تقييم الكفاءة عبر عن رأيك

[gas.tester]

السلام عليكم يا اخوان امس بالدوام لقيت اوراق مكتوب عليها ارشادات عن كيفية نظام تقييم الكفاءة الجديد ووجدت انه شديد التعقيد وماقدرت افهم شي لانهم حاطين كذا حسبة واهداف تعجيزية من الصعب ان يتم تنفيذها خلال اسبوع مع العلم انه طلب من السوبر فايزر ان ينهي هذا التقييم خلال آخر الاسبوع . اليس من الاولى ان يتم التعريف بهذا التقييم من بداية العام حتى يقوم الموظف بتطوير ادائه وفقا للمعايير المطروحة ولا احنا بس نظام خبط لزق ارجو من الاخوان المشاركة بالموضوع لاني مستغرب من حال شركتنا الموقرة والسلام عليكم ورحمةالله وبركاته:mad:

[فيصل العجمي]

للأسف ان نظام التقييم الجديد معقد
ويطلب من الموظف عمل بعض الشغلات على مدار السنه وكأن الموظف ماعنده من الشغلات الا عمل هذا او ذاك
كان من المفروض ان يكون تقييم عام من السوبر فايزر او الكنترول بدال هذا التعقيد

[الساحوت]

اللي يشوفهم يقول مايعرفون ربعهم اللي يشتغلون وياهم
يااخي بحكم فترت شغلك وياه تقدر تقيمه

[سالم الخالدي]

ما أدري أظن انهم مسوين كورس لمدة ساعة لتعليم السوبر فايزور كتابة هذا التقرير


وان شاء الله الكل عرف الطريقة


هذا اللي سمعته من الاخوان

[frfosha]

تبون تضحكون على موضوع التقيييم ، طبعا يقوم التيم ليدر مالك بوضع تقييمك وهو الشخص المباشر اللي تتعامل معاه وعارف منو اللي يشتغل واللي ما يشتغل حلو بالوكت اللي يدزه بالايميل للمدير العام بالمكتب الرئيسي يقوم المدير بتغيير جميع التقاييم اللي يشوفه يقول هذا مجابلنا 8 ساعات وما يفارقنا ويعرف اللي يشتغل واللي ما يشتغل فينا وتخيلو انه مديرنا من استلم مهنته لي اليوم ما يعرفنا ولا نعرفه بس بالاسم لانه اهوا بالمكتب الرئيسي واحنا بالمصافي برايكم هذا عدل اللي قاعد يصير ؟؟؟؟؟

[بوعبدالعزيز.كوم]

في النهاية ياجماعة راح يحطون التقييم اللي يبونه بعيد عن مستوى العامل ومطابقته لبنود الكفاءة

[Neilz]

يا جماعه انا اشوف التقرير مافي شي يعني انا مثلا تقريري يبون مني سيستم معين احفظه او جم ليك يوتيليتي وووتر او ستيييم ليك او اووووويل ليك يعني مااشوف انه بهالصعووووبه او بعد انه احط ايدي بالشغل او اعرف شنو قاعد يصير بالستارت اب والشاتداون واتصالاتي مع السي سي آر مستمره عني ماكو تعقيد برايي

تحـــــــــياتي