دعوة من النقابه ..اليوم 22/4 .الساعه 7:00 مقر إتحاد عمال البترول

الكاتب : جابر | المشاهدات : 882 | الردود : 15 | ‏22 ابريل 2008
  1. جابر

    جابر قــلــم بــتــرولــي أعضاء الشرف

    تواجدكم لمعرفة ممثلينكم عن كثب و معرفة وين وصلت مطالباتكم ..
    نتمنى من جميع أعضاء المنتدى ..الحضور
     
  2. مي مأمون

    مي مأمون مـحـررة صـحـفـيـة أعضاء الشرف

    48
    0
    0
    إن شاء الله يكون لقاء فعال للجميع
    ويسعدني لقاءكم هناك
     
  3. meshaaal32

    meshaaal32 بـترولـي نشيط جدا

    226
    0
    0
    ملاحظ تسويق
    السره
    انشاءالله اكثر عدد من الموظفين موجودين
     
  4. جابر

    جابر قــلــم بــتــرولــي أعضاء الشرف

    متحمس ...صليت المغرب هناك ...كاميرات ونصوير ومرشحى مجلس أمه 2008 وناس من الإتحاد ..وناسه ..كأنك بعرس..وتفاءلت خير ..وتم توجيه سؤال مباشر أمامى للعسكر ...كنا ثلاثه على طرف...نبى معلومات ...قال (ماكوشى ..بس تعارف ..بعدين ..الأسبوع الجاى واللى بعده ..لف ظهره ومشى ) ..نطرت ..صعد قبل العشاء على المنصه وشكر الجميع على دعمهم ..واعتقد قال( فيه ناس وعدتنا بالخير )..وسكت وقال حياكم الله على عشاكم ...طلعت وماتعشيت لما عرفت إننا أفلسنا ...حتى المعلومه محد عند الجرأه والشجاعه إنه يقولها ..
    عرفت وقتها ...إذا الشركه ماعطتنا شى طيب منها ...والا ربعنا ماراح يجيبون شى ...
    الله يذكر عايض وفيصل بالخير ..على الأقل كانوا يواجهون .
    ...خيييييييييييييره ...وعسى أن تكرهوا شيئا وهو خير لكم ..

    هذا كله من الذاكره ...ياليت أحد يكون متابع ..ويبشرنا بشى ...إذا إنقال شى (أى شى) بعد العشاء
     
  5. meshaaal32

    meshaaal32 بـترولـي نشيط جدا

    226
    0
    0
    ملاحظ تسويق
    السره
    افا يعني ماطلع هالاجتماع ابنتيجه بس تعارف يعني
    موخوش حجي :(
     
  6. الشيبة

    الشيبة بـترولـي نشيط جدا

    233
    0
    0
    وما أضيق العيش لولا فسحة الأمل

    من يترك الأمل,كمن يدق نعشه بيديه !

    كلمنا واحد من النقابة وقال بالمعنى : عطونا وقت , ترى ماصار لنا وقت يا جماعة , ومو كل شئ ينعلن عناَ, وراح ننزل بيان .

    إنتظروا وتفائلوا , صحيح إن مانقال شي يبرد الجبد اليوم , لكن خلونا ننتظر !
     
  7. حاطب ليل

    حاطب ليل بـترولـي نشيط جدا

    213
    0
    0
    صعد قبل العشاء على المنصه وشكر الجميع على دعمهم ..واعتقد قال( فيه ناس وعدتنا بالخير )..وسكت وقال حياكم الله على عشاكم ...طلعت وماتعشيت لما عرفت إننا أفلسنا ...حتى المعلومه محد عند الجرأه والشجاعه إنه يقولها ..ياخوي ياجابر
    ما لك لايم
    السالفة تغث
    لكن
    أعتقد النقابة ما بغت تفتح باب الكلام للشباب
    خافوا إنه ينفتح ولا يتسكر على خير
    أقصد ما راح يلحقون يردون على الكل
    ولا يوصلون لحل
    بس ليش الأخ فالح ما استخدم دبلوماسيته
    وعطى معلومات عامة عن الوضع اللي احنا فيه؟
    بيّن تواصله مع المنتدى؟؟
    وعد بالتواصل عبر قناة موقع النقابة؟؟؟؟؟
    وهم نحسن الظن
    وننطر من
    إخواننا وحبايبنا
    شي يطمن
    إنهم على الجادة
    الله يعين
     
  8. جابر

    جابر قــلــم بــتــرولــي أعضاء الشرف

    هالإجتماع لوكان بنفس اليوم اللى صدر للشباب فيه الحكم ..محد له حق يتأمل شى ...لكن بعد شهر من إستلامهم النقابه ..وإجتماع ...وماكو أى شى ...
    والله يالشيبه حضرت وأنا ماكنت متوقع أنهم حصلوا على شى ...لكن متأمل إنهم يصارحونا ..قلت أكيد يبوون يلخصون شنوا سووا ويطالبون الشباب بوقت ويحطوون وعد ......وهذا اللى نبيه ..النتائج ننطر عليها مو مشكله......بس هذا كله ماصار ..
     
  9. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    عطوهم فرصة نقابة يديدة
    عطوهم فرصه توهم ماسكين النقابة
    عطوهم فرصة .. شكلنا بطق علينا الجرس هده والشباب للحين على بالهم فرصة

    الله كريم
    والله مو مصبرني الا اني مؤمن انه اذا لي فلس راح اخذه غصبن على اكبر راس فيهم ( المؤسسة والشركة)واذا ماكو نصيب فالحمدالله على كل حال
     
  10. الشيبة

    الشيبة بـترولـي نشيط جدا

    233
    0
    0
    يعني يا جماعة عندكم حل غير التفاؤل والأمل ؟؟!!
     
  11. حاطب ليل

    حاطب ليل بـترولـي نشيط جدا

    213
    0
    0
    بصراحة يالشيبة
    ما في حل
    غير التفاؤل
    ولازم ندعم هالتفاؤل
    والأمل
    ما ينفع اللي يتمنى
    وهو نايم
    والنقابة
    ماهي تلميع أشخاص
    نتمهل
    وعقبها
    لكل حادث حديث
     
  12. جابر

    جابر قــلــم بــتــرولــي أعضاء الشرف

    فيه حلول أخرى كثيره ياحاطب ليل .طرحت بالمنتدى..لكن نصير حنا أطيب منهم ...ونتمهل ..حتى لانفرق الشباب..بس برأيك إلى متى ..شهر ...شهرين ..ثلاثه ..أو لغاية 2010 ...هم نفسهم ماطلبوا وقت محدد
     
  13. حاطب ليل

    حاطب ليل بـترولـي نشيط جدا

    213
    0
    0
    الله يجزيك خير أخوي جابر
    المهلة تعتمد على اللي يباشرونا فيه
    يضبطون موقع النقابة على النت
    ويتواصلون
    يسمعونا ونسمعهم
    إذا نبي ننصفهم وينصفونا
    نطلب تقرير أسبوعي مستمر
    يبينون اللي سووه واللي بيسونه
    ولا ينقطع أسبوع واحد
    مهما يكون الظرف
    ويكون التزام منهم
    بهالطريقة نعرف شاللي يصير
    ونباشره أول بأول
    والا شرايك
     
  14. جابر

    جابر قــلــم بــتــرولــي أعضاء الشرف

    كلامك عدل ...لكن حنا لنا شهر وما أخذنا لاحق ولاباطل ..حتى كلمه أو وعد من رئيس النقابه مافيه...شلوون تبيهم يعطونا تقرير وأسبوعى ...منو اللى يقدر يفرض عليهم ...

    بس حنا نستاهل اللى يصير لنا...إذا أكثر من 500 موظف من الخفجى ..واللى حضر منهم الإجتماع (ما عديت ..بس أعتقد أقل من 20) ...لو النقابه تعرف إننا مهتمين ... ماتصرفوا معانا بهالطريقه..بس مع ذالك نتمهل ...حتى نغلق كل الذرائع .
     
  15. KGOC2007

    KGOC2007 بـترولـي جـديـد

    47
    0
    0
    :mad::mad:اي عطو الشباب فرصة يستاهلون جم سنه على مايضبطون الموقع بالنت و جم سنه على مايضبطون مكاتب النقابو وجم وجم و .................... انشالله بعد خمسين سنه راح يعطونكم كادر !!!!!!!!!!!!!!!!!!!!!!!!!!!!!!!!!!!


    بس الشرهه مو على النقابة الشرهه على اللي ساعدوهم انهم يطيحون نقابة فيصل بالجمعية العمومية الغير عادية


    :mad::mad::mad::mad::mad::mad::mad::mad::mad::mad::mad::mad::mad::mad::mad::mad:
     
  16. kolena fe el hawa sawa

    kolena fe el hawa sawa بـترولـي نشيط

    148
    0
    0
    كلام جميل.... انا واحد من الموجودين امس بالعشاء.... انا توقعت بيقولن شي يفيدنه...
    المهم انا مسكت واحد من اعضاء النقابه و وجهت له اساله و من اهمها في الوقت الحالي اهو الكادر... ما طلعت منه بشي... الصراحه احس انهم ضايعين ما يدرون شنو يسون.... و من طريقة كلامه انه متوهق و كل شوي يقولي تونه ماسكين... قتله و الاجتماع مع المؤسسه و الشركه شنو النتيجه... رد علي و قال والله احنه رحنه نجتمع معاهم و نتعرف عليهم... يعني الحجي الانقال اهني بالمنتدي عن الزياده من 200 دك الي 550 دك يمكون مو اكيده بعد....
    يا جماعه انا اقول لو انحط ايدنه بيد بعض احسن ما نطر احد.... انروح حق الشركه و انكون صرحين معهم... اذا ما نزلينه الكادر نفس الوفره و المكتب الرئسي... راح اندوملهم بالاحمدي.....
     
جاري تحميل الصفحة...
مواضيع مشابهة
  1. UNIONKGOC
    الردود:
    0
    المشاهدات:
    5,947
  2. UNIONKGOC
    الردود:
    1
    المشاهدات:
    6,488
  3. جابر
    الردود:
    3
    المشاهدات:
    1,095
  4. المحرر النفطي
    الردود:
    3
    المشاهدات:
    6,724
  5. المحرر النفطي
    الردود:
    0
    المشاهدات:
    650

مشاركة هذه الصفحة