أيها المسؤولين أتمنى أن تكونو منصفين

[frfosha]

للاسف لقد ثبت بالاونة الاخيره أن بعض موظفين شركة البترول الوطنية الكويتيه بقسم شؤون الموظفين بالمكتب الرئيسي عند سؤالهم عن اي استفسار طبعا هاتفيا لان حضرة المدير العام لا

يريد عمل كتاب رسمي لهم الا بعد التأكد من أنني استحق أم لا يكون الرد سريع من قبل بعض الموظفين قبل التأكد من القوانين الجديده الصادره خلال السنوات الجديده وحصلت معي بأنهم

اوقفو درجتي لمدة طويله هذا بانهم تم البت من قبلهم بأنني لا تنطبق على الشروط وبطبيعت الحال لا يمكنك الوصول للمدير العام لانه الاخ مو فاضي(24 اجتماعات) وبعد سكوتي لمده طويله


وأحسست انه معي الحق بالمطالبه بهذه الدرجه لم اسكت وذهبت بنفسي الى شؤون الموظفين وقابلت من هي الي رفضت درجتي وقلت لها اريد ان ارى قوانين الدرجات بالشركه واتضح انها لا


تعلم بان القوانين قد تغيرت من خمس أو اربع سنوات وهي ليست على علم بذلك وتم تسجيل الدرجه وارسالها لهم ولكم من متى ؟ من بعد اسبوع من الحادثه اي ضاعت على سنتين


المفروض انني بهذه الفتره بالدرجه التي اطالب فيها ، السؤال من المسؤول عن هذه الاخطاء ؟؟؟؟؟ ومن الذي سحاسب ؟؟؟؟؟ ومن ؟؟؟؟ومن ؟؟؟ومن ؟؟؟؟ الشخص الذي لا يحب ان يدخل


الواسطات بحياته يندفن بهذه الشركه ؟؟؟؟؟؟ رجائي من المسؤولين بالاستماع لبعض مشاكل الموظفين وابداء الاهتمام البسيط لهم وشكرا

[HUMMER]

الله يكون بعونج اختي وغالبية المسؤلين يتحججون بالاجتماعات وتشوفينهم قاعدين بمنتجع هيلتون يشربون قهوه
وانا اضم صوتي لصوتج والله يرفع الظلم عنج

[Winchester]

الله يكون بعونج ان شاء الله

[سالم الخالدي]

للأسف مشاكل موظفين القطاع النفطي أهم قطاع في البلد ....مدفونة مع أقسامهم لكن من المسؤول عننا ؟؟

[مختبرجي]

حسبج الله
والله يعينج

[الفيصل]

الله يكون بعونك

يرفع الظلم عنك

[frfosha]

مشكوريين على ردودكم بس سؤالي لازم انراكض على درجاتنا ولا المفروض الدرجات يعطونا اياها تلقائيا وعلى أعمالنا السنويه ونبي الحل بهالموضوع طبعا انا الحين سجلولي الدرجه بس ناطرتها تزل وهذي الكويت صل على النبي :)

[brilliant]

لا يظيع حق وراه مطالب

اول شي اعتقد المسؤول عن الدرجه هو الناظر او التيم ليدر فهو المسؤول المباشر لهالشي

اما اذا كان فيه مشاكل ترجع المسأله الى المدير واذا مافيه حل ترد المسأله للنقابه وقوتها في اخذ الحقوق للموضفين

[زهرة التوليب]

فعلا معاج حق اختي العزيزه

مطلوب من الموظف انه يراكض ويدابج علشان ياخذ حقه
واذا سكت مسؤوله ينساه ويطنش

وطبعا هذي مو حاله ؟؟ ما يصير احنا نروح نقولهم وين درجتنا !!
ليش ما يكون هناك نظام في الموارد البشريه يذكر المسؤولين بالموظفين اللي يستحوق درجات هالفتره !!
وعاد المسؤول يشوف اذا هالموظف خلال هالفتره ما عنده طبيات وايد وملفه نظيف يكتب كتاب الدرجه
اما اذا شاف ان الموظف لك عليه شوي وعليه مشاكل يأخره

بس مو احنا اللي نقعد نطالب ويمكن المسؤول يسمعك ويمكن يطنشك
وانا نفس حالتج اخر درجه اخذتها 2004 !! وبعدين عدلوا وضعنا وغيروا مسمياتنا ويوم رحت اطالب بدرجه قالولي توه معدلين وضعج لازم تنطرين السنه اليايه علشان تاخذين درجتج اللي بالاساس تستحقينها !!!

يا ناس تعديل الوضع ماله علاقه بالدرجه ؟؟ لأن تعديل الوضع ايي من المؤسسه مو من الشركه نفسها !!

[frfosha]

يا اخي العزيز brilliand انت تتكلم عن التيم ليدر المباشر أو المدير مو قاعده اقولك انه اهم معتمدين على قوانين شؤون الموظفين القديمه ووالتيم ليدر بعث ايميل لمديري بالدرجه وما قصر ومديري ما يبي يكتب كتاب والسبب يبي التأكد من كلام شؤون الموظفين هاتفيا اذا يوافقون على درجتي او لاء ؟ فللي صار أنه السينير الله يسامحها بشؤون الموظفين على طول قالت ما يصير ورفضها مديري وطالبت مديري بعمل كتاب رسمي لشؤون الموظفين عشان اذا رفضوها راح يكتبون الاسباب وأقدر اطالب فيهاوأطلع حقي بس عمك اصمخ ورحت انا بنفسي للسينير اللي رفضت درجتي وشرحتلها الموضوع وردت على قالتلي لاء أنتي تستحقين الدرجه أتمنى انه الرساله وصلت يا أخي الفاضل يعني الاخت قاعده تتكلم عنقرارات قديمه والبنت تعينها جديد بالشركه وغير مطله على التغييرات بالسنوات الجديده رايحه على قرارات قديمه يعني كل واحد قانون من كيفه

[المهندس]

اخوي في البترول الوطنيه وخللوه مساعد مراقب 5 سنوات مع ان المفروض تكون سنه او اقل - وخلال هاذي السنوات كان ياخذ مستوى عالي ومع كتب شكر - بس مشكلته ما كان يعرف يطالب ولمن يا حق مسئوله وقاله خمس سنين وما رقيتوني ليش !!؟ قاله والله الصراحه نسيناك - انا ماني عارف المدراء هذولي عبالهم في شركت ابوهم يعني وواللا شالسالفه - ترا اخرتها حفر وراح ينقطون فيها وهم احنا مثلهم - وترا الناس يا تذم وتلعن او تمدح

انا بالنسبه لي ابي الناس تذكرني بالخير وتمدحني وشكرا -

الشكوى والنقابه هذا حللج الوحيد او العلاقات الصناعيه

[ولد الفحيحيل]

كلام صحيح وصاير عندنا بالشركات النفطيه