العروض الخاصة بموظفي شركة نفط الكويت

[Mr. Engineer]

السلام عليكم،

شعبة خدمات المجتمع التابعة لفريق عمل خدمات الأحمدي، عودتنا في السنوات الأخيرة على العروض الخاصة بموظفي شركة نفط الكويت. و هذا شيء جميل، يجعلنا نفخر و نعتز بكوننا جزءاً من هذه المنظومة. كما هو الحال في بطاقة الطالب أو بطاقات النخبة.

و لكن برأيي أن هذه العروض و الخدمات تحتاج من المزيد من الجهود من موظفي خدمات المجتمع للحصول على عروض أفضل ترتقي لطموح العاملين، فمثلاً:

1. كان هناك عرض 25% خصم من الشوتايم لموظفي الـKOC، و هذا العرض انلغى الآن!!! :confused:
يجب التعاقد مع الشوتايم، و أوربت و ART لتوفير اشتراكات مخفضة للموظفين.

2. التذاكر بأسعار تشجيعية للمرافق الترفيهية (المدينة الترفيهية، المركز العلمي، طفل المستقبل، الأكوا بارك،...)

و هذه التذاكر تأتي بكميات قليلة جداً، لا تتناسب مع عدد الموظفين و عائلاتهم، فمتى ما يصلك الدور تكون الكمية قد انتهت :mad:
الأفضل أن يتم التعاقد مع هذه المراكز الترفيهية لتوفير التذاكر المخفضة للموظفين مباشرة عند شباك التذاكر بإبراز هوية الشركة.

و أيضاً لماذا تعرض التذاكر الترفيهية فقط بالصيف، لماذا لا تكون هناك على مدار السنة؟؟؟ :confused:

3. عروض الفنادق و الشاليهات يجب أن تستمر أيضاً على مدار السنة.

4. الحصول على خصومات من المستشفيات الخاصة للموظفين عند إبراز الهوية.

5. الحصول على خصومات من المطاعم للموظفين.


و غيرها من الخدمات غير التعجيزية التي تساهم في راحة و رفاهية الموظفين، أسوة بالآخرين.

http://www.hcr14.com/download/thankshw9.gif

[Shoomy]

اي والله انا وياك ياخوي بهالنقطه

الله كريم انشالله ... اتمنى انهم يسمعونا ويتلحلحون شوي حرااام عليهم

يعطيك الف عافيه ياخوي وماقصرت

تحياتي

[SMART_BOY]

كلااااااااااااااااام سليم

والله لو اني اللي الشيرمان حطيتك تيم ليدر الخدمات خخخخخ

[Q8_oil]

كلامك صحيح و لكن للأسف القطاع من سوء إلى أسوأ

[Mr. Engineer]

كلااااااااااااااااام سليم

والله لو اني اللي الشيرمان حطيتك تيم ليدر الخدمات خخخخخ

انت بس حطني Team Leader الخدمات و آنا أعطي لكل موظف فيلا ملكية في هلتون المنقف لمدة أسبوع مجاناً :cool:

صارف شي من جيبي آنا الله يخلي بند النثريات :D

شكراً للجميع على المرور :)

سلام

[Phox]

انت بس حطني Team Leader الخدمات و آنا أعطي لكل موظف فيلا ملكية في هلتون المنقف لمدة أسبوع مجاناً :cool:

صارف شي من جيبي آنا الله يخلي بند النثريات :D

شكراً للجميع على المرور :)

سلام

شكلك من اول قرار بتحول شبيشالست :)

[Instrument]

كلامك مضبوط مهندسنااا

:)

[redrose]

خل يعطونا بطاقات فيها خصم حق اماكن الترفيه،، او تكون عندهم تذاكر مخفضه على مدار السنة .

[ناصر الهاجري]

خل يعطونا بطاقات فيها خصم حق اماكن الترفيه،، او تكون عندهم تذاكر مخفضه على مدار السنة .

في شغله بعد شوي مو حلوووه في شعبة الجوازات ما يعطون اي واحد هذي التذاكر لازم احد يعرف الموظف عشان يتوسط ويعطيه والله حاله كل ما روح مكان لازم جذيه

[ناصر الهاجري]

اي والله ودك ان ان يعطونا بطاقات حق الخوصومات لجميع المحلات الكويت بدل اشتنشاق H2s

[جونم جقرم]

يا جماعة لو يعطووونااا بدل سياحة مو أحسن واحنا عاد نروح نتسيح وين نبي
>>>>>>> مايرده غير المغرب (:

[العندليب]

صباح الخير لكل الموجودين : بصراحه الموضوع مهم وياريت بعد يكون فيه تأمين صحي للموظفين شامل يغطي تكاليف العلاج في أي مستشفى خاص في الكويت وتأمين شامل بعد على التعليم لعيالنا في المدارس الخاصه وترى كل هالتكاليف قيمة جم برميل نفط في اليوم يعني ولا راح تكلف أصلا شي .......

وشكرا للجميع على مشاركاتهم

[كلمـ ولو جبر خاطر ـه]

مشكور اخوي على الموضوع الحلو وانا معاك بهذا الشي وفي بعد نقطه هوو ان بيع التذاكر يكون بس بالاحمدي وبنفس وقت الدوام يعني اللي يشتغل بالمناقيش او الروضتين يغسل ايده

[Shoomy]

مشكور اخوي على الموضوع الحلو وانا معاك بهذا الشي وفي بعد نقطه هوو ان بيع التذاكر يكون بس بالاحمدي وبنفس وقت الدوام يعني اللي يشتغل بالمناقيش او الروضتين يغسل ايده

حده يغسل ايده
وبعدين السالفه مثل ماقال اخوي الهاجري اعتقد
ان السالفه فيها واصطات ومعارف
كاا انا اقرب مثال اعرف مسئول هناك والله وظبطني بدون ما اروح حتى قلتله ابي العدد الفلاني واخر الدوام امرك

وخذيت :d :d :d حراااا

يالله هاردلك انشالله المرة اليايه تحصلون ;)

[redrose]

الله اكبر على الظالم حتى بهذي صار فيها واسطات.....
شنو بقى بالضبط

[Mr. Engineer]

حده يغسل ايده
وبعدين السالفه مثل ماقال اخوي الهاجري اعتقد
ان السالفه فيها واصطات ومعارف
كاا انا اقرب مثال اعرف مسئول هناك والله وظبطني بدون ما اروح حتى قلتله ابي العدد الفلاني واخر الدوام امرك

وخذيت :d :d :d حراااا

يالله هاردلك انشالله المرة اليايه تحصلون ;)

يعني إختي إذا نزلوا تذاكر مرة ثانية نكلمج و تظبطينا صح، لووووول :D

شكراً للجميع على المرور

[LaRambla]

قلنالكم خصوماتنا تفشل

[ام ريما]

مشكور اخوي بس تبي الصراحه محد مستفيد الا الهنود اللي في الشركة كل مانزل عرض تلاقيهم اهم اول الناس واقفين ناطرين الدور وانت شوف الزحمه الواحد وين يقدر يحصل على شي بالزحمه هذي على مايوصل دورك الا خلصت التذاكر

[al-khaldi]

كلام صح وعداك العيب......

[الالماس واللولو]

مشكور اخوي على الموضوع

2. التذاكر بأسعار تشجيعية للمرافق الترفيهية (المدينة الترفيهية، المركز العلمي، طفل المستقبل، الأكوا بارك،...)

و هذه التذاكر تأتي بكميات قليلة جداً، لا تتناسب مع عدد الموظفين و عائلاتهم، فمتى ما يصلك الدور تكون الكمية قد انتهت
الأفضل أن يتم التعاقد مع هذه المراكز الترفيهية لتوفير التذاكر المخفضة للموظفين مباشرة عند شباك التذاكر بإبراز هوية الشركة.

وازيدك من الشعر بيت والتذاكر دائماً ما تحصلها لانهم يوزعونها على معارفهم واصحابهم

[نفط الكويت]

فيه خصومات على الوطنية بس مادري عن التفاصيل و يا ريت ناخذ الموضوع بجديه شوي عشان نستفيد و اللي عنده تفاصيل يريت يزودنا فيها بحيث يتم تعديل المشاركه الاصليه على حسب الاضافات.

[Mr. Engineer]

يبا آنا مشترك بخط الوطنية عرض الـ KOC و العرض هو:

* الاشتراك الشهري 1 دينار
* سعر الدقيقة 22 فلس
* إمكانية الاشتراك بخمسة خطوط بالاسم الواحد (سعر الدقيقة بين هذه الخطوط 16 فلس)
* سعر المسج SMS بـ 10 فلوس
* خدمة منو Who بربع دينار بالشهر
* أول ما طلع العرض كنت تقدر تاخذ اشتراك انترنت Edge, data line بـ 6 دنانير بالشهر، لكن الآن العرض انتهى و أصبح الاشتراك بالسعر العادي 14 دينار.
تقدر تحصل على العرض بالذهاب إلى مقر شركة الوطنية الرئيسي بشرق الباب الجانبي، قسم الشركات و تحول خطك أو تاخذ خط جديد.


و شكراً للجميع على المرور

[op2]

يعطيك العافيه وكلام جميل


بس منو الي بيوصل هالشي لدائره الخدمات

[كلمـ ولو جبر خاطر ـه]

بسم الله الرحمن الرحيم

DHL

انا قبل فتره كنت بطرش اوراق لدبي ورحت الدي اج ال وطلع حسابي 35 دينار

وقلت لهم اني موظف في الكي او سي وقالي لك خصم

وطلع حسابي بعد الخصم 5 دنانير يعني خصم خيالي بصراحه :eek:


وياليت من يعر شي ثاني يفيدنا

تقبلوا تحياتي

[سعوود]

فعلا كموظفين محتاجين مثل هذه الخدمات
اللي اشوفه ان شركه البترول الوطنيه تعطي موظفينها مميزات كثيره
ومنها خصومات الاتصالات والوطنيه اما شركتنا عمك اصمخ

[redrose]

المفروض يوفرون لنا تذاكر حق جميع المرافق السياحية بما ان الجو بادي يتعدل ،،،، مو يصرفونا لنا في شهر 6 او 7 والجو نار وشرار .

[bo-7alwa]

يا جماعه بطاري التذاكر مالت المركز العلمي لما رحت آخذ جم تذكره قالولي خالصين..ولما سألت و تحريت و دققت عرفت انه المسؤلين في قسم الخدمات يوزعون التذاكر على الاهل و الربع و المعارف قبل لا تندز بالايميل و اتوقع انه هذا الصجججججج للاسف الواسطات دشت بكل شي بحايتنا.....

[Mr. Engineer]

يا جماعه بطاري التذاكر مالت المركز العلمي لما رحت آخذ جم تذكره قالولي خالصين..ولما سألت و تحريت و دققت عرفت انه المسؤلين في قسم الخدمات يوزعون التذاكر على الاهل و الربع و المعارف قبل لا تندز بالايميل و اتوقع انه هذا الصجججججج للاسف الواسطات دشت بكل شي بحايتنا.....

الحين رادة على هذي، يبا الواسطة توظف و ترقي و تعطي أحسن التقادير و تعطي الناس مكافآت الأعمال الممتازة وهم نايمين ببيوتهم، و اللي يكرف و ما عنده واسطة مهمل.

خلها على الله

[Network]

وازيدك من الشعر بيت والتذاكر دائماً ما تحصلها لانهم يوزعونها على معارفهم واصحابهم

:confused::confused:ههههههههههههههههههههههههههههه صح إلسانك :confused::confused:
:eek::eek: الفساد و الواسطه في كل مكان و على جميييييع المستويات :eek::eek:

[bo-7alwa]

تصورا ياجماعه,انا اشتركت بدورة الغوص اللي كانت الشركه مسويه عليها العرظ و كانت الدوره في مركز البوم بالتحديد,و عقب ما خلصة الدوره و اللي مدتها اسبوعين تحديدا خذيت الليسن و نسخه من الفاتوره عساس آخذ الخصم مالي,لكن المفاجئه الحلوه اني كل ما اروح حق واحد يدزني حق واحد ثاني أو يكون طالع من الساعه 8 أو يكون مو في المكتب أو باجتماع,ظلييت اسبوع كامل و انا اراكظ على هالخصم لييين طلع من خشمي و قلت ولا منة احد مااااااااابي الخصصصصصصصصصصصصصم......ما تسوى علينه هالمذله..ليش ما يكون في عدة موظفين و في مبى واحد مو مره يقولون روووح الحبارى و مره يقووولون روووح مبنى الخدمات مايجوووز..

[Network]

تصورا ياجماعه,انا اشتركت بدورة الغوص اللي كانت الشركه مسويه عليها العرظ و كانت الدوره في مركز البوم بالتحديد,و عقب ما خلصة الدوره و اللي مدتها اسبوعين تحديدا خذيت الليسن و نسخه من الفاتوره عساس آخذ الخصم مالي,لكن المفاجئه الحلوه اني كل ما اروح حق واحد يدزني حق واحد ثاني أو يكون طالع من الساعه 8 أو يكون مو في المكتب أو باجتماع,ظلييت اسبوع كامل و انا اراكظ على هالخصم لييين طلع من خشمي و قلت ولا منة احد مااااااااابي الخصصصصصصصصصصصصصم......ما تسوى علينه هالمذله..ليش ما يكون في عدة موظفين و في مبى واحد مو مره يقولون روووح الحبارى و مره يقووولون روووح مبنى الخدمات مايجوووز..

إمبين أخوي من البدليات إمبين المرمره إلى مرمروك إياها............. الله يعينك

[redrose]

تدرون انتوا على ما اينا الدور أعتقد انه راح انكون طالعين تقاعد.



لووووووول

[Network]

تدرون انتوا على ما اينا الدور أعتقد انه راح انكون طالعين تقاعد.



لووووووول

مو إلا إييني الدور ، بس متى أتقاعد!!!!!!!!!!!!!
أبييي أتقاعد :o

[redrose]

اشوه يعني مو بس انا قاعده انطر التقاعد

اثر الكـــــــــــــــــــــــــل


اوفق بالدور طابور إلـــــــــــــــــــي التقــــاعـــد.


لوووول

[Network]

والله لو مو قسط البيت!!! جان من زمان إستقاله !!!
أقعد بالبيت أربي الأولاد أهون من المذله على الإستئذان!!!

[rahy50]

يا ريت لو يكون فيه خصومات للفنادق حول العالم مو بس بالكويت .. الشركات العالمية توفر هالشي حق موظفينها (schlumberger , halliburton ...) و احنا الحمدلله ما علينا قاصر !

ممكن ربعنا يتفقون مع مجموعة فنادق عالمية مثل starwoods hotels اللي عندها شيراتون وهيلتون والعديد من الفنادق الاخرى ... او intercontinental group اللي تملك crown plaza و holiday inn ... والموظف لما يسافر ويبرز الهوية يحصل على خصم معين .2 او 25% مثلا ..

[bo-7alwa]

يا ريت لو يكون فيه خصومات للفنادق حول العالم مو بس بالكويت .. الشركات العالمية توفر هالشي حق موظفينها (schlumberger , halliburton ...) و احنا الحمدلله ما علينا قاصر !

ممكن ربعنا يتفقون مع مجموعة فنادق عالمية مثل starwoods hotels اللي عندها شيراتون وهيلتون والعديد من الفنادق الاخرى ... او intercontinental group اللي تملك crown plaza و holiday inn ... والموظف لما يسافر ويبرز الهوية يحصل على خصم معين .2 او 25% مثلا ..

الله يسمع منك اخوي..بس هذا من سابع المستحيلات اللي ممكن تقدمها الشركه..:)

[koc_q8]

على فكره موظفين شركة ارامكو السعوديه عندهم خصم 35% في أغلب الفنادق واذكر منها الهيلتون والشيراتون

[fireeccc]

على الاقل ربعك احسن من العلاقات العامه اللي عندنا حنا العروض بس يالحسره :)

[redrose]

هذي الكويت وصل على النبي

[كلمـ ولو جبر خاطر ـه]

حلو حلو خوش عروض وربي ما استفدنا من هالموضوع شي صار بس سوالف

[سعوود]

والله ما ندري عن العروض اللي بعد ما تنتهي

[Mr. Engineer]

السلام عليكم،

شباب في عرض انترنت DSL ، تقريباً نزل من قبل رمضان بشوي حق موظفي شركة نفط الكويت، كنت ناسيه و الحين ذكرته و توني تأكدت أنه لي الحين موجود (لحق ولا ما تلحق):

و العرض هو:

اشتراك انترنت مع شركة كيمز KEMS

512 kb/s بسعر 127.5 دينار بالسنة، بس بدون مودم، الوايرلس مودم عندهم بـ25 دينار و مو إجباري إنك تشتريه.

فيه عروض على السرعات الثانية بس مو ذاكرهم، و عالعموم هذي السرعة زينة و سعرها حلو.

يعطونك مع الاشتراك اسم مستخدم و باسوورد، تقدر تستخدمهم للـDial Up أو في المقاهي (زاجل)

آنا اشتركت فيه و بصراحة روعة، سرعة الداونلود 64 kB/s و الآبلود 32 kB/s ، و السرعة ثابتة كل أيام الأسبوع بالنهار أو الليل

للاشتراك، تحتاج كشف حساب، و براءة ذمة من المقسم و هوية الـKOC و الفلوس طبعاً :)

و تروح الحكومة مول الدور الثالث عندهم كشك صغير تشترك و تدفع و عقب 10 أيام تقريباً تشتغل الخدمة

رقمهم للاستفسار 822822

[Shoomy]

اييييييييييييي انا سويت هالاشتراك

زييين الحمدلله سريييييييييع

[بلبل عنقريزي]

السلام عليكم،

شباب في عرض انترنت DSL ، تقريباً نزل من قبل رمضان بشوي حق موظفي شركة نفط الكويت، كنت ناسيه و الحين ذكرته و توني تأكدت أنه لي الحين موجود (لحق ولا ما تلحق):

و العرض هو:

اشتراك انترنت مع شركة كيمز KEMS

512 kb/s بسعر 127.5 دينار بالسنة، بس بدون مودم، الوايرلس مودم عندهم بـ25 دينار و مو إجباري إنك تشتريه.

فيه عروض على السرعات الثانية بس مو ذاكرهم، و عالعموم هذي السرعة زينة و سعرها حلو.

يعطونك مع الاشتراك اسم مستخدم و باسوورد، تقدر تستخدمهم للـDial Up أو في المقاهي (زاجل)

آنا اشتركت فيه و بصراحة روعة، سرعة الداونلود 64 kB/s و الآبلود 32 kB/s ، و السرعة ثابتة كل أيام الأسبوع بالنهار أو الليل

للاشتراك، تحتاج كشف حساب، و براءة ذمة من المقسم و هوية الـKOC و الفلوس طبعاً :)

و تروح الحكومة مول الدور الثالث عندهم كشك صغير تشترك و تدفع و عقب 10 أيام تقريباً تشتغل الخدمة

رقمهم للاستفسار 822822

هلا مهندسنا بيني وبينك من بعد ماجربت الخدمه الجديده اللي بالاتصالات طمعت عرض كيمز وسرعة اشتراكهم ولا شي عنده :(

السرعه 7.2 خياليه

بس انه غالي حبتين
الدوان لود تقريبا 270 والابلود فوق 100

[HUMMER]

والله ياجماعه هالموضوع يبليه وقفه من النقابه ومن قسم العلاقات العامه لتحديد العروض وتوفيرها لجميع موظفي الشركه
ومنا الى المسؤلين

[م.محمد]

لوسمحت وين نحصل التذاكر ؟

[Mr. Engineer]

لوسمحت وين نحصل التذاكر ؟

تذاكر شنو؟؟؟

[بلبل عنقريزي]

مستر انجنير

شوف الاشتراك اللي يبرد القلب


http://www.q8ow.com/up/uploads/ea6f87f48d.jpg (http://www.q8ow.com/up/)