إخوانا (ضيوف) نفط الخليج ..تفضلوا هنيه أولا

[جابر]

الرجاء من الإخوان الضيوف على المنتدى تعريف نفسهم ...مانبى أسم..بس بأى شركه ...حتى ماتولع النقاشات ...وتفلت الأمور ....

إذا ماتبى تقول من أى شركه ..مو مشكله ...قول أنا ضيف ...وحط رأيك ...مهما كان ...

مشاركاتكم ثمينه ...بس مانبى اللى يتعرض لنقابتنا ...او يحاول (يلمع) لها ..على حسابنا...أنت ضيف ...خل مشاركتك بحدود الضيافه ..

اللى دفعنى لهذا الموضوع ..مشاكل قديمه أثيرت ..والظاهر باديه ترجع ...ولما نتتبعها نجد معظم المشاركين فى توليعها من خارج نفط الخليج...

الرجاء من الإشراف التثبيت للأهميه ...

[واحد من الناس]

شكرا أخي الكريم موضوعك في محله
وأنا من knpc بس اللي يهمني بالموضوع الأخ رادار من أي شركة؟؟؟
تعبنا من تحويل البعض للمنتدى ساحة صراعات

[جابر]

يعطيك العافيه .(واحد من الناس)....وأحييك على شجاعتك الأدبيه ...قليلين الناس اللى مثلك ...
رادار ..طاف نقطة التفتيش هذى وبدأ بالهجوم على أى واحد يعارض العسكر ...كالعاده ..

[مغرم]

انا خفجاوي ودوامي في الادارة العليا

ولله الحمد لي شبكة اتصالات مع كبار الموظفين

في مكتب الخفجي والمكتب الرئيسي بالاحمدي ومكتب الوفرة

اللى يبي اي معلومة طازه يراسلني :)

[جابر]

حياك الله يامغرم ..غنى عن التعريف...حنا بغينا الناس اللى من خارج نفط الخليج ...يعلموننا إنهم ضيوف حتى لايولعونها (بمنتدانا)

[السيف]

مشكور جابر على الموضوع

وانا من الخفجي

[جابر]

حياك الله ياسيف بين إخوانك

[kjo]

وانا معاكم من الخفجي:)

[جابر]

حياك الله يا kjo بي إخوانك

[جابر]

لليوم الثالث على التوالى ..لازال رادار ...هاربا من نقطة التفتيش ...ومستمر بهجومه على أى شخص يتعرض للعسكر :o

[Bo Hadeel]

قواك الله يا جابر
اخوك من الوفرة

[صندوق شكاوي]

حيا الله الجميع وحياك يا ابو هديل

[واحد فاهم]

والله يا خوي جابر موضوعك في محله ...مشكور والله
والله يعينك ..

[جابر]

يعطيكم العافيه ...جميع ..............
ولازال المدعو رادار ...هاربا من يد العداله ...:o ...

[واحد فاهم]

يعطيكم العافيه ...جميع ..............
ولازال المدعو رادار ...هاربا من يد العداله ...:o ...

تهقى يا خوك يا جابر صادته الكاميرا ..:D

[جابر]

تهقى يا خوك يا جابر صادته الكاميرا ..:d

ايوالله ..صايدته ...عينى عينك ...ومخالفه جسيمه....بس مضبط حاله مع (قسم المخالفات);) ...ومانبى نزعلهم ..يمكن لما ينصاد مره ثانيه ...(يخالفونه)..أو إنه يبلع العافيه وماخالف مره ثانيه ..

[نقابي 7*]

خفجاوي وافتخر
خفجاوي متعصب

اقول يا جابر ليش مستغرب ان رادار ما ظاهر على الساحة
ما تدري ليش لان هذي الايام ايام تتكبل فيها ........والله اعلم
بس الحمد لله تخلصنا من بعض الشوائب الى تعكر بين الاخوة

هلا مغرم هلا KJO هلا بالسيف هلا بجيمع الاخوة من الخفجي
هلا بالمجاهدين هلا بالمثابرين
والله لولا اهل الخفجي ما اخذوا معاشات الوفرة والمكتب الرئيسي
يالله الرزق على الله:)

[واحد فاهم]

خفجاوي وافتخر
خفجاوي متعصب

اقول يا جابر ليش مستغرب ان رادار ما ظاهر على الساحة
ما تدري ليش لان هذي الايام ايام تتكبل فيها ........والله اعلم
بس الحمد لله تخلصنا من بعض الشوائب الى تعكر بين الاخوة

هلا مغرم هلا KJO هلا بالسيف هلا بجيمع الاخوة من الخفجي
هلا بالمجاهدين هلا بالمثابرين
والله لولا اهل الخفجي ما اخذوا معاشات الوفرة والمكتب الرئيسي
يالله الرزق على الله:)

لول الله ثم أهل الخفجي لا هنت يالغالي :)

[الملسون]

عساك عالقوه يا جابر ومشكور على هالمبادره عشان نتعرف على اخوانه

من كل القطاعات النفطيه ومن شركتنا ( الخفجي -الوفرة -الاحمدي)

انا من الخفجي يعني من التعساء والمغضوب عليهم

[جابر]

حياك الله يالملسون بين إخوانك ......وإن شاء الله حقوقنا ماتضيع ...يا يجيبونها العسكر وربعه والا السنه الجايه نبدلهم .:(.....أهل الخفجى أكثر من 500 رجال :D...ولايهونون إخواننا بالوفره والمكتب الرئيسى .:o

[مغرم]

هلا بنقابي وهلا بالحضور كلهم
حيالله الخفجاوية والوفراوية والحمداوية:)

[engr.Kuwaiti]

حيا الله أخوي جابر
أنا أخوك مهندس كويتي في عمليات الخفجي المشتركة
وشغلي في دائرة الأستكشاف والتطوير Edd
في الخدمة طال عمرك

[جابر]

حياك الله ياباش مهندس بين إخوانك ...أنتو الخير والبركه

[A11]

السلام عليكم ...وانا بعد من الخفجى

[جابر]

حياك الله بين إخوانك A11

[Control-JO]

لليوم الثالث على التوالى ..لازال رادار ...هاربا من نقطة التفتيش ...ومستمر بهجومه على أى شخص يتعرض للعسكر :o

الشباب لى في أي نقابة تر هذوله أخونه خلفتنا بس لم يصير نقابي

[جابر]

الشباب لى في أي نقابة تر هذوله أخونه خلفتنا بس لم يصير نقابي

مافهمت عليك :confused:...بس هم حياك الله Control-JO بين إخوانك :D

[SOLAR-TURBINE]

Hello Guys I'm A New Comer To This Site From Kjo/offshore
Next Time I'll Write In Arabic After I Get My Arabic Keyboard
Thanks .......and May God Bless All Of You

[جابر]

You are always welcomed Solar-Turbine, English Keyboard or Arabic one.

[Me2]

السلام عليكم اخواني واخواتي ..


انا من المكتب الرئيسي .. بالاحمدي ..


:)

[جابر]

حياك الله بين إخوانك يا Me2
وإن شاء الله نشوفلك مشاركات ومواضيع ويانا

[Winchester]

حياكم الله جميعا ولنا الشرف التعرف على الوجيه الطيبة


وان شاء الله نشوف الطرح الهادف لتعم الفائده على الجميع


بالتوفيق

[نفطي_KJO]

السلام عليكم يا اخوان
أخوكم مهندس في الخفجي و في دائرة Isd

[جابر]

حياك الله نفطى_kjo بين إخوانك

[الوليد]

والله موضوعك وايد حلو
وصح الله لسانك

[جابر]

صح بدنك يالوليد ، وحياك الله

[الوليد]

شكرا ياجابر
والله صح موضوعك ممتاز

[بوشاهين]

امسي عليكم بالخير جميعا
اخوكم من دائرة الtmd

[جابر]

هلا والله بوشاهين ..حياك الله ياريّس بحريه:)

[RADAR2]

يعطيكم العافيه ...جميع ..............
ولازال المدعو رادار ...هاربا من يد العداله ...:o ...


تقصدني ... ولا رادار !! أنا ( RADAR2 ) وعلى فكرة ياجابر ،، لست مع أحد ضد أحد !!

أنا مع الحق أينما دار وهذا طبع الرادار مووووووووووووووووووووووووووووووووووووووووو!!!

[جابر]

يعطيكم العافيه ...جميع ..............
ولازال المدعو رادار ...هاربا من يد العداله ...:o ...


تقصدني ... ولا رادار !! أنا ( RADAR2 ) وعلى فكرة ياجابر ،، لست مع أحد ضد أحد !!

أنا مع الحق أينما دار وهذا طبع الرادار مووووووووووووووووووووووووووووووووووووووووو!!!

والله إنك مشكله ...رادار ومتعطل :D وماله قطع غيار :D
لما شفت ماكو مشاكل .. رحت تدور مشاركه من شهر ونص ...حتى تعلق عليها ...وتقرص;)

اول شى ...المشاركه اللى بالأعلى ...كتبت قبل لايظهر radar2 على الساحه . عن رادار الأصلى ..وإن كان توجهكم قريب حيل ، شوف تاريخها ..وشوف تاريخ أول مشاركاتك....
وبعدين الرادار صوته بيب بيب بيب :cool: وليس موووووووووووووووووو :p

مع إنك الى الأن ماقلت إنت من وين ..بس لأن مخالفاتك كلها بسيطه .. الدوريه مطوفتك بمزاجها ;)

[Ayoman]

السلام عليكم ...
قواكم الله ياجماعة على هالمنتدى الطيب والناجح ان شاءالله
ويعطيك الف عافية يا اخوي جابر على الموضوع الطيب
وانا موظف ابشركة نفط الخليج بالخفجي
وفرصة سعيده ان شاءالله

[جابر]

حيّاك الله Ayoman بين إخوانك ..:)
وبمشاركات الجميع ..يكبر المنتدى ويصير مصدر مهم للمعلومات والتواصل

[فهد مبارك السبيعي]

انا فهد من الخفجي
احييكم كلكم واشكر صاحب هذا المنتدى
على فكرته الرائعه التي جمعتنا لنتشارك مع بعض ومع اخواننا في الشركات الاخرى
لنتبادل الافكار والاراء

[الوليد]

حياك الله يا السبيعي