شارك معاي اسعار السلع بعد الزياده ؟

[كويـ هلاليه ـتيه]

بعد الزياده كل شي زاد

تفاجأت من الغلاء الفاحش مره وحده اطمرت الأسعار , اللي يعرف سلعه كم كانت وكم صارت الحين يشارك معاي



عياده اعالج عندها ارتفع سعر دخلتها الي 10 دنانير مرررررررره وحده

النخي والباجيلا كانت ربع دينار ----صارت 350 فلس

ماسكار ايف سان لوران كانت 8,750 تقريبا ------صارت 10.750 فلس

مطعم باستا بالسالميه كان الماعون 1,500------صار 1.750 فلس

كريم ايد ماعرف والله اسمه بالضبط كان 2.500 ------صار 3 دنانير



و اللي يعرف اي شي عن اسعار السلع يشاركنا
حراااام عليهم والله ، الله لا يبارك في زيادتهم :(

[طلال]

والله حتى الحلاق

كنت أحلق لحيه بدينار والحين بدينارين


بس على ما أعتقد ان من تاريخ 6/3 راح يكون فيه إعتصام حول موضوع الأسعار



شكرا إختي هلاليه




تحياتي

[mohammed]

كي دي دي <== ينصح في مقاطعتها ( دينماركي ) السعر كان 110 بعدين صارت 170 بعدين ققلوا حجمها وكميتها وصار 110 وبعدين ردوه الى 150 فلس طبعا كل هذا بشهر


السينما من 2.500 الى 3 دنانير

[كويـ هلاليه ـتيه]

والله حتى الحلاق

كنت أحلق لحيه بدينار والحين بدينارين


بس على ما أعتقد ان من تاريخ 6/3 راح يكون فيه إعتصام حول موضوع الأسعار



شكرا إختي هلاليه




تحياتي



الله يعافيك طلال

زين والله خلي الناس اتحرك

[زيـنـه]

النخي و الباجيلا من 250----> 300 فلس
بطل دقوس القراش (الفلفل) من 40 ----> 100 فلس
سندويشات المطاعم الفاست فوود صارت فوق الدينار و ربع للساندويش بروحه .

و تقريبا كل الاماكن زادت اسعارها
في شي بنسبه غير ملحوظه و في شي بنسبه قويه و مرتفعه و ملحوظه

[كويـ هلاليه ـتيه]

كي دي دي <== ينصح في مقاطعتها ( دينماركي ) السعر كان 110 بعدين صارت 170 بعدين ققلوا حجمها وكميتها وصار 110 وبعدين ردوه الى 150 فلس طبعا كل هذا بشهر


السينما من 2.500 الى 3 دنانير



بو عبدالله شاكره مرورك ومشاركتك

نبي كلنا نعتصم مثل ما وضح لنا اخونا طلال- يعني كنك يابو زيد ماغزيت مااستفدنا من الزياده:(

[كويـ هلاليه ـتيه]

النخي و الباجيلا من 250----> 300 فلس
بطل دقوس القراش (الفلفل) من 40 ----> 100 فلس
سندويشات المطاعم الفاست فوود صارت فوق الدينار و ربع للساندويش بروحه .

و تقريبا كل الاماكن زادت اسعارها
في شي بنسبه غير ملحوظه و في شي بنسبه قويه و مرتفعه و ملحوظه



زينه يازين اعلومج ومشاركنج :)

جبنه الحلوم كانت ب 700 او 900 تقريبا ----صارت 1,110

[كي او سي]

سندويش بيض عجة كانت 100 فلس صارت 200 فلس بالمقابل البيض قبل كانت الصفيحة 900 فلس والحين 1000

انزين ليش سندوشة العجة رفعتوها 100 فلس

عيش كنتري اكس لارج كانت ب 6,800 بعدين 8,700 والحين ب 12 دينار

عيش الزاحم كانت ب 6.800 والحين 10,800

اوكي ازيد ربع دينار او نصف دينار مو 3 الى 6 دنانير

[كويـ هلاليه ـتيه]

سندويش بيض عجة كانت 100 فلس صارت 200 فلس بالمقابل البيض قبل كانت الصفيحة 900 فلس والحين 1000

انزين ليش سندوشة العجة رفعتوها 100 فلس

عيش كنتري اكس لارج كانت ب 6,800 بعدين 8,700 والحين ب 12 دينار

عيش الزاحم كانت ب 6.800 والحين 10,800

اوكي ازيد ربع دينار او نصف دينار مو 3 الى 6 دنانير



عيش كنتري اكس لارج كانت ب 6,800 بعدين 8,700 والحين ب 12 دينار

الله اكبر

يعني شنو ناكل ؟؟؟:(

استغفر الله يارب

[redrose]

حليب النيدو الحجم الكبير رقم (1) كان ب 4,500 بعدين 4,890 الحين الله يسلمك انا امس شارته 5,890

ترى والله في شي غلط

[feed gas]

القحفيه قبل ب 500 فلس الحين 750 فلس ... المكسر بو 1250 الحين 1350..... حتا الحلاق بابو داش عرض وما يحلق لك دجه الا ب 1250....انزين بااااابو ليش رفع سعره؟؟؟ لان قال من نهاك قال من امرنى؟؟؟[/COLOR[COLOR="Red"]]!!!...... ودمتم سااااااااالمين

[كي او سي]

حفاظات الاطفال بامبرز

كانت 4 دنانير فيها 84 حبه

الحين قريب ال 5 دنانير وفيها 80 حبه

وحليب النيدو فعلا مثل ما قالت رد روز

[زيـنـه]

الشكوى لله

[صندوق شكاوي]

أيها الفضلاء ..
التلاعب بدأ من الجمعيات التعاونية وبعد ذلك تشجع التجار وطمعوا لما رأوا اتحاد الجمعيات يضع نسبة عالية من الربحية على السلعة اللي يأخذها من التاجر والجمعية حاطة رجل على رجل ومن غير تعب ومو قاعدة تدفع للتاجر الفلوس كاش ، تدفع بالأجل ..
آنا بنفسي متابع أسعار السلع في الجمعيات .. الجمعية اللي في منطقتنا أسعار السلع في أفرعها غير عن الأسعار اللي في الرئيسية ( مصخرة ) ..
اكتشفت منزلين بضاعة ( طفايات سجائر زجاجية ) على الرف ودافعين فلوسها للوكيل المورد ، والجمعية أصلا ما تبيع سجائر !!! شلون هذي !! يمكن طفايات السجائر هذي عشان تكون صينية السمبوسة

[ABDULLAH]

موضوع مهم و رائع و يفيد كل الناس يا كويتية يا بنت البلد

ليت الموضوع يتجمع على هيئة ملف وورد أو إكسل و فيه نوع البضاعة قبل و بعد مع مكان للملاحظات و يفضل ذكر تاريخ ملاحظة فرق السعر.

و ممكن في الملف هذا يتم إضافة كل جديد في عالم زيادة الأسعار المريب

[YOU^AND^ME]

اقترح واقتراحي .... ما يلزم احد طبعا

انت دافع دافع ... سواءا اشتريت باقل او بأعلى

اقترح على اخواني انهم يقاطعون الجمعيات التعاونية

والبديل طبعا ... كارفــــــــــــــور ... او مركز سلــــطان

علشان الجمعيات التعاونية يحسون على دمهم وكذلك الأتحاد العام

وبالتالي هذا الاحساس راح يمر بلا شك على الشؤن اللي بدورها تخاطب مجلس الوزراء ان هناك مقاطعة شاملة

للجمعيات التعاونية والسبب غلاء المعيشه ( ارتفاع الاسعار )

اقتراح متواضع قد اكون فيه مخطأ ...

وشكرا

[صندوق شكاوي]

قشطة المراعي في الجمعية عندنا كانت تنباع ب 350 فلس، رحت كلمت مدير السوق وقال لي فيه يعني غلط ( لا غلط ولا يحزنون إلاّ تلاعب والظاهر حسّوا بأنهم مكشوفين ) وبعدين راحوا نزلوها وصارت الحين تنباع ب 300 فلس وفي باقي الجمعيات ومراكز سلطان وبكل مكان حتى عند اللي يبيع عند الدواّر تنباع ب 220 فلس .. يعني جمعيتنا حاطه ربح 50% .... لأنها محسوبة عليهم من شركة المراعي ب 200 فلس .. آنا بنفسي سألت مندوب شركة المراعي واستغرب ..
للعلم : الجمعية تنزل تقريبا يوميا ما بين 50 إلى 70 حبة قشطة مراعي يعني 100 فلس * 50 = 5 دنانير يوميا على الأقل = 150 دينار شهريا = 1800 دينار سنويا بس من قشطة المراعي . واحسب باقي المئات من السلع الموجودة بداخل الجمعية ..

المشكلة إن المستهلك ساكت وحماية المستهلك نايمة واللعب شغّال

[صندوق شكاوي]

اقترح واقتراحي .... ما يلزم احد طبعا

انت دافع دافع ... سواءا اشتريت باقل او بأعلى

اقترح على اخواني انهم يقاطعون الجمعيات التعاونية

والبديل طبعا ... كارفــــــــــــــور ... او مركز سلــــطان

علشان الجمعيات التعاونية يحسون على دمهم وكذلك الأتحاد العام

وبالتالي هذا الاحساس راح يمر بلا شك على الشؤن اللي بدورها تخاطب مجلس الوزراء ان هناك مقاطعة شاملة

للجمعيات التعاونية والسبب غلاء المعيشه ( ارتفاع الاسعار )

اقتراح متواضع قد اكون فيه مخطأ ...

وشكرا

كلام حلو أخوي .. آنا تركت الجمعيات واتجهت لمركز سلطان بس معاناة لبعد المركز عن منطقتنا فما زلت في بعض الأحيان أروح للجمعية لشراء بعض الحاجيات .. إذا الكل ترك الجمعيات وراح لمركز سلطان راح تصير مأساة وزحمة ومركز سلطان بمراكزه المعدودة القليلة ما راح يلحق على كل أهل الكويت ، يعني راح تصف دور عند الكاشير ساعتين عشان تحاسب .. هذا إذا لقيت شيء ينباع على الرفوف بسبب الهجوم الكاسح من قبل المواطنين

[ولد الموسوي]

الصراحه تعبنا من هالغلاء في الاسعار :(

وايد شغلات ما تنعد الصراحه زاد سعرها بشكل كبير :(

الله يكون في العون

[workerq8]

المفروض نقاطع السلع اللى ترتفع اسعارها بغض النظر اذا ايت من اى جمعية لان الاسعار مختلفة من جمعية الى جمعية

[مواق]

ماسكار ايف سان لوران كانت 8,750 تقريبا ------صارت 10.750 فلس

هلالية كويتية تستخدمين ماسكار ماركة عالمية وتشتكين من الاسعار !.. :confused:
بعدين اشفية ماسكار سوق المحاميد بومية فلس .:D

[ali_85]

كاكاو سنيكرز ومارس اذكر يوم كنت كنت بالمتوسط قبل 8 سنين كنا نشتريه ب100 فلس من فرع الجمعية
وبعدين زاد 5 فلوس ولي غايه السنه الي طافت اذكر انه كان ينباع ب140 فلس اليوم الصبح بنفس الفرع صار 170 شلون نعيش من غير سنيكرز :)

[كويـ هلاليه ـتيه]

حليب النيدو الحجم الكبير رقم (1) كان ب 4,500 بعدين 4,890 الحين الله يسلمك انا امس شارته 5,890

ترى والله في شي غلط

يعني زياده ----1,390

[كويـ هلاليه ـتيه]

القحفيه قبل ب 500 فلس الحين 750 فلس ... المكسر بو 1250 الحين 1350..... حتا الحلاق بابو داش عرض وما يحلق لك دجه الا ب 1250....انزين بااااابو ليش رفع سعره؟؟؟ لان قال من نهاك قال من امرنى؟؟؟[/COLOR[COLOR="Red"]]!!!...... ودمتم سااااااااالمين

بابو حاله حال الناس:rolleyes:

[ABDULLAH]

ليت الموضوع يتجمع على هيئة ملف وورد أو إكسل و فيه نوع البضاعة قبل و بعد مع مكان للملاحظات و يفضل ذكر تاريخ ملاحظة فرق السعر.

ما رأي الإخوة و الأخوات ؟

[كويـ هلاليه ـتيه]

حفاظات الاطفال بامبرز

كانت 4 دنانير فيها 84 حبه

الحين قريب ال 5 دنانير وفيها 80 حبه

وحليب النيدو فعلا مثل ما قالت رد روز

على طاري الحفظات اتصدقون قلت حق اختي مو لازم اتلبسين بنتج حفاظات على طول !!

يعني من باب التوفير:confused:

شكلنا ابنقتصد صج :rolleyes:

[كويـ هلاليه ـتيه]

موضوع مهم و رائع و يفيد كل الناس يا كويتية يا بنت البلد

ليت الموضوع يتجمع على هيئة ملف وورد أو إكسل و فيه نوع البضاعة قبل و بعد مع مكان للملاحظات و يفضل ذكر تاريخ ملاحظة فرق السعر.

و ممكن في الملف هذا يتم إضافة كل جديد في عالم زيادة الأسعار المريب

مانرد اقتراحك مشرفنا

وانا والله فكرت بنفس الشي

بني انشوف الفرق :confused:

[كويـ هلاليه ـتيه]

كاكاو سنيكرز ومارس اذكر يوم كنت كنت بالمتوسط قبل 8 سنين كنا نشتريه ب100 فلس من فرع الجمعية
وبعدين زاد 5 فلوس ولي غايه السنه الي طافت اذكر انه كان ينباع ب140 فلس اليوم الصبح بنفس الفرع صار 170 شلون نعيش من غير سنيكرز :)




اهي اوقفت على السنيكرس :rolleyes:

[كويـ هلاليه ـتيه]

اقترح واقتراحي .... ما يلزم احد طبعا

انت دافع دافع ... سواءا اشتريت باقل او بأعلى

اقترح على اخواني انهم يقاطعون الجمعيات التعاونية

والبديل طبعا ... كارفــــــــــــــور ... او مركز سلــــطان

علشان الجمعيات التعاونية يحسون على دمهم وكذلك الأتحاد العام

وبالتالي هذا الاحساس راح يمر بلا شك على الشؤن اللي بدورها تخاطب مجلس الوزراء ان هناك مقاطعة شاملة

للجمعيات التعاونية والسبب غلاء المعيشه ( ارتفاع الاسعار )

اقتراح متواضع قد اكون فيه مخطأ ...

وشكرا


خلاص تممممممم


انا عن نفسي ماراح اشتري الا من مركز سلطان أو كارفور;)

[كويـ هلاليه ـتيه]

أيها الفضلاء ..
التلاعب بدأ من الجمعيات التعاونية وبعد ذلك تشجع التجار وطمعوا لما رأوا اتحاد الجمعيات يضع نسبة عالية من الربحية على السلعة اللي يأخذها من التاجر والجمعية حاطة رجل على رجل ومن غير تعب ومو قاعدة تدفع للتاجر الفلوس كاش ، تدفع بالأجل ..
آنا بنفسي متابع أسعار السلع في الجمعيات .. الجمعية اللي في منطقتنا أسعار السلع في أفرعها غير عن الأسعار اللي في الرئيسية ( مصخرة ) ..
اكتشفت منزلين بضاعة ( طفايات سجائر زجاجية ) على الرف ودافعين فلوسها للوكيل المورد ، والجمعية أصلا ما تبيع سجائر !!! شلون هذي !! يمكن طفايات السجائر هذي عشان تكون صينية السمبوسة



ماشاءالله على نباهتك

[شركة من صادها عشى عيالة]

ارتفاع السلع مبرر اذا ماكان بشكل معقول و ذلك بسبب ارتفاع سعر النفط ... لكن اللي صاير الحين سباق للاسعار الكل يرفع بالسعر و السبب انه المواطن الكويتي ما يحسب يعني احنا القروض و السيارات اللي ناخذها ما نحسب الفوايد اللي ندفعها شلون بنحسب و ندقق بقيمه قوطي حليب و لا خيشة عيش ....

الحل الابتعاد عن الجمعيات اللتي تبيع بسعر مرتفع و الاتجاه لمحلات البيع بالتجزئة الاخرى و البدائل كارفور , مركز سلطان , الميرة , ستي سنتر بشرط نقارن و ندقق بسعر السلع في كل من هذي المحلات .

سبحان الله ارتفاع النفط صار نقمة على بلد عائم فوق بحر من النفط ... نحتاج تحرك جدي من مجلس الامة في مناقشة قيمة الزيادة و ارتفاع الاسعار .

[كويـ هلاليه ـتيه]

ارتفاع السلع مبرر اذا ماكان بشكل معقول و ذلك بسبب ارتفاع سعر النفط ... لكن اللي صاير الحين سباق للاسعار الكل يرفع بالسعر و السبب انه المواطن الكويتي ما يحسب يعني احنا القروض و السيارات اللي ناخذها ما نحسب الفوايد اللي ندفعها شلون بنحسب و ندقق بقيمه قوطي حليب و لا خيشة عيش ....

الحل الابتعاد عن الجمعيات اللتي تبيع بسعر مرتفع و الاتجاه لمحلات البيع بالتجزئة الاخرى و البدائل كارفور , مركز سلطان , الميرة , ستي سنتر بشرط نقارن و ندقق بسعر السلع في كل من هذي المحلات .

سبحان الله ارتفاع النفط صار نقمة على بلد عائم فوق بحر من النفط ... نحتاج تحرك جدي من مجلس الامة في مناقشة قيمة الزيادة و ارتفاع الاسعار .



اهني بيت القصيد

[ACmilan]

موضوع جميل وتشكرين عليه وفعلا الاسعار كل مالها وتصير خياليه

حتى المطعم الهندي زادوا اسعاره مابقى شي خلاص مو باقس الا ياخذون فلوس على الطرق

[ali_85]

اهم شي السنيكرز

[كويـ هلاليه ـتيه]

موضوع جميل وتشكرين عليه وفعلا الاسعار كل مالها وتصير خياليه

حتى المطعم الهندي زادوا اسعاره مابقى شي خلاص مو باقس الا ياخذون فلوس على الطرق




الا ياخذون فلوس على الطرق [/COLOR][/QUOTE]



في هذي صدقت !!!

الله يستر

[كي او سي]

كرتون ماء صحة (ابراج) كان ب 550 فلس
الحين ب 750 وبعض الاماكن 800 و 900 فلس

تبون بعد

[كويـ هلاليه ـتيه]

كرتون ماء صحة (ابراج) كان ب 550 فلس
الحين ب 750 وبعض الاماكن 800 و 900 فلس

تبون بعد

لاحول ولا قوة الاااا بالله

احنا لازم انسوي احصائيه والله


جدول فيه الأسعار قبل وبعد -----------

[Export_Doc's]

http://www.q8ow.com/vb/showthread.php?t=7016 شوفو الرابط

[كويـ هلاليه ـتيه]

http://www.q8ow.com/vb/showthread.php?t=7016 شوفو الرابط



ابصراحه زين يسووون خلي يقطعونه وفيه حليب غيره مو لازم بيبي لاك

[Export_Doc's]

ابصراحه زين يسووون خلي يقطعونه وفيه حليب غيره مو لازم بيبي لاك

و احنه كل مره بنغير حليب اليهال و مو كل ياهل يمشي معاه الحليب

[كويـ هلاليه ـتيه]

و احنه كل مره بنغير حليب اليهال و مو كل ياهل يمشي معاه الحليب

اوكي صح كلامك

بس هم في حليب يغني عنه اكيد


وهذي حركه حلوه انهم يقطعون الحليب لسبب الغلاء (عشان تجار باقي السلع يتعضون )

[Export_Doc's]

اوكي صح كلامك

بس هم في حليب يغني عنه اكيد


وهذي حركه حلوه انهم يقطعون الحليب لسبب الغلاء (عشان تجار باقي السلع يتعضون )

يقطعون الحليب و ينطرون لمه يخلص من السوق عشان يرفعون سعره و بعدين ينزلونه بالسوق مو بس الحليب ابكل السلع هذي اللعبه

[كويـ هلاليه ـتيه]

يقطعون الحليب و ينطرون لمه يخلص من السوق عشان يرفعون سعره و بعدين ينزلونه بالسوق مو بس الحليب ابكل السلع هذي اللعبه



اها

انا فهمت انه بيقطعونه مره وحده

[jamabdulla]

إلى جميع الزملاء الأفاضل,,,
لا تنسوا إعلان يوم غد لمقاطعة جميع المطاعم والمقاهي والجمعيات التعاونية والهوم ديليفيري.
الرجاء من الجميع الالتزام غدا يوم الخميس 6 مارس 2008, ذلك اعتراضا على الغلاء الفاحش في الأسعار ,,, ولنكن كلنا مسؤولين , ولا نكتفي فقط بالتذمر. سوف نبدأ بغدا انشاءالله وسنحدد أيام أخرى بإذنه تعالى.

لكم جزيل الشكر.

[jamabdulla]

الرجاء من المسؤول الاعلامي إعطاء الأهمية لهذا الموضوع.
ولك جزيل الشكر

[jamabdulla]

الرجاء عدم الدهاب الي السينما

[كويـ هلاليه ـتيه]

إلى جميع الزملاء الأفاضل,,,
لا تنسوا إعلان يوم غد لمقاطعة جميع المطاعم والمقاهي والجمعيات التعاونية والهوم ديليفيري.
الرجاء من الجميع الالتزام غدا يوم الخميس 6 مارس 2008, ذلك اعتراضا على الغلاء الفاحش في الأسعار ,,, ولنكن كلنا مسؤولين , ولا نكتفي فقط بالتذمر. سوف نبدأ بغدا انشاءالله وسنحدد أيام أخرى بإذنه تعالى.

لكم جزيل الشكر.



الله يجزاك خير والحاضر يبلغ الغايب

[judgement]

الصراحة كل شي تغير سعره او زاد حتى لو نبي نقاطع لازم يعني انقاطع الكل او هذا شي صعب

امثلة بسيطة
باسكن روبنز كانت الكرة 350 صارت 550 الحين 600 !!
ككاو سنيكرز (البرد) كان 150 صار 180
كفيهات تغريباً كلها ارتفعت اسعارها مثل واحد في الافنيوز كان قلاص الكوكيز 1800 فلس يعني اهو غالي مايبيله يرتفع سعره الحين صار 1950 فلس
او غير اوغير اوغير

(starbox story)

ستار بكس اصلاً اهو غالي او غلوه زيادة انا اعتقد انه اغلا ستار بكس في العالم ياشباب في مليزيا كنت اشتري كيكة ستاربكس 8.5 رنقت يعني 600 فلس اهني 1500 فلس مادري بعد اذا غلوها ولا للحين 1.5 دينار
موكا فربتشينو الميديام في ماليزيا 12 رنقت يقولك تبي اكسترا شكلت او كرميل يزيدها 2 رنقت بس اويترسها لك كرمل او شكلت حسب طلبك يعني كلها كامله 1.200 دينار اوميتين فلس اهني عندنا تقريبا الميديم 1250 فلس يقولك تبي اكسترا كرميل تقوله اي يبي ينهبك ازيادة يقولك اب اند داون تقوله اي يعني حركات اب اند داون مع ويهم :)المهم بنهايه تنصدم طلع عليك الموكا فربتشينو قريب 3 دنانير او اكثر
الشي الوحيد الي رخيص اهني في ستار بكس اهو الكروسان بلجبن 500فلس في مليزيا اذا تبي كروسان في الجبن يطلع 650 فلس يلا زين هذي مميزة لنا مادري غلو الكروسان ولا لا عندنا ؟
انا اتذكر مرة انا اوصاحبي في ستاربكس المطار طلبنا 2 موكا واحد منهم بس اب اند داون على قولتهم ، 2 كيكة طلع علينه 8 دنانير :eek: بدون أي مبالغة .

يعني الي يحب ستار بكس ماقولك قاطعه مرة وحدة لا خفف على الاقل مو كلا مطيحين فيه يعني خنحاول نلاقي البديل مو جنه مو صاير شي نيي مستانسين نقول (شنسوي يعني)

[mohammed]

حليب النيدو الحجم الكبير رقم (1) كان ب 4,500 بعدين 4,890 الحين الله يسلمك انا امس شارته 5,890

ترى والله في شي غلط

حليب نيدو دينماركي الرجاء عدم شراءه وهذا في نصرة الرسول عليه افضل الصلاة والسلام

[كويـ هلاليه ـتيه]

الصراحة كل شي تغير سعره او زاد حتى لو نبي نقاطع لازم يعني انقاطع الكل او هذا شي صعب

امثلة بسيطة
باسكن روبنز كانت الكرة 350 صارت 550 الحين 600 !!
ككاو سنيكرز (البرد) كان 150 صار 180
كفيهات تغريباً كلها ارتفعت اسعارها مثل واحد في الافنيوز كان قلاص الكوكيز 1800 فلس يعني اهو غالي مايبيله يرتفع سعره الحين صار 1950 فلس
او غير اوغير اوغير

(starbox story)

ستار بكس اصلاً اهو غالي او غلوه زيادة انا اعتقد انه اغلا ستار بكس في العالم ياشباب في مليزيا كنت اشتري كيكة ستاربكس 8.5 رنقت يعني 600 فلس اهني 1500 فلس مادري بعد اذا غلوها ولا للحين 1.5 دينار
موكا فربتشينو الميديام في ماليزيا 12 رنقت يقولك تبي اكسترا شكلت او كرميل يزيدها 2 رنقت بس اويترسها لك كرمل او شكلت حسب طلبك يعني كلها كامله 1.200 دينار اوميتين فلس اهني عندنا تقريبا الميديم 1250 فلس يقولك تبي اكسترا كرميل تقوله اي يبي ينهبك ازيادة يقولك اب اند داون تقوله اي يعني حركات اب اند داون مع ويهم :)المهم بنهايه تنصدم طلع عليك الموكا فربتشينو قريب 3 دنانير او اكثر
الشي الوحيد الي رخيص اهني في ستار بكس اهو الكروسان بلجبن 500فلس في مليزيا اذا تبي كروسان في الجبن يطلع 650 فلس يلا زين هذي مميزة لنا مادري غلو الكروسان ولا لا عندنا ؟
انا اتذكر مرة انا اوصاحبي في ستاربكس المطار طلبنا 2 موكا واحد منهم بس اب اند داون على قولتهم ، 2 كيكة طلع علينه 8 دنانير :eek: بدون أي مبالغة .

يعني الي يحب ستار بكس ماقولك قاطعه مرة وحدة لا خفف على الاقل مو كلا مطيحين فيه يعني خنحاول نلاقي البديل مو جنه مو صاير شي نيي مستانسين نقول (شنسوي يعني)








شنسوي يعني


ايواااااااا هذي اللي ذابحه النااااس


لازم نوقف يد وحده

الله يجزاك خيــــــــــــــــــــر:)

[h2s]

انا ارحج مقاطعة الجمعيات وياكم
وانا بالفعل قطعت الجمعيات واليوم شيلت البيت من كارفور وماراح اروح الجمعية بعد مرة واتمنى من الاخوة الاعضاء انهم يفعلون المثل
دام ان اهاتنا لا تسمع فخلنا نسوي الي نقدر عليه احسن ما نحرق في انفسنا واحنا لا صوت ولا فعل

[كويـ هلاليه ـتيه]

وأنا بعد قاطعت جمعيتنا ورحت مركز سلطان ووصيت الوالده واخواني واخواتي

[واحد فاهم]

تكرمون في نوع من الحفاظات ماركة لايبرو " نوع فرنسي " كان سعره 4.900 بالجمعيات بالنسبة لل72 مادري 74 حبه
الحين 5250

والله انصح الجميع بجمعية الحرس والشرطة نفس الحفاظات هناك 4300 !!!!! الفرق دينار تقريبا

[كويـ هلاليه ـتيه]

تكرمون في نوع من الحفاظات ماركة لايبرو " نوع فرنسي " كان سعره 4.900 بالجمعيات بالنسبة لل72 مادري 74 حبه
الحين 5250

والله انصح الجميع بجمعية الحرس والشرطة نفس الحفاظات هناك 4300 !!!!! الفرق دينار تقريبا



الله يجزاك خير على هالمعلومه

:)

[Q8_oil]

جماعة الخير الحلوم ماركة المراعي كنت أشتريها قبل شهرين كانت ب 650 فلس
اليوم الصبح صارت بدينار !!

[كويـ هلاليه ـتيه]

جماعة الخير الحلوم ماركة المراعي كنت أشتريها قبل شهرين كانت ب 650 فلس
اليوم الصبح صارت بدينار !!



صح كلامك

بس روح اي سوبر ماركت غير الجمعيات التعاونيه اتلاقي حلوم قبرصي سعره 650 فلس تقريبا - انا شاريته اليوم

[ABDULLAH]

يعجبني الوعي الإستهلاكي

و اطلب منكم تجميع كل المعلومات و تنسيقهافي جدول واضح و نحطه بعين التجارو التجارة و خل نشوف تاليها

[كويـ هلاليه ـتيه]

يعجبني الوعي الإستهلاكي

و اطلب منكم تجميع كل المعلومات و تنسيقهافي جدول واضح و نحطه بعين التجارو التجارة و خل نشوف تاليها



والله يا ليت

االلي صاير الحين انحاول نقارن بين الأسعار

[طالب القرب]

والقادم اكثر التجار ناويين علي الزيادة .واكثر التجار اللي عنده مكفية بس شاف التجار ربعه زادوا اسعارهم زاد اسعاره يعني مع الخيل يا شقره .

[feed gas]

وانا بقووووول لكم جمعيتنا اسعارها من زمااااااااان نار...وانا صارلى اكثر من سنتين ما ادش الا غصب ..ولا لو كان ابى اشترى ماجله لبشهر علا طووووول ما الك الا... جمعيه الجيش...يبه هالفلوس الى يوزعونها اخر السنه علا المساهمين يبه انا قاعد اوفر كثرهم دبل والسبب جمعيه الجيش..انا من زمان صايد الشغله....ولالالا لجمعيتنا ولالالا لجمعيتنا ولالالا لجمعيتنااااااا

[كويـ هلاليه ـتيه]

وانا بقووووول لكم جمعيتنا اسعارها من زمااااااااان نار...وانا صارلى اكثر من سنتين ما ادش الا غصب ..ولا لو كان ابى اشترى ماجله لبشهر علا طووووول ما الك الا... جمعيه الجيش...يبه هالفلوس الى يوزعونها اخر السنه علا المساهمين يبه انا قاعد اوفر كثرهم دبل والسبب جمعيه الجيش..انا من زمان صايد الشغله....ولالالا لجمعيتنا ولالالا لجمعيتنا ولالالا لجمعيتنااااااا



الله يجزاك خير----اتصدق ما ادلها جمعيه الجيش ؟

وين فيه ؟؟

[واحد فاهم]

طال عمرك الجمعية تصير على ايدك اليمين وانتي ماشيه على الدائري الرابع بعد ما طوفين مركز سلطان الجمله بشويخ ..كأنك رايحه دوار العظام الجمعية مقابل الرقعي .. ترى فيه جمعيتين الأولى الجيش " اللي قاعد نتكلم عنها " والثانيه الحرس ...

القديمه الجيش .. واليديدة الحرس
ان شاءالله يكون وصفي واضح

[تايه]

زيت السياره قبل 7 دنانير الحين 9

[كويـ هلاليه ـتيه]

طال عمرك الجمعية تصير على ايدك اليمين وانتي ماشيه على الدائري الرابع بعد ما طوفين مركز سلطان الجمله بشويخ ..كأنك رايحه دوار العظام الجمعية مقابل الرقعي .. ترى فيه جمعيتين الأولى الجيش " اللي قاعد نتكلم عنها " والثانيه الحرس ...

القديمه الجيش .. واليديدة الحرس
ان شاءالله يكون وصفي واضح



تسلم ماقصرت على الوصف

ما ينفع لازم اخذ معاي احد

اضيـــــــــــــــع :(

[كويـ هلاليه ـتيه]

زيت السياره قبل 7 دنانير الحين 9



الله يعين حتى الزيوت غلت

لاحول ولاقوة الاا بالله :(

[Bo Hadeel]

السلام عليكم...

تم زيادة الحد الادنى لشهادة الجوهرة (بنك الكويت الوطني) من 50 الى 100 د.ك

الزيادة طارت قبل ما تنزل حتى البنك طمعان ما يشبع

لا حول ولا قوة الا بالله

[فيصل العجمي]

موضوع مهم ويستحق التثبيت

ونرجوا من الجميع طرح كل السلع اللي ارتفعت اسعارها خصوصا بعد اقرار الزياده اللي للحين ماشفناها

وودنا لو نجمع ونحصر السلع هذي في ملف واحد مثل ماقال اخونا عبدالله

انا والله مادقق في الاسعار لكن مطعم هندي بفرع الجمعية الصبح اخذ منه ريوق مرات حق الدوام

سندويشة بيض طماط قبل 100 فلس صارت 150
مع العلم ان اسعار البيض رجعت نفس ماكانت بس الهندي مو راضي ينزل:)

دهن سيارة فورد مال الوكاله كنت ابدل بسعر 7 دنانير الحين صار 9 تقريبا

[فيصل العجمي]

نسيت مطاعم الفاست فود
مثل هاريدز كنتاكي ماكدونلدز ومادري شنو غيرها

كلهم زادو اسعارهم تقريبا بنسبة 10 الى 15 بالمية

[كويـ هلاليه ـتيه]

موضوع مهم ويستحق التثبيت

ونرجوا من الجميع طرح كل السلع اللي ارتفعت اسعارها خصوصا بعد اقرار الزياده اللي للحين ماشفناها

وودنا لو نجمع ونحصر السلع هذي في ملف واحد مثل ماقال اخونا عبدالله

انا والله مادقق في الاسعار لكن مطعم هندي بفرع الجمعية الصبح اخذ منه ريوق مرات حق الدوام

سندويشة بيض طماط قبل 100 فلس صارت 150
مع العلم ان اسعار البيض رجعت نفس ماكانت بس الهندي مو راضي ينزل:)

دهن سيارة فورد مال الوكاله كنت ابدل بسعر 7 دنانير الحين صار 9 تقريبا

موضوع مهم ويستحق التثبيت

:)

[ABDULLAH]

كويتية ، موضوعك مثبت و فعلا التفاعل إيجابي جدا للآن

[كويـ هلاليه ـتيه]

كويتية ، موضوعك مثبت و فعلا التفاعل إيجابي جدا للآن



شكرا للأدارة وللأخوان اللي تفاعلوا والقصد منه معرفه اسعار السلع بعد الزيادة ومحاوله التوفير
:)

[ABDULLAH]

موضوع يهم الكل و يستحق الإهتمام

[صندوق شكاوي]

سندويشة بيض طماط قبل 100 فلس صارت 150
مع العلم ان اسعار البيض رجعت نفس ماكانت بس الهندي مو راضي ينزل

خله يسويها لك سندويشة طماط بدون بيض

[القائد]

كل صار نار حتىاسواق الجملة الله يعين ياهلالية

[القائد]

الحين لو تروحون الجمعية صارت العشرين دينار شي عادي تقطها واذا طالعت تلقي شغلتين ثلاث انت شريت اتمنى من وزارة التجارة تحط حد لهذا الغلاء والا الزيادة بتكون زي قلتها

[فيصل العجمي]

خله يسويها لك سندويشة طماط بدون بيض

ههههههههه

اضحكتني اضحك الله سنك

والله شر البليه مايضحك فعلا
انا طبعا ذكرت هذا كمثال على حالة الجشع عند الجميع حتى عند صاحب المطعم الهندي

المشكله وين وزارة التجارة من موجة غلاء الاسعار اللي راح تاكل زيادتنا ولا كأنه صار شي

[كويـ هلاليه ـتيه]

ماركة برجوا الميك اب

زاد سعرها الي 250 فلس

[mohammed]

جمعية الحرس اسعارها ارخص من جمعية الجيش فرق بسيط
جمعية الحرس هي الجديده
<=== امكيل هذا الشهر من عندهم
في فرق واضح

[كويـ هلاليه ـتيه]

جمعية الحرس اسعارها ارخص من جمعية الجيش فرق بسيط
جمعية الحرس هي الجديده
<=== امكيل هذا الشهر من عندهم
في فرق واضح

الله يعطيك العافيه

المشكله مادل شي داااااااااااخل :(

بس مش مشكله اسأل :)

[Q8GAS]

اللهم أذهب عنا الغلاء والوباء

اللهم آمييييييييييييين

[Winchester]

اللهم أذهب عنا الغلاء والوباء

اللهم آمييييييييييييين


أميييييييييييييييييييين


جزاك الله خير اخوي يوسف .. ما قصرت

[جونم جقرم]

بطارية السيارات الآي سي ديلكو
من 12 الي 21 دينار

[كويـ هلاليه ـتيه]

بطارية السيارات الآي سي ديلكو
من 12 الي 21 دينار



اوووووووووووووف مو معقوله

مررررررررررره وحده :confused: هالزياده

[.K.O.C]

حتى انا بعد اعاني من ارتفاع الأسعار

فشقة 9مم كانت الطلقة ب 450 فلس الحين صارت ب 1,250 للطلقة
فشقة كلاش حي كانت 100 فلس للطلقة ----->صارت 200 فلس
فشقة شبّاب كانت ب 200 فلس للطلقة ------> صارت 500 فلس

المخزن كان ينباع ب 5 دنانير ------>صار ب 8 دنانير

الفرد 9مم روسي سعره من 150 إلى 200 ,,,الحين سعره من 220 إلى 350

رشاش عكف يمني سعره من 60 إلى 120 ,,, الحين سعره من 100 إلى 180


لالالا,,,, مايصير لازم نسوي مظاهرات




لازم وزارة الداخلية تتدخل وتمنع ارتفاع اسعار الأسلحة

[كي او سي]

اي والله حتى سعر البرميل كان ب 35 دولار والحين صار ب 100 دولار :p

مايصير جذي

k.o.c

سؤال بكم ام صكمه "ديانا"

والا ما تتعامل الا مع القنابل اليدوية:cool::eek::rolleyes::p

[.K.O.C]

[COLOR="Sienna"]
[COLOR="MediumTurquoise"]k.o.c

سؤال بكم ام صكمه "ديانا"

والا ما تتعامل الا مع القنابل اليدوية:cool::eek::rolleyes::p


حبيبي,,,, ديانا ولا دودي,,, اسلحة هوائية مانتعامل :cool:

[عبدالحميد دشتي]

Protien Mega Mass كان ب25 دينار صار ب 30 دينار
Amino Acid complex كان ب 15 دينار صار 17 ونص
الحلاق لحية كان دينار الحين دينارين

[عبدالحميد دشتي]

حبيبي,,,, ديانا ولا دودي,,, اسلحة هوائية مانتعامل :cool:

اخوي الرادار مالك في شغلة غلط انت كاتب War World3 غلط هذا بنغالي مو انجليزي اسمها World War3

[judgement]

اليوم رحت الجمعية تخيلو

ببيلاك حليب الاطفال كان 1440 فلس صار 1940 فلس

قلت خلاص انا الحين راح اصيدهم وغير حليب ولدي واخذ نفلاك اقرب واحد للببيلاك قايلي الدكتور على منو بس يلعبونها لوووول :)



جان انصدم
نوفيلاك حليب الاطفال كان 1540 فلس الحين 2040 فلس :(

والصراحة انا للحين مومصدق ليدرجت اني رحت للمحاسب يعني صايدها مرة ثانية قلتله انتو قلطانين يمكن بسعر اووريته الحليب
قالي لأه هي دي الاسعار بتقينه من المصنع



الخلاصة زيادة تقريباً نص دينار على مادة استهلاكية نستخدمة بالشهر مو اقل من 8 مرات للي عنده طفل واحد فمابالك للي عنده 2 او 3 يعني هذه المادة ومواد اخرى زاد سعرها يعي 120 دينار باح ماتهنو فيها المواطنين ابدا اوهذي مو مبالغة انتو شايفينها بعينكم او لامسينها

[كويـ هلاليه ـتيه]

اليوم رحت الجمعية تخيلو

ببيلاك حليب الاطفال كان 1440 فلس صار 1940 فلس

قلت خلاص انا الحين راح اصيدهم وغير حليب ولدي واخذ نفلاك اقرب واحد للببيلاك قايلي الدكتور على منو بس يلعبونها لوووول :)



جان انصدم
نوفيلاك حليب الاطفال كان 1540 فلس الحين 2040 فلس :(

والصراحة انا للحين مومصدق ليدرجت اني رحت للمحاسب يعني صايدها مرة ثانية قلتله انتو قلطانين يمكن بسعر اووريته الحليب
قالي لأه هي دي الاسعار بتقينه من المصنع



الخلاصة زيادة تقريباً نص دينار على مادة استهلاكية نستخدمة بالشهر مو اقل من 8 مرات للي عنده طفل واحد فمابالك للي عنده 2 او 3 يعني هذه المادة ومواد اخرى زاد سعرها يعي 120 دينار باح ماتهنو فيها المواطنين ابدا اوهذي مو مبالغة انتو شايفينها بعينكم او لامسينها



صح كلامك


ما قصرت على المشاركه

الوالده اتقول رضعوا عيالكم رضاعة طبيعيه ....ماعندنا افلووووووووس نشتري حليب :D

[بوعبدالرحمن]

هذي لزياده ماوصلت وجذي ... الله يعين لو صدقت الحكومه واقرتها

[كويـ هلاليه ـتيه]

هذي لزياده ماوصلت وجذي ... الله يعين لو صدقت الحكومه واقرتها



الله يعين

الزيادة ياالله انها تسد ديون الزياده اللي شابة هالأيااااااااااام:(

[َQ8Ti]

وانتي صاجه طاقيه حياكة يد من نص دينار صارت دينار

:)

[نمر بن عدوان]

هذي الاسعار تسخين لمى تجي الزيادة

[نمر بن عدوان]

قبل يومين في مركز سلطان شريت شغلة سعرها بالجمعيات 1.100 وعندهم حاطين السعر 1.300 ولمى حاسبتها عند الكاشير قالي 1.500 قلت ليش اختلف السعر قالي الاسعار غليت

على شغله تافهه وعندهم من زمان

[jamabdulla]

خبر عاجل
استقالة الحكومة الكويتية

[صندوق شكاوي]

قبل يومين في مركز سلطان شريت شغلة سعرها بالجمعيات 1.100 وعندهم حاطين السعر 1.300 ولمى حاسبتها عند الكاشير قالي 1.500 قلت ليش اختلف السعر قالي الاسعار غليت

على شغله تافهه وعندهم من زمان

لمّا تشتري من مركز سلطان دقق في فاتورتك زين ، عندهم مشكلة في تسعير بعض المنتجات ( مثل : عصير الربيع ميني حاسبينه علي ب 3.600 دينار وهو سعره 1.900 دينار ، طحت عليهم وكتبت عليهم شكوى واتصلوا فيني يعتذرون بأن هناك خطأ في إدخال الأسعار من الإدارة

المهم انتبه لفواتيرك

[MESHARI.M.AL-AZEMI]

لا حول ولاقوة إلا بالله العلي العظيم

[كويـ هلاليه ـتيه]

لمّا تشتري من مركز سلطان دقق في فاتورتك زين ، عندهم مشكلة في تسعير بعض المنتجات ( مثل : عصير الربيع ميني حاسبينه علي ب 3.600 دينار وهو سعره 1.900 دينار ، طحت عليهم وكتبت عليهم شكوى واتصلوا فيني يعتذرون بأن هناك خطأ في إدخال الأسعار من الإدارة

المهم انتبه لفواتيرك



ماشاءالله عليك

جدع !!

[كويـ هلاليه ـتيه]

خبر عاجل
استقالة الحكومة الكويتية



اتهقى عشان غلاء الأسعار :rolleyes:

[نفطي كويتي]

اتهقى عشان غلاء الأسعار :rolleyes:


لا مو عشان الزيادة بس عشان يقابلون عيالهم لأن الامتحانات على الابواب

[f-operator]

السلام عليكم

عندي لكم خوش اقتراح يبط مرارة التجار ويوفر عليكم جم دينار أول شي قاطعوا السوق....... واخذوا ام العيال كل راس شهر وروحوا البحرين تباتون ليلة وبالردة تمرون الخبر منها وناسة ومنها تشترون ماجلة البيت وتكون بهالحالة كسرت جم رأس بصخرة وحدة
منها تونست مع أم العيال ومنها خيست بضاعة التاجر الحقير ومنها جيلت بيتك من العيش واللحم والدجاج والمعلبات وكل ماتبيه حتى كرمكم الله البامبرز ومنها تكون غيرت جو وكسرت الروتين الممل بالديرة .

[كويـ هلاليه ـتيه]

السلام عليكم

عندي لكم خوش اقتراح يبط مرارة التجار ويوفر عليكم جم دينار أول شي قاطعوا السوق....... واخذوا ام العيال كل راس شهر وروحوا البحرين تباتون ليلة وبالردة تمرون الخبر منها وناسة ومنها تشترون ماجلة البيت وتكون بهالحالة كسرت جم رأس بصخرة وحدة
منها تونست مع أم العيال ومنها خيست بضاعة التاجر الحقير ومنها جيلت بيتك من العيش واللحم والدجاج والمعلبات وكل ماتبيه حتى كرمكم الله البامبرز ومنها تكون غيرت جو وكسرت الروتين الممل بالديرة .



مشكور اخوي على المشاركه

:)

[adla.h]

اشفيييييه حليب التموين ؟؟؟؟؟

[كويـ هلاليه ـتيه]

يا جماعه

عشان اقاطع حليب كي دي دي

قلت اشتري حليب اي بي سي


تفاجأت بسعره في الجمعيه اغلى من اي سوبر ماركت !!
بس ما صدقت بالجمعيه ب 145 فلس

والسوبر ماركت ارخص بس بتأكد اكثر واحط السعر !!

[Future man]

السلام عليكم

عندي لكم خوش اقتراح يبط مرارة التجار ويوفر عليكم جم دينار أول شي قاطعوا السوق....... واخذوا ام العيال كل راس شهر وروحوا البحرين تباتون ليلة وبالردة تمرون الخبر منها وناسة ومنها تشترون ماجلة البيت وتكون بهالحالة كسرت جم رأس بصخرة وحدة
منها تونست مع أم العيال ومنها خيست بضاعة التاجر الحقير ومنها جيلت بيتك من العيش واللحم والدجاج والمعلبات وكل ماتبيه حتى كرمكم الله البامبرز ومنها تكون غيرت جو وكسرت الروتين الممل بالديرة .

فعلا انا اعرف جم واحد من الربع راحوا الخفجي وشروا ماجلت البيت من هناك

[waleed]

والله خوش فكرة وراح نطبقها من هالشهر ومشكور

[كويـ هلاليه ـتيه]

يعني تنصحون بهالفكره !!!

بجربها

[الفصول الأربعة]

هلاليه زادوا سعر الفطااااااااااااااااااااااااااير أميه وخمسين من أمس توهم يستعبون غلاء الأسعار
أنصدمت اليوم.
شدعوه حتى فطاير أم أميه زادوها.

[كويـ هلاليه ـتيه]

هلاليه زادوا سعر الفطااااااااااااااااااااااااااير أميه وخمسين من أمس توهم يستعبون غلاء الأسعار
أنصدمت اليوم.
شدعوه حتى فطاير أم أميه زادوها.


الله يستر من القااااااااااادم:(

[jem2008]

بعض المعلبات ما زادو السعر وبس
نقصو من الكميه لى النص
مثل تونة الوزان معنا تونه تايلند الاصليه كميه كامله ونفس السعر

[جونم جقرم]

السلام عليكم

عندي لكم خوش اقتراح يبط مرارة التجار ويوفر عليكم جم دينار أول شي قاطعوا السوق....... واخذوا ام العيال كل راس شهر وروحوا البحرين تباتون ليلة وبالردة تمرون الخبر منها وناسة ومنها تشترون ماجلة البيت وتكون بهالحالة كسرت جم رأس بصخرة وحدة
منها تونست مع أم العيال ومنها خيست بضاعة التاجر الحقير ومنها جيلت بيتك من العيش واللحم والدجاج والمعلبات وكل ماتبيه حتى كرمكم الله البامبرز ومنها تكون غيرت جو وكسرت الروتين الممل بالديرة .


الله يهداك
رايح البحرين وماخذ أم العيال معك ليه العذااب ذاا كله
يااخوي رووح الحاالك منها أتبضع علي راحتك ومنها تريح باالك

وصبه رده نفس الشي تكاليف الطريق علي تكاليف الشقه الي بتسكنها علي تكاليف السووق الي بتاخذك له أم العيال
سوق المحرق الشعبي ومجمع عيسي والي لزم منه
ولاا أنت بدال منت رايح تووفر الا رااجع مفلس :D

[طالب القرب]

يا جماعة احنا اللي ساعدنا التاجر علي جشعه لان تعودنا علي سلع معينة ما ناخذ غيرها يعني ليش حليب نيدو بالذات شفيه حليب التموين والله ما طلعت لنا خدود حمر الا منه. وشمعنا بامبرز اخذوا نوع ثاني والا الياهل بيعترض علي النوع اليديد . والعيش ليش اكس ال دورا غيره صدقوني غيروا ترتاحون والتاجر راح ينجبر يسوي عروض وخصومات غصبن عليه .

[كويـ هلاليه ـتيه]

يا جماعة احنا اللي ساعدنا التاجر علي جشعه لان تعودنا علي سلع معينة ما ناخذ غيرها يعني ليش حليب نيدو بالذات شفيه حليب التموين والله ما طلعت لنا خدود حمر الا منه. وشمعنا بامبرز اخذوا نوع ثاني والا الياهل بيعترض علي النوع اليديد . والعيش ليش اكس ال دورا غيره صدقوني غيروا ترتاحون والتاجر راح ينجبر يسوي عروض وخصومات غصبن عليه .



طالب القرب تسلم

انا عن نفسي حليب التموين استعمل

والحفاظات فيفت ارخيصه وحلوووووووه وحتى مستفى الأحمدي يستخدمونه للأطفال

[كريستاله]

البيبسي شريته من مطعم ب 150 وقبل كان يبيعه 100 لمه سالته ليش

قال في الجمعيات قبل 75 الحين ب100

اشدعوه كل شي زادوا سعره

[OK__6]

حنا والله من زمااان مانشتري من الكويت الشايب عنده ابل بالسعوديه وكل ثلاث ايام او اربع اياام يرووح

وهو راد يجييل للبيت من الخفجي والله كل شي موجود هناك بعدين اكثر المنتجات سعووديه ورخييصه مو مثل هني

توفير مابعده توفير...

شاكر لصاحبة الموضووع

[كويـ هلاليه ـتيه]

البيبسي شريته من مطعم ب 150 وقبل كان يبيعه 100 لمه سالته ليش

قال في الجمعيات قبل 75 الحين ب100

اشدعوه كل شي زادوا سعره



استغفر الله حتى البيبسي

ما انتبهت لسعره !

[كويـ هلاليه ـتيه]

حنا والله من زمااان مانشتري من الكويت الشايب عنده ابل بالسعوديه وكل ثلاث ايام او اربع اياام يرووح

وهو راد يجييل للبيت من الخفجي والله كل شي موجود هناك بعدين اكثر المنتجات سعووديه ورخييصه مو مثل هني

توفير مابعده توفير...

شاكر لصاحبة الموضووع



ماشاء الله زين

الله يخلي ابونا الشايب يااااااااااارب

شاكرتلك عزيزي

[Sc0rpio]

زادو الاسعار يعني لا زيادة صارت وولا شي شكو الاسعار اتزيد ؟

أي حماية مستهلك أي بطيخ اشكرا اصلن الحكومه بتعطينا الزيادة مني وبتسحبها من جيوبنا مناك ( اخذ من جيسه وعايده )

مادري اذا تدرون انه البرّد (ice cream ) زادو سعره بعد !

الحمدلله والشكر

[المنصور]

انا تجربتي مع محل تصوير الأوراق

امس رحت ابي اطبع مجموعة صور بحجم معقول وعلى ورقة A4 وكان عدد الصور 16

عقب ما طبع لي .. رحت احاسب ولا يصدمني بالسعر :eek:

4 دنانير والورقة الوحده بـ 250 فلس :confused:

بصراحه تحسفت ولو طابعهم بالبيت كان افضل

[بلبل عنقريزي]

سلملي على الحكومه الاصلاحيه
الشعب ماستفاد شي

[Waluigi]

الحل كالاتي

يا ناس لي متى نفول ثلاجاتنا و نص الشهر حاذفين نص الاغراض لانتهاء صلاحيتها و نرجع نشتري مره ثانيه

خلونا نشتري حاجتنا يعني كل اربع ايام نشتري حق الاربع ايام الي وراها و هاكذا كذا ناكل فرش و ما نقط شي بالحاوية و اذا فيكم شده روح للخفجي و اشتر الشغلات الرئيسيه اللحم الخروف على 400 ريال و اذا تبي سمج ترى حيل رخيص بواليل و زبيدي صبور ربيان زراعي اسعارهم ارخص بوايد يعني كيلو الهامور على 22 ريال و الزبيدي على 28 الى 26 ريال و الربيان بال 25 بس العيش ما اعرف بجم و ترى احنا فينا تبذير من زمان و صار وقت تغير نظامنا ليش ما نشتري الدجاج فرش يعني نروح لمحل الدجاج و نشتري دجاجتين حق الغدى ترى احلى و ارخص و انفع من المثلج ترى لو فكرنا عدل راح نعرف نحارب التجار و نخسرهم تراهم معتمدين على نظامنا بتجيل البيت و نص الاغراض تنقط بالحاوية و الله حرام اشتر حق اسبوع و شوف اذا ما وفرت بعدين ترى اغلبنا ما ياكل بالبيت وايد مرة معزوم و مرة طالع و مره مداوم يعني التجيل ليش و ش حقه اشتر قوت يومك و بس جربو و عطونا ارائكم و خلنا نستفيد انا بصراحه هذا سستمي يمكن لان عايلتي صغيره حيل بس مرتاح من هالناحيه و حتى العايله الكبيرة تقدر تمشي على هذا السستم

بالدوام عندنا نقط قطيه و نجيل ثلاجه الدوام يعني كل زام بروحه تخيلو القطيه توصل 380 دينار على عشرين نفر و الله نمشي على هذا النظام نشتري حق كل يوم بيومه ما عدا المعلبات و الاجبان و نقدر نوفر بس الفترة الاخيرة ما قامت تكفى ال 380 دينار نوصل اخر الشهر نقط مرة ثانيه و السبة غلاء الاسعار و سوء الادارة من بعض الشباب الي يمسكون القطيه ما يعرف يصرف بس فيه زامات ثانيه و الله الربع يقولون اخر الشهر و الا زايده معاهم القطيه ب 50 و الا 90 دينار ليش لانهم يمشون على نظام عدل و يعرف شنو يشتري و شنو الي ماله داعي و يوفر

[al-khaldi]

وراح يصير سعر القوطي البيبسي من 100فلس الى 150فلس......]

[mohammed]

لا ابشركم ببسي العائله الى كان بسعر 200 فلس اليوم 350 فلس
والبيبسي راح يصير 150 فلس اما العائله ارتفع وخلاص
الككاوات اليوم ارتفعت بعد

يعني زادت الاسعار وتم صرف لنا غلاء معيشه

وراحوا التجار وزادوا الاسعار مره ثانيه

يعني الزياده 200%

[mohammed]

البيبسي شريته من مطعم ب 150 وقبل كان يبيعه 100 لمه سالته ليش

قال في الجمعيات قبل 75 الحين ب100

اشدعوه كل شي زادوا سعره


طيب اول كان يستفيد 25 فلس
الحين ملعون الصير قام يستفيد 50 فلس
حسبي الله ونعم الوكيل فيهم

[mohammed]

خلكم على جمعية الحرص
في الجمعيه حصل حب الرفاعي :) مكسرات السعر 890 فلس في جمعية الحرس 420 فلس

شوفوا الفرق اكثثر من النص
ههههههههههه

[WOLF]

الكتكو .... كان ب100 فلس ..... الحين صار 150 .....

[أمني]

خلوا عنكم هذه المواد وانظروا الي هذه الاسعار
هذا الوقت يسمي وقت الذروة الزراعية وقمت الانتاج بهذا الوقت كنا ناخذ كرتون الخيار 120 فلس الان 1170 النسبه 1000%
الطماط كذلك
المواد الاخري دجاج ساديا 1000 جم 6.000 الان 8.000 النسبة 38%
نقت امريكانا كان 1060 الان 1320 النسبه 33%
والاهم من ذلك الاغراض التي تشتريها بالسابق ب 40 دينار من الجمعية الان تاخذها 55 دينار النسبة 37.5%
وزيادة الدوله علي المعاشات في احسن احوالها 15% بالنسبه لي 8% والسوق اقل زيادة 35%

[ANACONDA]

والجايات اكثر = والله 120 دينار راح تطلع عليكم 1200 دينار ==والله المستعان

[Workers]

الكروسان كان 650 فلس اليوم حصلته 1.200 الفيصل وامريكانا 1.055 تجار فيهم بلا جعلهم الفقر

[كويـ هلاليه ـتيه]

شكرا لكل اللي شاركوا

اللي يعرف طريقة مفيده للتوفير

يفيدنااااا

[غانم]

جمعية الجيش عيش كنترxlي (5.660 ) تقريبا بالجمعية 7.010
تسقط الجمعيات التعاونية
نعم للجمعيات العسكرية

[صخرة رسوبية]

شكرا لكل اللي شاركوا

اللي يعرف طريقة مفيده للتوفير

يفيدنااااا

حصالة

[صخرة رسوبية]

لا ابشركم ببسي العائله الى كان بسعر 200 فلس اليوم 350 فلس
والبيبسي راح يصير 150 فلس اما العائله ارتفع وخلاص
الككاوات اليوم ارتفعت بعد

يعني زادت الاسعار وتم صرف لنا غلاء معيشه

وراحوا التجار وزادوا الاسعار مره ثانيه

يعني الزياده 200%

ليش ماتاخذها من منظور ايجابي...هذي خطوةلانقاص اوزان الشعب الكويتي..البدناء منهم طبعا

[صخرة رسوبية]

خلوا عنكم هذه المواد وانظروا الي هذه الاسعار
هذا الوقت يسمي وقت الذروة الزراعية وقمت الانتاج بهذا الوقت كنا ناخذ كرتون الخيار 120 فلس الان 1170 النسبه 1000%
الطماط كذلك
المواد الاخري دجاج ساديا 1000 جم 6.000 الان 8.000 النسبة 38%
نقت امريكانا كان 1060 الان 1320 النسبه 33%
والاهم من ذلك الاغراض التي تشتريها بالسابق ب 40 دينار من الجمعية الان تاخذها 55 دينار النسبة 37.5%
وزيادة الدوله علي المعاشات في احسن احوالها 15% بالنسبه لي 8% والسوق اقل زيادة 35%

شكلك تستخدم نفس اللستة كل مرة تروح فيها الجمعية...عشان جذي مطلع الفرق بالضبط :D :p

[صخرة رسوبية]

يا جماعة احنا اللي ساعدنا التاجر علي جشعه لان تعودنا علي سلع معينة ما ناخذ غيرها يعني ليش حليب نيدو بالذات شفيه حليب التموين والله ما طلعت لنا خدود حمر الا منه. وشمعنا بامبرز اخذوا نوع ثاني والا الياهل بيعترض علي النوع اليديد . والعيش ليش اكس ال دورا غيره صدقوني غيروا ترتاحون والتاجر راح ينجبر يسوي عروض وخصومات غصبن عليه .

و انا اقول ليش الجيل الحالي خدودهم مو حمر....الحين فهمت :d

[Q8_oil]

حتى البيبسي إلي أهو ماي و شوية كيماويات صار ب 100 مادري ب 120 فلس و أول كان ب 75 !!

[hassankoc]

مانبي زياده اذا الحكومه ماتضبط الأسعار ما استفدنا من الزيادة كلها راحت في بطون التجار

[تايتنك]

ياجماعة احمدوا ربكم لوتروحون لندن تعرفون معنات الاسعار العالية بعدين الارتفاع نتيجة ارتفاع اسعار النفط والمطلوب الحين زيادة الرواتب مايوازي الارتفاع بالاسعار والواضح ان المستفيد الوحيد اهية الحكومة.

[abo saif]

الحل بيدنا السلعة الغالية ما نشتري منها, نقاطعها مثل المنتجات الدانمركية.

[hassankoc]

اتروح السعوديه تلقى البضائع ارخص منا الغلاء بس صوبنا صح في ارتفاع بس مو هذا الأرتفاع الفاحش

[بن زريق]

اخوانا العزابيه يبون الزواج تكفون ان حل المسئله(المهر 4الاف دينار الحين 10تلاف دينار +خدامه+سائق+شقه+مصروف شهرى 200دينار+سفره كل سنه +خدامه ثانيه اذا ولدت+والله نسيت بس تكفون ذكرونى)

[الطواش]

في السعودية لما ارتفعت الاسعار ..
صارت الناس ترسل مسجات بشكل مكثف..
المسج يقول...
(( الغالي أتركه يعفن.. ))
وفعلاً خلال شهر ردت الاسعار مثل أول ..
والله والله لوكلنا دورنا على أرخص السلع ..
وخلينا الغالي يعفن ..
بتشوفون شلون ترجع الاسعار رخيصة ...
بس نتكاتف ..
وعلى فكره موضوع المسج ..
كتب عنه فؤاد الهاشم ..
يعني المسألة صارت مشهوره ..

[Q8_oil]

للأسف إحنا الكويتيين أحسن ناس نتكلم و نرسم الحياة باللون الوردي دايما و آخر شي كل شي على راسنا

[SAD_SHU]

فعلا انا اعرف جم واحد من الربع راحوا الخفجي وشروا ماجلت البيت من هناك

بس احسب حسابك يكون الفرق اكثر من 7 دنانير
لا تنسى ان السعودية ياخذون تأمين على السيارة تقريبا 7 دنانير
فاذا كان فرق السلع 7 دنانير لا طبنا ولا غدا الشر
اخذ من هني وأمرك لله

[عقاري خطير]

الله يعينا يا رب من ها الغـــلاء


يا عالـــــــــم اصحوا هذا بلااااااء من رب العالمــــــــــين


فكثـــروا الاستغفااااااااااااااااااااار .. حتى يزيل الهم والغلاء هنا





اللهم اني استغفرك واتوب اليك
عدد ما يكون وعدد الحركات والسكون عدد خلقك ورضا نفسك وزنة عرشك ومداد كلماتك
7
7
7
7
7
7
7
7
7
7
7
7
7

[عقاري خطير]

الله يعينا يا رب من ها الغـــلاء


يا عالـــــــــم اصحوا هذا بلااااااء من رب العالمــــــــــين


فكثـــروا الاستغفااااااااااااااااااااار .. حتى يزيل الهم والغلاء هنا





اللهم اني استغفرك واتوب اليك
عدد ما يكون وعدد الحركات والسكون عدد خلقك ورضا نفسك وزنة عرشك ومداد كلماتك

[ABDULLAH]

و رئيس إتحاد التجار يدعو الناس للتعايش مع غلاء الأسعار !!!
و مبروك علينا زيادة سعر البرميل و
كان
الله
في
عون
المواطنين

[hassankoc]

ضد الغلاء والواجب تحرك حكومي نيابي شعبي جاج جاد جاد

[خميس الخامس عشر]

انا عندي نصيحة لوجه الله من يرغب بشراء حاجيات منزله ...

اولا الشراء من جمعيه الشرطه
الشراء من جمعيه الدفاع
الشراء من جمعية الحرس..

جرب مره ولا راح تخسر وشوف بعينك الفرق والا شوف اسعار احتياجاتك اللي تشتريها من جمعية منطقكم ومن ثم قارنها باسعار هذه الجمعيات وراح تلاحظ الفرق...

ومن بعدهم مركز سلطان

[Workers]

انا عندي نصيحة لوجه الله من يرغب بشراء حاجيات منزله ...

اولا الشراء من جمعيه الشرطه
الشراء من جمعيه الدفاع
الشراء من جمعية الحرس..

جرب مره ولا راح تخسر وشوف بعينك الفرق والا شوف اسعار احتياجاتك اللي تشتريها من جمعية منطقكم ومن ثم قارنها باسعار هذه الجمعيات وراح تلاحظ الفرق...

ومن بعدهم مركز سلطان

صدقت والله كلام 100%

[فهد شموه]

ونسيت تضيف وراهم السوق المركزي اللي بالخفجي...
شوفو شقاعد يصير فينا... وصلنا لدرجة إن نوصل الحدود وندخل السعودية عشان نشتري أغراض البيت وحاجيتنا من الجمعية...
جشع التجار وما يسوي!!!:mad:

[LaRambla]

للعلم

شركة كي دي دي نزلت من اسعارها

كنت اشتري الكرتون ب3.300

صار ب2.200

والفال لباجي الشركات

[جونم جقرم]

للعلم

شركة كي دي دي نزلت من اسعارها

كنت اشتري الكرتون ب3.300

صار ب2.200

والفال لباجي الشركات


الله يسمع مـنك يابوسعـود :rolleyes:

[ABDULLAH]

المفروض تنزل أسعار السلع ، و هذا ما يحصل في دول العالم بسبب الأزمة الإقتصادية العالمية


لكن


يظل بعض تجارنا خارج نطاق التغطية و بعيدا عن المنطق و المعقول و لا يمثل امامهم إلا هدفهم الاوحد



الجشع

[عكروت]

الشرهه مو على التجار
نعم الشرهه مو على التجار ولكن تقع عليكم ايها المستهلكون، تقولون الحاجة الفلانية غالية ..... اذا دعوها لا تشتروها ، ابحثوا عن بديلها : مثلا حليب KDD لا تشترونه واشتروا حليب KD Cow او المراعي او اي نوع ثاني

وصدقوني لو تركتوا بضاعة التاجر سوف يضطر وهو صاغرا على تنزيل سعر بضاعتة ، ولكن الكسل ذبحكم والجهل الاستهلاكي

وسامحونا

[The_Employeee]

الشرهه مو على التجار
نعم الشرهه مو على التجار ولكن تقع عليكم ايها المستهلكون، تقولون الحاجة الفلانية غالية ..... اذا دعوها لا تشتروها ، ابحثوا عن بديلها : مثلا حليب KDD لا تشترونه واشتروا حليب KD Cow او المراعي او اي نوع ثاني

وصدقوني لو تركتوا بضاعة التاجر سوف يضطر وهو صاغرا على تنزيل سعر بضاعتة ، ولكن الكسل ذبحكم والجهل الاستهلاكي

وسامحونا

صراحة يبيلها حمله مثل حملة خليها تصدي

[SHUT DOWN]

مساكم ورد
الغلاء سببه جشع التجار وصمت الحكومه وإنشغال المجلس وعدم تحرك الناس بالمفاطعه
مطلوب من مجلس الامه تشريع قوانين منع احتكار الاستيراد تكافؤ الفرص للمنافسه
ومطلوب من الحكومه ضبط الاسعار
ومطلوب من المواطن مقاطعة كل السلع الغاليه
ووووووووووووشكرا