تدرون كم شركة تعالج في مستشفى الاحمدي ؟!

[brilliant]

السلام عليكم

بالاول كنت اتعتقد انه بس الشركات الي تابعه لمؤسسة البترول الكويتيه هي بس الي تعالج بالشركه

لكن للاسف هالكلام غير صحيح

تدرون كم شركه تعالج ويانا ؟

عرفت هالشي امس كنت في الطوارئ والاقي ورقه معلقه فيها كود كل شركه تعالج بالشركه

يعني الي بالمؤسسة كودهم 01 وبعدها الرقم الوظيفي والي مثلا الي في البترول الوطنيه 04 بعدها الرقم الوظيفي وهالومجره

لكن تدرون ان فيها اكواد ثانيه لشركات غير شركاتنا :confused:

لما شفت الورقه الي فيها الاكواد ما صدقت عيوني :eek:

قلت اصورها بالتلفون واخليكم تشوفونها بعيونكم

http://www.q8ow.com/up/uploads/5b47c70a9b.jpg (http://www.q8ow.com/up/)

الي مو واضحه عنده مكتوب الكودات كالتالي

01 KPC
02 KOC
03 PIC
04 KNPC
05 KPTC
06 KLT \ ALT
07 KEPEC
09 VIP :cool:
11 AOC
12 KAPCO
13 SANTAFE
15 BRITISH
16 CHEVRON
17 KGOC


ليش كل هالشركات :confused:

ناقصين زحمه :confused:

واحنا على بالنا هالهنود الي يعالجون موظفين بشركات المؤسسة اثاري نصهم من هالشركات الثانيه :confused:

[Instrument]

لا حول ولا قوة إلا بالله

الواحد فينا اذا استمرض ، ينطر مليوووون سنه بالدوووور :(



شكرا ً أخوي على هذا الإطراء

[السيدة العجوز]

اذا رحت مستشفى الشركة وانت مريض صدقني راح تطيب من شدة الانتظار
ستين الف طبيب واربع ملايين مراجع
اصبروا جم يوم راح يصير نفس الافنيوز

[وردة حيدر]

مشكور أخوي على التنبيه.... بس ياريت نعرف هالشركات تابعة لمنو؟؟ او أصيغ السؤال بطريقة أخرى.. ما هي هذه الشركات؟ و شنو مجالها؟!!

بالفعل الأولوية لنا إحنا موظفين القطاع.. و ياريت بعد الخدمات تتحسن في المستشفى.. عشان الواحد يقدر يتعالج في وقت يناسبه غير وقت الدوام!!!

مشكور و ماقصرت

[كي او سي]

الحين سنتافيه وشيفرون وبريتيش شكو بهالمستشفيات والا ناقصهم فلوس والا شركتهم ما تعطيهم بدل علاج

صج هذي اكبر مسخرة تتسجل للمستشفى مع الكثير الكثير من السلبيات اللي عليها

ومشكور بريلينت

[koc-76]

الحين سنتافيه وشيفرون وبريتيش شكو بهالمستشفيات والا ناقصهم فلوس والا شركتهم ما تعطيهم بدل علاج

صج هذي اكبر مسخرة تتسجل للمستشفى مع الكثير الكثير من السلبيات اللي عليها

ومشكور بريلينت
ازيدك قهر - شفرون بريتش على حساب الكي او سي

[kuwaity]

ليش حاسدين الناس :)

[حرف]

صارلى سنه ونص مارحت مشتفي الشركه من كثر الزحمه والبهذله اللى فيها
و
الله يخلي مستشفي الهادي والشفاء

بفلوسك وتدلع نفسك :)

[مزيون]

والله أني ما أراجع بالمستشفى وسبى الدور المرض

[silent]

وحاسبينهااااااااااااااا علينا ميزة قال تعالجون في مستشفى الشركة

[غانم]

يا جماعة ترى اللي أعرفه بقانون الشركات النفطية لازم يكون في مركز طبي للعلاج حق كل 100 موظف .... ماشي
إنزين لما ال K.o.c تتعاقد مع الشركات الأجنبية على الأقل لازم توفر لموظفينهم العلاج .... عدل الكلام
ولكن هالشركات لما تتعالج ترى بس تاخذ اللازم ... بمعنى آخر إذا احتاج موظف Chevron ان ينقل للعلاج بالخارج على طول طيارة إسعاف جوي من شركته تجي وتاخذه وتنقله على حسابهم .... كووووول الحين
الشركات المذكورة كلها شركات نفطية
شكريا شباب

[العضو المنتدب]

عدد الشركات التي تعالج في مستشفى الأحمدي تفوق 35 شركة

وأنا شفت نفس هالصورة اللي حطيتها عند غرفة أحد المسؤولين بأرقام التسلسل لكل شركة

[Jassem-76]

والله أني ما أراجع بالمستشفى وسبى الدور المرض

نفس الحال

[saeedelhaj]

يا إخوان الدخول على الدكتور جزء من المشكلة، المشكلة الحقيقية طابور الصيدلية، اللي يقولون: بعض الأدوية تاخذ وقت إعداد أكثر !!!
طيب ليش ما يخلون الطوفة جام على شان نشوفهم شيسوون؟

[The^Queen]

مستشفي الاحمدي = مستشفي حكومه
نفس المستوي نفس الوضع بس ادويه الاحمدي نفس ادويه الخاص وابلاش
فقط لاغير

اما من حيث المعامله نفس الشي
يعني تبي تدش علي الطبيب من سبع الصبح لازم ترتز هناك والا انسي تدش قبل ال 12

وزحمه موووووووووووووووووووت
ولعلمكم المستشفي مو مجانيه يتم محاسبه كل الشركات علي كل شخص يقوم بزياره المستشفي وتكلفتهم عاليه

[ABDULLAH]

لأننا دائما مفاوضين غير جيدين و دائما نتنازل عن مكتسباتنا ، رضينا بعلاج موظفي شركات أجنبية
في المستشفى الذي يكاد أن يخنق نفسه من الزحمة

[زيـنـه]

كلهم شركات نفطيه و مجالها واحد .
و من زمان ادري و كانوا 16 شركه يعالجون بمستشفى الاحمدي .

[النفط مقابل الغذاء]

مستشفي الاحمدي = مستشفي حكومه
نفس المستوي نفس الوضع بس ادويه الاحمدي نفس ادويه الخاص وابلاش
فقط لاغير

اما من حيث المعامله نفس الشي
يعني تبي تدش علي الطبيب من سبع الصبح لازم ترتز هناك والا انسي تدش قبل ال 12

وزحمه موووووووووووووووووووت
ولعلمكم المستشفي مو مجانيه يتم محاسبه كل الشركات علي كل شخص يقوم بزياره المستشفي وتكلفتهم عاليه

السلام عليكم :
انا صراحة اوفقك الراى مستشفى الاحمدى مايتميز عن المستشفيات الحكومية بأى شى
وعلى فكرة الموظف مجانا بس اهل الموظف هم اللى عليهم رسوم سنوية تدفعها الشركات النفطية مقدارها تقريبا 300 دينار سنويا ومخصصة للاقرباء بالدرجة الاولى فقط( الاب الام الابناء الزوجة) وصراحة لها سلبيات كثيرة جدا اكثر من نفعها اولا : انتظار الدور اللى يسببلك ارتفاع بالظغط والسكرى حتى لو انت جاى مافيك شى تمرض:)
ثانيا:مواعيد الى اجل مسمى ماتدرى انت تموت قبلها ولا يجيك الدور الله اعلم
ثالثا:اجازات مرضية لو تناقز عند الدكتور مايعطيك ولو تسويله معاملة بالمرور عطاك سنه اجازة لا ودخول مستشفى بعد
أسالنى انا مجرب:) والكثير الكثير مابى اطول عليكم تحياتى :)

[بلبل عنقريزي]

يتراوالي لو يسكرون المستشفى او يقلبونه حكومي وايد احسن

مامنهم فايده

[النفط مقابل الغذاء]

كلهم شركات نفطيه و مجالها واحد .
و من زمان ادري و كانوا 16 شركه يعالجون بمستشفى الاحمدي .

زينه تدرين لو توقفين ساعة وحدة فى الانتظار صدقينى يحوشج شد عضلى بشعر راسج :) :) :)


مصيبة مستشفى الاحمدى :)

[SAMAR]

لا ألحين ..... صارت مشاكل وعشان يحلون هذا الإشكال خشوهم يعني نصف الشركات حولوهم بالإسم شركة نفط الكويت بس أذا سألت المريض وقلت أي شركة يقول إسم شركة الحقيقة , وقول مقاول مع شركة نفط الكويت :) يا فرحتي

عشان يسكتون أي أحد يتكلم .... يقولوله موظف في الشركة ... يا حبيبي

الله يستر على عيالنا باكر راح يحطونهم بالممر الطوارئ

[Abu Ahmed]

على قولت المثل

البيت بيت ابونا و القوم خانقونا خلوها مستشفى عام احسن بعد

[المعلمة المتميزة]

شنو المشكلة
..... مستشفى الشركة من القطاع الخاص.....
لازم يكثرون من روادهم ....
صح ولا لأ تحياتي