عاجل : حكم نهائي لفالح العسكر [الأرشيف] - منتدى العاملين بالقطاع النفطي الكويتي

مشاهدة النسخة كاملة : عاجل : حكم نهائي لفالح العسكر

صحفي

03-24-2008, 10:13 AM

جائنا هذا النبأ

كسب فالح العسكر رئيس نقابة نفط الخليج الاشكال النهائي المرفوع من قبل فيصل الجديد رئيس نقابة نفط الخليج السابق

هذا وسنوافيكم بالاخبار تباعا

kkk

03-24-2008, 10:14 AM

العسكر يكسب الاشكال النهائي اليوم
تحياتي

ابوحمد

03-24-2008, 10:15 AM

بارك الله فيك اخوي صحفي والف شكر على نقل الخبر

والف مبروك للجمعيه العموميه على هذا الانجاز وبدا العمل باذن الله لتحقيق مطالب العاملين بالخفجي والوفره والمكتب الرئيسي

وبالتوفيق للجميع

ابوسعووود

03-24-2008, 10:22 AM

صدر حكم اليوم لصالح فالح العسكر واخذ الاعتماد من الشؤون
ونتمنى لك التوفيق

فيصل العجمي

03-24-2008, 11:05 AM

الف مبروك ان شاءالله ونسأل الله التوفيق للأخ فالح العكسر وباقي الأخوان في النقابة لما فيه مصلحة اخوانهم الموظفين

صحفي

03-24-2008, 11:33 AM

تأكيدا للخبر العاجل :

صدر صباح هذا اليوم 24 من مارس 2008م الحكم النهائي في قضية الجمعية العمومية الغير عادية لنفابة نفط الخليج والتي بموجبها صدر حكم اول درجة مستعجل لصالح السيد / فالح العسكر باعتمادة رئيساً لنقابة نفط الخليج واعتماد الجمعية العمومية الغير عادية التي اطاحت بمجلس السيد / فيصل الجدي ،بتاريخ 6/3/2008م ، وبعدها قام الاخير برفع دعوى استشكال في الحكم وتم تأجيل النطق بالحكم الى صبيحة هذا اليوم وتم بموجبها الحكم لصالح السيد / فالح العسكر ، وتباعاً لما نشرناه تقوم وزارة الشؤون الاجتماعية والعمل بإعتماد الحكم وإصادار شهادة تفيد بأن السيد / فالح العسكر ومجلس إدارته هم الممثلون الشرعيون لنقابة العاملين بشركة نفط الخليج .

صحفي - منتدى العاملين بالقطاع النفطي

جابر

03-24-2008, 11:44 AM

يعطيك العافيه صحفى على الخبر

و مبروك للعسكر والشباب اللى وياه الحكم الصادر ...والحمدلله على وضوح الرؤيه ...
.ونتمنى من الإخوان اللى يعرفون الشباب فى النقابه الجديده يحطون أسمائهم وأماكن عملهم ..حتى نعرف منو اللى يمثلنا حاليا.......

وأنتهز هذه الفرصه وأقول لفيصل الجدى وعايض الهاجرى وأعضاء النقابه السابقه ...كثر الله خيركم وماقصرتم والدور على زملائكم هالحين لحمل الأمانه ....

radar

03-24-2008, 03:21 PM

مبروك للجميع ونتمنى من النقابة الحالية انها تؤدي دورها بالشكل المطلوب ونبذ الخلافات ووضع نصب اعينهم مخافة الله ومصلحة العمال ويبقى الجميع أخوة وزملاء في العمل

فعلا استلم فالح العسكر اعتماده من الشئون بشهادة تفيد باعتماد مجلس إدارته لحين شهر 6/2010م وغدا يستلم باقي اوراق الاعتمادات البنكية من الوزارة

هذي هي الديمقراطية وهذا هو القضاء العادل-نأمل من المجلس السابق سلاسة التعامل وتسليم المقر للمجلس الجديد ليكملوا جميعا مشوار العمل ومواصلة انجازات العمال

engr.Kuwaiti

03-24-2008, 11:23 PM

ألف مبروك للأخ فالح العسكر والله يعينه على تحمل الأمانة والتركة الثقيلة في هذه النقابه وكلنا ثقة ان كل من يسعى للنقابة انما يسعى لخدمة القضايا العمالية والسعي للحصول على حقوقهم ونتمنى للأخ عسكر كل التوفيق والنجاح .... كما ونتمنى أن يقوم الأخ عسكر - رئيس نقابة نفط الخليج. الدعوة لجمعية عمومية لنعرف التوجه العام وسلم الأولويات للأدارة النقابية الجديدية لنفط الخليج

وأيضا نشكر الزملاء في أدارة نقابة نفط الخليج السابقة برأسة الأخ العزيز فيصل الجدي على الجهود المميزة والجبارة في خدمة القضايا العمالية ورايتكم بيضه وبيض الله وجيهكم وماقصرتوا والشاهد الله .... والأمانة حاليا انتقلت منكم وذهبت إلى زملائكم برآسة الأخ فالح العسكر ... وانشالله يكون الأخ العسكر خير خلف لخير سلف.... وفي النهاية حطوا ايدكم بيد بعض وترفعوا عن الخلافات اللي أشغلتنا وأشغلت الساحة العمالية ..... ونمنى التوفيق للجميع لما فيه خير للموظفيين في الشركة الكويتية لنفط الخليج في الخفجي والوفرة والمكتب الرئيسي.

تايتنك

03-24-2008, 11:25 PM

مبروك للعسكر

brilliant

03-25-2008, 08:11 AM

مبروك والله يجعل فيه البركه لصالح اخوانه الموظفين

واحد فاهم

03-25-2008, 08:24 AM

مبرووك للأخ العسكر ونتمى التوفيق ان اشاء الله للجميع ومشكور لفيصل الجدي وجزاه الله خير على كل اللي سواه للاخوان بالشركة

طلب من اللي يعرف الأخ العسكر نطلب رقم تلفونه وارقام تلفونات الأخوان بالنقابه الجديدة ...

صندوق شكاوي

03-25-2008, 01:36 PM

http://www.q8ow.com/vb/attachment.php?attachmentid=436&stc=1&d=1206441143

radar

03-25-2008, 02:52 PM

ديمقراطية مجلس فالح العسكر تم إثباتها منذ بداية الاستلام وهي لأول مرة في النقابة دخول العنصر النسائي في تشكيلة المجلس وهذي بادرة طيبة ونتمنى للأخت الدكتورة العنزي كل التوفيق ونثمن لها شجاعتها ودخولها ضمن صفوف التشكيلة النقابية وهو حمل ثقيل عليها ونتطلع منها ممارسة دورها في الحفاظ وتمثيل المطالبات العمالية النسائية وتشكيل لجنة نسائية تلتقي بشكل دوري مع زميلاتنا الموظفات للاطلاع على همومهن ومحاولة إيجاد حلول منصفة لمطالبهن

جابر

03-25-2008, 05:34 PM

نفط خام

03-25-2008, 09:42 PM

مبرووووووووووووووووووووووووووووووووووك للعسكر وربك ما يطق بعصى

واحد فاهم

03-26-2008, 08:38 AM

مبرووووووووووووووووووووووووووووووووووك للعسكر وربك ما يطق بعصى

الغالي ما يجوز تقول " ربك ما يطق بعصى " لأن ربك أعلى وأكرم من الضرب بالعصى ...

ابونايف

03-27-2008, 12:10 AM

جابر

03-28-2008, 12:46 AM

كفوووووووووووووووووووووو

يستاهل بوسعد

احب ازف اجمل التهاني والتبريكات للأخووان اعضاء النقابه واخص بهذي التهنئه العزير فالح العسكر وعسى الله يوفقهم ويصححون اخطاء الاخ فيصل

واتمنى لهم كل التوفيق يستاااااهلووون
جابوها بأفعالهم مو بالكلام هكذااا الرجااااااال دائماٌ
مشكورين على نقل الخبر الى افرحنا صراحتاٌ

مايبيله كلام بوسعد يستاهل كل خير .:)..بس نرجع للى جاء فى المشاركه ...
اول شى ...ماشفنا أخطاء ..كلها إجتهادات ..
وبعدين اى أفعال يابونايف .:o...جابوها من الشباب اللى عطوهم الأصوات بالجمعيه العموميه .:o..ولو مو هالأصوات ما وصلوا لمجلس النقابه......والا القضايا ..تحصيل حاصل ..بمجرد ما تم التصديق على صحة الجمعيه العموميه ...وضحت الأمور...خلنا حبايب أحسن ;)
الأفعال تبين هالحين ...حقوق أهل الخفجى كثيييييييييييييره وواضحه ...لكن تحصيلها صعب ...أربعة أيام طافت من الحكم ...والشرعيه الجديده ....وما سمعنا عن العسكر شى ...لا دعى لإجتماع لتوضيح أى خطوات ولاشى ...
اللى مثله مفروض من أول يوم يربح فيه الحكم ....يجمع الموظفين ويقول شنو خططه وشنو راح يسوى ...صح:)

رجل امن اول

03-29-2008, 02:10 PM

الف مبروك لفالح العسكر

الصنفره

03-30-2008, 09:53 PM

سيف العز

03-30-2008, 10:49 PM

اتمنى هذا الخبر صحيح بس ياجماعه سمعت من ناس فى نفط الخليج ان الحكم النهائى تاريخ 6-4 من الشهر الجاى

جابر

03-31-2008, 11:47 AM

اتمنى هذا الخبر صحيح بس ياجماعه سمعت من ناس فى نفط الخليج ان الحكم النهائى تاريخ 6-4 من الشهر الجاى

هلا سيف العز
حاليا العسكر اللى مستلم قانونيا ........شوف الوصله اللى تحت ...جزء من رساله أرسلها فيصل قبل كم يوم لإجابه على إستفسارك ..

http://www.q8ow.com/vb/showthread.php?t=8504

Sc0rpio

04-01-2008, 08:48 AM

الاستاذ فيصل الجدي يستاهل كل خير والله يعطيه الصحه والعافية وانشاء الله نراه رئيسا للنقابه من جديد لانه يستاهل

نقابي 7*

04-01-2008, 09:43 PM

اخي سكوربي احنا ما يهمنا منو رئيس النقابة المهم حقوقنا بس الريس وين لا السابق طالع على الساحة ولا الريس الجديد واحنا صرنا طرشان بالزفة وعلى فكرة الاخوان في القطاع عرفوا مصيرهم بالنسبة للزيادة والرواتب الثلاث على الاساسي الا احنا محنا عارفين شي :confused: الاستاذ فيصل الجدي يستاهل كل خير والله يعطيه الصحه والعافية وانشاء الله نراه رئيسا للنقابه من جديد لانه يستاهل

طالب هندسه

04-02-2008, 12:01 AM

الف مبروك يا ابو سعد

engr.Kuwaiti

04-02-2008, 03:12 AM

بصراحة يا جماعة أكثر ما يثير الإستغراب والدهشة هو السكوت والغياب المذهل للأخ رئيس النقابة الحالية منذ تسلمه ادارة النقابة بعد صدور الحكم لصالحه ولكم كنا نتأمل من الأخ فالح العسكر أن يدلي بتصريح رسمي أو الدعوة إلى جمعية عمومية لتحديد الأولويات وخطة عمل مجلس الإدارة الجديد ولكن حتى هذه اللحظة لم يصدر شيء للأسف ..... ولذلك نتمنى من الأخ العسكر الإستجابة لهذه المتطلبات حتى نتيقن أن الإدارة الحالية في صف العمالة وحقوقها المشروعة .... ولكم منا جزيل الشكر

قائمة_الجميع

04-02-2008, 08:24 PM

خلصناااااها،،،،،نحن اول من يبشركم تستاهلون والف مبروك تمت الموافقه علي صرف الزياده لموظفي الخفجي كالتالي:120دينارغلاء معيشه،العلاوه التشجيعيه كل موظف حسب الدرجه سنكون علي تواصل معكم قائمة الجميع

ابونايف

04-04-2008, 10:28 PM

مايبيله كلام بوسعد يستاهل كل خير .:)..بس نرجع للى جاء فى المشاركه ...
اول شى ...ماشفنا أخطاء ..كلها إجتهادات ..
وبعدين اى أفعال يابونايف .:o...جابوها من الشباب اللى عطوهم الأصوات بالجمعيه العموميه .:o..ولو مو هالأصوات ما وصلوا لمجلس النقابه......والا القضايا ..تحصيل حاصل ..بمجرد ما تم التصديق على صحة الجمعيه العموميه ...وضحت الأمور...خلنا حبايب أحسن ;)
الأفعال تبين هالحين ...حقوق أهل الخفجى كثيييييييييييييره وواضحه ...لكن تحصيلها صعب ...أربعة أيام طافت من الحكم ...والشرعيه الجديده ....وما سمعنا عن العسكر شى ...لا دعى لإجتماع لتوضيح أى خطوات ولاشى ...
اللى مثله مفروض من أول يوم يربح فيه الحكم ....يجمع الموظفين ويقول شنو خططه وشنو راح يسوى ...صح:)

وشفيها ليش ماتصبرون ولا بس تبون تصبرون على الجدي؟؟؟؟

يا اخي مافي شي بسرعه كل شي بالسياسه وبالهداوه

يعني عاجبك وضع نقابة المؤسسه ايام الكادر وقالوا مبروكين واخر شي انسحبت وتأخرت واجلوها لي شهر فبراير

يعني الاخ العسكر الحمدلله انسان عاقل ومفكر بنفس الوقت ويتخذ سياسة التررريث

لان الاستعجال ماراح يكون بصالح احد

اصبروا وراح تشوفون الى يرضيكم انشالله

والانسان مايقدر يرضي كل الناس ارضاء الناس كاايد

وياليت ماتحكمون على الرجل بهالسرعه لان تووه ماسك المنصب يعني شويه شويه

وعلى قولتك دام خذاا هالمنصب من اصوات الى صوتوله اكيد انهم راضين فيه ولا مايصوتون حق واحد مايبونه؟؟ صح؟

والاجتهادات السابقه انشالله تتغير وتصير افعال

والحمدلله انا اشووف العسكر موقفه قووي ومسنود من الموظفين الى صوتوله ووصلوه حق هالمنصب وماصوتوله الا انهم يدرون انه يعاني نفس معاناتهم

يبوون احد حاس بالى فيهم واهو ليش يسوي اجتماع مدام انا موظف ومعاكم وعارف كل الى يضايقكم ومجتمع معاهم اكثر من مره قبل الترشيح ليش اجتمع مره ثانيه ارووح اشتغل على طوول انا عندي امانه اقووم فيها

ولا تبي الرجال يحضر بالمنتدى وكل يووم يقول انا اجتمعت مع فلان الفلاني رئيس كذاا وكذاا

لا لان الرسول عليه الصلاة والسلام قال (( واقضوا حوائجكم بالكتمان))

لازم تتفائلون بالخير الحمدلله انه حاس فيكم وراح يتغير كل شي انشالله والى تبونه بيصير انشالله اهم شي طولوا بالكم ودعمكم لهم

مانبي يصير مثل ماصار في الاخوان الى من قبل واجتهادات من غير نتيجه

اتمنى انكم بدال لا تقولون ليش وليش وليش تدعمون اخوانكم وتساندونهم وتدعون لهم بالتوفيق لانهم منكم وفيكم ولولا رب العباد ومن ثم انتم لما وصلوا لهذا المنصب

وانا اقوولها لكم ومن هالمنتدى او برااا المنتدى كلنا معك يابو سعد وبيض الله وجهك والكل عارف افعالك وماصوتولك الى انهم عارفين انك كفووو وقد المسؤوليه

ارجو اني كفيت ووفيت في كلامي والرد على اخووي جابر لان الموضوع يستاهل الرد وانا ما احب ان احد يحكم على العسكر من غير لا يقعد معاه ويشووف توجهاته وخططه

وقواكم الله والله يوفقكم والى الامام يابو سعد ارق سنوود

اخوكم ابونايف

جابر

04-04-2008, 11:21 PM

وشفيها ليش ماتصبرون ولا بس تبون تصبرون على الجدي؟؟؟؟

لا ..نصبر ...بس يقول شى ..خله يتكلم ويقول إصبروا على ..يقول عطونا فرصه ...الرجاااااااااااااااال مختفى ..وأبو سعد هو بس اللى بالواجهه ...ليش ...

يا اخي مافي شي بسرعه كل شي بالسياسه وبالهداوه يعني عاجبك وضع نقابة المؤسسه ايام الكادر وقالوا مبروكين واخر شي انسحبت وتأخرت واجلوها لي شهر فبراير يعني الاخ العسكر الحمدلله انسان عاقل ومفكر بنفس الوقت ويتخذ سياسة التررريث لان الاستعجال ماراح يكون بصالح احد اصبروا وراح تشوفون الى يرضيكم انشالله
والانسان مايقدر يرضي كل الناس ارضاء الناس كاايد وياليت ماتحكمون على الرجل بهالسرعه لان تووه ماسك المنصب يعني شويه شويه .

يأخى ماطالبناه يحل شى والا يسوى معجزه ..معاه حكم صارله 10 أيام وهالحكم هذا راكض فيه سنه بالمحاكم ..ولما يصدر الحكم ..مايبطل حلجه بولا كلمه ..وينشر لى خبر صغير عن (أهتمامه بالمرأه) ويجى واحد بالمنتدى ويطبله ..ويقول شفتو إنه ديموقراطى ..لأنه أحد أعضاء قائمته (موظفه) ...أى حكمه يابو نايف الله يرضى عليك ..خله يقول ..عطونى فرصه ..ويبشر بالخير...لكن يختفى ..وأنتم اللى تعذرون له ...هذا مو حجى

وعلى قولتك دام خذاا هالمنصب من اصوات الى صوتوله اكيد انهم راضين فيه ولا مايصوتون حق واحد مايبونه؟؟ صح؟

هذى صح ..الشباب حضروا الجمعيه اللى عقدها لثقتهم فيه أو لعدم ثقتهم بالنقابه السابقه ..وعطوه..ماعلى هذى خلاف يابونايف

والاجتهادات السابقه انشالله تتغير وتصير افعال والحمدلله انا اشووف العسكر موقفه قووي ومسنود من الموظفين الى صوتوله ووصلوه حق هالمنصب وماصوتوله الا انهم يدرون انه يعاني نفس معاناتهم يبوون احد حاس بالى فيهم واهو ليش يسوي اجتماع مدام انا موظف ومعاكم وعارف كل الى يضايقكم ومجتمع معاهم اكثر من مره قبل الترشيح ليش اجتمع مره ثانيه ارووح اشتغل على طوول انا عندي امانه اقووم فيها ولا تبي الرجال يحضر بالمنتدى وكل يووم يقول انا اجتمعت مع فلان الفلاني رئيس كذاا وكذاا لا لان الرسول عليه الصلاة والسلام قال (( واقضوا حوائجكم بالكتمان)) لازم تتفائلون بالخير الحمدلله انه حاس فيكم وراح يتغير كل شي انشالله والى تبونه بيصير انشالله اهم شي طولوا بالكم ودعمكم لهم

قويه هذى ، ليش يسوى إجتماع ...على الأقل يعلم الناس وين وصلت الأمور وشنو ناوى يسوى ...بونايف ..قلنا إذا حبتك عينى ..بس ونا خوك مو بهالطريقه ...الرجااااااااااال مقصر ...ولا أعتذر وحتى البيانات اللى يتصدالها ابو سعد ..

مانبي يصير مثل ماصار في الاخوان الى من قبل واجتهادات من غير نتيجه اتمنى انكم بدال لا تقولون ليش وليش وليش تدعمون اخوانكم وتساندونهم وتدعون لهم بالتوفيق لانهم منكم وفيكم ولولا رب العباد ومن ثم انتم لما وصلوا لهذا المنصب وانا اقوولها لكم ومن هالمنتدى او برااا المنتدى كلنا معك يابو سعد وبيض الله وجهك والكل عارف افعالك وماصوتولك الى انهم عارفين انك كفووو وقد المسؤوليه

عايض ما قصر ..الكلام مو عن عايض ...الكلام عن اللى مختفى ...لاتخلط يابونايف ...عايض على الأقل يكفيه إنه طلع بوجهه قدام الناس وقال اللى عنده...

ارجو اني كفيت ووفيت في كلامي والرد على اخووي جابر لان الموضوع يستاهل الرد وانا ما احب ان احد يحكم على العسكر من غير لا يقعد معاه ويشووف توجهاته وخططه
وقواكم الله والله يوفقكم والى الامام يابو سعد ارق سنوود

من حقك تقول رأيك ...ومن حقنا نسمى المقصر ..ومفروض مو حنا اللى ندوره علشان هالمعلومات ...المفروض هو اللى يرسلها ...والا إيميل الشركه مايستخدم إلا علشان (السب) ;)

اخوكم ابونايف [/COLOR][/I][/B]

أول شى أبونايف ...الله لا يهينك ..مريت على نقطة التفتيش ;) ...أنت من أى شركه ..ما أعتقد إنك من نفط الخليج ..وماجابك إلا عزوة (ياميه) صح ;)

ردى بالأحمر بين النص ...فوووق

بلاوي

04-05-2008, 01:52 AM

شكرا على نقل الاخبار بشكل طازج

ابونايف

04-06-2008, 01:02 AM

ياجابر مايهم ان الى جابتني العزووه ولا الاخوه ولا الصداقه ولا العشره

الى يشووف ويقعد مع النقابيين يعرف الضغوط الى يمروون فيها والرجال على قوولتك خذاا حكم

تبي من ثاني يووم يرووح يبي هذا وهذاا لا يبااا

ترى يكزووون بعلمك انه راح يراكض ورا الشؤون الاجتماعيه والعمل عشاان يعتمدونه رئيس النقابه ونقعوهم ثلاث ايام عشاان يدرسون حكم المحكمه ويطلع عليه محامي الشوؤن.. واذا كنت لا تعلم فالمصيبه اعظم

انا لو مكانه ماراح اطلع قدام الناس واقوول انطروني ياجماعه لين يوافقون علي الشؤون لا والله بخلص شغلي ولما يوافقوون راح اكوون عند وجهك

وماتقدر تحكم على احد من بداية ايامه ياجابر خل الرجال يتنفس

انت بهالطريقه تشووه سمعته مع اني ادري انك مالك شغل بأي قائمه بس القصد تبيه يتحرك بسرعه بس مو بهالطريقه
يعني كلامك صارله عشر ايام ومن هالطريقه كأنك تقوول انه خلاص طافت عشر ايام ولا شفنا شي اجل شنو بيسوي بالايام الجايه

انتو من عشر ايام وسويتو فيه كذاا لو صارله شهر شيصير فيه بعد

انا بقوولك كلمه اخيره وانت الى تحكم فيها

الرجل كلمه والى مو قد كلمته مو رجل صح

انطر وقول ابونايف قال ولا لا

وشووف التغيير بعينك وراح تعرف الفرق بين النقابه السابقه والحاليه

والاخوان الى كانوا يقولون انه ديمقراطي من حقهم هذوول مايطبلوونله على قوولتك

لا المرأه وصلت مجلس الامه ماتبيها تدخل نقابه؟؟؟؟؟

وللحوار بقيه بأذن واحد احد

لاني سهران يومين وفيني النووم واحس انس مصخن:)

لاهنتوا وارجو منكم التريث لان مافي شي يجي بسرعه ولا انتوا تبوون كلام وبس؟ ترى الكلام سهل والكل يقدر يتكلم لكن الافعال مايفعلها الى واحد واثق ولا كان شفته مالي الجرايد اخبار وتصريحاات مثل نقابة ربعنا :)

جابر

04-06-2008, 08:36 AM

اجابر مايهم ان الى جابتني العزووه ولا الاخوه ولا الصداقه ولا العشره الى يشووف ويقعد مع النقابيين يعرف الضغوط الى يمروون فيها والرجال على قوولتك خذاا حكم تبي من ثاني يووم يرووح يبي هذا وهذاا لا يبااا
لا ..تفرق ونا أخوك ...معقوله مافيه أحد من الشباب اللى عطوه فى الجمعيه العموميه ..وجمعوا التواقيع قادر يكتب كلمتين ويدافع عن الرجال ويشرح ظروفه ...لاتزعل يابو نايف ...بس أنت مالك حق تدخل لا بالزينه ولا بالشينه ..هذا حق من حقوق أفراد الجمعيه العموميه ...
ترى يكزووون بعلمك انه راح يراكض ورا الشؤون الاجتماعيه والعمل عشاان يعتمدونه رئيس النقابه ونقعوهم ثلاث ايام عشاان يدرسون حكم المحكمه ويطلع عليه محامي الشوؤن.. واذا كنت لا تعلم فالمصيبه اعظمانا لو مكانه ماراح اطلع قدام الناس واقوول انطروني ياجماعه لين يوافقون علي الشؤون لا والله بخلص شغلي ولما يوافقوون راح اكوون عند وجهك
ماندرى عن أى تأخيرات ..اللى نعرفه ..فيصل سلمهم كل شى وقت الحكم ..أعتقد 24\3 ..ماتطلع مو مشكله ...ربعك اللى وياك ( أعضاء الجمعيه العموميه) بلغهم بصفه غير رسميه ..حتى الناس تدرى وتعرف عذرك..بس تخلى الناس ماتدرى عن شى .. وتزعل إذا لاموك بالتقصير...مو حجى.

وماتقدر تحكم على احد من بداية ايامه ياجابر خل الرجال يتنفس انت بهالطريقه تشووه سمعته مع اني ادري انك مالك شغل بأي قائمه بس القصد تبيه يتحرك بسرعه بس مو بهالطريقه يعني كلامك صارله عشر ايام ومن هالطريقه كأنك تقوول انه خلاص طافت عشر ايام ولا شفنا شي اجل شنو بيسوي بالايام الجايهانتو من عشر ايام وسويتو فيه كذاا لو صارله شهر شيصير فيه بعد.

اول شى النقابه مسئوليه ، ومفروض الرجل اللى يقاتل سنه علشان يأخذ حكم ..مزهب أموره ليوم الحكم ...مجرد ما يحط الحكم لصالحه ...يصدر قراره ..مو توه يخطط...ترى ونا خوك الحق بيّن ....ومع ذالك حنا مافقدنا الأمل للحين ...والحكم مانحكم عليه بعشر أيام والا شهر وألاحتى شهرين ..نعطيه فرصه...لكن لايسكت ...يقول شى ...اى شى ...
انا بقوولك كلمه اخيره وانت الى تحكم فيهاالرجل كلمه والى مو قد كلمته مو رجل صح انطر وقول ابونايف قال ولا لا
وشووف التغيير بعينك وراح تعرف الفرق بين النقابه السابقه والحاليه

يابونايف ...مايصير هالحجى ....حنا مالاحقتنا بكلمتك شكه ..لأن الأصل فى المسلم إحسان الظن ...لكن أنت يمكن مو من افراد الجمعيه العموميه لشركة نفط الخليج ...حنا مانتكلم عن إتحاد علشان ونا أخوك ...تقول كلمة أبو نايف ....حنا نتكلم عن نقابة نفط الخليج ...خوياااه اللى عطووه وينهم ..شاللى يخلى ناس من بره نفط الخليج تدافع ..

والاخوان الى كانوا يقولون انه ديمقراطي من حقهم هذوول مايطبلوونله على قوولتك لا المرأه وصلت مجلس الامه ماتبيها تدخل نقابه؟؟؟؟؟

اللى تكلم ما أعتقد من نفط الخليج وله سوابق سيئه يعنى مصداقيته مفقوده ...والهدف مو المرأه ولا الديمقراطيه ...ولا تلمع له على حسابنا.الله يرضى عليك...القصد إن الرجال (العسكر) ماطلع الا بهالخبر ...شمعنا ..لو كان ساكت مره وحده كان أخذنا بعذرك له ;)

وللحوار بقيه بأذن واحد احد

لاني سهران يومين وفيني النووم واحس انس مصخن:)

ماتشوف شر يابو نايف ....(التزكيه) أثارها واضحه :D ..بس ياليت تكرم و تمر على نقطة التفتيش ;)

لاهنتوا وارجو منكم التريث لان مافي شي يجي بسرعه ولا انتوا تبوون كلام وبس؟ ترى الكلام سهل والكل يقدر يتكلم لكن الافعال مايفعلها الى واحد واثق ولا كان شفته مالي الجرايد اخبار وتصريحاات مثل نقابة ربعنا :)[/COLOR][/I][/B]

.لاندمت....مافيه أحد يحب يظل فى الظلمى على طول ..ومافيه رجال يسلم لحيته للرياجيل ويغمض عيونه ..الناس اللى ماتبى أحد يحاسبها تقعد فى بيوتها.:o...عساك سالم..مانبى نحكم على نقابة ربعكم ..وخلونا لربعنا ...وإن كان هذا مايمنع إن الحوار اللى هدفه أيصال الحقيقه ...بدون تطبيل أو شتيمه ...متطلب ضرورى

عساك سالم.. ردى فووق .بالأحمر..بس للعلم إنت طفت نقطة التفتيش اللى حاطينها (موضوع : إخواننا ضيوف منتدى نفط الخليج )...حتى نعرف إنت بأى شركه ..:D

مغرم

04-06-2008, 09:23 AM

اليوم فيه حكم بعد بتاريخ 6/4/2008

بخصوص الالتماس اللى مقدمه فيصل الجدي ضد فالح العسكر

اللى عنده اي خبر ومتابع ياليت يبلغنا وشكرا

جابر

04-06-2008, 09:59 AM

اليوم فيه حكم بعد بتاريخ 6/4/2008

بخصوص الالتماس اللى مقدمه فيصل الجدي ضد فالح العسكر

اللى عنده اي خبر ومتابع ياليت يبلغنا وشكرا

أكيدد إذا فيه خبر ....فيصل راح يرسل أيميل ...

مغرم

04-06-2008, 10:30 AM

أكيدد إذا فيه خبر ....فيصل راح يرسل أيميل ...

مممممم بصراحة جالس اتصل على فيصل الجدي ومايرد

انت حاول تتصل عليه وخله يعطيك الخبر هل انتهى الحكم نهائيا لصالح فالح العسكر ولا لا يزال فيصل الجدي يطالب وشكرا جابر يمكن فيصل يعرفك ويرد عليك:)

جابر

04-06-2008, 10:56 AM

مممممم بصراحة جالس اتصل على فيصل الجدي ومايرد

انت حاول تتصل عليه وخله يعطيك الخبر هل انتهى الحكم نهائيا لصالح فالح العسكر ولا لا يزال فيصل الجدي يطالب وشكرا جابر يمكن فيصل يعرفك ويرد عليك:)

إيه أعرف فيصل.... ولكن عندى سياسه عامه أتبعها ...متزمته شوى ...حاليا الرئاسه للعسكر واى إتصال شخصى (مع فيصل) بخصوص قضايا النقابه ومن ضمنها القضيه المنظوره (مو حلوه ) بحق الإداره الجديده للنقابه وممكن تشكك بحياديتى ..

لكن لما أحد يبلغنى (من نفسه) بخبر وأشوف إن من مصلحة الجميع يعرفونه ، أنزله بالمنتدى .

على كلن ..الكتاب يبين من عنوانه ..إذا ما أرسل شى اليوم معناته الحكم مو من صالحه ....ننطر اليوم وباجر يبين ...

مغرم

04-06-2008, 11:04 AM

إيه أعرف فيصل.... ولكن عندى سياسه عامه أتبعها ...متزمته شوى ...حاليا الرئاسه للعسكر واى إتصال شخصى (مع فيصل) بخصوص قضايا النقابه ومن ضمنها القضيه المنظوره (مو حلوه ) بحق الإداره الجديده للنقابه وممكن تشكك بحياديتى ..

لكن لما أحد يبلغنى (من نفسه) بخبر وأشوف إن من مصلحة الجميع يعرفونه ، أنزله بالمنتدى .

على كلن ..الكتاب يبين من عنوانه ..إذا ما أرسل شى اليوم معناته الحكم مو من صالحه ....ننطر اليوم وباجر يبين ...

تدري ليش اخ جابر

علشان انا ناوي ان شاء الله ادخل الانتخابات السنة الجاية يمكن 2009 او على حسب الشهادة بتاريخ 6/2010

ان شاء الله وناوي انزل بقائمة غير قائمة الجميع وقائمة الوحدة العمالية

ناوي اشكل لي قائمة جديدة اسمها خلها بعدين وناوي اعمل لي موقع واحشد اكبر عدد من المؤدين:)

جابر

04-06-2008, 11:12 AM

أبشر بالخير يامغرم ...بس إذا الشباب ربحواكل القضايا وردوا حقوقنا كلها ...ماراح يكون عندك شى تطالب فيه :p

مغرم

04-06-2008, 11:16 AM

أبشر بالخير يامغرم ...بس إذا الشباب ربحواكل القضايا وردوا حقوقنا كلها ...ماراح يكون عندك شى تطالب فيه :p

علشان جذية ابيك تدخل معاي في القائمة

علشان لمن ننجح انا وياك ما نطالب بس نشرب عصير وفيمتو ههههههههههه

kjo

04-06-2008, 04:54 PM

أخوي مغرم القضيه اليوم ليست التماس انما اهي القضيه الموضوعيه وتم تأجيلها الي تاريخ 27/4 للنطق بالحكم اما الاتماس فهيه في تاريخ 9/4 للعلم وشكرا

جابر

04-06-2008, 05:27 PM

ولييييييييييييييييييييه ...يعنى هم هالشهر راح يضيع ..بين هالنقابتين ...الله يسامحهم ....

fox1

04-06-2008, 11:38 PM

خوش نقابة

جابر

04-07-2008, 10:23 AM

خوش نقابة

مو شغلك ...وأحترم حدود الضيافه ...

واحد فاهم

04-08-2008, 08:29 AM

مو شغلك ...وأحترم حدود الضيافه ...

والله قوي .. :d
بس بالحق ...:)

القحطاني

04-11-2008, 05:52 AM

جابر

04-11-2008, 10:39 AM

حياك الله يالقحطانى ضيف عزيز فى منتدانا

القحطاني

04-13-2008, 01:24 AM

حياك الله يالقحطانى ضيف عزيز فى منتدانا

لاهنت طال عمرك

انا راعي محل

:)

احنا المشرفين لخدمتكم