مو قاعدين نشبع نوم ... شل الحل؟ رايكم

الكاتب : حاطب ليل | المشاهدات : 906 | الردود : 12 | ‏26 ابريل 2008
  1. حاطب ليل

    حاطب ليل بـترولـي نشيط جدا

    213
    0
    0
    ياجماعة
    خاصة اللي يداومون بأماكن بعيدة
    واحنا أهل الخفجي منهم
    شل الحل للنقص في الساعات اللي مخصصة للنوم؟
    آنا شخصياً أنام الساعة 11 تقريباً
    وأقعد للصلاة من فضل الله
    وعقب الصلاة
    النومة كأنها مبيوقة
    أتعوذمن ابليس
    أركب السيارة
    قهوة
    وشيلات وتسميع وصراخ
    لين أوصل للخفجي
    ولا صارت الساعة 8
    8.30
    أغفي وآنا اشتغل على الكمبيوتر
    والردة من الدوام
    هم تسميع
    وشيلات
    وصراخ على ما أوصل البيت
    الساعة 4.30
    عقب استقبال اليهال
    تحس إن التعب راح
    بضحكة ... بسالفة ... بشكوى من واحد على الثاني
    طار النوم
    اللي عنده وصفة تنفع للي بمثل حالتي
    وأتصور إنهم كثيرين
    لا يبخل علينا
     
  2. HaZzAa

    HaZzAa بـترولـي نشيط

    72
    0
    0
    K G O
    KuWaIt
    السلام عليكم و رحمة الله و بركاته

    يعطيك العافية أخوي الغالـــي // حاطـــــب ليـــل ..

    و ما تفضلــت بـه مشكلــة تواجــه أكثــر الشبــاب ..:(

    و كأنك تصـف حالـــي أياااام الصيــف ..:rolleyes:

    و أكبر مشكلة عندي إني ما أعرف أنااام بالليل مبجـــر :)

    و سالفة الرجعــة العصــر سالفتهــا سالفــة ..:)

    ما يبقـى شريـط أناشيـد .. إتصل بالبيت و بالوالدة .. بس أطيـر النووومه :D

    إمـا الصبــح .. فأخبااار و تقاريــــر BCC :cool:

    كان الله في عون الجميع ..

    و ربي يحفظ الجميع من شرور هالحوااادث و هالمشاكـــل ..

    أشكرك أخوي العزيز // حاطــب ليـــل على هذا الطــرح .. اللي غيرت فيه الجو بالقســـم :):)

    و مـع أطيــب الأمانــــي ..:)
     
  3. عمليات الخفجي

    عمليات الخفجي بـترولـي نشيط جدا

    349
    13
    18
    افضلك

    تسكن بالخفجي وترتاح نفسيااا .. انت واهلك

    فالحمدلله الخفجي فيها كل شي مدارس العيال و سوبر ماركات ..

    وخصوصا سكن عوائل الموظفين .. ارتاح فيهااا ولا جاء الاربعاء روح انت واهلك للكويت


    تحياتي
     
  4. الشيبة

    الشيبة بـترولـي نشيط جدا

    233
    0
    0
    إشترلك فان وحطلك سايق ونام على كيفك طوووول الدرب ........
     
  5. حاطب ليل

    حاطب ليل بـترولـي نشيط جدا

    213
    0
    0
    خوش اقتراحات
    الأشرطة ممتازة بس مو على طول تنفع
    والاتصال مو وقته
    توهم متغدين بالعافية ومقيلين
    بالنسبة للسكن في الخفجي ما أتصور أقدر
    مع كل التقدير والاحترام لأهل الخفجي
    أما سالفة السايق
    حلوة
    بس إذا نام السايق؟
    بغت تصير مرة مع باص الشركة تدري؟
     
  6. جابر

    جابر قــلــم بــتــرولــي أعضاء الشرف

    مرت علينا أيام ...كنا نخطف ساعه ننام فيها بالمسجد ..
    وأتذكر فيه شباب (يطلعون) بره وينامون ..
    بس اللى دوامه صعب والعين عليه كل دقيقه ..
    ماله إلا يجى بالباص ..والباصات هالحين حلوه Vip
    والله يكون فالعون .
     
  7. على الدنيا السلام يا نفط

    على الدنيا السلام يا نفط بـترولـي نشيط جدا

    328
    0
    0
    الله يعينك وعينه بعد بس في عندك حل يمكن يساعدك انك اتشوف واحد يروح معاك بالسياره عشان اتسير طقه وباص مره ترتاح انت ومره اهو

    او الله لايهينك سكليف مو طبيعي اخر يومين انته بالعسل
     
  8. جابر

    جابر قــلــم بــتــرولــي أعضاء الشرف

    فيه شباب ..أعرفهم ...تقاطوا بسياره وشروها ..وكل يوم مع بعض ..:D

    وكان مطروح حتى موظف بالشركه (بو هناّد) يجيبهم ويوديهم ويعطونه (1000) ريال بس حسوا إنها راح تصير حوسه وبطلوا :eek:

    هالحين سايقهم منهم وفيهم :D
     
  9. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    أنا وأعوذ بالله من كلمت أنا أتصل وأنا راجع على الوطنية واقعد أهذر معاهم ربع ساعه اسأل عن العروض الا النومه شبه طايره
    وبعدين اكلم الوالدة الله يحفظها عن صحتها وحالها وطبعا تدخل في سوالف طويلة غمض فتح أنت بالبيت

    هذي طريقتي والله يحفظكم
     
  10. حاطب ليل

    حاطب ليل بـترولـي نشيط جدا

    213
    0
    0
    كل الشكر للجميع
    حلوة اقتراحاتكم
    وبالأخص
    سالفة السك ليف آخر يومين
    يا على الدنيا السلام
    بس ما أحب أتمارض
    كلما تمارضت مرضت من جد
    وسالفة الوطنية
    من واحد فاهم
    وموضوع الجمعة والحطة ممتازة
    ومشينا عليها فترة
    بس تطشروا الشباب من غير شر
    وتميت لحالي
    على العموم كل الأفكار حلوة
    والباب مازال مفتوح
    كل الشكر
     
  11. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    في حبوب اسمها كبتي مادري مسموح فيها ولا لا ؟؟

    مالك الا الرد بول ولا بور هورس
    وسلملي على الطريق
     
  12. حاطب ليل

    حاطب ليل بـترولـي نشيط جدا

    213
    0
    0
    كبتي؟
    مو هذي اللي كل شوي طالع فيها بيان من وزارة الداخلية
    بإعدام ناس مهربينها؟
    ما ني متاكد
    بس الرد بول
    قاعدين يحذرون منه الأطباء وأخصائيين التغذية
    ومن المشروبات اللي تشبه له
    جربتها بصراحة
    بس ماني متطمن لها
    ألف شكر على مرورك أخوي واحد فاهم
     
  13. التائب لربه

    التائب لربه بـترولـي جـديـد

    20
    0
    0
    يا إخوان أنصحم بإذاعة القرآن الكريم الكويتية و السعودية

    اذاعة الكويت فيها برامج روعة من بعد صلاة الفجر و هي برامج متجددة و شيقة ومنها تباشر الصباح
    اذاعة السعودية عندهم قراءات روعة يااا الله قراء الحرم على الصبح ولا أروع غير برامجهم الدسمة بالعلم
    تحذير: لا تحطة على اذاعة السعودية الساعة 7 بالضبط نشرتها الإخبارية مزعجة و تغثك على هالصبح انتظر بعد 7:20

    ولكم مني أفضل تحية
     
جاري تحميل الصفحة...

مشاركة هذه الصفحة