أهلا وسهلا بك إلى منتدى العاملين بالقطاع النفطي الكويتي.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


العودة   منتدى العاملين بالقطاع النفطي الكويتي > الأقــســـام الــنـفـطـية > منتدى التوظيف

منتدى التوظيف منتدى مختص لعرض إعلانات وطلبات التوظيف في شركات القطاع النفطي.

احد عنده معلومات عن Schlumberger ؟

منتدى التوظيف

إضافة رد
كاتب الموضوع Bos3ayd مشاركات 22 المشاهدات 5250  مشاهدة صفحة طباعة الموضوع | أرسل هذا الموضوع إلى صديق | الاشتراك
 
LinkBack أدوات الموضوع انواع عرض الموضوع
قديم 11-13-2008, 08:15 PM   #1
بـترولـي نشيط جداً

Bos3ayd غير متواجد حالياً
Lightbulb احد عنده معلومات عن Schlumberger ؟

السلام عليكم

للاسف ما حصل لنا نصيب في الدفعه الي انقبلوا قبل فتره في الشركه و احب ابارك لهم بنفس الوقت ، وصراحة انا ما كنت حاط كل امالي على الشركه فقدمت على القطاع الخاص وحبيت استفسر اذا فيه احد عنده اي معلومات عن شركة Schlumberger الالمانيه لان بلغوني اليوم انه عندي مقابله شخصيه بالاحمدي و للاسف ماعندي اي معلومات تفيدني عنهم.

ياريت الشباب يساعدونا ولو في بعض المعلومات عنها ، يعني مثلا شنو نظام المقابله عندهم ؟ شلون طبيعة شغلهم ؟ لان صراحة سمعت انه يبون مكاين مو اوادم ، و شنو مميزات الشركه و رواتب الموظفين فيها ..

انشر في تويتر! انشر في فيسبوك! انشر في جوجل بلس! انشر في واتس اب!
  رد مع اقتباس
قديم 11-13-2008, 08:29 PM   #2
بـترولـي جـديـد

alcataloni غير متواجد حالياً
افتراضي

انا انقبلت بالشركة بس رفضت اتوظف عندهم

اول شي الشركة مو ألمانية الشركة فرنسية

المقابله الأولى راح تكون مقابلة سريعة مع مدير التوظيف الإقليمي و أسمه ماجد و اهو سعودي اذا ما غيروه طبعا

بالمقابله الاولى راح يسألك عن جامعتك و شنو تعرف عن الشركة و راح يوريك فيديو بروجيكت عن الشركة و راح يطلب منك تتكلم عن نفسك بالانجليزي شوي

اهم شي بهالشركة انك تعرف انجليزي مو شرط تكون بيرفيكت بالانجليزي بس تكون ممتاز لانه شغلك ماراح يكون بالكويت ممكن يقطونك بأي دولة بالعالم

الشركة تحتاج واحد يتحمل الدق لانه عادي تشتغل 30 ساعة متواصلة بس عاد أخذ معاش ... معاشهم اقوى معاش بكل شركات النفط بالعالم

طبعا نظام الشركة راح انسخلك اياه من موقع انا كنت كاتب فيه قصتي مع الشركة

بالبداية و حتى قبل لا استلم شهادتي قدمت عن طريق الموقع و حطيت السي في مالي ... الميزة انك تقدر تقدم على شركتهم حتى قبل ما تتخرج بفترة قصيرة بس شرط تكون عارف معدلك


بعد اسبوعين تقريبا دقوا عليي و كان يوم يمعة و قالولي عندك مقابلة يوم الثلاثاء الساعة 10


رحت المقابلة .. دخلت المكتب و لا بس واحد يقابلني و كان اهو موظف سعودي اسمه ماجد


بهالمقابلة يعرفك عن نفسه و بعدين انته تعرفه عن نفسك و يسألك يقولك شنو تعرف عن شركتنا و من وين عرفت الشركة ... و بعدين سألني قالي عندك مشكلة لو تشتغل بفيتنام ... طبعا انا كنت رايح المقابلة كنت كلش مو متشجع اتوظف بالشركة فقلتله لا مابي اروح فيتنام ((طبعا بعدين لما عرفت عن الشركة اكثر تشجعت على الوظيفة )) ... جان يقولي اندونيسيا جان اقوله هم لا مابي ... جان يقولي شنو تبي يعني .. جان اقوله بالخليج ... جان يقولي بالسعودية .. قلتله قولي شنو عرضك قالي 7000 دولار تقريبا ... بس اهو مو متأكد بالضبط جم


بعدها قالي كلمني عن يومك بالانجليزي .. بعدها شغلي فيديو عن وحدة تشتغل بالشركة عشان يوريك طبيعة الشغل بالشركة

عقبها قالي خلاص اذا نجحت بهالمقابلة راح نتصل عليك و نقولك متى مقابلتك الثانية


بعد 10 ايام و هم يوم اليمعة دقوا عليي قالولي تعال الثلاثاء عندك مقابلة ثانية الساعة 7 ... رحت الساعة 7 .. قعدونا بغرفة نفس غرفة اجتماعات و كننا وقتها 10 صبيان و 4 بنات ... دخل علينا موظف السيفتي قالنا اذا صارت حريجة و لا صار هجوم ارهابي شنو تسوون .. بعدها ماجد سوالنا برزنتيشن مدته تقريبا 4 ساعات .. هالبرزنتيشن معلومات عن الشركة و خطة العمل ... بعدها سألنا في احد يبي ينسحب ... محد انسحب


جان يوزعون عليننا بلسوتات و نظارات و جواتي و خوذ ... سوولنا جولة بأقسام الشركة طبعا الشباب لما شافووا الجو حار ضاق خلقهم ... رجعنا الغرفة اللي سوالنا فيها البرزنتيشن و قال يالله قعدوا تناقشوا بينكم ... عقب نص ساعة جان اييبولنا غدا من بيتزا هت ... عقب ما خلصنا غدا قال ها في احد بينسحب جان ينسحبون 3 صبيان و بنت ... عقبها وزعونا على الاقسام عشان نسوي المقابلة الثانية


القسم اللي حطوني فيه كان رئيس القسم مشغول فقالولي تعال الاسبوع الياي الساعة 9 ... اللي صادف امس ... دخلت سويت المقابلة كانت سهالات و تقريبا نفس طريقة المقابلة الاولى بس اطول شوي ... خلصت المقابلة قالولي ندق عليك انشالله و نقولك تيينا اذا قبلناك


الحين بعطيك المعلومات اللي عرفتها من البرزنتيشن او من الأسئلة او من اخوي safrawy اللي صج ما قصر و رايته بيضة



اللي عرفته ... انه اي مهندس بأي تخصص يشتغل بالفيلد ( الحقل ) ما يهمهم شنو تخصصك بس يبون على قولتهم حس مهندس ... لكن مهندس الكمبيوتر ما ادري اذا يشغلونه بالادارة او لا بس اعتقد ما يشتغل بالادارة


خطة العمل :
السنة الاولى : يسمونك trainee ... اول اسبوع تروح ماليزيا او دبي او ابوظبي يعطونك مقدمة عن الشركة و عقبها تروح الفيلد المقرر لك .. و تقعد تشتغل 3 اشهر شغل خرابيط تطبع اوراق تنظف حدايد عشان تدش جو الشركة .. عقبها تروح سكول تكون بأمريكا او الامارات او روسيا او باريس او بريطانيا على حسب قسمك و على حسب المقاعد الفاضية بالسكول تقعد من شهرين لي 3 اشهر و ترجع الفيلد و خلال الفترة الباجية من هالسنة تمر بسكولز وايد .


السنة الثانية : عقب ما تخلص السنة الاولى يسمونك field engineer .. بفترة هالسنة تشتغل بالفيلد اغلب وقتك .


السنة الثالثة : عقب ما تخلص السنة الثانية يسمونك senior field engineer ..بهالسنة تشتغل بالفيلد اغلب وقتك .


عقب ما تخلص السنة الثالثة يسمونك general field engineer عاد اهني خلاص تنفتحلك كل ابواب الراحة .. و تشتغل بالادارة بأي دولة على حسب التخصص اللي تختاره بالادارة


طبعا هالخطة مو ثابتة يعني لازم تخلص ب 3 سنين .. اهي تعتمد على شغلك يمكن تزيد عن 3 سنين بس بأسوأ الحالات 4 سنين


انت تقول تبي دولة راقية ... راح تحصل دولة راقية بس ما اعتقد انك راح تقعد بمدينة ... راح يقعدونك بالحقل فعشان جذي الدولة ما تفرق ... لانك تقعد بالحقل ما لا يقل عن 3 اسابيع ... يعن بالصحرا او بين الجبال او بالبحر اكثر من 3 اسابيع


انشالله اكون افدتك ...
  رد مع اقتباس
قديم 11-13-2008, 08:59 PM   #3
بـترولـي نشيط جداً
 
الصورة الرمزية blackberry

blackberry غير متواجد حالياً
افتراضي نا

واااااو ..

بصراحه أول مره أسمع بهذي الشركة .. ليش بره الكويت ؟ معقوله وصلنا لهذه المرحله نهاجر من ديره لي ديره ما جنا من دول أوبك !

والله حرام اللي قاعد يصير فينا .. قبل كنا نطلب الخبراء منهم .. واليوم أهمه اللي يطلبونا ..

8 شركات نفط حكومية كويتية موقادره توظف 1000 كويتي بالسنه .. و الأجنبي يقول ما عندكم زود !
  رد مع اقتباس
قديم 11-13-2008, 09:15 PM   #4
بـترولـي جـديـد

alcataloni غير متواجد حالياً
افتراضي

^^^^^
هذي شركة فرنسية عندها عقود تنقيب و استخراج نفط مع 80 دولة في العالم و اهي توظف الخليجيين و تخليهم يشتغلون برة مثل فنزويلا عشان يتعلمون استخراج النفط الثقيل لانه احنا بالخليج ليلحين ما استخرجنا النفط الثقيل و ما عندنا خبرات في استخراجه
  رد مع اقتباس
قديم 11-13-2008, 09:36 PM   #5
بـترولـي نشيط جداً
 
الصورة الرمزية blackberry

blackberry غير متواجد حالياً
افتراضي

لكن أخوي حسب اللي فهمته منك أهمه طالبين أي تخصص هندسي مو شرط بترول .. ويشغلونك في الحقل على قولتك 30 ساعه !

صحيح احنا نفطنا مو ثقيل .. لكن في شي اسمه دورات يتم ايفاد المتخصصين في هذا المجال .

الشق عـــــــــــــــود في البلد .. والله انا خايف باجر اللي انشوف فيه كويتيين يكونون رؤساء دول من كثر الإضطهاد اللي قاعدين نعيشه في ديرتنا ..

الشكوه لله ..
  رد مع اقتباس
قديم 11-13-2008, 10:06 PM   #6
رئيس اللجنة الإعلامية

الدولة :  الكويت
هواياتي :  التصوير- الاعلام - التقنية
سالم الخالدي غير متواجد حالياً
افتراضي

اقتباس:
المشاركة الأصلية كتبت بواسطة alcataloni مشاهدة المشاركة
^^^^^
هذي شركة فرنسية عندها عقود تنقيب و استخراج نفط مع 80 دولة في العالم و اهي توظف الخليجيين و تخليهم يشتغلون برة مثل فنزويلا عشان يتعلمون استخراج النفط الثقيل لانه احنا بالخليج ليلحين ما استخرجنا النفط الثقيل و ما عندنا خبرات في استخراجه
والله يا أخوي قرأت كل كلمة كتبتها


حبيت اقدم لك باقة ورد على هذا الجهد في توضسح بعض الأمور الغائبة عن الكثيرين

ماقصرت تقبل تحياتي القلبية
  رد مع اقتباس
قديم 11-14-2008, 12:39 AM   #7
بـترولـي نشيط جداً

Bos3ayd غير متواجد حالياً
افتراضي

اخوي alcataloni ماقصرت و بيض الله ويهك على المعلومات الي سردتها بالموضوع ، تبي الصراحه بديت اتخوف من الشركه اذا على قولتك الموضوع راح يصير سفر و من دوله لي دوله غير الشغل الي ماله اول ولا تالي خصوصا اني قاعد افكر انّي استقر في الوضع الحالي ، على العموم انا ان شاء الله بروح المقابله الي اهي يوم الثلاثه و بشوف شنو الي بيطلع معاي و على قولتهم ^_^ يجيب الله مطر .

شاكر لك مجهودك ولد عمي و ماقصرت
  رد مع اقتباس
قديم 11-14-2008, 10:51 AM   #8
بـترولـي نـشـيط

الدولة :  أم الثلاث أسوار
Minagish غير متواجد حالياً
افتراضي

السلام عليكم

انا صارلي اكثر من 5 سنوات في شلمبرجير

حبيت بس أضيف على كلام الاخوان أن ترى دوراتهم مو لعب أو وناسة.
في خلال الدورة ترى كل يوم تصحى 5 الفجر وتروح الصف وتدرس ليما اترد الفندق الساعة 9 المساء !
وحط في بالك ان راح يعطونك كمية معلومات غير طبيعية واااااااااااااااااااااااااااااايد وابنهاية الاسبوع راح تمتحن.
ولااااااااااااااااازم تنجح .. والا افصلونك.

بالنسبة للمعاش ..أول سنة أكثر من شركات النفط الكويتية اب300 دينار تقريبا .. بس بعد 3 سنوات عادي أطوف 3000 دينار .

نظام القريد واضح .. لازم اتخلص شغلات معينة ومتى ما سويتها على طول تاخذ قريد.
حياتك الاجتماعية راح تتاثر وايد..اذا عندك 50 صديق قبل لا اتداوم فانك ابتصفي على 5 ..
اموفق واتمنى انك موحاط بالك زواج
  رد مع اقتباس
قديم 11-16-2008, 09:56 PM   #9
بـترولـي نـشـيط

ChoColate غير متواجد حالياً
افتراضي

حلوة من 30 تصفى على 5

عموما القطاع الخاص كله الواحد اذا دشه ينسى حياته الاجتماعية مو بس القطاع الخاص في مجال النفط

انزين عفوا عندكم عن الوظائف الادارية ؟؟
  رد مع اقتباس
قديم 11-17-2008, 03:03 AM   #10
بـترولـي نـشـيط

khaled85 غير متواجد حالياً
افتراضي

ما شاء الله الشركة نظامها وايد ممتاز بالنسبة حق اللي يبي الشغل يعني دورات وسفر وتشتغل برا الديرة يعني نظام اجانب بس احب اذكر الاخوان لا تنظرون للوظيفة نظرة مادية والله في ناس يا ما قالوا اهم شي الراتب مو مشكلة الدوام وماردهم تحسفوا وشنو فايدة راتبي وشغلي اذا انا كنت بعيد عن اهلي اهوه صحيح ان ظروف الحياة والمعيشة كل ما لها وتصير صعبة لكن بالاخير راحة البال وان الواحد يكون بين اهله وزجته وعياله هذا اهم شي بالحياة اهوه فعلا ماكو شغل من غير مقابل لكن المفروض الواحد يكون قنوع بوظيفة تناسب حياته الاجتماعيه والمعيشيه والشي اللي يجي بسرعه يروح بسرعه وماكو شي اسمه اني اتخرج من الجامعه او المعهد واصير مدير على طول لا كل شي يصير بالترتيب والله ولي التوفيق والله يوفقكم جميعا بجميع مجالات الحياة ... ويعطيكم العافيه
  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع والتعليقات المنشورة لا تعبر عن رأي الموقع ولا الادارة ولا نتحمل أي مسؤولية حيال ذلك ( ويتحمل كاتبها مسؤولية النشر)


الساعة الآن 09:18 AM


Powered by vBulletin® Version 3.8.7
Copyright ©2000 - 2015, vBulletin Solutions, Inc.
Search Engine Optimization by vBSEO ©2011, Crawlability, Inc.