سؤال وابي جواب بصراحه :) [الأرشيف] - منتدى العاملين بالقطاع النفطي الكويتي

ولد الفحيحيل

10-27-2007, 05:55 AM

رحت للبنك تبي تسحب عشرين دينار :) اوكي
طلعت ورقة الرصيد ولا فيها 1000000 مليون دينار
شنو اول شي تسويه؟ ؟؟؟ :)
مع العلم ان هالمليون لك ومن حقك أو انت فزت فيه بمسابقه؟
ابي أول شي يطري على بالكم؟؟

SMART_BOY

10-27-2007, 09:42 AM

استقيل من الشركه

وافتح مطعم خخخخخخخ

ولد الفقر طول عمره فقير

Green Tea

10-27-2007, 10:15 AM

اروح ابشر امي وابوي
بعدين افكر شسوي بالفلوس
بعدين اتوهق لووول مادري شسوي فيها وكل من يقوللي عطيني عطيني
ليما تخلص فلوسي
وارجع فقيره مثل ماكنت
لووووووول

الفيصل

10-27-2007, 10:17 AM

أدفع مكالماتي

لوووووووووووووووووووووووووووووول

BG. 1

10-27-2007, 11:23 AM

مايبيله نشدت عالم

هههههههههههههههههههههههههههه

علي طول بيت التمويل ادفع المديونية التي علي كاسره ظهري

والقسط مبلغ وقدره

dehen_3ood

10-27-2007, 12:41 PM

أطالع الرقم المكتوب :eek: صج؟
وأسال أي احد واقف ينطرني اخلص عشان يسحب .. صج؟
واهو يقرا الرقم :eek: ويقول صج؟
ويسأل إللي واقف وراه .. صج؟
وإللي وراه يطالع الرقم :eek: ويقول صج؟
ونصير شكثرنا :eek: صج؟

computer department

10-27-2007, 01:33 PM

اول شي اسويه اشتري البوقــــاتي :)
وبعدين افتح شركـــه كمبيوتر :)

بس هذي بالاحلام :)

SMART_BOY

10-27-2007, 01:51 PM

يا كثر الفقارى بها البلد ;)

شسويت فينا ولد فحيحيل :);):rolleyes::D

خبصتنا والله :D:D

انا قاعد ورا الشاشة واقرا اضافات الشباب والشابات

واضحك من قلب:D:):rolleyes:;)

حسبي الله على ابليسك خخخخخ:cool:

تقبل مروري

سمارتووو

engineera

10-27-2007, 04:29 PM

انا اول شي اسوي اسافر اشتريلي جم عماره في الامارات وادفع فلوس بناء مسجد وقطعة ارض وبعدها اشتري سيارة يديده والباقي استانس فيه انا واهلي واوزع عليهم:d
اللللللللله الله يسمع منك يا ولد الفحيحيل وافوز في الدانه انشالله

ولد الفحيحيل

10-27-2007, 06:41 PM

انا اول شي اسويه اششششششششششششلع للمكان اللي بخاطري فيه من زمان
اروح مايوركا بأسبانيا وبعدين اهاجر البرازيل عشان محد يقول عطني فلوس :):):):):

ولد الفحيحيل

10-27-2007, 06:43 PM

اختي engineera ليش تشترين بالامارات شمعنى؟ شرايج تروحين معاي البرازيل ونشتري عماير هناك :):):)

ولد الفحيحيل

10-27-2007, 07:07 PM

Smart_boy حياك الله بس عاد مطعم ؟؟؟ مالقيت الا معطم :) شكلك متبتب ;)
ودهن العود شكلج راح تفلسين من المليون لأن المشافيح اللي كانو وراج وانتي تسحبين اكيد بيذبحونج وياخذون المليون :):):) فال الله ولا فالي ;);)

المهندس

10-27-2007, 07:09 PM

عندي مليون :)

MAB12

10-28-2007, 01:15 AM

اعطيها البنك

اقول اكيد غلطانين :D

ولد الفحيحيل

10-28-2007, 01:37 AM

Mab12 من صجك ؟؟؟
اقوللك المليون لك ومن حقك تقول اعطيهم البنك
غلطاااااااااااااااااااااااااااااااااااان :)

بوكندر

10-28-2007, 02:05 AM

اتزوج 4 حريم .......... بس

ولد الفحيحيل

10-28-2007, 02:23 AM

حسب معلوماتي يابو كندر انك شنب وتسويها :):):)
حبيييييييييييييييييييييييييييييييييييييييييييييييي ييييييييييب

المكسيكي

10-28-2007, 02:55 AM

اول شي راح افصل من الشركه وافتح محل تمووور..........

ولد الفحيحيل

10-28-2007, 03:01 AM

اي والله يالمكسيكي وانت الصاج التمر صار اغلى من الذهب الحين
كيلو تمر السكري صار ب 5 دنانير
بس ماعليك غير تمر اخلاص القصيم لا تدور :)

Shoomy

10-28-2007, 07:40 AM

:eek: :eek: :eek:

اذا صج صار هالشي ... اول شي اول شي اعطي حق ابوي وامي 250,000 دينار

واعطي حق اخواني 100,000 دينار وخواتي توهم صغار مومال يلعبون بالفلوس

بقالي :rolleyes: 550,000 دينار

شسوي شسوي؟؟:rolleyes:

اسدد القرض اللي علي :cool:

اشتري ارض واخشه حق اليوم الاسود ... الله لا اييبه انشالله

اي اي اي وبفتحلي مطعم صغيرونو مثل اخوي سمارتووو ... ترا المطعم يدخل ذهب ماشالله

واللي يبقى اخشه لأستعمال لاحق :D

شرايكم؟؟ حلو الكلام مو؟؟

على قولة امي ... احلاموو سعيده :D

تحياتي

زهرة التوليب

10-28-2007, 09:36 AM

لوووووووووول وناسه

اشتري بيت في عبدالله السالم وبيت في جنوب السره وأجرهم :p

Shoomy

10-28-2007, 09:49 AM

لوووووووووول وناسه

اشتري بيت في عبدالله السالم وبيت في جنوب السره وأجرهم :p

شمعنى هالمنطقتين؟؟؟
سؤال قوي مو؟؟

زهرة التوليب

10-28-2007, 12:43 PM

شمعنى هالمنطقتين؟؟؟
سؤال قوي مو؟؟

لووووووول

عبدالله السالم ما يبيله منطقه هوامير :p
يعني أكيد أجار البيت راح يكون راهي

اما جنوب السره منطقه يديده ومرغوبه وهم غاليه
وفيها كل الخدمات <<< تخطط لبعيد :p

ولد الفحيحيل

10-28-2007, 03:33 PM

بصراحه يالزهره للحين انتي احسن تفكير :):):)

مختبرجي

10-28-2007, 04:11 PM

ماراح اقدر اسوي فيهم شي
لاني راح اصير مينون

ولد الفحيحيل

10-28-2007, 05:35 PM

الله يكافيك الشر يالمختبرجي
عدوينك انشالله

ام ريما

10-28-2007, 06:27 PM

موضوع حلو

انا اتوقع من الفرحه راح يغمى علي ويمكن بعد يومين اراجع حساباتي مره ثانيه لاني مومصدقه المبلغ وتدري شنو راح اسوي وحياتك اقدم استقالتي واشتريلي عماره وااجرها ونام تحت التكيف وفلوسي تيلي بارده مبرده لاقومي الساعه 6 وردي الساعه 3 راح اعيش براحه واكيد الكل راح يحسدني من الخير المفاجىء :)

تحياتي

ولد الفحيحيل

10-28-2007, 06:31 PM

اجابه منطقيه يا أم ريما ههههههههههههههههههههههههه
والله يالكويتيين طلعتو رباديه كلكم كله تبون تنامون والفلوس تييكم بارده مبرده :)

Mr.Kv

10-28-2007, 06:43 PM

انا عن نفسي اصلح جام سيارتي :d

ولد الفحيحيل

10-28-2007, 06:44 PM

شدعوه بتركب جامه ضد الرصاص :):):)

Shoomy

10-29-2007, 07:27 AM

لووووووول

عبدالله السالم ما يبيله منطقه هوامير :p
يعني أكيد أجار البيت راح يكون راهي

اما جنوب السره منطقه يديده ومرغوبه وهم غاليه
وفيها كل الخدمات <<< تخطط لبعيد :p

حركات والله
خوش تخطيط ماشالله عليج
عليج بالعافيه مقدما ;)

الغالية

10-29-2007, 08:49 AM

صباح الخير

اذا عندي مليون .. اممممممممم

اعطي اخواني كل واحد ربع مليون ... وخواتي كل وحده 25 ألف :rolleyes:

والباقي اشتري فيه عقار اهنيه ولا برا <<<<<< ما صارت مليون هذي :eek:

بسنا فلوس يا حسين <<<<<<< داشه جو :p

-----------------------------------------------------------------------------------------------

انا عن نفسي اصلح جام سيارتي :d
أصلح لك جام السيارة وعطني المليون ;)

EQUATER-1

10-29-2007, 10:45 AM

اعطيك نصهم

ولد الفحيحيل

10-29-2007, 02:11 PM

كفو والله
هذا الرد السنع :) عطني نصهم وانا اظبطك

Shoomy

10-29-2007, 02:11 PM

اي صح اخاف صج بس

ولد الفحيحيل

10-29-2007, 02:15 PM

موشغلج انتي :) خل يعطيني نصهم وشوفي شلون راح اظبطه ;) يالنحيسه

Shoomy

10-29-2007, 02:18 PM

احلام سعيده ياحلو

الله يرزقه بس ان مسك الفلوس بيده ... هذا ويهي اذا شفته بعد

وبعدين بتضبطه بشنو؟؟

بخبز؟؟ ولا بتحول التنور باسمه؟؟
كاااااااااااااااااااااااااااااااااااااااااك

لا لا حرام عطه بصطت البنك مالتك

ولد الفحيحيل

10-29-2007, 02:25 PM

افففففففففففففففففففف فجي عني شوي شفيج
خل يعطيني الفلوس لا تفرين مخه

Shoomy

10-29-2007, 02:26 PM

مافريت مخه
اهو ادرا بللي يسوييه
مو Equater-1 ؟؟

انتوا تنيازوون مع بعض
مالي شغل

ولد الفحيحيل

10-29-2007, 02:29 PM

شكرت على المرور يالشوووووووووم ونشوفج بعد اسبوع ):):):)
عندج شغل روحي خلصيه بسرعه ;)

ولد الفحيحيل

10-29-2007, 02:30 PM

شكرا على المرور يالشوووووووووم ونشوفج بعد اسبوع )
عندج شغل روحي خلصيه بسرعه
خليتيني اقط بدليات :)

Shoomy

10-29-2007, 02:30 PM

كااااااااااااااااااااااااااااااااااااااااك

بقعد على قلبك عناد

ولد الفحيحيل

10-29-2007, 02:33 PM

اكثر من جذي بعد ماكو :)

بترولية

10-29-2007, 02:43 PM

السلام عليكم

و مساكم الله بالخير اخواني و خواتي

أول شي بسويه بحمد ربي و اشكره و ادعيه إن يبارك لي بهالفلوس

ثاني شي ... أسحب مبلغ معين و أروح الشويخ أشتري جم ذبيحة و أوزعها على الفقارى و المساكين و المحتاجين

و تالي أروح حق حملة حج زينة أسجل اسمي معاهم ... ادعولي أروح الحج :(

و عقب ما أرد من الحج ... أشتري بيت على قدي فيه ارتداد و حديقة و سرداب ... و كل اسبوع أسوي فيه درس (محاضرة دينية - للنساء طبعا)...

و أدفع اللي علي و أعطي اخواني و خواتي يدفعون القروض اللي عليهم...

وووووو..........وووووو...................... وووووو.............ووووووووو............. مادري وايد شغلات...

بسنا فلوس يا حسين بسنا فلوس :d

ولد الفحيحيل

10-29-2007, 02:48 PM

ارتداد وحديقه وجدامه محول كهرباء ههههههههههههههه عشان تظبط الحسبه
الله يوفقج انشالله وفاااااااااالج المليون

م.محمد

10-29-2007, 03:30 PM

انا اشتريلي صمونه فلافل
علشان الخرده
:)

Shoomy

10-30-2007, 07:54 AM

انا اشتريلي صمونه فلافل
علشان الخرده
:)

:eek: :eek: :eek: :eek: :eek: :eek: :eek: :eek:

كااااااااااااااااااااااك:D

ابي فلافل :(