كلامكم يسبب الاحباط لأمثالي

[Green Tea]

لهالدرجة القطاع النفطي متدهور ؟؟
ما قريت شي بهالمنتدى غير الشكوى والتذمر !
ارجوكم ارحموا الموظفين الجدد امثالي
واعطوهم بصيصا من الامل :(
ولا مافي أمل كلش ؟
نستقيل ونروح حكومة احسن ؟
انزين ليش انتوا ما تقدمون استقالتكم بما ان الوضع بهذا السوء
وشاللي مصبركم على القطاع النفطي ؟
معقوله مافي شي يميزه عن الحكومه !!!!!!!؟؟؟؟؟؟؟؟؟؟؟؟؟؟؟
صراحه انصدمت من دشيت هالمنتدى
وحالتي النفسيه في تدهور مستمر
وبديت افكر اب كلامكم جديا
واقول وين قطيتي روحج يا شاي اخضر ؟:eek:
حسيت اني راح ادخل غابه مظلمه

ادري كلامي نصه كويتي ونصه فصحى لول
بس فهموا عاد :p

[أميرة الرقه والذوق]

شاي أخضر كلامج صح انا بعد ملاحظة هالشي بالمنتدى كإنه مفتوح للإحباط

بس في أشياء وااااايد حلوه بالقطاع النفطي راح أذكرها لج بموضوع ثاني بس وقت الدوام يوم الأحد انتظرررررررريني

[Green Tea]

الله يخليج تكفين كتبي الاشياء الزينه فيه والله ناطرتج على أحر من الجمر تكفون رفعوا من معنوياتنا بسكم احباط

[مواق]

الامور هذه عادية وهي بمثابة فشة خلق الموظفين على المسئولين...
تعوذي من ابليس وخلي مسئولج يقرا ويتفل عليج ..
وماكو الا العافية .:)

[ولد الفحيحيل]

كل مكان فيه الزين والشين وأصابعكم مو سوا
والحمدلله القطاع النفطي فيه رجال وفيه نساء وكلهم خير وبركه
وعسى الله يوفق الجميع انشالله
ودمتم للكويت :)

[Green Tea]

مواق
اعوذ بالله من الشيطان الرجيم

ولد الفحيحيل
صح كلامك بس انا ماسمعت شي زين

[Wes@m]

السلام عليكم شاي خضر

صحيح كلامج الكل يتذمر

والكل متظلم

ومواضيع اتكدر الخاطر

واعضاء متعصبين اتحسين انهم ودهم يتهاوشون علشان انتخابات النقابة

انقول ما يخالف خل ينفسون ما في صدورهم من ضيق وبعدها ان شاء الله الكل راح يكون راضي

والمواضيع راح اتكون طيبة وكلها تفائل

[Green Tea]

ان شاء الله تكونون كلكم راضيين ، مادري الظاهر عشان تأخر الزياده الأعصاب مشدودة . ومايندرى اذا كنسلوها اش بيصير
اتمنى القى موضوع فيه تفاؤل

[dehen_3ood]

اسم الله عليج يا شاي اخضر
هاللي قاعده تقرينه مثل ما قالوا فشة خلق
وانتذمر من بعض السلبيات الموجوده بالقطاع
على أمل ان ينصلح الحال والعوي يستعدل
اما الإيجابيات فهي هم زينه وحلوة ومنها الراتب والامتيازات
وأبن آدام بطبعه طماع وكل شي يبي
وتحجي بالكويتي ولا بالفصحى ابكيفج كله حلو :D

[Green Tea]

اسم الله عليج يا شاي اخضر
هاللي قاعده تقرينه مثل ما قالوا فشة خلق
وانتذمر من بعض السلبيات الموجوده بالقطاع
على أمل ان ينصلح الحال والعوي يستعدل
اما الإيجابيات فهي هم زينه وحلوة ومنها الراتب والامتيازات
وأبن آدام بطبعه طماع وكل شي يبي
وتحجي بالكويتي ولا بالفصحى ابكيفج كله حلو :D

والله انا ماسمعت شي عن الامتيازات والراتب لأني موظفه يديده وماشوف في فرق بيني وبين رواتب الحكومه وبعضهم رواتبهم أعلى مني:o
انا ودي اسمع منكم كلام يشجع ما يحبطني زياده

[ولد الفحيحيل]

ياجماعه يكفي معرفتكم والسوالف معاكم هذا اكبر واحلى شي بالقطاع النفطي :)
ولا كلامي غلط ؟؟

[Green Tea]

ولد الفحيحيل ماشاء الله عليك انسان متفائل جانزين الكل مثلك

[Q8_oil]

لو أنا و الثني و الثالث قدم إستقالته منو إللي بشغل القطاع , أهم يبون يسوون جذي عشان الطريق يكون سالك للخصخصة

[MAB12]

في شغلات حلوه للموظفين في القطاع النفطي بس ماتجي بالمقابل للسلبيات اللي قاعدين نعانيها .... انا اوضحلج ويمكن ما ازيد شي عن كلام الاخوان

*الكل برى القطاع النفطي يحسدنا على الراتب مايدري ان نتعب عشان نحصل عليه من تعب وحر ولما طالبنا بالزيادة وتأخروا علينا قعدنا نتذمر ومع ان معانا حق ( انتي شفتي هالشي بالمنتدى )

*احنا دايماً نطالب بخدمات او بعض التمييز للموظف في القطاع النفطي لان مركزنا بالدوله حساس ونبي مثلاً مدارس خاصه او مستشفى خاص او خصومات تستاهل ولما نواجه رفضهم نقعد نتذمر ( وهم انتي شفتي هالشي بالمنتدى )

*بعض المسئولين نطالبهم بحقوقنا ويطنشون ونجي هني بالمنتدى ونتذمر ( وانتي شفتي هالشي بالمنتدى )

* وشغلات شكثر الموظف يتذمر منها ومالقى مكان غير هالمنتدى

انتي انشالله الله يرزقج باداره زينه وموظفين مثاليين ومدير او مديره محترمه ويكون مكانج احسن مكان بس انتي تفائلي خير

وانشالله تكونين فال خير علينا وتنزل الطرارة عفوا ً الزيادة

انشالله اني فدتج

[زهرة التوليب]

بصراحه موظف القطاع النفطي مظروم من يوم ما رفعوا رواتب الحكومه واحنا ظلينا محلك سر !!!

يعني الله يرضى رواتب الحكومه تكون أعلى من القطاع النفطي واحنا نكرف ونداوم اكثر منها
وحتى ايام اجازاتنا اقل ؟؟

وحتى الزياده اللي قروها ما شفناها ولا ندري متى راح نشوفها

[draftsman]

اختي اتمنى انا ما يحوشج احباط لان الشباب بالمنتدى قاعدين يذكرون السلبيات لانهم يتمنون الكمال
ومن الاشياء الي تميز القطاع النفطي وبالاخص الراتب العلاوه السنويه وميزة التذاكر ومكافأة النجاح
وانشاء الله الزياده

[Green Tea]

مهندس البورص
معاك حق:( للأسف مع ان هذا اهم قطاع في الدولة

MAB12
آمييييين يارب تنزل الزياده اليوم قبل باجر

زهرة التوليب
شلون اجازاتنا اقل ؟؟؟:confused: صج ؟ يا حسرتي

draftsman
والله ماعرف شي عن العلاوات السنوية !! بس اللي اعرفه ان راتي اقل من اغلب اماكن الحكومه الي فيها بدلات :( ،

[ابوشوكه]

والله انا ماسمعت شي عن الامتيازات والراتب لأني موظفه يديده وماشوف في فرق بيني وبين رواتب الحكومه وبعضهم رواتبهم أعلى مني:o
انا ودي اسمع منكم كلام يشجع ما يحبطني زياده

الميزه الوحيده gren tea انه فشخره قدام الاهل ( انا اشتغل بالنفط ):mad:

[Mr. Engineer]

لهالدرجة القطاع النفطي متدهور ؟؟
ما قريت شي بهالمنتدى غير الشكوى والتذمر !
ارجوكم ارحموا الموظفين الجدد امثالي
واعطوهم بصيصا من الامل :(
ولا مافي أمل كلش ؟
نستقيل ونروح حكومة احسن ؟
انزين ليش انتوا ما تقدمون استقالتكم بما ان الوضع بهذا السوء
وشاللي مصبركم على القطاع النفطي ؟معقوله مافي شي يميزه عن الحكومه !!!!!!!؟؟؟؟؟؟؟؟؟؟؟؟؟؟؟
صراحه انصدمت من دشيت هالمنتدى
وحالتي النفسيه في تدهور مستمر
وبديت افكر اب كلامكم جديا
واقول وين قطيتي روحج يا شاي اخضر ؟:eek:
حسيت اني راح ادخل غابه مظلمه

ادري كلامي نصه كويتي ونصه فصحى لول
بس فهموا عاد :p

و من قالج اختي أننا ما فكرنا جدياً بالاستقالة، أنا أعرف أكثر من 10 موظفين مهندسين و غيرهم قدموا استقالاتهم خلال السنة الماضية و توجهوا للقطاع الخاص أو التطبيقي أو جامعة الكويت بل و حتى الوزارات، و السبب الظلم الواقع على الموظفين في القطاع النفطي، قلة معاشات القطاع النفطي عن القطاع الخاص، المزايا الإضافية في القطاع الخاص، جدول الدوام المريح و المكاتب الكشخة مو إحنا نداوم بالحقول و مكاتبنا كيربي تقول شركة في الهند.

و الله نفكر بجد في الاستقالة

[زهرة التوليب]

مهندس البورص
معاك حق:( للأسف مع ان هذا اهم قطاع في الدولة

MAB12
آمييييين يارب تنزل الزياده اليوم قبل باجر

زهرة التوليب
شلون اجازاتنا اقل ؟؟؟:confused: صج ؟ يا حسرتي

draftsman
والله ماعرف شي عن العلاوات السنوية !! بس اللي اعرفه ان راتي اقل من اغلب اماكن الحكومه الي فيها بدلات :( ،

لأن ما عندنا عرضي حالنا حال الحكومه
وحتى أجازه الأمومه بس شهرين
والحكومه 4 شهور !!

ما ابي احبطج بس هذا الصج

[Q8_oil]

أنا كمهندس أو كعامل بالقطاع النفطي و شغلي تعب و كراف و مسئولية و تلفونات بالليل و أروح الموقع ... إلخ

لازم أحس إنه بالفعل أكو شي يميزني عن الحكومة يعني لا راتب نفس الناس , مهندسي الحكومة من ال 2004 و يمشيلهم كادر و حنا للحين ماكو شي !!

المستشفى يحتاج توسعة و المسئولين من أيام الغوص و ونسبة كبيرة منهم مو بمجاله حاطينه مجاملة و غير و غير

نشوف عزكم الله الحمير ياخذون قريدات و كورسان و إنسنتف وحنا إللي نشتغل و نكرف حتى يعطيك العافية ماكو !!

نشوف إخوانه في دول الخليج بالقطاعات النفطية نقول ياليت عندنا نص مميزاتهم بس ما بني أكثر من جذي !!

أشوف الحكومة إللي دوام فلاتي و ماكو شي و برمضان يداومون 4 ساعات مو إحنا 6 ساعات و بآخر الدنيا !!

شنو الشي إللي يميز القطاع النفطي : إنه العاملين فيه و للأسف مهضوم حقهم

[Green Tea]

أنا كمهندس أو كعامل بالقطاع النفطي و شغلي تعب و كراف و مسئولية و تلفونات بالليل و أروح الموقع ... إلخ

لازم أحس إنه بالفعل أكو شي يميزني عن الحكومة يعني لا راتب نفس الناس , مهندسي الحكومة من ال 2004 و يمشيلهم كادر و حنا للحين ماكو شي !!

المستشفى يحتاج توسعة و المسئولين من أيام الغوص و ونسبة كبيرة منهم مو بمجاله حاطينه مجاملة و غير و غير

نشوف عزكم الله الحمير ياخذون قريدات و كورسان و إنسنتف وحنا إللي نشتغل و نكرف حتى يعطيك العافية ماكو !!

نشوف إخوانه في دول الخليج بالقطاعات النفطية نقول ياليت عندنا نص مميزاتهم بس ما بني أكثر من جذي !!

أشوف الحكومة إللي دوام فلاتي و ماكو شي و برمضان يداومون 4 ساعات مو إحنا 6 ساعات و بآخر الدنيا !!

شنو الشي إللي يميز القطاع النفطي : إنه العاملين فيه و للأسف مهضوم حقهم

:(:(:(:(:(:(:(:(:( الله يعينك ليش ماتروح قطاع خاص ؟

انزين بس مو كل الموظفين شغلهم كراف ومسؤولية عدل ؟ يعني في ناس يداومون بشويخ عالبحر وقاعدين بمكاتبهم ولا اكو مسوولية كبيره وشغلهم اداري بحت بس الدوام طويل نفسكم ! يعني تتوقع هذيله افضل من الحكومه ولا لا؟ يهمني رايك اخوي:(

[Green Tea]

لأن ما عندنا عرضي حالنا حال الحكومه
وحتى أجازه الأمومه بس شهرين
والحكومه 4 شهور !!

ما ابي احبطج بس هذا الصج

ليش ماتروحون الحكوووووووووومة ؟

[العنيد]

حياج الله بين اخوانج وخواتج ياشاااااي أخضـــــــــــــــــــــــر ,,
وبما انك زميله جديده لازم تكونين مراقبه جيده للاوضاع والتشاؤم مرفوض ومو من سمات الشاب او الشابه الطموحين,,والحمد لله الاوضاع لازالت زينه وموسيئه مثل ماتصورتي ,,
Welcome