عندي سؤال وابي الاجابه بليييز

[ام ريما]

السلام اشلونكم اخواني واخواتي انا موظفة بالشركة واخذ بدل ايجار زوجي يشتغل بالداخلية قدم على بدل ايجار ماعطوله قالوله زوجتك تاخذ البدل

هل صحيح اللي انا اخذه اهو نفسه البدل الايجار او غير انا على ماسمعته يقولون هذا موبدل ايجار له اسم ثاني والله موفاكره بس يقولون ماله شغل بالايجار لازم ياخذ زوجك عفيه ابيكم اتفيدوني بالموضوع هذا يعني يقدر يقدم على البدل ومشكووووورين


اختكم / ام ريما

[SMART_BOY]

أم ريما

موظفين القطاع النفطي رواتبهم تشمل بدل سكن

وبالتالي بدل إيجار الحكومة يما يشملهم

هذا اولا


ثانيا الحمدلله ما قالو لج ادفعي اللي عليج عشان المعاملة تتغير وتصير بحساب أبو ريما


تحيااااااااااتي

[ام ريما]

مشكور اخوي Smart_boy عالرد عيل اذا السالفه جذي خلني ساكته وااايد احسن من وين ادفع بدل السكن مال اربع سنين بلاها ياخذ زوجي :)

[redrose]

ما له شغل انا اول شي قالوله انه ما يصير وبعدين عطونا الفرق

[الكويت]

اي صاجه اختي رد-روز يعطونج الفرق يعني اذا انتي تاخذين بدل سكن 80 دينار راح يعطونج 20 هههههههههههههههههه

انزين واذا بدل السكن 120 تهقين ياخذون العشرين منا ؟؟؟؟؟؟؟ هههههههههههههه


ترى الي قاعد يصير مصخره :( شنو هذا ترى احنا في ديره عربيه والريال العربي ما يرضى على نفسه ان زوجته تدفع عنه الاجار ( قاعده ارفع لكم يا معشر الرجال )

[dehen_3ood]

ترى الي قاعد يصير مصخره :( شنو هذا ترى احنا في ديره عربيه والريال العربي ما يرضى على نفسه ان زوجته تدفع عنه الاجار ( قاعده ارفع لكم يا معشر الرجال )


اهم شي إنج اترفعين لهم هههههه

أهم شي إن الوحده فينا تساعد زوجها بالمصاريف

والأحلى إنها ما تعلمه اشكثر ينزل لها ولا إتييب له طاري :p:D

[الكويت]

ههههههههههههههههههههههههههههههههههههههههههههه هههه

لا تعليق وانتي كلج صح

[SMART_BOY]

آسف اختي أم ريما

أنا حسبت على نفس ينزلي بدل ايجار 150 وظنيت كل الناس مثلي

طبعا كلام الاخوات صح

إذا في فرقية لج او عليج سيتم المحاسبة بها

في العادة الفرقية لج


تقبلي مروري أم ريما

تحياتي

[K.O.C]

الحل عندي :)

قدمي استقالتج بعدين خلي ريلج يقدم بدل الايجار بالاسكان
بعدييييين ييبي واسطه عشان تردين شركه النفط وتاخذون بدلين بدال بدل واحد لانه الردي شركه النفط تعطي المعاش من ضمنه بدل السكن

نصب واحتيال ههههههه

على طاري بدل السكن انا يجماعه متوهق حدي اكيد بعد بعض الشباب متوهقين مثلي
انا تعينت وانا عزوبي وكان يمشي لي بدل سكن 90 طبعا لما تزوجت طلعت تقرير راتب عشان اروح الاسكان يكملونه لي ويخلونه 150
المشكله : انه دايركت من تتزوج يرفعون البدل الى 135 وتكمله من الاسكان 15 دينار بس انا خذيت التقرير قبل لايعدلونه الشركه ورحت وديته الاسكان وزادوني 60 بدال 15 دينار ... الحين انا شسوي هل الفلوس اللى اخذها حرام ولازم اردها ولا اخليها عادي

عطوني الفتوه بارك الله فيكم :)

[العنيد]

السلام اشلونكم اخواني واخواتي انا موظفة بالشركة واخذ بدل ايجار زوجي يشتغل بالداخلية قدم على بدل ايجار ماعطوله قالوله زوجتك تاخذ البدل

هل صحيح اللي انا اخذه اهو نفسه البدل الايجار او غير انا على ماسمعته يقولون هذا موبدل ايجار له اسم ثاني والله موفاكره بس يقولون ماله شغل بالايجار لازم ياخذ زوجك عفيه ابيكم اتفيدوني بالموضوع هذا يعني يقدر يقدم على البدل ومشكووووورين


اختكم / ام ريما

الأخت أم ريما أعتقد انك تقصدين بدل السكـــــــــــــــن..فاللي يأخذ بدل السكن لايحق له المطالبه ببدل ايجار الا في حالة تغيير المسمى في شهادة الراتب من بدل سكن الى اي مسمى اخر..هذا بالنسبه لشخص واحد أما بالنسبه لوضعك انتي وزوجك فهنا انصحك بسؤال دائره الموارد البشريه ممكن يفيدونك في الموضوع.
مع تمنياتي بالتوفيق,,

[SMART_BOY]

والله يا خي ما عندنا فتاوي

حنا عندنا بس بلاوي

خخخ

[ام ريما]

مشكورين على الرد والمعلومات المفيده .... بس انا زوجي لما طالب عطوه الفرق 20 دينار لما كان بدل الايجار اللي عندي 80 بس انا الحين اخذ 150 مسكين الريل يدفع ومايلحق وانا اخذها بارده مبرده :)

طبعا على بالعافيه :)

[Phox]

ام ريما صباح الخير

اللى اعرفه ان بدل السكن ماله علاقه في بدل الايجار ... اما اذا درجتج 13 وفوق وقدمتى على (منحة الاثاث +بدل الايجار) راح يكون من ضمن الاوراق المطلوبة شهادة راتب الزوج التفصيليه اللى تثبت فيها انه ما يستلم بدل ايجار

راح اعدل المعلومه اذا كانت غلط بس تقريبا 90% متأكد منها

[Phox]

انا قريت رد سمارت وخربطنى ...

دامج تآخذين "بدل ايجار" ما يصير يستلم ريلج بدل ايجار .. اما اذا تستلمين بدل سكن (درجتج تحت 13) فعادي يقدم على بدل ايجار بالاسكان ويعطونه

[أبو خالد]

أنا اخاف تعمين على زوجش

المفروض هو اللي يمشي له بدل وانتي لأ (قانون الشركة)

قانون الشركة يقول إذا الزوج ياخذ بدل ايجار الزوجة مايمشيلها بدل على اساس انها بالقطاع النفطي
يعني سواء ان الزوج في القطاع النفطي او غيره ويمشيله بدل ايجار . . فالزوجة ما يمشون لها بدل من الشركة

[HUMMER]

عندج المحاسبه يفيدونج وان شاء الله راح يساعدونج

[KOCiya]

بدل الايجار يا اختي غير بدل السكن..
يعني انا بدل السكن عندي 110 د.ك /قريد13..
وزوجي ياخذ بدل ايجار الحكومة كامل ..
انتي شوفي اللي عندج شنو وعلميني :)

[Phox]

بدل الايجار يا اختي غير بدل السكن..
يعني انا بدل السكن عندي 110 د.ك /قريد13..
وزوجي ياخذ بدل ايجار الحكومة كامل ..
انتي شوفي اللي عندج شنو وعلميني :)


دقيت وسالت توه ... حالتج اخت KOCiya عاديه ... ما راح تآخذين بدل اجار اللى يسمونها (منحه السكن للدرجه 13)

بس العكس لها حاله ثانيه نفس سؤال ام ريما ...

المؤسسة العامة للرعاية السكنه عندهم ان "بدل السكن" الموجود بالراتب الاساسى هو نفسه بدل الايجار ... فاذا الزوجه تشتغل بالقطاع النفطي راح يطلبون على الزوج شهادة تفصيلية براتب الزوجه وراح يبين "بدل السكن"

في هذى الحاله راح يعطون الزوج الفرق بين بدل السكن عند الزوجه و 150 دينار بدل الايجار الحكوميه

مثلا : الزوجه على الدرجه 13 وتستلم 110 دنانير بدل سكن .. الزوج راح يستلم من الاسكان 40 دينار (تكملة بدل الاجار 150 دينار الحكوميه)

للعلم .. منحة السكن او بدل الايجار اللى بالقطاع النفطي اللى تنصرف للدرجه 13 وما فوق ما تبين بشهادة الراتب

[جونم جقرم]

يمكن حسب رتبته ماعطووه
عفوااا اهووو ارقااام علي كتفه ولااا تيجااان ((:

[Phox]

صارت مخاطبات بين ادارة مؤسسة البترول الكويتيه (بحكم ان نسبة البنات هناك عالية) وبين المؤسسة العامة للرعاية السكنيه وبنك التسليف بخصوصا ن منحة السكن تختلف عن بدل السكن ... بس وصلوا لطريق مسدود وارفضوا انهم يمنحون بدل ايجار كامل للأزواج الموظفات بالقطاع النفطي واكتفوا بالفرقيه -اذا وجدت-

[ام ريما]

دقيت وسالت توه ... حالتج اخت KOCiya عاديه ... ما راح تآخذين بدل اجار اللى يسمونها (منحه السكن للدرجه 13)

بس العكس لها حاله ثانيه نفس سؤال ام ريما ...

المؤسسة العامة للرعاية السكنه عندهم ان "بدل السكن" الموجود بالراتب الاساسى هو نفسه بدل الايجار ... فاذا الزوجه تشتغل بالقطاع النفطي راح يطلبون على الزوج شهادة تفصيلية براتب الزوجه وراح يبين "بدل السكن"

في هذى الحاله راح يعطون الزوج الفرق بين بدل السكن عند الزوجه و 150 دينار بدل الايجار الحكوميه

مثلا : الزوجه على الدرجه 13 وتستلم 110 دنانير بدل سكن .. الزوج راح يستلم من الاسكان 40 دينار (تكملة بدل الاجار 150 دينار الحكوميه)

للعلم .. منحة السكن او بدل الايجار اللى بالقطاع النفطي اللى تنصرف للدرجه 13 وما فوق ما تبين بشهادة الراتب

مشكوووور اخوي وماتقصر صح كلامك هذا اللي صار معاي بس عطوه الفرق وتسلم على الرد

[op2]

اختي ام ريما للاسف هيئه الاسكان تعتبر بدل السكن هو بدل اجار


وفي شغله غافلين عنها

في عقد الموظف مكتوب ان الشركه تتعهد بتوفير سكن للموظف ولاسرته او بدل مادي عن السكن


يعني مو بدل اجار لان هالشي يعطونه لنا بالقطاع النفطي لانها مو موفره لنا السكن وماله علاقه ببدل الاجار ولا بهيئه الاسكان


لكن طالما هالشي يوفر عليهم فهم مستغلين هالشغله


والله اعلم

[ام ريما]

تسلمووووووووووووون وماتقصرووووووووووون عالمعلومات المفيدة

[جونم جقرم]

العفووووووووووووووووووو

[نفطي كويتي]

موظفين القطاع النفطي رواتبهم تشمل بدل سكن

وبالتالي بدل إيجار الحكومة يما يشملهم

[judgement]

انا صارلي شهرين موظف في koc يمشيلي بدل سكن او بدل اجار من الحكومة او كل الوياي نفس الشي الي تعينو معاي يعني بس اخاف بعدين يطالبوني في كل الي عطوني اياه الحكومة مع انه المفروض حتى الحكومه تعطيني بدل اجار قانونياً لأن بدل السكن مال الشركة ماينقطع اذا شريت بيت فيختلف عن بدل الحكومة