تجاوزات ماليه واداريه في مركز التدريب البترولى

[Phox]

صباح الخير يا شباب


طبعا ما يزال التحقيق مستمر مع اثنين من مسئولين مركز التدريب البترولي ، واحد بمركز "رئيس فريق" والثانى بمركز "مدير" والسبب ان ديوان المحاسبه اكتشف انهم مدخلين شركات تدريب باساميهم وصابين الكورسات على شركتهم ... اللى بمركز رئيس فريق "خايرها" بالكلام و"مهبب" فالظاهر السالفه فيها فضيحه يايه بالدرب

[فيصل العجمي]

صباح النور والسرور
وحياك الله اخي الكريم في منتداك
وان كان هذا الخبر صحيح فهذه مصيبه والله
مع انني اتمنى ان لا يكون صحيح

[Winchester]

للأسف ان نسمع هل كلام والصراحة ما ودنا يصير جذي

بس الصراحه في هذا الزمن كل من يهمه الماده والفلوس صاروا الناس عميان وما يخافون ربهم

[Phox]

صباح النور والسرور
وحياك الله اخي الكريم في منتداك
وان كان هذا الخبر صحيح فهذه مصيبه والله
مع انني اتمنى ان لا يكون صحيح



مشكور اخوى على الرد ولو ان اسمك مو غريب :confused:

تعال انت رقمك 1 اسم المنتدى عليك .. ما شاء الله :D

ما تبادل وازيدك ههههه

مشكور مره ثانية ولو انى بديت اشك انك رد آلي يرحب بكل عضو يشارك اول مشاركه بس ما شاء الله مشاركتك مضبوطه ... الساعه 5 وشكلى صج فاصل :) اعذرنى اذا خرتها

[Phox]

للأسف ان نسمع هل كلام والصراحة ما ودنا يصير جذي

بس الصراحه في هذا الزمن كل من يهمه الماده والفلوس صاروا الناس عميان وما يخافون ربهم



جزاك الله خير

[HUMMER]

صباح الخير ياكويت..!

[k.p.c]

هالكلام صحيح ومتأكد منه الف بالميه

وحسب ماسمعت من الاخوان بعد

في تجاوزات غيرها طاحوا عليهم ابشركم غير هذا التجاوز

وكلها طايحه فبطونهم الله لا يوفقهم لا دنيا ولا اخره

[سالم الخالدي]

لاحول ولاقوة الا بالله

[SaRoOoNa]

الكل يتحجى ويقول بس ما شفنا دليل لازم في أدله وبراهين بصراحه ولا اذا عالحجي فالحجي فبلاش كل واحد يتحجى على كيفه

[إعلامية KPC]

الله اعلم
بس حتى انا بعد سمعت بهالكلام

[الكبير]

كل اللي نسمعه كلام في كلام

هذه إشاعات يبون فيها الإساءة بسمعة بعض المسؤولين في مركز التدريب

[Element_X]

يا جماعه فى ناس قاعده تدز ايميلات حق الموظفين بالمؤسسه تتكلم عن الفساد فى اداره التدريب ويتكلم عن ناس مستفيده وسوه الريال هذه هيصه وفى ايميلاته يذكر انه عنده الادله اللى تثبت التلاعب اللى صاير انزين اذا نفرض انه كلامه صحيح وين اثباتاتك على الاقل حط اثبات واحد ويا الايميل مو تتكلم وتتكلم وكله يطلع كلام فاضي .... احني ترى محد خلانا متخلفين واخر شعب بالخليج الا هالاشاعات بس رحمونا تكلمو بالواقع

[Future man]

كلام ببلاش

اللي دزوا إيميلات مجهول مصدرها قالوا كلام وبس ولو كلامهم صج كان حطوا صور للمستندات اللي على قولتهم عندهم

بعدين إسلوبهم في التشهير رخيص وواطي لأنه لو إفترضنا جدلا صدق ماقالوه وان هناك تجاوزات مالية في المركز المفروض عليهم يذهبون للعضو المنتدب للتدريب او الرئيس التنفيذي للمؤسسة ويعلمونه باللي يعرفونه اما انهم يدزون إيميلات لمجموعة كبيرة من الموظفين هذا مو صحيح لأنه الله أمر بالستر

[بنت المحاسبه المظلومه]

ليش جذيه شالسالفه احنه ما سوينه لا إضراب ولا إحتجينه ليش جذيه (مظلووووووووووووووووووومين والله) حرام إلي قاعدين يسونه وايد ناس خذو كوادرهم إشمعنه غحنه حطو علينا حطه

[بنت المحاسبه المظلومه]

قولولي في وحده صارلها 15 سنه تشتغل وليلحين على جريد 10 مو حرام لا وبعد ما في كادر وبعد 8 ساعات نشتغل وما نستأذن وهادين بيوتنا وعيالنا علشانهم ( حرام الي صار والله)

[q8security]

الله المستعان على مايصفون

:/