لأي استفسار عن ايكويت للبتروكيماويات

[EQUATER-1]

السلام عليكم جميعا الاخوه الاعضاء والزوار ارجو من الجميع الذين لديهم اي استفسار عن ايكويت ارجو ابلاغي وانشاءالله اجاوب عليكم باسرع وقت.

[فيصل العجمي]

كل الشكر لك اخي الكريم

وودنا لو تطرحون مواضيع المشاكل التي يواجهها العاملين في شركة ايكويت

[مسلم كويتي]

ماذا تعني كلمة ايكويت؟

[الفيصل]

السلام عليكم

بادره طيبه منك يا اخي


عساك على القوة



تحياتي

[EQUATER-1]

السلام عليكم يعطيك العافيه يافيصل على التعليق وانشاءالله مايكون عندنا مشاكل بايكويت كان عندنا مشكلة الرواتب والحمدالله حلينها مع الشركه وكانت ولله الحمد زياده قويه

[EQUATER-1]

السلام عليكم كيف حالك يامسلم معناة كلمة ايكويت ترمز الى الكويت وكون الشركه عالميه مايقدرون يسمونها الكويت فصارت ايكويت نفس ماصار مع شركةQ8.

[العنيد]

ماذا تعني كلمة ايكويت؟

السلام عليكم ورحمة الله وبركاته,,,
أخوي مسلــــــــم حسب معلوماتي فان كلمة Equate الحرف الاول E اختصار لكلمة ايثيلين وهي الماده الاساسيه للصناعة في شركة ايكويت وباقي الكلمة يرمز للكويت.

[الكندريEQUATE]

عساك على القوة



تحياتي لك

[الكندريEQUATE]

السلام عليكم


ارجو افادتي هل الدفعه السادسه مهدده بلفصل حتا الان ووقفو عقدهم

[EQUATER-1]

سامحنا على التاخير بالرد طال عمرك محد راح ينفصل واول امس كنا باجتماع مع يعقوب الكندري وأكد الكلام واكبر دليل ترى الاخوان الي وقفو توقيع عقودهم بداو يوقعون بس بشرط انه يكون عارف المنطقه الي درسها واذا احد تعطل نتمنى ان تخبرونا عن طريق اي عضو من النقابه وانشاءالله مراح نقصر مع احد ولك جزيل الشكر.

[العنيد]

الله يعطيك العافيه ايكويتر 1 على الجهود وانا اؤيد اللي قلته.

[عبدالله العصيمي]

الله يعطيك العافية على هالبادرة الطيبة

[خطاب]

ما هي تخصصات الهندسه المطلوبه لدى شركه ايكويت وهل من ضمنها الهندسه المدنيه وشكرا؟؟

[EQUATER-1]

ما هي تخصصات الهندسه المطلوبه لدى شركه ايكويت وهل من ضمنها الهندسه المدنيه وشكرا؟؟

طال عمرك تقدر تدخل على سايت الشركه وتشوف الوظائف المطلوبه بس توقعاتي ان الهندسه المدنيه مو مطلوبه عندنا وكل التوفيق لك.

[jajs04]

جم راتب المهندس المبتدئ عندكم؟

[EQUATER-1]

انوقع مع دعم العماله يبدا من 1300

[النك تحت الصيانه]

يعطيك العافيه اخوي

[moz3ej]

السلام عليكم

ويعطيكم العافية على الجهد



انا توني متخرج من التكنلوجيا تخصصي قوى محركه ( ميكانيكية) بقيت اسألكم اذا قدمت عندكم جم يصير معاشي وشلون نظام الدوام شفتات ولا صباحي وجم يفرق المعاش بينهم

واذا انا توظفت وكملت الهندسة على حسابي انتساب من جامعة الخليجية الي بالبحرين هل يعادلونها ويتم ترقيتي الى المهندس


ويعطيكم العافية

[Q825]

اخويequate 1 عندي سؤالين ولا عليك امر

قريت بالجرايد انا بيفتحون مشروع ايكويت 2 بشهر 9 هل راح يتيح مع المشروع ينزلون وظايف جديده ولا لا.

سؤال ثاني تحصص علوم كمبيوتر computer science هل اتشوف انا مطلوب بالشركه ولا لا.

وشكرا...

[EQUATER-1]

اخويequate 1 عندي سؤالين ولا عليك امر

قريت بالجرايد انا بيفتحون مشروع ايكويت 2 بشهر 9 هل راح يتيح مع المشروع ينزلون وظايف جديده ولا لا.

سؤال ثاني تحصص علوم كمبيوتر computer science هل اتشوف انا مطلوب بالشركه ولا لا.

وشكرا...

طال عمرك موظفين المشروع الجديد صارلهم اكثر من سنه وهم يأخذون تدريبات عشان وقت التشغيل يكونون جاهزين وبالنسبه حق تخصصك اتوقع انه محتاجينه بس ترى حط الواسطه قبل وتقدر تدخل على سايت الشركه وشوف شنو الوظائف المتوفره او اتصل على المكتب الرئيسي على رقم 4343666 وخل يحولونك على الموارد البشريه وكل التوفيق لكل وان شاءالله اكون جاوبت على اسئلتك.

[moz3ej]

جاااااان يطنشوووني

[سالم الخالدي]

أخوي أكويتر شاكر لك هذا العمل



ولدي بعض الاستفسارات عن شركة ايكويت

1-من ناحية معاملة الموظفين بشكل عام من الادارة العليا .

2- البونص السنوي للموظفين .

3- الكورسات كم بالسنة للموظف وفي أي بلد تكون . وعلى أي درجة .

4- رصيد الاجازلات للموظف السنوي ..

5- التذاكر السنوية على أي بلد تكون .

7 - هل الدرجات هي نفس الدرجات المعمول بها في مؤسسة البترول

8- هل هناك فعلا الكثير من الجهد والتعب على الموظفين الكويتيين من حيث العمل وضغوط العمل .. وكم متوسط الجهد البدني الذي يقوم به الموظف .

9- وهل كل الموظفين يقومون بعمل واحد بالنسبة للتشغيل أم هناك تقسيم وأدوار .

10- مدى تعرض الموظفين للأخطار المباشرة من حرائق وضغوط عاليه .. وغازات سامة .. واتخاذ الشركة لوسائل الوقاية للموظفين.


اسمحلي أخوي ايكويتر لكن هذه الأجوبة تفيدني كثير في بحث عندي يعطيك العافية مقدما

[فالح العجمي]

حط رجلك

[geo_saroona]

شلون التسجيل في ايكويت ماعليك امر اخوي؟

[EQUATER-1]

شلون التسجيل في ايكويت ماعليك امر اخوي؟

عن طريق النت وهذا السايت www.equate.com او عن طريق المكتب الرئيسي بجليب الشيوخ بجانب البنك الوطني وهذا رقمهم 4343666 .

[geo_saroona]

سؤاااااااااااااااال
اشلون اشتغل بشركتكم اخوي ماعليك امر تعلمني :)

[Nickname]

هاي سارونه بس سؤال، بقى جم شركه ما كلمتيها؟ :d
عندي لج خوش واسطه
ادعي رب العالمين

[athmar]

السلام عليكم

بصراحة يا ليت يا اخ ايكويتر تجاوب على اسألة الاخ الوسام



ومشكور:p

[نجديه وملامحي حايليه..]

تسلم ايدك ..


على المجهود الطيب ..


:)

[Porsche]

[QUOTE=EQUATER-1;8459][FONT="Arial Black"][SIZE="6"][COLOR="Yellow"]السلام عليكم جميعا الاخوه الاعضاء والزوار ارجو من الجميع الذين لديهم اي استفسار عن ايكويت ارجو ابلاغي وانشاءالله اجاوب عليكم باسرع


السلام عليكم ...ياجماعه ابي اعرف شنو احسن قسم اداري بالشركه ؟؟ من ناحية المعاشات والترقيات؟؟اذا كانت الشهاده دبلوم ..جم يستلم الاداري اذا كان عنده دبلوم ؟وشنو احسن قسم حقه كاداري؟ ..واللي عنده خبر اتمنى يفيدني
عساكم على القوه

[EQUATER-1]

[QUOTE=EQUATER-1;8459][FONT="Arial Black"][SIZE="6"]السلام عليكم جميعا الاخوه الاعضاء والزوار ارجو من الجميع الذين لديهم اي استفسار عن ايكويت ارجو ابلاغي وانشاءالله اجاوب عليكم باسرع


السلام عليكم ...ياجماعه ابي اعرف شنو احسن قسم اداري بالشركه ؟؟ من ناحية المعاشات والترقيات؟؟اذا كانت الشهاده دبلوم ..جم يستلم الاداري اذا كان عنده دبلوم ؟وشنو احسن قسم حقه كاداري؟ ..واللي عنده خبر اتمنى يفيدني
عساكم على القوه

[COLOR="Orange"]طال عمرك دقيت عليك وانت مارديت وكانت الرنه عندك دوليه اتوقع انك كنت خارج الكويت راح اتصل فيك ان شاءالله.

[bayernforever]

السلام عليكم جميعا الاخوه الاعضاء والزوار ارجو من الجميع الذين لديهم اي استفسار عن ايكويت ارجو ابلاغي وانشاءالله اجاوب عليكم باسرع وقت.

يعطيك العافية أخوي

انا قدمت على شركة ايكويت من شهرين تقريبا وماكو احد اتصل عليي .

وحبيت أسالك سؤاليين

هل التوظيف في ايكويت ياخذ وقت ؟

وهل نحتاج واسطة ؟

[TOYOTA]

السلام عليكم ورحمت الله وبركاتة

أنا عندي بكالريوس محاسبة ابي اقدم على الشركة جم معاشي ودوامي جم ساعه وهل شفتات ولا أشلون طريقة

[q87o0ob]

يعطيك العافيه اخوي


عندي أستفســار

حبيت اسأل عن شغله اسمها الدكنشن إلي بقسم الصيانه


شنو نوع الشهاده إلي يبونها و ولهم فتره يفتحون التسجيل فيها ولا التسجيل بأي وقت

وهل بالأساس موجوده بأكويت لأنه إلي اعرفه انها بأمكو وقلت يمكن اتكون موجوده عندكم بعد

[EQUATER-1]

يعطيك العافيه اخوي


عندي أستفســار

حبيت اسأل عن شغله اسمها الدكنشن إلي بقسم الصيانه


شنو نوع الشهاده إلي يبونها و ولهم فتره يفتحون التسجيل فيها ولا التسجيل بأي وقت

وهل بالأساس موجوده بأكويت لأنه إلي اعرفه انها بأمكو وقلت يمكن اتكون موجوده عندكم بعد

السلام عليكم ياطويل العمر انت تقصد تكنشن؟ اذا مو هذا قصدك جان زين تكتبلي الوظيفه بالانجليزي عشان اجيك عليها واردلك خبر

[Br0nz]

السلام عليكم جميعا ..

انا متخرج كيميا حيويه جامعة الكويت ..

و بقدم على Equate ..

بس ماني عارف اذا ياخذون تخصصي ؟

و سؤال ثاني .. ينزلون اعلان و لا لازم اروح من نفسي انا ؟

[بومحمد82]

السلام عليكم يعطيك العافيه اخوي
لو سمحت اخوي
انا عندي اخوي اللي أصغر مني معاه شهادة فني أننظمة شبكات مايكروسوفت
دبلوم 9 شهور من معهد نيوهرايزن ومعادلها بالتطبيقي ناجح وشهادته العلمية رابعه متوسط
لو يقدم عندكم يحصل خير انشاءالله والا لا
وجزاك الله خير مقدما

[EviaN]

شهاده الهندسه البحريه مطلوبه؟

[Mechanical Engineer]

شلون طريقة توظيف مهندسين حديثي التخرج ؟

كل ما ادخل الموقع يبون يا دبلوم يا بكالريوس خبره يا دبلوم خبره

و اذا يبون موظفين يدد بالقطاره تحصل


فياريت تعلمنا


شلون نقدم عليها

و الي عنده شهادات تدريب بالنفط هل تكون له اولويه ؟

[KSA]

السلام عليكم ورحمة الله وبركاته

صبحكم / مساكم الله بالخير
انا كتبت استفسار عندي كنت حاب اني اعرف اجابته بس للاسف مالقيت اي تجااوب

اتمنى القى الاجابه في موضوعك اخوي

انا موظف في شركه سعوديه للبتروكيماويات وتنتج مادة الـ Acetic acid ومسماي الوظيفي Operator
وقريت عن شركات البروكيماويات اللي عندكم لان زياراتي للكويت متكرره..بس ما لقيت اللي يقدر يخدمني في المعلومات اللي تخص الموظفين ونظام العمل في الشركات


وحاب بصراحه اني اقدم عليهم واششوف العرض اللي عندهم ..وبدايه ابي فكره مبسطه عنها وعن مميزاتها


دمتم بكل وود

[ALMN7OS^q8]

السلام عليكم
اخوي فاتحين بالموقع فتح باب التوظيف من الوظايف المطلوبه مشغل حقل من غير خبره عندي عدة استفسارات اذا ممكن تفيدني فيها
بغيت اعرف هل يدقون علي او لازم انا اراجعهم بنفسي؟
ولازم ادخل دوره تدريبيه عندهم ؟ وجم مدتها ؟ وجم يكون راتبي واستلم دعم عماله بفترة الدوره لاني انا موظف حاليا ولازم اقدم استقالتي
جم راتب مشغل الحقل المتزوج واخذ فوق المعاش دعم عماله ولا لاء؟
واخيرا اخذ دعم عماله ولا لاء؟

وابي اعرف اشلون قوة ايكويت ؟ وهل ممكن ينهون عقدي اي وقت لاني اهم شي عندي الاستقرار الوظيفي
واسف على كثرة الاسأله واتمنى اني القى الجواب عندكم

[ابو راكان]

السلام عليكم ورحمة الله وبركاته

صبحكم / مساكم الله بالخير

اخوي EQUATER-1 اذا مااعليك أمر..ممكن عنوان ادارة شركة ايكويت

ولك مني كل الشكر والتقدير

[ALMN7OS^q8]

السلام عليكم ورحمة الله وبركاته

صبحكم / مساكم الله بالخير

اخوي EQUATER-1 اذا مااعليك أمر..ممكن عنوان ادارة شركة ايكويت

ولك مني كل الشكر والتقدير

مقرهم بالسالميه مقابل المركز العلمي البرج او العماره الاولمبيه

[bo 7moood]

سلام عليكم

ياجماعه لحد يقولكم ايكويت زينه انا من الناس الي كنت في ايكويت والي قولك ايكويت كل شي فيه زين فهذا تلقاه مديره امضبطه ومدلعه والباجي فقاره على الله والمعاش اهو الي مصبرهم والي متضبط اهو الي عايش اقولكم ليش؟
اي شي مديره يقوله يقول اوكي, اي شي يكون فيه مضره حق ربعه تلقاه عند المدير قاعد,وتلقاه يسلم عليك ويضحك معاك بس ومن وراك زالغك, وتلقاه مع الهندي زين, ويمدح في الهندي عند مديره ولكويتين طاب فيهم ولمدير نفس الشي وهذا الشركه تبيه والي ينكر جذاب
وفي ادارة العن والعن من جذي في اداره مديره لاعب ابموظفينه لعب واي غلطه اتغلطه انذار نهائي ماعندهم غير هالحل كل الموظفين عندهم انذار نهائي ياجماعه شركه اتفضل الاجنبي على الكويتي وشركه اداوم فيها لازم ماتثق بأحد كلش ومايصير عندك ربع فيها
شركه ماجنك قاعد بالكويت اللغه العربيه لغت القرآن مافي اعتراف فيها كلش ولكويتين الي فيها اهنود يدورون لفلوس بس
وقسم ال Hr على كيفهم قي موظفين وايد مظلومين وخذو انذارات ابظلم من تحقيقاتهم الفاشله مابي اتكلم عنهم لاني ماراح اخلص, وفي اقسام الله بالخير وشركه كلها تدري عنها ومدير الشركه يدري بس مادري ليش ساكتين وايد اقسام ومنها قسم والله دشيته مره عندنا شغل فيه والله موظفينه يكسرون الخاطر الي اهو قسم الشحن الله يعينهم انا ماقول ان ايكويت موزينه لا فيها اشياء زينه وفي اقسام زينه بس الاغلبيه موزينه ومديره حمد التركيت ونعم فيه رجال محترم وانا ماقدر اقول ايكويت معاشه مو قوي لا قوي بس يطلعونه من جبدك
والي يحصل وظيفه غير ايكويت بالقطاع النفطي يدش احسن له من عوار الراس

[البدر_66]

الله يعطيك العافية

بس بغيت أعرف اسم المسئول عن التوظيف في الشركة

ولك الشكر

[EAST ASIAN]

السلام عليكم ..

لو تسمحون , أبي أي معلومه ممكن تفيدني : ( الكثير من الاعضاء استفسر و محد رد عليهم بس لا تخلون ولدكم و الله يجازيكم كل خير )
1- كم يستلم الموظف الاداري الجامعي الكويتي بعد توقيع العقد ؟ (الراتب جم بدون دعم العمالة)
2- ما هو عدد ايام الاجازات بالسنة ؟
3- هل يوجد تذاكر سنوية ؟ (يقولون حق لندن)
4- هل يحصل الموظف على دورات تدريبية بالكويت و الخارج ؟
5- أي مميزات أخرى للجامعي الاداري ممكن تذكرونها بعد ..
6- ما هي ساعات الدوام الرسمية ؟
7- أين تقع المكاتب الادارية للشركة ؟
إذا ممكن سلم الدرجات الوظيفية مع تحديد درجة الجامعي .. طلباتي تعجيزية لكن من كل واحد معلومه و الكل يستفيد و شكرا جزيلا

[مهندس كيميائي]

اقدر اوقع عقد مع الشركه وانا طالب

وشنو الشروط

؟؟

[فهد عيسى]

يعطيك العافية اخوي بترولي...

عندي استفسار : بالنسبة حق التوظيف بالشركة شالطريقة وشنو اهي التخصصات المطلوبة ..

ثاني شغلة : هل ياخذون كوتيين وغير كويتيين(الأم كويتية) ولا لأ , واذا كان التخصص(ماجستير/دبلوم) او حتى ثانوية في مجال انهم ياخذون شخص تخصصه مو صوب النفط نهائيا على اساس انه عندهم نقص؟؟؟

هل في مجال انه الواحد يتوظف بالشركة يعني نقدر انقول اذا كان عندهم نفص

ممكن اتهم ياخذون الي مقدم الطلب من غير ما يهتمون بالتخصص على اساس انه عندهم تقص

ومحتاجين عمالة واذا صار هالشي هل اطبقونه على الكويتيين/غير الكوتيين ولا لأ,,,,



واذا فيها مجال انه الواحد يتوظف اكيد يحتاج واسطة او شي من النوع يعني انكلم منو الي يقدر اساعدني بهالشي؟!


وشاكرلك كل الشكر خذيت من وقتك واتمنى انك تحاول ترد على هالأمور كلها كثر ما تقدر يعني اذا ممكن اكون ردك واضح وصريح...................



ويعطيك العافية
وشكور وما قصرت
:)

[مشمش]

ليش القسم ما في حياة ومحد يرد

[Eng Nawaf]

السلام عليكم

الله يعطيكم العافيه

حبيت استفسر بالنسبه حق اللي يشتغلون باكويت هل هم تبع المؤسسه ؟

وهل نهاية الخدمه يتم احتسابها مثل باقي شركات المؤسسه واذا لا شلون طريقة حسبتهم ؟

ومشكورين مقدما :)

[bo7anon]

ياجماعه متى التقديم ؟

[Eng Nawaf]

kanw mb6leen mn mda t8dr etab3 mw83hm
atw83 al7en 9krw bs fe 6lb t8dem wa7d
t8dr tshof el 6lbat 3la hlmw83

http://equate.com/careers_opportunities.php

[bo7anon]

قدمت مرتين وماكو فايده شلحل ؟

[Eng Nawaf]

والله ياخوك حالنا من حالك قدمنا وما نادونا حق المقابله :)

يمكن خيره ان شاء الله

بس اللي اعرف انهم على طول ينقبلون تخصصات الكيميا :)

[لنا بالمغرب ذكريات]

السلام عليكم جميعا الاخوه الاعضاء والزوار ارجو من الجميع الذين لديهم اي استفسار عن ايكويت ارجو ابلاغي وانشاءالله اجاوب عليكم باسرع وقت.





جزاك الله خير وان دل هذا دل على طيب اصلك وساسك


اخي الكريم انا بسئلك كم سؤال ولك انك تفيدني ولك الاجر



انا موضف بالقطاع الخاص البترولي مايقارب ال 6 سنوات بين الامن والسلامه يعني سكيورتي وترقيت وخذيت مراغب

وتوضفت رجل اطفاء مايقارب ال 4 سنوات



حاصل على الثانويه العامه واكمل جامعه بلبنان حقوق



وشهاداتي الدبلوم فني كهربائي



ودبلوم امن وسلامه ان فك كيو من لندن



ودبلوم مدخل ومخرج بيانات


ودوره تدريبيه خدمه العملاء والتعامل معهم



ودورات سيفتي


ودبلوم علوم كيميائيه دوره تدريبيه من جمهوريه مصر بس للاسف ماصدقتها ولا اعتقد يعترفون فيها




وشهادات خبره رجل امن ورجل اطفائي




وسلامتك



اما انا حاليا معطيني مراغب بنفط الخليج والحقيقه انا مارغب فيهم لنها بين دولتين ومعلقين لاحنا قطاع خاص كامل

ولا حنا رسميين بشركه نفسها وصاير ضلم كبير والصراحه انا حاب اني اكون بشركه كامله تعتبر قطاع خاص



انا حاب اعرف شركه ايكويت


هل هي قطاع خاص بالكامل



ماهي الوضائف اللي انت من بعد مؤهلاتي تعتقد تناسبني



ماهي الوضائف وطرق العمل بها ساعات العمل الراتب





هل الدوام تحضير او بصمه او كرت



ماهي مميزات الشركه تئمين صحي بدلات اؤفر تايم زيادات سنويه بونص










تقبل تحياتي ولك جزير الشكر وماتقصر

[boo3bood]

السلام عليكم

مشكور و رحم الله والديك اخي العزيز على هذه البادرة الطيبة منك و ما قصرت


انا عندي شهادة دبلوم محاسبة و قدمت على ايكويت على وظيفة ادارية يعني المجال الاداري و ليس الفني و اختبرت انقليزي و الحمد الله تعديت الاختبار

و اتصلوا علي طبعا المكالمة بالانقليزي و يوم الخميس 4-11 المقابلة الشخصية

الي بقيت اعرفه

ما هي الاسئلة المعتادة؟؟

هل المقابلة صعبة؟؟

هل فعلا المقابلة اغلبها بالانقليزي ؟؟

و اذا كانت المقابلة بالانقليزي الكلام بكون متخصص او عام يعني بسيط او معقد؟؟

هل الرد على القبول يطول بعد انتهاء المقابلة؟؟؟

و اللجنة تتكون من شخص لو اشخاص؟؟

و هل المقابلة شفهية او تحتاج لشرح عملي و هذه الامور ؟؟

و بالنسبة للرواتب عندك عنها فكرة ؟؟

المستقبل الوظيفي بالشركة ؟؟


و الف شكر لك و سامحنا على الاطالة و لكن اخوك تعب من الانتظار و البحث و كله امل و همة بان يحصل على الوظيفة و منك و معك نستفيد و نفيد ايظا

اروجك اتمنى الاجابة منك او من احد الاخوان الاعضاء قبل يوم المقابلة و جزاكم الله خيرا

[Eng.A]

ناطرين الاجابات :)

[Q8_Nor]

السلام عليكم
انا تخصصي مختبرات طبيه بكالوريوس طب مساعد خبرتي 10 سنوات بالصحه وقدمت استقالتي من سنتين يقبلوني البترول بمختبرات الكيمياء والتحاليل البتروليه؟ لاني زهقت من عينات البشر ولاعت جبدي
من ناحية واسطه انا صفر عالشمال ماحب اطلب من احد شىء
في انتظار الرد

[bo7anon]

انا توني سجلت مره ثانيه

اتمنى يدقون

[كويتي وافتخر Q8]

عسى الله يوفق الجميع


ونتمنى من الإخوان .. يجاوبون على الأسئلة ...


كل التوفيق للجميع

[توكلنا علي الله]

السلام عليكم

يا جماعه انا اشتغل في الارياق وخبره سنه وشهادة ثانويه

شنو تقبلني اكويد وشنو مسماي وشتو ترقياتها وكم رواتبهم بالبدايه وشلون طريقت الترقيات وكم توصل الترقيات ووين توقف ترقيتي

ومتي يفتح التسجيل وهل استطيع النقل

ياريت تفيدوني بأسرع وقت

[Eng. Jenan AlGharabally]

و عليكم السلام و الرحمة,,

والله ما عندي الإجابة على السؤال الأول اللي يتعلق بالقبول و المسمى و الراتب . .

بس بالنسبة للسؤال الثاني اللي عن التسجيل,, الشركة عندهم بالموقع صفحة فيها الشواغر

و تقريبا كل يومين او كل اسبوع يعدلون عليها على حسب احتياجاتهم . . و تقدم على الوظيفة

اللي تشوفها مناسبة و اللي مجتاز شروطها عن طريق الموقع نفسه و هذا الـlink حق الموقع:

http://www.equate.com/careers_opportunities.php

و بالنسبة حق سؤالك الأول اكثر ناس ممكن يفيدونك اهما الشركة نفسها فـ هذا رقمهم: 1898888

و اطلب منهم يحولونك على ادارة الموارد البشرية هناك و ان شاء الله يفيدونك . .


بالتوفيق,,

[M!ss Chem!st]

عندي جم سؤال لو سمحتوا ؟؟

اكيد الشركه تقبل الكيميائيين بس السؤال وين يوظفونهم وين يحطونهم ؟؟ شنو نوعيه دوامهم ؟


والمكان وينه بالضبط اي منطقه ؟

وطريقه التسجيل وآليتها شلون ؟؟ عن طريق مؤسسه البترول والا بروحها الشركه ؟؟




ناطره الاجابات .. وشكرآآ مقدمآ :)

[Eng. Jenan AlGharabally]

عندي جم سؤال لو سمحتوا ؟؟

اكيد الشركه تقبل الكيميائيين بس السؤال وين يوظفونهم وين يحطونهم ؟؟ شنو نوعيه دوامهم ؟


والمكان وينه بالضبط اي منطقه ؟

وطريقه التسجيل وآليتها شلون ؟؟ عن طريق مؤسسه البترول والا بروحها الشركه ؟؟




ناطره الاجابات .. وشكرآآ مقدمآ :)


هلا والله حبوبة حياج تفضلي بالأسئلة :)


- والله بالنسبة للكيميائيين مادري وين يوظفونهم و طبيعة شغلهم للأسف . .


- الشركة لها مكانين: الـcore business يعني مصانعهم الأساسية و الشغل كله بشعيبه

اما الإدارة فهي موجودة بمجمع olympia بالسالمية . . الدوام بشعيبه من 7 و نص لي 3 و نص

اما الدوام بـolympia من 8 لي 4 . .


- بالنسبة لطريقة التسجيل فهي لا ما لها شغل بمؤسسة البترول بروحها و تكون عن طريق

موقعهم بالإنترنت . . و شرحتها بتفصيل اكثر بردي اللي فوق حق العضو/العضوة "توكلنا على الله"

و اذا عندج بعد اي اسئلة حياج الله :)


موفقة

[توكلنا علي الله]

يعطيك العافيه اخوي ما قصرت

[Aqeel]

السلام عليكم ورحمت الله وبركاتة

أنا عندي بكالريوس محاسبة ابي اقدم على الشركة جم معاشي ودوامي جم ساعه وهل شفتات ولا أشلون طريقة

اتمنى احد يجاوب على هالمداخلة

[Stations]

اكو تخصصات اداريه مطلوبه؟
وشكرا

[Moe_equate]

اكو تخصصات اداريه مطلوبه؟
وشكرا
ما اعتقد لانه موظفين ال hr بروحهم فوق ال 1000 لووول

[Abdullah_q8]

مطلوب بكالريوس هندسة بترول حديث التخرج ؟ ولا تحتاجون الدبلوم فقط ؟

[مو معقول]

جم رواتب إيكوت؟ لان اللي اعرفه رواتبهم قبل زيادة القطاع النفطي نفس رواتب القطاع النفطي بعد الزياده...والحين يبون زياده غير:) يعني جم يبون مثلاً

نبي نشوف سلم الرواتب بالشركه اذا ممكن

[Bo-hussain-bloushi]

سلام عليكم
حبيت اسأل
انا عندي دبلوم ميكانيكا هندسه بحريه
متى يفتحون تسجيل
وجم معاشاتهم مع دعم العمالة ؟
وشلون طريقة الدوام

[SADVIPER]

وعليكم السلام ورحمة الله وبركاته
دش الموقع مبطل على طول وشوف اذا تخصصك موجود ولا لا

[expert.accountant]

اقدر اقدم علي طول مباشره عند ملني الشركه انا سجلت بالموقع بس يااا ليل ما اطولك ماني قادره اصبر

[expert.accountant]

تخصصي محاسبه دبلوم وهالسنه راح اتخرج بكالريوس وعندي خبره 10 سنوات سبع صنايع والبخت ضااايع