منع المأكوووولات والمشروووبات

[Neilz]

بسم الله الرحمن الرحيم
اول شي حبيت اباركلكم على هالمنتدى الرائع الصراحه الللي كنه نبيه من زمان عشان نعبر ..ما اطول عليكم
الصراحه استغربت من موقف صارلي اليوم وانا بالدوام ياي ومعاي جيس في اكل وبيبسي حق الشاب حلو جان يوقفني المنشآت يقولي ممنوع ادخل اي شي من اليوم او رايح ..يعني انا اداوم 8 ساعات او 12 ساعه او ما ادخل شي آكله يبوني آكل من اكل المصفاة غصب انزين احنا ورانا زامات صبح يعني غصب تبي تطلب من بره حق الريوووووق ...هذا اللي صار اتمنى تعليقاتكم على هالموضوووع

[فيصل العجمي]

السلام عليكم ورحمة الله وبركاته

في البداية نرحب بك اخي الكريم في منتداك

ويشرفنا تسجيلك معانا

وودنا نعرف في البداية عن اي مصفاة تتحدث؟

[Neilz]

عليكم السلام والرحمه انا اتحدث عن مصفاة مينا عبدالله بالتحدييييييييييييييييييد

[سالم الخالدي]

صح نفس الكلام حصل مع شباب ثانيين في ميناء عبد الله


نقلا عن ناس ثقة أنه تم منع دخول العشاء الى قسمهم مما اضطر الى تأخير العشاء عليهم


وقالوا ما يصلح حتى التصريح لدخول أي أكل أو شرب


يعني عيشوا على البسكوت والعصاير لين الله يفرجها وتطلع لأهلك


؟؟؟

شيء غريب

[ابـــو بــكــر]

الي انا سمعتا ان في تهديد

ويمكن عشان المقاله الي من قبل جم يوم عن اختراق للمصافي سبب مشكله للمنشآت والامن

انا حاليا اشوف ان الامن والمنشآت مستنفرين يعني الوضع مو طبيعي الله يستر

والله اعلم

[رجل أمن]

مشكور أخويNeilz على طرح مثل هذا الموضوع المهم

ولكن أخوي يرجى النظر للموضوع بعيدا عن كروشنا :)

صدقني ياخوي بأنني مؤيد 100% لفكرة منع الأكل لدخول المصافي وخاصة طلبات المطاعم

فإذا كنت ياأخي تريد الأسباب أنا مستعد أن أزودك بها

[سالم الخالدي]

مشكور أخويNeilz على طرح مثل هذا الموضوع المهم

ولكن أخوي يرجى النظر للموضوع بعيدا عن كروشنا :)

صدقني ياخوي بأنني مؤيد 100% لفكرة منع الأكل لدخول المصافي وخاصة طلبات المطاعم

فإذا كنت ياأخي تريد الأسباب أنا مستعد أن أزودك بها

أولا أقولك http://hcr14.com/download/58977809ri9.gifويانا في المنتدى



ثاننيا كلنا شوق لسماع الأسباب منك لاهنت

[رجل أمن]

حياك الله أخوي الوسام

أنا راح أتكلم عن الوضع بحكم وظيفتي بالأمن


الأسباب العامة:

1- أكثر الشباب يجيبون من المطاعم كبسات عيش ((بعض المرات بالجدر وبعض المرات صحون))يجي صاحبنا يحاسب المطعم ويأخذ الأكل ويروح حق رجل الأمن ((الشرطه)) ولايفكر شنو بالجدر أو الصحن وإذا صار شي ممنوع قال أنا مالي شغل هذا من المطعم وتواجهنا نحن والشرطه مشاكل كثيرة بهذا الخصوص .

2- أكثركم يذكر حادثة مصفاة الأحمدي قبل الغزو وماهو سبب دخول المتفجرات .

3- رجل الأمن (الشرطة ) بعض المرات ينحرج إنه يفتش ويخرب الأكل بالجدر أو الصحن ونفس الوقت خايف على عمره من المحاسبة فيظطر إلى منع دخول الأكل تجنبا للأحراج.

4- الأوامر من المسؤلين لرجال الأمن أو الشرطة تمنع دخول أي شي بدون تصريح .

5- الأكل غير صحي من المطعم الخارجي ويمكن يصابون الموظفين بالتسمم .

6- وهناك أسباب يعرفها أكثركم كالكاميرات والمباحث .

** هاذي بعض النقاط **

- وليش تتعب عمرك وتحرج غيرك جيب تصريح دخول للأكل ((تصريح مواد))من قسمك ولا أحد يقدر يردك لا الأمن ولا الشرطة .

[الساحوت]

رجل امن اسمحلي اعلق على بعض النقاط
2- أكثركم يذكر حادثة مصفاة الأحمدي قبل الغزو وماهو سبب دخول المتفجرات .

انت اتكلم عن شي صار من 17 سنه او اكثر وينكم طول هالمده مامنعتو الاكل والوجبات؟؟


5- الأكل غير صحي من المطعم الخارجي ويمكن يصابون الموظفين بالتسمم .

يعني تبي تقول انه الاكل اللي يجيبونه لنا صحي او مثلا مقبول !؟ الناس تاكله تسد جوعها فيه بس



4- الأوامر من المسؤلين لرجال الأمن أو الشرطة تمنع دخول أي شي بدون تصريح

اوكي ماقلنا شي بس ليش ماتمنعون اللي يدخلون القوه والجاي وياهم ولا الحلويات ولا هذي مو تبع ( اي شي بدون تصريح)

[سراب الصيف]

اي الفراغ يولد القرارات اللي مالها داعي

[كنبس]

حياك الله أخوي الوسام

أنا راح أتكلم عن الوضع بحكم وظيفتي بالأمن


الأسباب العامة:

1- أكثر الشباب يجيبون من المطاعم كبسات عيش ((بعض المرات بالجدر وبعض المرات صحون))يجي صاحبنا يحاسب المطعم ويأخذ الأكل ويروح حق رجل الأمن ((الشرطه)) ولايفكر شنو بالجدر أو الصحن وإذا صار شي ممنوع قال أنا مالي شغل هذا من المطعم وتواجهنا نحن والشرطه مشاكل كثيرة بهذا الخصوص .

2- أكثركم يذكر حادثة مصفاة الأحمدي قبل الغزو وماهو سبب دخول المتفجرات .

3- رجل الأمن (الشرطة ) بعض المرات ينحرج إنه يفتش ويخرب الأكل بالجدر أو الصحن ونفس الوقت خايف على عمره من المحاسبة فيظطر إلى منع دخول الأكل تجنبا للأحراج.

4- الأوامر من المسؤلين لرجال الأمن أو الشرطة تمنع دخول أي شي بدون تصريح .

5- الأكل غير صحي من المطعم الخارجي ويمكن يصابون الموظفين بالتسمم .

6- وهناك أسباب يعرفها أكثركم كالكاميرات والمباحث .

** هاذي بعض النقاط **

- وليش تتعب عمرك وتحرج غيرك جيب تصريح دخول للأكل ((تصريح مواد))من قسمك ولا أحد يقدر يردك لا الأمن ولا الشرطة .

اخوى اسمحلي
اساسا الامن اول شي نحاتيه صحيح
ولكن هناك سابقه منع وتم الاتفاق مع مدير امن المنشات ذلك الوقت واذكره وهو العقيد سليمان الفهد
نزل قرار بالسماح للاكل الى يتفتش
مو منع اى اكل وبس
ونعرف من هو الى منه اسمه عبدالجبار مسؤل عن الامن للمصافى منع الاكل بدون اى كلام ولا احساس بالناس الى يشتغلون 8 ساعات او 12 ساعه شفتات وتخيل زام ليل وتبي تصوم بدون اكل
ولا والقهر المنشات والامن ياكلون عينك عينك والزوليه اكبر دليل بره نشوفها وعليها كل الاكل والشرطه منتفخه كروشهم ياااااعيني ...
والامن هي هي والله اشوف التلفونات والابتوبات والسوزوكى دبته مترووسه بكل اكل وطلبات البيتزا والوجبات توصلكم حلال واحنا حرام وممنوع والسبب لانكم ماتفتشون وتدخلون ولا احد يكلمكم
اخوى لاتبرر ترى محنا ناقصين شايفين وساكتين واذا تسال غيري عنده علوووووووم
لانه هذا فيض من غيض عليكم
ولا تزعل من صراحتي وهذى الحقيقه
تحياتي لكم

[رجل أمن]

اخوى اسمحلي
اساسا الامن اول شي نحاتيه صحيح
ولكن هناك سابقه منع وتم الاتفاق مع مدير امن المنشات ذلك الوقت واذكره وهو العقيد سليمان الفهد
نزل قرار بالسماح للاكل الى يتفتش
مو منع اى اكل وبس
ونعرف من هو الى منه اسمه عبدالجبار مسؤل عن الامن للمصافى منع الاكل بدون اى كلام ولا احساس بالناس الى يشتغلون 8 ساعات او 12 ساعه شفتات وتخيل زام ليل وتبي تصوم بدون اكل
ولا والقهر المنشات والامن ياكلون عينك عينك والزوليه اكبر دليل بره نشوفها وعليها كل الاكل والشرطه منتفخه كروشهم ياااااعيني ...
والامن هي هي والله اشوف التلفونات والابتوبات والسوزوكى دبته مترووسه بكل اكل وطلبات البيتزا والوجبات توصلكم حلال واحنا حرام وممنوع والسبب لانكم ماتفتشون وتدخلون ولا احد يكلمكم
اخوى لاتبرر ترى محنا ناقصين شايفين وساكتين واذا تسال غيري عنده علوووووووم
لانه هذا فيض من غيض عليكم
ولا تزعل من صراحتي وهذى الحقيقه
تحياتي لكم

هلا أخوي كنبس وحياك الله

تعليقي على مداخلتك :

أولا: أنت تقول بأن العقيد سليمان الفهد سمح للأكل اللي يتفتش بدخول المصفاة وأنا أقول لك ماسمعت هذا الكلام إلا منك ..وأزيدك من الشعر بيت تدري إنه ممنوع حتى تطلع بالأكل من المصفاة ((يعني لو إنك تبي تأكل وجبتك اللي جايه من مطعم الشركة بالبيت ممنوع تطلع فيها من المصفاة )) صدقني لو رجل الأمن أو الشرطة يطبقون كل الأوامر أعتقد تقدم إستقالتك أحسن لك .

ثانيا: بالنسبة لعبدالجبار ماله شغل بالسالفه لأنه ماسك مكان بوعبدالرحمن مؤقت والمنع قبل عبدالجبار

ثالثا: الإتفاق بين الشركة وأمن المنشأت إن الشرطة مالها حق تفتش رجل الأمن فقط تطلب هويته ويحق لرجل الأمن رفض طلب التفتيش .... والأكل اللي يدخل المصفاة من قبل رجال الأمن هذا من حقهم قانونيا لأنه مافيه قانون يمنعهم أما بالنسبة للتلفونات فأغلب رجال الأمن لديهم تصريح بالتلفون وليسوا كلهم , أما اللاب توب فأنا معك فهو تجاوز وتم مطالبة الإدارة بالتصريح لرجال الأمن باللاب توب والموضوع قيد الدراسة .

رابعا: ياأخي من حقك إنك تدخل أكل مطاعم الكويت كلها إذا كان عندك تصريح مواد ولا أحد يستطيع منعك ليش خايفين من تصريح المواد مع إن التصريح سهل جدا جدا .

[رجل أمن]

رجل امن اسمحلي اعلق على بعض النقاط
2- أكثركم يذكر حادثة مصفاة الأحمدي قبل الغزو وماهو سبب دخول المتفجرات .

انت اتكلم عن شي صار من 17 سنه او اكثر وينكم طول هالمده مامنعتو الاكل والوجبات؟؟


5- الأكل غير صحي من المطعم الخارجي ويمكن يصابون الموظفين بالتسمم .

يعني تبي تقول انه الاكل اللي يجيبونه لنا صحي او مثلا مقبول !؟ الناس تاكله تسد جوعها فيه بس



4- الأوامر من المسؤلين لرجال الأمن أو الشرطة تمنع دخول أي شي بدون تصريح

اوكي ماقلنا شي بس ليش ماتمنعون اللي يدخلون القوه والجاي وياهم ولا الحلويات ولا هذي مو تبع ( اي شي بدون تصريح)

هلا أخوي الساحوت

أنا بتكلم لك عن الأوامر تقول ممنوع دخول أو خروج أي شيء إلا بتصريح.

وأي شي غير هذا مخالف للأوامر الصادرة .

والأوامر هاذي صارلها أكثر من عشرين سنة بس الشباب بعض المرات يتساهلون مع الموظفين .

[كنبس]

اخوى مشكور على ردك
ولكن
"
أولا: أنت تقول بأن العقيد سليمان الفهد سمح للأكل اللي يتفتش بدخول المصفاة وأنا أقول لك ماسمعت هذا الكلام إلا منك ..وأزيدك من الشعر بيت تدري إنه ممنوع حتى تطلع بالأكل من المصفاة ((يعني لو إنك تبي تأكل وجبتك اللي جايه من مطعم الشركة بالبيت ممنوع تطلع فيها من المصفاة )) صدقني لو رجل الأمن أو الشرطة يطبقون كل الأوامر أعتقد تقدم إستقالتك أحسن لك "

اخوى اكيد عندكم ملف او عند الشرطه ملف وتكون فيه الاتفاقيه لانى شخصيا شفتها وقتها ولا اتذكر باى وقت ولكنها قديمه بس مازالت ساريه المفعول . بس لو تبحث متاكد راح تلقاها اذا كانت محفوظه
لو تبي تتطبق الممنوعات والقوانين راح تتعب ونتعب معاكم والله الغنى عن اكل الشركه مانبيييييه واذا تبي تمنعه امنعه

" ثانيا: بالنسبة لعبدالجبار ماله شغل بالسالفه لأنه ماسك مكان بوعبدالرحمن مؤقت والمنع قبل عبدالجبار "
حسب الاتصال من الليدر مع الضابط المسؤل وقتها وهو الى صرح بالكلام هذا مو من عندى واذا كان كلامه مو صحيح فهذى والله المصيبه والمصيبه اكبر اذا كنت لاتعلم

" ثالثا: الإتفاق بين الشركة وأمن المنشأت إن الشرطة مالها حق تفتش رجل الأمن فقط تطلب هويته ويحق لرجل الأمن رفض طلب التفتيش .... والأكل اللي يدخل المصفاة من قبل رجال الأمن هذا من حقهم قانونيا لأنه مافيه قانون يمنعهم أما بالنسبة للتلفونات فأغلب رجال الأمن لديهم تصريح بالتلفون وليسوا كلهم , أما اللاب توب فأنا معك فهو تجاوز وتم مطالبة الإدارة بالتصريح لرجال الأمن باللاب توب والموضوع قيد الدراسة "

انت تقول الاتفاقيه ...!!! يعنى موجوده حسب كلامك وكلامى صحيح يعنى فى اتفاقيه
كيف من حقكم تدخلون اكل واحنا مالنا حق شنو معتقل ولا حلال عليكم وحرام علينا ... لاتعليق

" رابعا: ياأخي من حقك إنك تدخل أكل مطاعم الكويت كلها إذا كان عندك تصريح مواد ولا أحد يستطيع منعك ليش خايفين من تصريح المواد مع إن التصريح سهل جدا جدا "

اخوى طبق هالكلام عليكم وعلى الباقى وانت تعرفهم وتعال وقتها وقول اطلب تصريح دخول مواد مو اكل ...فى فرق اخوى
وارجع للاتفاقيه بين الشركه وامن المنشات وراح تعرف ان كلامى صحيح يسمح بدخول الاكل من بعد التفتيش من اى مكان ولم تحدد اى قسم ممنوع ولا مسموح

وارجو انى وضحت لك

[منطقي]

كانت الأمور متأزمه نوع ما والشباب على حقهم والله يكون بالعون.

[زهرة التوليب]

زين اذا بيمنعون الأكل خل يحطون بديل
مو معقوله يتسممون من هالمطعم اللي الله يزيد النعمه
اكله ما فيه ريحه النظافه ويسحن الجبد !!!

خل يسنعون مطعمهم وبعدين يمنعون الأكل مو يموتون الناس يوع

[اه ياكويت]

الظاهر يبون ناكل اظافرنا اذا يعنا بدال لا يردون الاكل خلهم يفتشون مثل العالم

[engineera]

انا ايب اكلي معي واتريق في بيتنا:) وصموني وكرواسون والكاكو كله وياي بالجنطه ومحد منعني :) انزين ماتقدرون ادخلون فطاير المغلفه او الكروسون او معكرونه باشميل من بيتكم بعني ماتوقع المعكرونه الباشميل فيها مواد متفجره ..واذا فيها جان انفجرت بالفرن واهي تنطبخ قبل لا توصل المينا..ماكو الا اطالبون في جهاز الكشف نفس اللي في المطار ادخلون الجدر فيه ويكشف عن محتوياته رجل امن ولا بهذلة هالمساكين الموظفين

[فنطاسي]

اختي المهندسه الجهاز موجود عند الباب بس هم ما يبون يستعملونه
يمكن ما يعرفون له او ما يشتغل اساسا

[engineera]

واالله ما اقول الله يسرلكم اموركم ويعينكم في هالموضوع ..الا الاكل..وحاولوا توصلون شكواكم لمسؤل يشغل الجهاز

[فلير مولعه]

انا ايب اكلي معي واتريق في بيتنا:) وصموني وكرواسون والكاكو كله وياي بالجنطه ومحد منعني :) انزين ماتقدرون ادخلون فطاير المغلفه او الكروسون او معكرونه باشميل من بيتكم بعني ماتوقع المعكرونه الباشميل فيها مواد متفجره ..واذا فيها جان انفجرت بالفرن واهي تنطبخ قبل لا توصل المينا..ماكو الا اطالبون في جهاز الكشف نفس اللي في المطار ادخلون الجدر فيه ويكشف عن محتوياته رجل امن ولا بهذلة هالمساكين الموظفين

المشكله ان الجهاز هذا موجود في ميناء الاحمدي بس صارلي ثمن سنوات بالشركه ما شفته يشتغل ولو مره وحده يمكن رجال الامن ما يعرفون يشغلونه ولا كسل مادري الصراحه

[shahoda]

السلام عليكم
انا ما ادري الواحد اشلون يبدي اذا تساهلنا بالتفتيش قالوا عن المنشآت سواءً الشباب ام النساء تكلموا عنا كاننا اجرمنا واذا شددنا على الصغيره والكبيره انتقدنا ولا يصح غير الصحيح ودمتم.[/I][/B]
:mad::mad::mad::mad::mad::mad::mad::D[/INDENT][/SIZE[/COLOR]]

[shahoda]

اختي المهندسه انتي فعلا حقانيه الموضوع انه بالنسبه لجهاز الكشف غير موجود الا بمصفاة مينا عبدالله ومو معقوله ان لا يشغل لانه ما يبيله شغل بس نفس ما قلت سابقا للاخت فرفوشه المبالغه في المواضيع:cool::cool:

[ناصر الهاجري]

لا يعجبكم العجب ولا الصيام في رجب

[Catalyst]

الموظفين
ممنوع عليهم الأكل و الشرب

غصب .. تاكلون و تشربون
منتجات
بداح الهاجري
و أحمد رمضان..

بس
شوف
أهم شنو يصل لهم من الأكل و العصيرات و السلطات ..

عليهم بالعافية (مو من قلبي)

بس لا تمنعون الموظفين من الشراء من المطاعم المحترمة

يا أخي ..
ما أحب البسكوت مالكم
ما احب الكرسوا .. مالكم
سندويتشاتكم .. الله يديم النعمة ..


طبعا
أكل المسؤولبن غير
ما يعترفون ببداح و احمد ..
و مطابخهم..

5 نجوم
فنادق ..
بس.. 5 نجوم ..

4 نجوم .. مرفوض ..

هم عليهم بالعافية (مو من قلبي)

بس خلوا الناس ياكلون اللي يشتهون ..

و الله أنا خيف يجي يوم ..
و إلا تدرون ,,
خلاص
ماني قايل
باخليها بقلبي

[فلير مولعه]

اختي المهندسه انتي فعلا حقانيه الموضوع انه بالنسبه لجهاز الكشف غير موجود الا بمصفاة مينا عبدالله ومو معقوله ان لا يشغل لانه ما يبيله شغل بس نفس ما قلت سابقا للاخت فرفوشه المبالغه في المواضيع:cool::cool:
وموجود في ميناء الاحمدي

[جونم جقرم]

عسااا الله يعينكم
زين مااينفع تزرق الاكل معااك ((:

[الشقااوي]

السلام عليكم

اخواني واخواتي الاعزاء لاحظت انكم بالغتوا في الموضوع .

الامن متساهلين ومتعاونين معاكم جدا ويتحملون مسؤلياتكم بالاضافه انهم تجيهم مضياقات بسببكم قليل جدا ما يمنعون الاكل

و جهاز الكشف شغال لكن يجب ان يعلم الاخوان انه ضار على الاكل لان فيه اشعه ,



بعدين فيه شي ربما انتوا لا تعلمون عنه هناك حالات امنيه بعض المرات ترفع فيصبح هناك تشدد

وعلى كلن ارجو ان تقدروا دور رجال الامن وان تتعاونوا معهم وكل واحد لازم يقص الحق من نفسه قبل الناس

[engineera]

حبيبتي شهودة تسلمين وشهادة اعتز فيها ...بس بالنسبه حق الاكل والشباب واذا مشددين من هالناحيه فاتوقع ماكو الا تتفقون مع واحد من الشباب اللي بالامن اهو يزودكم بالاكل اللي تبونه ويدخله لكم بس يعني من باب الميانه والطلب :)
والشقاوي اذا كلامك صحيح بالنسبة لضرر الجهاز على الاكل فالله يعينهم والله ..
وانشالله اذا وصلتوا الكلام لشخص كبير ومسؤل اتوقع بساعدكم:)والله المستعان