تفاءلوا بالخير تجدوة

الكاتب : ثامر الخالدى | المشاهدات : 797 | الردود : 12 | ‏28 أكتوبر 2007
  1. ثامر الخالدى

    ثامر الخالدى بـترولـي نشيط جدا

    393
    0
    0
    السلام عليكم ورحمه الله وبركاته

    هذى اول مشاركه لى فى المنتدى يعنى للحين فرش بس اللى ملاحظه ان المنتدى كله شكاوى وانتقادات

    والكل مهموم مع ان احنا ولله الحمد احسن من غيرنا .

    زبده الكلام محتاجين نستفيد من بعض... الا بخبرته واللى بتجاربه ز

    وفيه نقطه مهمه كل واحد لابد ان يهتم بشغله وعمله أول شى ويحاول يطور من نفسه ولا يقول ظلمونى

    والا ما عطونى حقى والا ما يستاهلون الشغل ...لان أولا واخيرا الشغل لك ولعيالك ...وثانيا الفايده بترجعلك

    الحين وفى المستقبل ...

    قريت مشاركه لاحدى الاخوات تسأل اذا خلص النفط ...شنسوى أقولها ما اراح تسوين شى أكيد اذا انتى ما

    تعلمتى شى ...بمعنى اذا انتى راح تنطرين الحكومه تدبرج فانتى للحين ما تعلمتى شى لكن ان كنتى تمكنتى من شغلج واستفدتى من خبرتج فألف شركه تحتاجج.

    هذا رأييى وشكرا

    :)
     
  2. Shoomy

    Shoomy بـترولـي خـاص

    مشكور ياخوي يابوفهد

    اي مومشكله انا اتعلم بس اذا النفط خلص ماكو فايده من الشركات النفطيه

    شنو اشتغل ؟؟ بير؟؟ ولا حفاره؟؟

    والله جد اتكلم وخصوصا مهندسين البترول هذول صج شيسووون؟؟



    اي نسيت ... حياك الله بين اخوانك وخواتك وزاد نور المنتدى بوجودك مع باقي الاعضاء
    انشالله تستفيد من المواضيع وتفيدنا معاك

    تقبل مروري وتحياتي لك

    اختك / شـــومـــي
     
  3. المهندس

    المهندس بـترولـي خـاص

    1,305
    8
    0
  4. الفاروقي

    الفاروقي موقوف

    22
    0
    0
    كلام عقل بارك الله فيك ياابوفهد
     
  5. dehen_3ood

    dehen_3ood بـترولـي خـاص أعضاء الشرف

    يا هلا فيك اخوي بوفهد وحياك الله معانا
    تشرفنا بمعرفتك وأسعدنا انضمامك الكريم
    مع اطيب التمنيات لك بقضاء وقت ممتع ومفيد
    ويا مال العافية على هالكلمات الحلوة
    بداية موفقة وبانتظار جديدك :)
     
  6. ثامر الخالدى

    ثامر الخالدى بـترولـي نشيط جدا

    393
    0
    0
    أشكر جميع الاخوان والاخوات اللى شاركونى فى الموضوع ومساهمتهم الجميله

    واتمنى من الله انه يحفظ الكويت واهلها من كل مكروة
     
  7. الغالية

    الغالية بـترولـي خـاص

    1,035
    0
    0

    الله يعطيك العافيه على هالكلام الحلو واللي يفتح النفس :)

    يا جماعة الخير .. الناس اللي تفكر صح .. تستفيد في كل دقيقة من وقتها .. من كل شي !

    يعني كل واحد يسأل نفسه هالسؤال :
    هل انت نفس الشخص اللي توظف في هالشركة من كم سنه ؟!!

    لا بد انك اكتسبت ولو القليل من الفائدة !!

    عندنا موظفين وايد احصلت لهم فرص وظيفية ممتازة خارج الشركة سواء داخل الكويت أو خارجها ...
    منهم اللي قبلها وطلع من الشركة .. ومنهم اللي رفض (خصوصا اللي برا الديرة) !!

    مع التحية والتقدير للجميع :)

     
  8. Export_Doc's

    Export_Doc's بـترولـي خـاص أعضاء الشرف

    2,561
    0
    0
    مشكور بو فهد و ماقصرت كلامك حلو بس اتشوف الغلط و تسكت عنه مايصير والله ميخالف الواحد يحمدالله على الي هو فيه بس نطمح للاحسن لصالح البلد بس اصحاب القرار مايبون هالشي ما اقول الله كريم و حافظ ديرتنا و الناس الخيرين فيها بدعواهم
     
  9. مختبرجي

    مختبرجي بـترولـي نشيط جدا

    196
    0
    0
    KOC
    حياك الله اخوي بوفهد
    انا بالنسبه لي اشتغل على اكمل وجهه واذا ظلموني لا ما اسكت لهم وهم راح اظل اشتغل مثل الاول يعني الظلم ماراح يخليني ما اشتغل بس اني ماراح اسكت عليه .
    وشكرا وهذي وجهة نظري
     
  10. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أخوي بو فهد ياسمي وباسم أعضاء المنتدى ومشرفين نرحب بك

    يعلم الله انا نفرح بانضمام أي عضو من زملائنا الى هذا الركب الطيب


    لكن لابد من توضيح الأخطاء التي لا تصل الى المسؤولين

    من يوم توظفنا بالشركة ماوصل ولو مرة واحدة مسؤول من المسؤولين .. وسال الموظفين ماهي المصاعب التي تواجهكم

    ماهي المشاكل التي تحتاج لحل حتى يعمل الموظف بثقة نفس .... واخلاص وعطاء .. أهم أسباب التي تجعل الموظف والموظفة

    أن تزيد انتاجيته هو توفير سبل الراحة في العمل ..والاحساس بالتمييز... في كل الأمور .... لأن كما تعلم ...ان القطاع النفطي من أ صعب

    وأشق الأعمال في البلد وهو قطاع مميز عالميا ...ومن أطول القطاعات ساعات عمل .... ومن أكثر القطاعات انتاجية للبلد ...؟؟؟؟

    ومن أكثر القطاعات التزام بمواعيد العمل ...؟؟؟


    بعد كل هذا تجد أنك غير مميزأسوة بالقطاعات الأخرى سواء على مستوى البلد ...أو مستوى القطاع النفطي الخليجي ...أو المستوى العالمي

    أعتقد هذا راح يسبب احباط للموظفين ..واضافة لهذا ظلم المسؤولين للموظفين وتسلطهم عليهم ..وعدم مراعاة لظروفهم ؟؟؟

    وعدم مكافأة المجتهد وتميزه فضلا عن أكل حقوق الموظفين وكتمها وهناك الكثير من الميزات التي لا يصرح بها المسؤولين للموظفين وتعتيم اعلامي عنها من قبل المسؤولين

    لهذا أنت أبديت رأيك وقلت ليش كثرة الشكاوي هذا ان دل اما يدل أنك في مكان تشعر فيه بالراحة ولا تشعر بالطبقات الكادحة

    أو أنك مسؤول من المسؤولين


    وعادة اخواننا المسؤولين انهم يعيشون حياة الترف في العمل ومن مكتب الى مكتب واجتماع الى اجتماع ومن بلد الى بلد ومن كورس الى كورس .... فكيف يشعر بمن تصيبهم حرارة

    الشمس

    وسهر الليالي .. والبعد عن الأهل فترة الليل ... والانقطاع عن المجتمع أشكرك أخوي بو فهد وأعتذر اني اعترضت لبعض كلماتك


    لكن لابد من البيان

    أكبر مشكلة نعاني منها في القطاع النفطي العيش من أجل الأنا


    يعني مبدأ أنا وما بعدي الطوفان

    [​IMG]


    [​IMG]
     
    آخر تعديل: ‏30 أكتوبر 2007
  11. جابر

    جابر قــلــم بــتــرولــي أعضاء الشرف

    :D حلوه .بير؟؟ ولا حفاره؟؟. لكن بو فهد معاه حق ، انا أعرف جامعيين دشوا شعلة من النشاط وبعد كم سنه إنطفت نارهم ،يعنى يداوم ويقرأ جرايد ويروح البيت ،طبعا مو بكيفهم ، ولكن عجبهم الوضع السايب وأدمنوه وهالحين بعد أكثر من 15 سنه لو تسأل الواحد منهم أى شى بدائرته مايعرفه. القصد لا تكاسل حتى لو ظلمت سو اللى عليك وطالب فى شباب بدوا يتجهون لإكمال دراستهم العليا فى تخصصات إداريه ولها علاقه بالتطوير والتدريب . خارج التخصص الهندسى ...بعضهم قاعد يبنى فى resumee شوى شوى عن طريق كورسات معتمده... مع إنه يدرى إن الشركه ما راح تزيده حتى عشر دنانير ..لكن "sharpen your blade" يمكن تحتاجها .

    وسامحونا على اللغه :D
     
  12. frfosha

    frfosha بـترولـي مميز

    753
    0
    0
    نشكر أخونا بو فهد على هالاطراء الجميل وانشالله الكل يكون مستفيد في مجال عمله واذا خلص النفط ماكو الا مطعم أم خماس بس الكويتي طبعا وراح أعزمم عليه
     
  13. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    لا خلص النفط
    بنحمد الله ونشكره
    وارزاقنا مقدره ومكتوبه
    والحمد لله علي نعمه علينا
     
جاري تحميل الصفحة...

مشاركة هذه الصفحة