مادري ليش السكرتاريه غير عن الموظفين

[الكويت]

لما يتوظف السكرتير في الشركه يعرف ان حاله حال اي موظف ثاني بس الي يحر ان وقت الدرجات يصير لالالالالالالا غير .. يعني بصراحه ظلم لما السكرتير يرتبط بمسئوله المباشر يعني سكرتير التيم ليدر 11 والمانجر 12 ... الخ .

يعني لو المانجر يتخلل في مكانه السكرتير لازم يتخلل معاه :confused:

وأزيدكم من الشعر بيت ان وقت الانسنتف هم السكرتاريه قانونهم غير يعني كل مجموعه بس 3 من السكرتاريه ياخذون كل مره ..... شنو يعني شكووووووو :mad:

[م.محمد]

الله يكون بالعون

[SMART_BOY]

والله حتى أنا ما ادري ليش

يقولك بعض المانيجرية يختارون السكرتارية بكاتلوج

[frfosha]

عاد تبي الصج محد مظلوم الا فئة السكرتاريه واللي يحر اكثر أنه أكثر السكرتاريه للي عند التوب منجمنت يا هنود يا من اخوانا العرب ي أو هم من العرب حديثي التجنيس تلقاها ماخذتلها توها كويتي ومخترعه بالجنسيه يبه ديرتك مثل عين عذاري والله المستعان

[dehen_3ood]

فعلا السكرتير مظلوم بالشركة وخاصى في الترقية لأنها مرتبطة برئيسه !!
والحين أغلب السكرتارية قاعدين يحاولون يغيرون مسمياتهم ويصيرون Tech. Asst. على أمل أنهم يترقون
ويصيرون Snr. Tech. Asst
ويُقال والعهده على الراوي أن السكرتارية بسوون لهم Upgrade يعني سكرتير التيم ليدر بصير 12
وسكرتير المانيجر بصير 13 وسكرتير الدي ام دي بصير 14 !! بس متى الحجي ؟؟ الله وأعلم

[SMART_BOY]

طيب وإذا فنشو المسكرت له خخخخخخ

وين يروح السكرتير ... فنش بعد!!

[redrose]

والله حاله اللي يكرف بهالشركة كراف اليهد ولا مره حصلت انسنتف الناس كلها خذوا درجات الا انا حتى الخدم معاشاتهم تزيد شمعنا احنا جم سنه الحين على نفس الدرجه ولا وحاسدينا .
بس مثل ما قال المثل لا حبتك عيني ماضامك الدهر

[ام ريما]

اي والله والحال من بعضه الله يسامحهم :(

[الكويت]

على قولت فرفوشا ديرتنا او بالاصح شركتنا عين عذاري :(

[Phox]

حول مسماك من سكرتير الي مساعد فني

[الكويت]

وبعدين اذا كل سكرتير حول مسماه إلى مساعد فني ما تقولي منو بيشغل مسمى سكرتير ؟؟؟؟؟؟؟

هذا مو حل يا خوي :(

[زهرة التوليب]

والله السكرتاريه مظلومين

متى ما ترقى المسؤول ترقى معاه
واذا المسؤول تقاعد اييبون مسؤول ثاني مكانه
ويضطر السكرتير ينطر المسؤول اليديد لين يترقى

وطبعا هالشي صعب لانه توه يديده ما اعتقد راح يترقى !!!

بس اللي يغث ويقهر ان سكرتاريه المدره واللي فوقهم 90% أجانب
ووين ما يروح المدير ياخذها معاه حتى اذا انتقل شركه ثانيه

والكويتيين مساكين حدهم تيم ليدر !!
ليش ما يشيلون الأجانب ويرقون الكويتين اللي لهم الأقدميه !!
والشي يبيله وقفه جاده
مو بس حق شركة النفط كل سكرتاريه القطاع النفطي يعانون من هالشي

[Phox]

وبعدين اذا كل سكرتير حول مسماه إلى مساعد فني ما تقولي منو بيشغل مسمى سكرتير ؟؟؟؟؟؟؟

هذا مو حل يا خوي :(

ماكو حل ... هذا التارقت مال الدرجه و الوصف الوظيفى لها مقيم بكل الشركات النفطيه بالصوره هذى :

سكرتير رئيس الفريق يوقف على الدرجة 11 ..

سكرتير المدير يوقف على الدرجه 12 ... زادوه درجه لانه يستلم شغل من اكثر من رئيس فريق

سكرتير نائب العضو المنتدب يوقف على الدرجه 13 ... زادوه درجه لانه يستلم شغل من اكثر من مجموعه

سكرتير رئيس مجلس الادارة والعضو المنتدرب يوقف على الدرجه 14 ... زادوه درجه لانه يستلم شغل من القطاع

سكرتير الرئيس التنفيذى بالمؤسسه (هانى حسين - سعد الشويب) على الدرجه 16 وينصرف له سياره بعد :)

حتى لو تطلب اعاده تقييمها ... الوظيفه تتطلب عمل اضافى عشان تترفع درجتها .. فاسلم حل انك تحول مساعد فنى وتخلى السكرتاريه حق الاجانب.

[الكويت]

ويحروني لما يقولون الكويتيات ما يشتغلون :( بذمتك يشتغلون حق شنو وعشان ووين يوصلون
؟؟؟؟؟

راحت ولا ارجعت حدها تيم ليدر واذا حالفها الحظ ووحده من سكرتيرات المانجرز صار فيها شي يمكن تاخذ مكانها هذا اذا ما حطو كونترات