اعترافات قيادى فى شركه زين

الكاتب : bdraan | المشاهدات : 802 | الردود : 11 | ‏23 ابريل 2008
  1. bdraan

    bdraan بـترولـي نشيط جدا

    216
    0
    0
    قال احد القياديين في شركة زين(الاتصالات المتنقلة سابقا) بعد استقالته كلام خطير عن اسلوب الشركة في سرقة اموال الشعب بمباركة من الحكومة وغياب المجلس

    وهو كان مدير مكتب احد القياديين في شركة زين يعني كل الاجتماعات رفيعة المستوى كان يحضرها ويعرف اسرارهم



    بعض النقاط اللي ذكرها



    -ان الشركة تركز على الشباب والبنات الصغار وسحبهم لغرف دردشة وانها توظف البنات عشان يسحبون الشباب وتتراكم فواتيرهم



    -كذلك ذكر ان شركة زين ماطوف المتاجرة بشي حتى القرآن وقال لو تلاحظ بعض المسجات تقولك ارسل حرف لاستقبال مقطع من القرآن ولو انك ارسلت راح تستقبل كل يوما غصبن عليك وكل مقطع قيمته دينار او نص ,,ونسوا ان الختمة كاملة تباع بدينارين في بعض المحلات,,,,,,,,,,,, حتى بالقرآن نصب!!!!!!!!!



    -طبعا ذكر ان الشركة تخالف قوانين كثيرة ولو الشعب عنده وعي قانوني جان قاضى الشركة وطلع ملايين منها ,, ومنها انها تخالف اللائحة القانونية اللي تقول بأن الشركة لازم تحافظ على سرية العميل وعدم نشر أي معلومات خاصة فيه ,, بينما تقوم شركة زين بتوزيع ارقام المشتركين مع اسماءهم للشركات الاعلانية اللي شغلتها ادزلكم مسجات وتقول اشتركوا معانا ونفسر احلاكم ونعطيكم نكت واشعار واغاني وقرآن و كأن الانترنت مو متروس وتعال وحمل وابلاش ومرات يخلونك تشترك غصبن عنك ,, ويكمل ويقول لو أي واحد يروح عند اصغر مكتب محاماة جان طلع على الاقل 200 دينار تعويض ,, بس ماعتقد بعد الزيادة احد بيروح J



    -وطبعا قال ان اكثر مايركزون عليه هو التوصيات بعدم الغاء أي اشتراك عن طريق التلفون ,, يعني لو ادق تبي تكنسل أي خدمة يقولون لك راجع احد الفروع عشان توقيعك ضروري عشان يدرون الكويتي كسول وماراح يشترك ,بس اذا جيت تبي تضيف خدمة بالتلفون علطول يضيفونها .بدون توقيع............ صج شي يضحك



    -ذكر بأن في قانون دولي للتجارة وكذلك قوانين للتجارة في الكويت تنص على ان أي سلعة تشتريها ( سلعة خدماتية أو عينية ) لازم ترفق بفاتورة تتضمن التفاصيل ,, طبعا بالكويت هذا كله ماكو ,, يقولولك عليك المبلغ الفلاني ,, انزين شلون ابي اشوف مكالماتي ,, يقولك مايصير وزارة الداخلية تمنع وكله طيييط ( طبعا تكلم عن علاقة الداخلية بالاتصالات كما سيأتي لاحقا ) ,, كل الدول في العالم تعطيك فاتورة تفصيلية قبل لا تتجرأ وتطلب منك المبلغ الا بالكويت تدفع غصبن عنك ولو كانت الفاتورة 10 اضعاف مكالاماتك ,, طبعا قال ان السبب كما ذكر انه صار في اجتماع وناقشوا هالموضوع واقترح احدهم انه يسمح للمشترك بالاطلاع على تفاصيل المكالمات بالانترنت من خلال رقم حساب ورقم سري ليتم توفير الاوراق,, بس سعد البراك رد وقال ان اطلاع المشترك على الفواتير راح يحرك القضايا ضد الشركة وراح يفتح عيون المشتركين خلوها مستوره ,,,,,,,,,,,,العن خيرهم حتى صدام ماسوا جذي



    وطبعا قال ان القانون يحمي أي مشترك يرفض دفع الفواتير اذا لم يتم تزويده بتفاصيل المكالمات ,, يعني بالعربي اذا يبون فلوسهم قانونيا لازم يدقون عليك ويقولون لك تعال استلم تفاصيل المكالمات بكل احترام وبدون مواعيد وخرابيط ورسوم ,, وبعدين يصير لهم حق قانوني بمطالبة فلوسهم,,,,,, الله يعطيك الف عافية عالمعلومة من الحين ماني دافع J





    واخطر ما تطرق له المتحدث هو التنسيق الخطير والمؤامرة بين الاتصالات ( زين ) وبين الداخلية ,,

    شلون؟؟

    قبل فترة اهملت شركة زين تحصيل اموالها من المشتركين وتركت الفواتير تصل الى 500 دينار والف دينار واكثر وبعدين كشتوا المشتركين وطنشوا ,, قامت الشركة ورفعت قضايا وصار عليهم القاء قبض ,, وطبعا تعال صيدهم ,, ( تستاهلون من قالكم قطو فلوسكم بالشارع )

    بعدين طلعت فكرة انهم يعطون وكيل معروف في الداخلية رفض ذكر اسمه ,, يعطون مبلغ مليون ونص وارقام ذهبية وسفرات وغيرها ,, عشان ينشر التفاتيش بالكويت ويجمع اللي عليهم القاء قبض ,, ولو تلاحظ الحين يوقفونك بالتفتيش وبس يبون البطاقة المدنية حتى لو عندك بطول ورشاشات ومخدرات بالدبة مالهم شغل اهم شي شركة الاتصالات تحصل فلوسها ,,,,,,,,,,,,,,,, والله خوش وزارة الداخلية لحفظ الامن في البلد او لتحصيل الاموال,,,,



    نصيحته للجميع ,, روح اقرب مكتب محاماة واستفسر عن حقوقك مع شركة الاتصالات وراح تلقى مفاجآت

    وقال ان معظم القضايا اللي يرفعونها المشتركين على الشركة يربحونها
     
  2. al.mutairi

    al.mutairi بـترولـي جـديـد

    40
    0
    0
    لا حول ولا قوة إلا بالله

    يعطيك العافيه bdraan

    تحياتي
     
  3. العابر

    العابر بـترولـي خـاص

    هذي مشكلتنا كل واحد يضرب الذمه والضمير واروع الأخلاق ومن يوم يفصلونه ولا يستقيل يفضح ربع ونفسه
    شكرا عالموضوع اخي بدران
     
  4. حرف

    حرف بـترولـي خـاص

    1,776
    0
    0
    زين الحبيب
    وينه من السرقه والبووقه قبل لا يفصلونه :)

    والا لما فصلووه احتر وقام يتكلم عليهم

    يعني صحي ضميره

    مانقول الا حسبي الله عليهم نص المعاش طاير على المكالمات
     
  5. MamLOoO7a

    MamLOoO7a بـترولـي مميز

    عليهم بالعافيه لا نشتكي ولا شي هم وضميرهم وفي رب بحاسبهم

    واشوه اني ماحب هالشركه

    يسلمووووووووووووو على هالخبريه
     
  6. bdraan

    bdraan بـترولـي نشيط جدا

    216
    0
    0
    اللى نفسه ضميره مايصحى
    هذا تلقى كشوه وقام يفضحهم
     
  7. QPIC

    QPIC بـترولـي نشيط

    97
    0
    0
    شركه القرين لصناعه الكيماويات البتروليه
    kuwait
    ابي ارفع قضيه على الشركه النصابه من زمان باطين جبدي والحين الكلام هذا اكد زياده دلوني على محامي شاطر
     
  8. HUMMER

    HUMMER بـترولـي خـاص

    يعطيك العافيه اخوي وماقصرت وعساك عالقوه
     
  9. Q8GAS

    Q8GAS بـترولـي مميز

    514
    0
    16
    حاميها حراميها
     
  10. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    كلام خطير
    بس ليش يوم مشى نشر غسيل الشركة
    ليش ما سوى وقال هالكلام لما كان بالشركة ؟؟!!
     
  11. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    يااا أخي زين مايجي من وراها ألاا كل شي شين

    أول مره أشوف شركة أرباحهاا مليااراات أمليره

    وكل ذا من اللهم
     
  12. عندي راي

    عندي راي بـترولـي نشيط

    149
    0
    0
    بترولي
    Q8
    أنا من ناحيتي شركة زين كل شهر يدزون رسالة للبيت فيها كشف بأوقات وتكلفة المكالمات

    واذا فيه تلاعب
    ما أعتقد أنه بهالحجم
     
جاري تحميل الصفحة...

مشاركة هذه الصفحة