نوصل الى طريق مسكر ... وراح نقول أشياء مالها داعي ... ويا ليت نسكر الموضوع مع احترامي لكاتب الموضوع

 

الموضوع عادى لا حساسيه ولا شى ، مجرد النقاش يقربنا من بعض أكثر من ما يفرقنا ..حتى لو شعر بعضنا ب "عدم الراحه" من هالمواضيع ...والحمدلله المناقشه كانت كلها "داخل" حدود اللياقه وما إنقال شى غلط. أما عن الطريق المسكر ، ما أعتقد عندما طرح الموضوع كان مطلوب أكثر من مشاركه برأى ... يعنى شدعوه لو عندنا حل فيه عندنا صلاحيه نطبقه .. وسلامتك