ها أنت يا عسكر

[الشيبة]

شكراً جزيلآ لفالح العسكر على تصريحه بشأن العاملين في الخفجي .. وإلى الامام سر أنت وفريق عملك الكريم و بالأخص أخونا أبوسعد ...

قضية الزيادات فرصتكم ... فأثبتوا جدارتكم

[جابر]

يعطيك العافيه ....يالشيبه ...ولايهمك ...الناس اللى نقدها موضوعى ...واضحه ...واللى تحركها أمور أخرى هم واضحه ..
ولو إنى مو معاك بفتح موضوع خاص ...كان الكافى إلحاقه بالموضوع الأصلى.أو الموضوع اللى نقل التصريح ...لاتخلى الهجوم عليك ..يشكك بخطواتك وتضطر تبررها ...ويعطيك العافيه على محاولة إغلاق باب المشاكل ...

[الشيبة]

هلا جابر ..
هذه الرسالة عشان يعرفون الغير أن هدفنا المصلحة العامة , لا عسكر ولا الجدي ولا غيره .

[مغرم]

شكراً جزيلآ لفالح العسكر على تصريحه بشأن العاملين في الخفجي .. وإلى الامام سر أنت وفريق عملك الكريم و بالأخص أخونا أبوسعد ...

قضية الزيادات فرصتكم ... فأثبتوا جدارتكم

فعلاً شكراً للاخ فالح العسكر

وشكراً للاخ فيصل الجدي بس وينه فيصل الجدي الحين تلاقيه في المحكمة .

كما نشكر الاخ عايض سعد وزملائه في النقابة

ونشكر الاخوه المجهولين الذين يبذلون ويسعون لإقرار الزيادة للخفجي

[جابر]

هلا جابر ..
هذه الرسالة عشان يعرفون الغير أن هدفنا المصلحة العامة , لا عسكر ولا الجدي ولا غيره .

أدرى إن نيتك سليمه ...بس إذا تحاول ترضى العالم كلها وهم تبى تقول رأيك بصراحه ...راح تتعب..وبالأخير راح تقل مشاركاتك :o...وهذى مانبيها ...قول رأيك ولاتحاتى شلوون يفكر فلان وعلان ...هذى مسئوليتهم هم ..مو مسئولتك ...مادمت وااااااااضح فى الطرح ...وتسلم

[q8kjoc]

تسلم يالعسكر ولا هنت على هالتصريح بس نبي همه بعد ونبي اقوى من هالتصريح لأن بالخفجي صار لقبنا المحرومين كل شي يجي للقطاع النفطي يا مايجي أو يجي بعد ما يروح طعمه].

[kjo]

تصريح ركيك للأسف كنا ننتظر تصريح اقوي وأفيد من هل تصريح

[جابر]

ماعليه يا Kjo ..هذا أول تصريح ..وتوهم الشباب مستلمين ...نعطيهم فرصه ونشوف ......المهم تكلم وظهر على الساحه بعد الإختفاء ...وأنا متوقع مادام العجله تحركت ودارت ..ماراح توقف إن شاءالله .......ربك يجيب اللى فيه الخير .....

[واحد فاهم]

عطووه فرصه لا تنسون هذا أول تصريح .. والله اللي يشتغل وهمه مصلحة الموظفين " حط مليون خط تحت موظفين" أحط ايدي بيده وانا أضحك

[نقابي 7*]

مساكم الله بالخير
لو التصاريح تجيب فائدة او لها آذان صاغية
كان تحررت فلسطين المغتصبة
نحن العرب اكثر شعب يصرح ويشجب ويستنكر
ولكن بدون فائدة
على العموم شكرا يا العسكر على ابر التخدير
وابشركم يا موظفي الخفجي عن بداية كورس التخدير من قبل النقابة
بدايتها تصاريح واخرتها صواريخ
صدقوني ما راح تخسرون الاضراب وبس والله
وسلامتكم
احلى مساء للشيبة الغيور

[المنطق]

الحقيقة أن أكثر نقابة تصرح هي نقابة نفط الخليج ،، الموضوع أبسط مما تتصورون المحكمة تفصل بين العمال وبين الشركة !! فهي يتم ذلك !!!!!!!!!!!!!

[TEXAS]

شسالفة كل واحد ينتقد تصرفه او تصريحه يقولون توه جديد عطوه فرصه ؟
بس مجرد تساؤل !!!!!!!!

[جابر]

لعموم المتواجدين ...إذا إنت ضيف على نفط الخليج ...إحترم حدود الضيافه ...مو من حق أى شخص (ينتقد) أو (يطبل) لأعضاء نقابتنا ...هذا حق محفوظ لأفراد الجمعيه العموميه..مانبى منتدانا يصير ساحة معركه ..ونخسر بعضنا بسببكم ...فكونا من شركم وروحوا لمنتداكم ...واللى عنده نقطه عن الإتحاد ..يروح منتدى عمال النفط ...هناك ...ويسوى اللى يبيه... رجاااااااااااااااااااااااااء

[على الدنيا السلام يا نفط]

الاخ فالح عسكر صرح بالجريده على موضوع الخفجي الافضل لو انه مقابل مدير الشركه بدر الخشتي ويعرف شنو ساير او شنو راح يسير واذا على التصاريح انا راح اصرح بعد

[جابر]

كلامك عدل ....بس يمكن فيه إشكالات قانونيه حالت دون هالأمر .(مقابلته لمسئولين الشركه)..فيه ناس تقول للحين الأمر لم يحسم قانونيا (امر رئاسة النقابه)...وفيه بعد (حكم) بتاريخ 27/4/2008 ...إذا هالكلام صحيح ...
فهو كان مخير بالسكوت أو الإعلان (غير القوى) ..والأعلان برأى أفضل ..

[kjo]

بالعكس الامر محسوم لفالح عسكر بالقانون واعتماده بشهاده من وزارة الشؤون ولكن انا اتوقع انه سوء اداره من فالح عسكر وعدم المعرفه بالأمور النقابيه وطريقة التصرف في مثل هذه الازمات

[جابر]

إذا كان هالشى محسوم ، شنو سالفة القضيه اللى راح يكون فيها حكم بتاريخ 27/4/2008 وشنو راح تضيف ...أنا أتذكر (بس مو متأكد) إن فيصل قال الحكم فى هالقضيه راح يحدد منو اللى يجلس على كرسى النقابه :confused:

[ابوسعووود]

يجماعه اذا طالبت النقابه بحقوق الموظفين وصرحت قلتوو ابر تخدير واذا ماطلبوا قلتووو النقابه ضعيفه وماتهم بحقووق الموظفين يجماعه المفروظ نتعاون مع النقابه ونشد من أزرهم سواء العسكر او الجدي او غيره اهم شىء مصلحه الموظفين

[ابوسعووود]

والله يعطيك العافيه يالعسكر على التصريح ومتابعه بحقوق الموظفين

[جابر]

صح إلسانك يابو سعود

[واحد فاهم]

اللي يضحك أنه الكرسي اللي عليه النزاع كرسي نقابه أكثر حقوقها مهضومه .. هذي لو نقابة الكي او سي ولا الكي ن بي سي
الله يعينكم على نفسكم