التوظيف عن طريق الشركات [الأرشيف] - منتدى العاملين بالقطاع النفطي الكويتي

مشاهدة النسخة كاملة : التوظيف عن طريق الشركات

حنان

10-20-2007, 09:35 PM

السلام عليكم ورحمة الله وبركاتة
شلونكم اخواني, انا عندي استفسار حبيت انكم تساعدوني فية , استفساري اهو بخصوص توظيف غير الكويتين" البدون" في قطاع النفط يعني يكون شغلهم بالعقود مع الشركات, اذا ابي اقدم طلب وين اروح وعند منو, ليشني صار لي اكثر من خمس سنوات مقدمة في المستشفى ولا ردوا علي خبر؟ هل لازم يكون عندي واسطة؟ زين واذا ماعندي واسطة ما اتوظف؟

مشكورين

الفيصل

10-20-2007, 10:40 PM

السلام عليكم

بالنسبة للتوظيف بالقطاع الخاص في شركات كثيره يتم التوظيف فيها وليس منحصرة على مستشفى الشركة فقط.

هناك شركه لم يحضرني اسمها فأنها تقوم بتوظيف في مجال الخدمات او الاستقبال او الامن للعناصر الرجالية او النسائية.

ودمتم بود

طموح

11-19-2008, 11:54 PM

نفس سؤال الأخت (حنان) عندي

هل يتم توظيف (البدون) في شركات النفط
وتحديداً في الــــ K.O.C ؟؟؟

سالم الخالدي

11-20-2008, 12:48 AM

من الصعب جدا

توظيف غير الكويتيين في القطاع النفطي

لأن أول شرط من شروط أي وظيفة أن يكون كويتي الجنسية

لذا على حسب اللوائح والقوانيين فالتوظيف فقط للكويتيين

طموح

11-20-2008, 01:36 AM

الوسام

يعطيك العافية على التفاعل
لكن بعرف كلامك .. توقع أم معلومة أكيـدة ؟

فهد شموه

11-20-2008, 01:51 AM

الوسام

يعطيك العافية على التفاعل
لكن بعرف كلامك .. توقع أم معلومة أكيـدة ؟

نعم كلام أخونا الفاضل الوسام صحيح...
حيث كان توظيف البدون مباشرة في نفط الكويت وباقي الشركات النفطية , كان ذلك في السابق أو ما قبل الغزو....

أما حالياً فالغير كويتي من فئة غير محددي الجنسية, أخوة وأخوات بإمكانهم التوظيف بعد إجتياز المقابلة والإختبار, فقط مع شركات العقود الخاصة بمناقصات لشركة نفط الكويت وشركات القطاع النفطي عموماً...

طموح

11-20-2008, 01:59 AM

أخ Q8 Oiler حضرتك تقصد
يتم توظيفهم من خلال العقود الملتزمة بها
الشركات النفطية مع الشركات الأخرى ؟
أي .. الأساس تكون تبعية الموظف للشركة (أياً كانت)
ولكن مكان توظيفه بالشركة النفطية ؟ :confused:

فهد شموه

11-20-2008, 02:05 AM

نعم صحيح أخوي "طموح" وأنا أذكر زملاء لي كانوا من فئة غير محددي الجنسية وموظفين نفسنا في شركة نفط الكويت... لكن هذا كان في السابق قبل الغزو عزيزي الفاضل... أما الآن فشرط قبول التوظيف أن يكون كويتي الجنسية... أو من حملة الجنسيات الأخرى للتخصصات النادرة فقط.

طموح

11-20-2008, 02:16 AM

Q8 Oiler

يعطيك العافية
وآخر سؤال إذا تكرمت ..

ياريت تعطيني فكرة عن طبيعة المقابلات الشخصية
في الــ koc
الأسئلة اللي تنطرح ؟
بالعربي أو الإنجليزي ؟
الأمور اللي المفروض يحرص عليها المتقدم؟
وغيرها من الامور.. ؟

فهد شموه

11-20-2008, 02:26 AM

الله يعافيك أخوي "طموح"
الأسئلة تكون على حسب طبيعة الوظيفة اللي متقدم لها(فني أو إداري)...
وغلباً ما تكون أسئلة سهلة مابين العربي والإنجليزي مع وجود الخبرة إن أمكن كعامل مساعد للقبول

وإن شاء الله بالتوفيق وتكون طموح يا "طموح" :D

طموح

11-20-2008, 02:36 AM

الطموح موجود
لكـن الـظروف ماتساعد
يا خسارة التفوق الدراسي :(

الله يصلح الحال

Q8 Oiler
جزاك الله خيراً
ورزقنا وإياكم

فهد شموه

11-20-2008, 02:41 AM

آمين والله يرزق الجميع أخوي "طموح"
وربك يسكر باب ويفتح باب, ولكل مجتهدٍ نصيب
والشُكر لله
وإن شاء الله تتحقق أمانيك وتفرِّح أهلك :)

طموح

11-20-2008, 02:51 AM

وياك إن شاءالله

الله كريم

:)

Q8_KOC

11-21-2008, 01:25 AM

نعم كلام أخونا الفاضل الوسام صحيح...
حيث كان توظيف البدون مباشرة في نفط الكويت وباقي الشركات النفطية , كان ذلك في السابق أو ما قبل الغزو....

أما حالياً فالغير كويتي من فئة غير محددي الجنسية, أخوة وأخوات بإمكانهم التوظيف بعد إجتياز المقابلة والإختبار, فقط مع شركات العقود الخاصة بمناقصات لشركة نفط الكويت وشركات القطاع النفطي عموماً...

السلام عليكم

تصحيح معلومة أخي الفاضل

التوظيف مع شركات العقود الخاصه بشركة نفط الكويت للكويتيين فقط

مع الشكر

حنان

11-30-2008, 12:01 PM

نفس سؤال الأخت (حنان) عندي

هل يتم توظيف (البدون) في شركات النفط
وتحديداً في الــــ K.O.C ؟؟؟

اية اهوا هذا سؤالي بخصوص البدون

حنان

11-30-2008, 12:02 PM

من الصعب جدا

توظيف غير الكويتيين في القطاع النفطي

لأن أول شرط من شروط أي وظيفة أن يكون كويتي الجنسية

لذا على حسب اللوائح والقوانيين فالتوظيف فقط للكويتيين

لا الوسام يوظفون حتن بدون في الشركة
بس مو نكون على الشركة نفسها لا على مقاول يعني جذية فهمتني؟

حنان

11-30-2008, 12:03 PM

نعم كلام أخونا الفاضل الوسام صحيح...
حيث كان توظيف البدون مباشرة في نفط الكويت وباقي الشركات النفطية , كان ذلك في السابق أو ما قبل الغزو....

أما حالياً فالغير كويتي من فئة غير محددي الجنسية, أخوة وأخوات بإمكانهم التوظيف بعد إجتياز المقابلة والإختبار, فقط مع شركات العقود الخاصة بمناقصات لشركة نفط الكويت وشركات القطاع النفطي عموماً...

اية هذا اللي بقولة بس ما قدرت اوصل المعلومة عدل

حنان

11-30-2008, 12:04 PM

السلام عليكم

تصحيح معلومة أخي الفاضل

التوظيف مع شركات العقود الخاصه بشركة نفط الكويت للكويتيين فقط

مع الشكر

امبلا اخوي حتن احنا فية لنا بعد

طموح

12-01-2008, 01:56 AM

ياريت إذا أحد موظفي الـ KOC
يسأل لنا في قسم التوظيف أو الموارد البشرية عندهم
حتى نقطع الشك باليقيـن .,؟

Q8_KOC

12-01-2008, 08:49 AM

امبلا اخوي حتن احنا فية لنا بعد

اختي الكريمة

التوظيف على العقود بين شركة نفط الكويت والشركات المتعاقده معها .. للكويتيين فقط

x11

12-01-2008, 04:26 PM

شباب اشلون الواحد يقدر يعرف اذا في عقود ولا لا بالشركات النفطيه الي اعرفه محد يعلن عن هالعقود يعني مافي مكان اقدر اراجعه اشوف اذا مطلوب عقود يعينون فيها كويتيين

x11

12-01-2008, 04:26 PM

وبغيت اعرف اشلون يعلنون عن هالعقود وماعندهم موقع بالنت يحطون فيه اعلان عن هالعقود ولا لا

رحال

12-01-2008, 04:40 PM

السلام عليكم ..

بالنسبة لاستفساركم بخصوص توظيف الغير كويتيين (البدون) او الجنسيات الأخرى فهو مقتصر على متطلبات الشركة (المقاول) لأن الشركة (المقاول) مطلوب منه نسبه معينة من الكويتيون بالتعيين وذلك حسب شروط الدولة حتى لا يسحب منه الترخيص .. أي الأولوية للكويتيون ...

بالنسبة لقبول غير الكويتيين ... تم سؤال فريق عمل التوظيف بالشركة وتمت الافادة على النحو الآتي .. يتم القبول ولكن بشهادات معينة مثل " السكرتارية / حاسب آلي " هذا ويتم النظر في الطلب ان كان مطلوب بالشركة في دائرة معينة ...

هذا مالزم توضيحه بالنسبة لتوظيف الغير الكويتيون ... أما بالنسبة لطريقة الاعلان لا يتم الاعلان .. على المتقدم / المتقدمة اخذ الصور من الشهادات المطلوبه والذهاب مباشرة لفريق عمل التوظيف والسؤال عن الشخص المسؤول عن شركات (المقاول) المتعاقد معها.

احترامي

x11

12-01-2008, 04:47 PM

أما بالنسبة لطريقة الاعلان لا يتم الاعلان .. على المتقدم / المتقدمة اخذ الصور من الشهادات المطلوبه والذهاب مباشرة لفريق عمل التوظيف والسؤال عن الشخص المسؤول عن شركات (المقاول) المتعاقد معها.

احترامي

اخوي وين مكانه فريق عمل التوظيف اذا بالاحمدي وين اي صوب شنو في يمه مكان مشهور ماتدري عند منو اروح ماتعرف شخص محدد اروحله.

رحال

12-01-2008, 04:52 PM

سيدي الكريم / x11

أول ما توقف عند اشارة الأحمدي اللي تصير فيه بوجهك المحافظة اخذ فوق تحت يعني جنك بترد مره ثانيه بس بعد الفوق تحت اول دخله تجيك على اليمين اللي اهي مدخل شركة نفط الخليج الكويتي ادخل وقول للسيكيورتي وين مبنى " W " يدلونك اياه لمه تدخل اسأل داخل عن فريق عمل التوظيف .. بالنسبة للشخص المعني الصراحه ما اعرفه شخصياً لكن الجميع متعاونين وانشاء الله ماراح يقصرون ...

x11

12-01-2008, 04:54 PM

مشكور دوامهم من 7 لي 3 صح

حنان

12-04-2008, 07:07 AM

اختي الكريمة

التوظيف على العقود بين شركة نفط الكويت والشركات المتعاقده معها .. للكويتيين فقط

لا اخوي انا لي جم وحدة اعرفهم يشتغلون في مستشفى الاحمدي عقود
وحتن في اماكن يستقبلون "البدون" في النفط ويكون بعد نظام عقود مع المقاول

حنان

12-04-2008, 07:08 AM

طموح

12-15-2008, 06:15 AM

x11

رحال

كفيتوا ووفيتوا

شكـراً جزيلاً

والله يكتب لنا ونتوظف