المساعد الشخصي الرقمي

مشاهدة النسخة كاملة : خصم خاص لموظفين القطاع النفطي

EQUATER-1
10-25-2007, 09:38 AM
السلام عليكم جميعا موضوعي هذا اتمنى من المسؤلين تطبيقه على موظفين القطاع النفطي على ان يصرفون لهم بطاقات خاصه تمنحهم خصم خاص عند تعبئتهم للوقود وتبديل الزيوت ومحطات الغسيل التابه لهم .
HUMMER
10-25-2007, 09:54 AM
والله يبيله ويكون للجميع مو عند درجه معينه
frfosha
10-25-2007, 10:25 AM
اي والله يا ليت بصراحه الطريج ذبحنا كل بين يومين انفول السياره ويالله نلحق راس بهالطريج ويعطونا احنا يا الموظفين أي الطبقه الكادحه لانه المسؤوليين عندهم سياره ومخصص لهم مادري جم من البنزين فكره ممتازه
أبو طلال
10-25-2007, 10:43 AM
و عليكم السلام و رحمة الله و بركاته ...

إقتراح جميل أخي الكريم ... بس صعب تطبيقه ...

لأن المحطات راح يتم خصخصتها كلها ... و بعدين سعر البنزين عندنا

يعتبر رخيص جدا مقارنة بمعظم دول العالم ... و حتى المسئولين في

الشركه تم تحديد عدد لترات البنزين المخصص لهم خلال العام بعد أن كان مفتوحا ...

علما أن هناك بعض القطاعات تقدم خصومات لموظفي القطاع النفطي مثل بعض الفنادق

و العيادات الخاصه و غيرها ...
EQUATER-1
10-25-2007, 02:27 PM
يعطيك العافيه يابوطلال على التعليق بالنسبه حق موضوع رخص البنزين ترى السعر مو رخيص لانه اذا تبي تسوي مقارنه يجب ان تكون مع الدول الخليج وبالذات السعوديه وانظر للفرق وليس مع اوروبا لانه دول غير منتجه للبترول فا طبيعي تكون الاسعار مرتفعه. ولك جزيل الشكر على المشاركه.
العنيد
10-26-2007, 05:09 PM
السلام عليكم جميعا موضوعي هذا اتمنى من المسؤلين تطبيقه على موظفين القطاع النفطي على ان يصرفون لهم بطاقات خاصه تمنحهم خصم خاص عند تعبئتهم للوقود وتبديل الزيوت ومحطات الغسيل التابه لهم .

والله اقتراح طيب وبناء اخوي ايكويتي ..لكن هالاقتراح للاسف راح يتعارض مع سياسة الجعــصــــنه المتبعه في القطاع النفطي الكويتي..وسياسة الجعصنه هذه أثبتت نجاحها أكثر من ما يسمى الامباورمنت..
ام ريما
10-27-2007, 03:09 AM
السلام
الله يعطيك العافيه عالموضوع الجميل وانشالله يطبقونه وفكون ازمتنا مالت البنزين
الله يسمع منك اخوي
عبدالله العصيمي
10-27-2007, 03:21 AM
يا الله السلامة ... عسانا نسلم على رواتبنا بس ..
:)
جايكم الحميضي أبو العجوزات ... ;)
المشاكس
10-27-2007, 05:28 AM
سواءً جانا الحميضي أو غيره ألي تبيه الحكومه يصير
EQUATER-1
10-27-2007, 12:52 PM
نتمنى ياجماعه من المسؤلين انهم يميزونا عن غيرنا لما نراه من مشاق في هذا القطاع المتعب واتمنى من المسولين انهم يشوفون المميزات الي عند اخواننا بالقطاع النفطي بدول الخليج ويطبقونها عندنا ومانبي اكثر.
Online
10-27-2007, 05:28 PM
إقتراح جميل أخي الكريم
Wes@m
10-27-2007, 11:14 PM
لا تعليق...
بوكندر
10-28-2007, 02:17 AM
ما تبووون سايق بعد :) ؟؟؟
زهرة التوليب
10-28-2007, 09:16 AM
بصراحه هذا الشي دايم اقوله واتمنى انه يصير عندنا

لأن مو قاعدين نستفيد من الخدمات اللي يقدمها القطاع النفطي

ياريت يسوون لنا خصم
العنيد
10-28-2007, 08:01 PM
نتمنى ياجماعه من المسؤلين انهم يميزونا عن غيرنا لما نراه من مشاق في هذا القطاع المتعب واتمنى من المسولين انهم يشوفون المميزات الي عند اخواننا بالقطاع النفطي بدول الخليج ويطبقونها عندنا ومانبي اكثر.
الاخوان المسئولين الله يسامحهم حاسدينا على ابسط حقوقنا اللي كل القوانين كفلتها لنا ..نصيحه لاتتمنون منهم مبادرات ..بس اذالكم حق في اي شي طلعوه من عيونهم.
engineera
10-28-2007, 11:13 PM
اي والله يبيله
Ykarim
10-30-2007, 10:57 PM
هالقرار صعب يصير لان المسؤولين ما تشملهم الفايده فما راح يتحمسون للموضوع و يمكن يكونون اكبر معارض له
و بدل تخفيض سعر التكلفه يعطون كل موظف كوبون بقيمة 15 الى عشرين دينار بحيث يطلع الموضوع من موافقة الحكومه و يكون امر داخلي يقدر مسؤولي القطاع النفطي يقرونه لموظفيهم