خافوا الله يا ناس !!

الكاتب : RUSTY F | المشاهدات : 961 | الردود : 8 | ‏24 ابريل 2008
  1. RUSTY F

    RUSTY F بـترولـي نشيط

    58
    0
    0
    شرايكم في اللي صار مع إخواننا الأجانب ؟؟
    فعلا الموضوع غريب وآلمنا وكان المفروض الشركه تراعي حقوق الناس وتخاف الله فيهم الإخوه الأجانب من حقهم تزيد رواتبهم حالهم حال إخوانهم في باجي شركات مؤسسة البترول لكن شركتنا للأسف تجاوزت قرارات المؤسسه بالخطوه هذي وراح تلقى معارضه على هذا القرار من الكويتيين قبل الأجانب لأنهم في النهايه زملاء وإخوان في نفس مجالات العمل الكل يعاني من ضعف الرواتب مقارنة في باجي مؤسسات الدوله والتعب عندنا في الدوام ضعف التعب في أي وظيفه أخرى واللي يمشي علينا يمشي عليهم وأشد على يد الإخوان في النقابه وإتحاد البترول في أي خطوه يتخذونها لمناصرة الإخوه الأجانب إلى أن يرجع الحق لأصحابه .. والله فرحتنا ما كملت في الكادر لما شفنا الحسره على ملامح زملاؤنا الأجانب ودنا الكل يستفيد بدون إستثناء وهالكلام والله مو مجامله لكنه إحساس صادق ومتأكد إن جميع الإخوان الكويتيين يشاركوني فيه ..
    أقول خافوا الله فيهم .. الناس مالها ذنب في تخبط القرارات وأقول حسبي الله ونعم الوكيل على من كان السبب يلاقيها عند رب العالمين .. ودمتم
     
  2. بايب رينش

    بايب رينش بـترولـي نشيط جدا

    180
    0
    0
    السلام عليكم

    انا معاك قلبا وقالبا خصوووصا وانهم يداومون نفس دوامنا ويقومون بنفس اعمالنا ولازم يتم انصااافهم
    اتمنى من كل شخص يقدر يعمل اي شيئ لهم يفعله
    حتى ولو بالدعاء
    يا اخوان ترى الله يحب العدل ولذلك تسمى به

    واوجه ندائي الى الكبير والصغير
    من رئيسه ومدراء ونظار

    ودمتم
     
  3. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم ورحمة الله وبركاتة

    مرحبا بالجميع

    انا اعتقد هذا الموضوع يهم الكويتيين قبل الاجانب.... لماذا؟


    شركتنا مقارنه بالشركات الاخرى التابعة لمؤسسة البترول الكويتية هي المتصدرة في ظلم الكويتيين في التقارير

    السنوية واخواننا الاجانب لايقع الظلم لهم لان تقاريرهم السنوية على الاقل جيد جدا فهي عملية توازن .


    وليس كل الاقسام تكون بهذا الشكل . فكلما قل عدد الاجانب في القسم زادة نسبة التقييم للكويتيين


    والشركات الاخرى الكويتي تقييمة السنوي متساوي مع الغير كويتي واحيانا كثيرة اكثر من الاجنبي


    وبالنسبة لغير الكويتي في كل الاحوال راضي طالما يتمتع بالمميزات مثلة مثل اي كويتي وان زاد شيء بسيط

    للكويتي فهو ابن البلد .


    واشكر كاتب الموضوع على طيبة قلبة وحرصة على الزملاء الاجانب


    السؤال الذي يحدد موقفي الشخصي ويجعلني ادافع عن زملائي الاجانب في حال تعديل اوضاهم مثل باقي الشركات


    هل التقييم السنوي للكويتي سيخرج من دائرة الظلم ؟


    لايخفى علينا اسباب هذا الظلم ظلم التقارير السنوية السبب الرئيسي الاجانب لان الادارة تريد تعويضة عن مايخسرة

    مقارنه بالشركات الاخرى.

    والله يا اخون اتمنى من كل قلبي لاخواننا الاجانب ان يأخذو حقوقهم كاملة


    فاخذهم لحقوقهم هو ارجاع لحقوقنا.




    وتقبلو تحياتي
     
  4. عامل

    عامل بـترولـي نشيط

    65
    0
    0
    عامل
    كويت
    الظلم يوم القيامه ظلمات

    ما أعرف اللي معطي الشركه او مخولها في عدم صرف الزيادات لأخواننا الغير كويتيين .. وهذا ظلم لا يرضاه رب العالمين ... يا مها ملا حسين الظلم يوم القيامه ظلمات ... خافي الله في الناس كويتي او غير كويتي .. هذا جزاء من يعمل الليل والنهار لخدمة الشركه وتطورها .. هذا الجزاء ضرب الوجه وسلب الحقوق .. يا ناس خافو الله يا مسؤولين .. خااااافو الله ... ​
     
  5. يورياوي

    يورياوي بـترولـي مميز

    688
    0
    0
    q8
    اخوي بوشنب المعاشات يصرفونها وين مايبون كيفهم هذا تعبهم ويستاهلون يساوونهم بالشركات الزميلة
     
    آخر تعديل بواسطة المشرف: ‏26 ابريل 2008
  6. العدل

    العدل بـترولـي جـديـد

    18
    0
    0
    الاخ عامل هدى اعصابك بعد انت الموضوع قانونى من المؤسسه يعنى الجماعة يمشون على حسب القانون والرئيسة مها ملا حسين قانونية بحتة ولا تبى تعاملكم حسب القانون
     
  7. يورياوي

    يورياوي بـترولـي مميز

    688
    0
    0
    q8
    انت تكلمت علي ورديت عليك بلا تعليق
    لكن ليش تفضح نفسك وتدافع عن الشركة تبي تبرر مواقف لناس غيرك مو هامينهم الاجانب والا تبي تسوي اكشن بالمنتدي وعلي فكرة الدخانية اذا مو عاجبتك لاتقعد فيها والا انت مشتهي ومستحي . وبعدين مو احنا اللي نروح لأم بدر ونسوي اضراب في نقابة هي المخولة بهالشي لاتحور الكلام بكيفك .واخيرا هالاجانب فيهم ناس تستاهل كل خير وهالاجانب مضبطينك طول السنه والشغل عليهم ولاتكلم وايد علشان لاتفضح نفسك فلا ناخذ حقهم ونقول بسنا تعاطف واتقي الله في الناس علشان ربك يوفقك .
     
  8. ajeeeb2003

    ajeeeb2003 بـترولـي نشيط

    50
    0
    0


    ياجماعه ترا اعتقد ان الغير كويتين جايهم زياده من 100 دينار الى 135 دينار وهذي في نظري كافيه لغير الكويتيين باعتبار ان اصلا الكويتيين في جميع انحاء الدوله ماخذين 120 دينار بس


    ماعتقد فيها ظلم لغير الكويتين في الشركه لان اصلا كل شي لهم تقارير عاليه لهم مكافات ماليه لهم بس


    يعني يحمدون ربهم ويشكرونه على النعمه اللي هم فيها
     
  9. ابوشنب

    ابوشنب بـترولـي نـشـيط

    191
    0
    0
    صح لسانك أخوي عجيب فعلا ردك جميل ومقنع
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    1,829
  2. الوزير
    الردود:
    2
    المشاهدات:
    1,009
  3. المحرر النفطي
    الردود:
    0
    المشاهدات:
    862
  4. المحرر النفطي
    الردود:
    0
    المشاهدات:
    853
  5. المحرر النفطي
    الردود:
    0
    المشاهدات:
    1,290

مشاركة هذه الصفحة