Kpc موظفة يديدة خايفه =(

[Green Tea]

السلام عليكم ورحمة الله وبركاته يا أعضاء المنتدى الكرام

انا موظفه تم قبولي في KPC في قسم التسويق

ودي اعرف شلون الشغل ، هل انتو مرتاحين في وظايفكم ؟ متى تنامون ومتى تقعدون ؟:D و متى تاكلون ؟ اشنو الكافتيريا الموجوده عندكم ؟
شلون بيئه العمل والموظفين ؟ سمحين ولا ؟ :p قولولي كل اللي تعرفونه عن الشغل هني ولي يعافيكم
ترا حدي خايفه

[HUMMER]

الله يكون بعونج :confused:

[Green Tea]

Hummer خرعتني زياده ، لهدرجة المكان مو زين ؟؟؟

[HUMMER]

مو المكان موزين بس انا سامع ان الاداره موزينه وبعدين انتي بمؤسسه اللي بالديره؟؟

خلي اسالج

[Winchester]

والله للأسف ما اعرف المكان

بس نصيحتي لج صلي أستخارة

وبالتوفيق

[brilliant]

التسويق هو عصب القطاع النفطي وهو العين للكويت بالخارج فهو الي يشوف طلبات الزباين وهو الي يشوف انتاج الكويت

اذا كنتي في المبيعات فانتي الان تمثلين الكويت في الخارج فالكل ينظر فيك الكويت

واذا كنتي في التزويد فانتي قائده تامرين بالبيع وتنهين عن البيع فانتي من يرا انتاج الكويت وانتي من يرا الطلب فالطلب والامداد بيدك

واذا كنتي بالبحريه فالله يعينج

اما اذا كنتي في التخطيط فانتي بيدك مستقبل الكويت

اما اذا كنتي في البحوث التسويقيه فسترين انكي مازلتي بالجامعه

اما اذا كنتي في ادارة المبيعات فانصحك باصطحاب مخدتك معك

والله ولي التوفيق

[المهندس]

ماكو شغل ترا :) وكبري المخده

ترا الشغل هناك معطينه حق جم واحد من ربعهم يامرون وينهون والموظفين الباجين بس قاعدين يطالعون

[HUMMER]

مشكور اخوي برلنت على التوضيح والشرح
بس ليش بالعربيه الفصحى
حركااااااااااااات

[brilliant]

حركااااااااااات يالهمر :p


الله يسامحك يالمهندس ليش الكل ماخذ هالفكره ترا الشغل في كل مكان وكلنا 8 ساعات باي مكان بالقطاع النفطي ,,, تدري مرات نقعد بالتسويق الى الساعه 4 ونص اذا كان فيه مشاكل اما بالمصافي او بالسفن.
لا تحكم على شي وانت ما شفته وانا اخوك ;)

[Green Tea]

HUMMER
المؤسسه ماغيرهااللي عالبحر (شويخ):)
ومشكور اخوي

Winchester
صليت استخاره والحين قاعده استشير الناس عشان بعدين اتخط قرار واتوكل على الله :)

brilliant
مشكور اخوي ماقصرت:)
يعني انا أمثل الكويت في الخارج :eek: ؟ يعني الشغل حده حساس لازم ما اغلط ولا غلطه :p
انت ذكرت المبيعات وإدارة المبيعات ! شالفرق بينهم ؟:confused:
ياريت لو تذكري مميزات ومساؤى الادارات اللي تندرج تحت التسويق العالمي


المهندس
والله كل من يقوللي كراف :confused: ، هل انت موظف في Kpc او سامع الكلام من ناس ؟
ومشكور اخوي

[Phox]

سهود و مهود

خلي ايمانج بالله قوي ودشى المبنى ولا تخافين كككككككككللللللللللل المبنى بنات وشويه شباب
كل شى عندهم كووول حتى نقابتهم كول اعضائها شباب وبنات ... قبل لما كانوا بالصالحيه كان عندهم ستارباكس والحين مادرى اذا نقل والا بعد بس صراحه يبيله ستارباكس بالدوام :)

اهم شى ان في الدوام الحضور (من 7 ليما ال7ونص) والانصراف (من 3 ليما 3:30) لازم تطبقين 8 ساعات وبينهم احلى حياه .. كيوبيكال على البحر ودوام يفتح النفس وكل الويووه سمحه ... انا صارلى 4 سنين اداوم بالحقول عمرى ما شفت بنيه حتى لو بالغلط :)

[الفيصل]

التسويق هو عصب القطاع النفطي وهو العين للكويت بالخارج فهو الي يشوف طلبات الزباين وهو الي يشوف انتاج الكويت

اذا كنتي في المبيعات فانتي الان تمثلين الكويت في الخارج فالكل ينظر فيك الكويت

واذا كنتي في التزويد فانتي قائده تامرين بالبيع وتنهين عن البيع فانتي من يرا انتاج الكويت وانتي من يرا الطلب فالطلب والامداد بيدك

واذا كنتي بالبحريه فالله يعينج

اما اذا كنتي في التخطيط فانتي بيدك مستقبل الكويت

اما اذا كنتي في البحوث التسويقيه فسترين انكي مازلتي بالجامعه

اما اذا كنتي في ادارة المبيعات فانصحك باصطحاب مخدتك معك

والله ولي التوفيق



اشكرك اخي بريلنت


على هذا الشرح والتوضيح



أختي Green Tea

مبروك على الوظيفة الجديده ونتمني لك التوفيق


مع التحية

[Green Tea]

سهود و مهود

خلي ايمانج بالله قوي ودشى المبنى ولا تخافين كككككككككللللللللللل المبنى بنات وشويه شباب
كل شى عندهم كووول حتى نقابتهم كول اعضائها شباب وبنات ... قبل لما كانوا بالصالحيه كان عندهم ستارباكس والحين مادرى اذا نقل والا بعد بس صراحه يبيله ستارباكس بالدوام :)

اهم شى ان في الدوام الحضور (من 7 ليما ال7ونص) والانصراف (من 3 ليما 3:30) لازم تطبقين 8 ساعات وبينهم احلى حياه .. كيوبيكال على البحر ودوام يفتح النفس وكل الويووه سمحه ... انا صارلى 4 سنين اداوم بالحقول عمرى ما شفت بنيه حتى لو بالغلط :)

:o ريحتني الله يريحك دنيا وآخره آمييييييين

[Green Tea]

اشكرك اخي بريلنت


على هذا الشرح والتوضيح



أختي Green Tea

مبروك على الوظيفة الجديده ونتمني لك التوفيق


مع التحية

الله يبارك فيك أخوي مشكوووور ، أجمعين ان شاء الله:)

[سالم الخالدي]

أولا أقول http://hcr14.com/download/27pi3.gif


ثانيا أبشرج أنتي في أفضل مكان في القطاع النفطي ومن أيسر الأعمال وأقلها جهد توكلي على الله

وهذا نعمة الله عليج انج كنتي في هالمكان الكثير يجيب أكبر الواسطات حتى ينتقل الى هذا القسم


فمبروك مقدما والى الأمام

[المتمكن]

باختصـــــار
الوظيفه فى القطـــاع النفطى
حلم لجميع الكويتيين وغير الكويتيييييين
واحمدى الله على هالنعمه وترا النعمه زواله
وقسم التسويق اعتقد انه مناسب والله يوفق الجميع

[MAB12]

اول شي بالتوفيق والله يكتب اللي فيه الخير وبعدين هذي بيئة عمل لازم تكتشفينها بنفسج وتتكيفين مع جو العمل

يمكن الناس اللي في الدوام خوش ناس بس العمل متعب ( والعكس صحيح ) .. مثل ماقالوا لج الاخوان صلي الاستخارة وتوكلي على الله وبالتوفيق


*ملاحظة / من اسئلتج توقعت انج راح تشترين KPC مو متوظفه هناك ؟ :)

[Green Tea]

الوسام
المتمكن

مشكورين كلكم طمنتوني وايد صراحة

Mab12
الله يستر ان شاء الله يكونون الناس اللي هناك زينين
لووول لازم الواحد يسآل عن كل شي قبل لا يتوظف

[fireeccc]

الوسام
المتمكن

مشكورين كلكم طمنتوني وايد صراحة

Mab12
الله يستر ان شاء الله يكونون الناس اللي هناك زينين
لووول لازم الواحد يسآل عن كل شي قبل لا يتوظف

اول شي حياج اختي معنا في المنتدى وثاني شغله اذا الموظيفين اللي معاج زيينين ابشري بخير واذا لا اللع يعينج على النقل بس الوضع العام مثل ماقالوا الشباب حطي راسج ونامي

[frfosha]

أول شي مبروك على الوظيفه اليديده واتمنى لج التوفيق بس حبوبه خل اقولج شي حطيه في بالج زيييييييييييييييييين كثر ما راح تجتهدين باول سنينج راح تنحبطين اذا ما عندج واسطه ترفعج لي فوووووووووووووووووق وراح يندفن حلمج للطموح داخل درج المكتب والتجربه خير برهان بس نصيحه لج من اخت لج صارلها سنين طويله بالبترول على قد معاشج اشتغليلهم وبس لانه مهما انتجتي ما راح يبين وراح يحطمون طموحج وتمنياتي لك بالتوفيق

[المهندس]

جرين تي انتي من بدايتج داشه ما تبين شغل ما فيج حماس للشغل :) --- وصراحه فوووكس اهوا كلامه اللي صحيح ومثل ما قلتلج شغل خفيف ونظيييييييييييييييييييييييييييييييييييييييييي ف - يعني اتدشين كاشخه وتطلعين نهايه الدوام هم على كشختج - مو نفس اللي البنات اللي عندنا ايييووون مالهم خلق من طول الطريج ونهايه الدوام شوفي اشكالهم - الكشه ناطه والميك اب سايح والعطر صاير ميكس مع العرق - ----------

يبيله ستار بكس فوكس

[عاشق ال KPC]

أول شي احب أهنيج اختي بالقبول بالمؤسسه لأن هذا المكان مو كل شخص يقدر يحصل عليه والمؤسسه من الاماكن الراقيه والشغل فيها ممتاز جدا جدا انا خبره بالمؤسسه 16 سنه ما عليج من كلام الناس دايم خلي عندك طموح الشغل بالمؤسسه كله خبره وتطور سريع مع العالم الداخلي والخارجي والناس بالمؤسسه من خيرة الناس المحترمين والله يوفقج

[Phox]

يبيله ستار بكس فوكس


روح معرض مازدا بالاحمدي عندهم ستارباكس :D

[Bent El KPC]

عسى الله يوفقج وانشالله ربي يرزقني التعيين ..


بالتوفيق ..

[Green Tea]

أول شي احب أهنيج اختي بالقبول بالمؤسسه لأن هذا المكان مو كل شخص يقدر يحصل عليه والمؤسسه من الاماكن الراقيه والشغل فيها ممتاز جدا جدا انا خبره بالمؤسسه 16 سنه ما عليج من كلام الناس دايم خلي عندك طموح الشغل بالمؤسسه كله خبره وتطور سريع مع العالم الداخلي والخارجي والناس بالمؤسسه من خيرة الناس المحترمين والله يوفقج
:) مشكور أخوي ، أهم شي التطور السريع الحمدلله يعني مو كل شي واسطه

[Green Tea]

عسى الله يوفقج وانشالله ربي يرزقني التعيين ..


بالتوفيق ..

يارب يعينونج معاي ان شاء الله

[SECURITY]

السلام عليكم ورحمة الله و بركاته .."


أول شي مبروك على الوظيفه اليديده وإن شاء الله تكونين قدها وقدود

اما عن الدوام . انا راح أستقبلج في مبنى مؤسسة البترول الكويتية وأكون في البوابه ودوامي بالمبنى نفسه ( بالشويخ ) .. وموجوده مصافط مخصصه لموظفين شركة البترول على شكل مصاعد P1 P2 P3 والدخول بالهويه الشخصيه يعني سيارتج بمكان مظلل وآمن ..

التسويق العالمي من أكثر أقسام شركة البترول أهميه حبث يمثل وجه الكويت للعالم الخارجي من تسويق وشراء بترول وما إلى آخره ومثل ما قالوا لج الشباب ..

وكذالك يوجد في المبنى بالسرداب بنك الكويت الوطني و مطعم ومقهى راقي جدا ومطحنه ومحل تيلفونات وسفريات يعني زيييطه وكشخه وكووول وعلى فكره المبنى 70% أخواتنا الموظفات ..

يعني تطمني أختي ويكفي أن المكان يشرح النفس خصوصا أنه عالبحر بغض النظر عن الترتيب الداخلي للمبنى .




وأتمنى اني زدت شي على كلام الأخوان ..


وبالتوفيـــــق ،،

[Green Tea]

السلام عليكم ورحمة الله و بركاته .."


أول شي مبروك على الوظيفه اليديده وإن شاء الله تكونين قدها وقدود

اما عن الدوام . انا راح أستقبلج في مبنى مؤسسة البترول الكويتية وأكون في البوابه ودوامي بالمبنى نفسه ( بالشويخ ) .. وموجوده مصافط مخصصه لموظفين شركة البترول على شكل مصاعد P1 P2 P3 والدخول بالهويه الشخصيه يعني سيارتج بمكان مظلل وآمن ..

التسويق العالمي من أكثر أقسام شركة البترول أهميه حبث يمثل وجه الكويت للعالم الخارجي من تسويق وشراء بترول وما إلى آخره ومثل ما قالوا لج الشباب ..

وكذالك يوجد في المبنى بالسرداب بنك الكويت الوطني و مطعم ومقهى راقي جدا ومطحنه ومحل تيلفونات وسفريات يعني زيييطه وكشخه وكووول وعلى فكره المبنى 70% أخواتنا الموظفات ..

يعني تطمني أختي ويكفي أن المكان يشرح النفس خصوصا أنه عالبحر بغض النظر عن الترتيب الداخلي للمبنى .




وأتمنى اني زدت شي على كلام الأخوان ..


وبالتوفيـــــق ،،

الله يبارك فيك اخوي

مشكوووووور وايد ، اهم شي يكون المكان مريح لان راح اقضي فيه ثمان ساعات باليوم لازم يكون شرح عالاقل :o

[a3zooby]

نياااااااااااااهاهاهاهاها شدعوه داشه بيت مسكون مو شركة بترول لا تخافين يا حجيه ....سهالاات انشالله وماك والا العافيه

[minatank]

اعقليها وتوكلي:D

[WaRiO]

بللل انا بالتسويق المحلي !!!!

الله يكووون بعووونج .... وليييييييييييه شنو مسويه بدنيتج إنتـــي !!!

موفقه وابتسمي انتي بالكويت :) ماكو شي صعب كله سهالات :)

[غدير دشتي]

مدام خايفه شحقة تبين تتوظفين شوفي آنا أقولج:
مالج شغل بأي أحد مع إحترامي لج ولا تتكلمين عن فلان ولا علان وإنتي راح تكونين بخير والدوام ما يخرع ترى والله بالعكس تكسبين ناس طيبين وحلوين وبالنسبة حق الإداره اللي مو زينه بعد هذا حظج وزين إنج توظفتي بس غيرج عندهم شهادات الدنيا ومو محصلين وظايف ومبروك على الوظيفة ومنها للأعلى إنشاءالله يارب:)

[مواطن]

اهم شيء خلي وياج ادوات اسعاف وخوذة .....


ئال خايفة ئال !!!

[ABDULLAH]

لا تخافين يا أختنا الصغيرة العزيزة ، باين عليج زينة بكل شي بس بالصفطة يبيلج تدريب أكثر فمـــــــــــــــــــــــــا تخافي :)

[برنسيسه]

غاليه والطلب رخيص شوفي الاداره زفت والحمدلله والعاملين ازفت والكافتيريا خايسه والمتدربين اااااااااااااااااااااااه لو تعرفينهم مو بس ينحطون عالجرح يبرى والشباب اخييييييييييييييييييييييييييه جميليــــــــــــــــــــــــــــــــــن ومأدبين وشقول داومي وبتشوفين:)

[Element_X]

والله اختي لا تخافين اذا انتى من النوع اللى تعجفين يعني نفاق انا اظمنج بعد سنتين مديره توكلى على الله

[KPC BaBy]

ياقرادتج لووووووووول

[K KPC]

لاتيين خف من ثقل

[KPC BaBy]

ههههههههههههههههههههههههههههههههههه

[SaRoOoNa]

يا ختي عليها ياختي عليها ماجت برجليها ماجت برجليها :eek:

هاهاها أهلا وسهلا فيج بمؤسسة البترول



http://tbn0.google.com/images?q=tbn:L0Y5HHwYQbQq9M:http://www3.0zz0.com/2007/01/21/22/16698552.jpg

[K KPC]

تعالي العلاقات العامة أونس لج

[Element_X]

اى روحي العلاقات اخرتج صايره حارس حق المخيم المؤسسه ههههههههه

[KPC BaBy]

ههههههههههههههه ماصدقت اطلع من هناك مسكي مكانج ابرك

[عبدالله العصيمي]

HUMMER
المؤسسه ماغيرهااللي عالبحر (شويخ):)
ومشكور اخوي

Winchester
صليت استخاره والحين قاعده استشير الناس عشان بعدين اتخط قرار واتوكل على الله :)




انتي مو خايفة وبس .... إلّا مرتبكة ومتلخبطة بعد :D

الله يعينك ويوفقك ومبروك الوظيفة ... وترى ما فيه داعي للخوف مثلك مثل اللي توظفوا قبلك .. يعني اهم فيهم زود عليك ؟؟!! لا طبعاً .. فلا تخافين :)

[engineera78]

اهلا و سهلا فيج بالمؤسسة و شدي حيلج من اول الايام

لان الانطباع الاول اهو اللي يبقى

لا تحاتين و لا تخافين كلنا جذي اول ما توظفنا كنا اشوي قلقين من الجو الجديد و الناس الجدد اللي بنتعامل معاهم

ادعي ربج بس ان الجروب معاج يكون زين .... لان مهما كان الشغل زين و الجروب مو زين ما راح ترتاحين ابدا

قطاع التسويق يعتبر عصب المؤسسة و ان شاء الله تتعلمين اشياء جديدة تفيدج

بالنسبة للمواقف حبيت اصلح للاخ سيكيوريتي ( مع انه سيكيوريتي المفروض اهو اللي يعرف ) المواق متعددة الادوار مقسمة بين مؤسسة البترول و وزارة النفط

الدور الارضي P1 مخصص للوزارة فقط
الدور الثاني و الثالث P2+p3 لادارة المؤسسة مواقف خاصة
الدور الرابع P4 لموظفين المؤسسة

الادوار المسطحة الارضية المظللة و الغير مظللة لجميع موظفين المجمع النفطي

و الاخوان وفوا و كفوا

حياج الله بين اخوانج و خواتج :)

[kuwait.voice]

ديري بالج ترا أنا دخلت دوائر في المؤسسة وشفت العجب فيه موظفين توهم طالعين من السجن وموظفينهم
مو تحتكين فيهم

[Green Tea]

لوووووووووووووووووووووووووووووول
والله ردودكم تضحك
ترا انا ليلحين ماتعودت عالوضع
احس الدوام طويل مو؟
لووووووووووول

[حمد بوزيد الهلالي]

انتي ابتعدي عن المشاكل والحجي تصيرين بخير
واي خدمه حاضرين

[mmkmoh]

الله يعيييييييييييييييييينج وبالتوفيق انشالله

[الشقااوي]

اهلا وسهلا ديري بالج الوضع يخوف حيل