ليش مانقدر نكمل دراستنا؟؟؟

[Shoomy]

السلام عليكم

اولا" يعطيكم العافيه فردا" فردا" يالقائمين على هالمنتدى وحتى انتوا يالاعضاء
ثانيا" عندي استفسار بسيط

ليش ماكو قانون يساعدنا في تكملت دراستنا؟؟
يعني مومسموح لأي موظف انه يكمل دراسته خلال السنتين الولانيتين
وفوق هذا عقب السنتين مالك حق بإجازه دراسيه لان الشركه ماعندها هالقانون
واللي يسمحون فيه بس 30 يوم حق الامتحانات @@!!!!!!
لا لا ماقصروا بصراحه وبعدين وااايد 30 يوم جان خلوها اسبوع (7 ايام) وكافي
لا بصراحه يعطيهم العافيه
ويبون كفاءات ... اي صح ... خير انشالله :cool:

كل اللي ابيه يوصل يا جماعه الخير ان لازم يساعدونا من هالناحيه ولا مايبون الموظفين يتطورون ويطورون الشركه معاهم وتصير عندهم خبرات وكفاءات؟؟
ولا شاطرين بس ايبوون هالهنود اللي يقولون انهم دكاتره ( دكاتره في مجال تخصصهم مو دكاتره طب :) )

المهم شوفولنا حل يا جماعة الخير واتمنى يطلع قرار يديد بهالموضوع لاني سألت وسألت وسألت ... وللحين اسأل :(


ماطول عليكم زياده وسامحوني عالطواله

طانكيو :)

[فيصل العجمي]

السلام عليكم ورحمة الله وبركاته

اختي الكريمه نزلت نشره قبل يومين من المؤسسه بخصوص التفرغ الدراسي
بس للأسف انه يعطون تفرغ بدون راتب
هذي النشرة وصلتنا في البترول الوطنيه مادري عندكم اذا نفس الشي او لا

[Shoomy]

هلا كويتي :)

لا وين ياحظي القوانين اللي انا قلتها هذي عندنا بشركة نفط الكويت

بدون راتب مومشكله المهم تفرغ دراسي

الله يكتب اللي فيه الخير

وتسلم على المرور


حجزتلي كرسي؟؟؟
;)

[المشاكس]

رمانتين باليد ماينلزمون ..... هذا مثل ينقال
تبون دوام ودراسة بعد ... جان كملتوا دراستكم بعدين توضفتوا ليش مستعيلين على الوظيفه مادامكم تحبون الدراسة ...:)

[جونم جقرم]

انا اقول كل وااحد يقضب ارضه ويترك عنه عوار الراس
يا جماعه تبوون شهادة في كلياات يعطوونكم شهايد وانتو ابيتكم بس كل واحد ومده ايده (:

[Shoomy]

@@!!!!

ليش تحبطون الواحد؟؟؟ :(

ياجماعه ترا اللي عندهم دبلوم مالهم مستقبل بشركه النفط يعني انا اتكلم عن نفسي وعن وظيفتي ... انا بشهادتي هذي اقعد 8 سنين وانا بنفس الوظيفه ونفس القريد :( الله يرضى؟؟

ليش ما اطور من نفسي وادرس ... صج انه في عوار راس وعباله ومن هالحجي بس هم الواحد مايقعد طول عمره تحت لازم يصعد فوق

ولا انا غلطانه؟؟


عالعموم يعطيكم العافيه ومشكورين على المرور والتعليق

تحياتي :)

[dehen_3ood]

@@!!!!

ليش تحبطون الواحد؟؟؟ :(

ياجماعه ترا اللي عندهم دبلوم مالهم مستقبل بشركه النفط يعني انا اتكلم عن نفسي وعن وظيفتي ... انا بشهادتي هذي اقعد 8 سنين وانا بنفس الوظيفه ونفس القريد :( الله يرضى؟؟

ليش ما اطور من نفسي وادرس ... صج انه في عوار راس وعباله ومن هالحجي بس هم الواحد مايقعد طول عمره تحت لازم يصعد فوق

ولا انا غلطانه؟؟


عالعموم يعطيكم العافيه ومشكورين على المرور والتعليق

تحياتي :)


انا اشوف إن بالنسبة لشهادات الدبلوم بالشركة أفضل مكان لهم هو الـ HR
على الأقل يقدر يوصل حامل الدبلوم لي قريد 14 و 15 غير جذي يطحس ابمكانه !!

وسمعت انهم بسوون Upgrade حق الدرجات 13 وما دون الإدارية وإن شاء الله يكون لكم من الطيب نصيب :)

[الفيصل]

السلام عليكم


انا من الناس اللي ادرس بالخارج واشوف 30 يوم مو ملحقة معاي الله يسلم الرصيد اكمله عليها

مثل الاختبارات الكورس الاول تقريبا 22 يوم يعطوني قبل الاختبار بيوم وبعده بيوم يعني راح 24 يوم

ويبقي 6 ايام حق الكورس الثاني اكمل عليه برصيد اجازاتي الخاص تقريبا 17 يوم


انا اشوف لو يزيدون اجازة الاختبارات افضل على اقل يبقي لتا شي من الاجازات


مع التحية

[Winchester]

السلام عليكم

اولا" يعطيكم العافيه فردا" فردا" يالقائمين على هالمنتدى وحتى انتوا يالاعضاء
ثانيا" عندي استفسار بسيط

ليش ماكو قانون يساعدنا في تكملت دراستنا؟؟
يعني مومسموح لأي موظف انه يكمل دراسته خلال السنتين الولانيتين
وفوق هذا عقب السنتين مالك حق بإجازه دراسيه لان الشركه ماعندها هالقانون
واللي يسمحون فيه بس 30 يوم حق الامتحانات @@!!!!!!
لا لا ماقصروا بصراحه وبعدين وااايد 30 يوم جان خلوها اسبوع (7 ايام) وكافي
لا بصراحه يعطيهم العافيه
ويبون كفاءات ... اي صح ... خير انشالله :cool: أن شاء الله

كل اللي ابيه يوصل يا جماعه الخير ان لازم يساعدونا من هالناحيه ولا مايبون الموظفين يتطورون ويطورون الشركه معاهم وتصير عندهم خبرات وكفاءات؟؟
ولا شاطرين بس ايبوون هالهنود اللي يقولون انهم دكاتره ( دكاتره في مجال تخصصهم مو دكاتره طب :) )

المهم شوفولنا حل يا جماعة الخير واتمنى يطلع قرار يديد بهالموضوع لاني سألت وسألت وسألت ... وللحين اسأل :(


ماطول عليكم زياده وسامحوني عالطواله

طانكيو :)


أختي ترى ال 30 يوم ان شاء الله مع شوي من اجازتج تقدرين تصيرين جامعيه بتقوليلي شلون

بقولج نفس غيرج الحين قاعدين يدرسون بمصر يروحون مرة وحدة بالسنه ومعترف فيه من قبل التعليم العالي وتخصص محاسبه او ادارة اعمال .

[Shoomy]

مــــــــــشـــــــــــــكــــــــــــــــوريـــــ ـــــــــــن على الردود جميعا ويعطيكم الف عافيه

والله انا ادرس هني بالكويت بأحدى الجامعات الخاصه بس اواجه مشاكل في ان بعض المواد ماتنزل العصر عشان جذي انا اسال عن الاجازات الدراسيه

عالعموم مشكورين وماقصريتوا :)

[SMART_BOY]

السلام عليكم

والله جيتو عالجرح يا جماعة ..

والله ودنا يصير عندنا ماجيستير ودكتوراه .. وأكثر من وحده ... بس وين الدعم؟! المالي والمعنوي؟!

إذا جيت تبي تروح ... والا مافي فلوس؟!!

وإذا انحلت مشكلة الفلوس .. جات مشكلة الاجازة ؟!

وأذا خذيت اجازة ورحت تدرس .. تجي تلقى المتردية والنطيحة وما اكل السبع وما ذبح على النصب ... كلهم صاروا (تيم ليدرز) و (سينيرز) .. وانت لا الحين بمكانك ..

والله جيتو عالجرح


لكن سمعت إن الشيخة شذى الله يوفقها .. قدمت مقترح بدعم الدارسين دراسات عليا وبكاليوس الظاهر بعد بمبلغ وقدره 5000 دينار. وقريت الاقتراح يعيوني وموقع.

وعساهم يوافقون عليه.


ومشكور على الموضوع اللي خليتنا نفضفض فيه

[Shoomy]

هلا والله سمارت بوي

تسلم على هالاخبار السنعه والحلوة

وانشالله انشالله يطلع قانون يدعمنا من ناحيه الدراسه

والله يوفق الجميع انشالله

[SMART_BOY]

آآآآآآآآه يا شومي

يا رب يارب

[Shoomy]

أووفيييييييييييييييييييييييييييه ليش ليش ليش؟؟
والله الدنيا ماتسوى ولا حتى الشركه تسوى

لاتهتم اذا ماطلع قانون يدعمنا ويساعدنا الحين بيطلع بعد سنه ولا سنتين

انت عليك الحين تقدم على المكان اللي تبيه وانشالله يطلع قبولك وبلش دراستك عادي ولاتستعيل ترا كل تاخيره وفيها خيره ياخوي

وبالتوفيق ياسمارت
ومثل ماقلتلك لايهمك ;)

تحياتي : اختك شومي :)

[SMART_BOY]

والله يا شومي

أنا تخرجت من الجامعة الأولى في آسيا

63 على العالم

ابتعثتني وزارة التعليم العالي نسبتي كانت 97,8

وحصلت قبولات في القطاع الخاص والجامعات

لكن كان نجم الشركة يلمع ... وتحمست

قلت اصير ام دي والا تشيرمان


وناطرين يمكن يصير اللي بدنا ياه

[Shoomy]

والله يا شومي

أنا تخرجت من الجامعة الأولى في آسيا

63 على العالم

ابتعثتني وزارة التعليم العالي نسبتي كانت 97,8

وحصلت قبولات في القطاع الخاص والجامعات

لكن كان نجم الشركة يلمع ... وتحمست

قلت اصير ام دي والا تشيرمان


وناطرين يمكن يصير اللي بدنا ياه



اول شي ماشالله ماشالله ماشالله

اللهم لا حسد

تف تف تف ... عن الحسد مو الحين تروح تشتكي علي تقول شوم تفلت عليي مثل ماسووا ناس من قبلك مع اني ماقلت اللي اهم قالوو
بس حسبي الله ونعم الوكيل

انا شفيني شطيت عن الموضوع

اي صح تذكرت
والله ياسمارت تستاهل كل خير والله يوفقك انشالله ومنها للاعلى وانشالله نشوفك على يوم ماسك جذي منصب عوود بالشركه واصير انا سكرتيرتك ( رازه ويهي مو ؟؟؟ ) ولا ايي وابي منك شغله وتقولي مشغول مشغول ولمن ادق عليك تسده بويهي ولا تحوله مغلق ولا كلش كلش مغير الرقم

كااااااااااااااااااااااااااااااااااااااك خيالي واسع والله

الله يوفقك ياسمارت والله يسهل دربك انشالله

[مساير الوقت]

السلام عليكم ورحمة الله وبركاته

اختي الكريمه نزلت نشره قبل يومين من المؤسسه بخصوص التفرغ الدراسي
بس للأسف انه يعطون تفرغ بدون راتب
هذي النشرة وصلتنا في البترول الوطنيه مادري عندكم اذا نفس الشي او لا

اخوى ممكن تزودنى بنشره من الكتاب لانى اول مره اسمع فيها

[الولدالذهبى]

متى نكمل دراسه
والا شنو أخر دفعه راحت بعثه دراسيه من الشركه
سنة 93
والمشكله اهم للحين لا طورو ولا تطورا
بس زادت عدسه النظاااره شوى
:)




وبس

[Shoomy]

اخوى ممكن تزودنى بنشره من الكتاب لانى اول مره اسمع فيها



اخوي مساير الوقت النشره اللي قال عنها اخوي Q8ow متعلقه بالمؤسسه ... مؤسسه البترول الكويتيه Kpc


مشكور عالمرور ويعطيك العافيه

[Shoomy]

متى نكمل دراسه
والا شنو أخر دفعه راحت بعثه دراسيه من الشركه
سنة 93
والمشكله اهم للحين لا طورو ولا تطورا
بس زادت عدسه النظاااره شوى
:)




وبس


متى تكمل دراسه؟؟ تقدر الحين تبلش .. اقصد الكورس الياي لان التسجيل خلص
تقدر تسجل بأي جامعه خاصه عندها دوام عصر او انك تروح انتساب برا الديره مثل مصر ولا يوغسلافيا ولا غيرها

الشركه كل سنه تاخذ 2 بس من موظفينها كلهم وتدزهم بعثه يكملون الدراسه
يعني انا وانت اذا بننطر بعثات الشركه ما راح نخلص ونسبتنا بين الموظفين ما تيي 0.99999999 يعني حتى ماصرنا واحد بالميه

والشركه بس قاعده تقول انها تطور من الكادر اللي عندها لانهم اهم اللي يطورون الشركه بس ماشفنا اي تطوير واي تطور

وعلى قولتك زادت عدسه النظاره ... الله وكيلك صارت قاعة قلاص ماي ماصارت نظاره

كااااااااااااااااااااااااااااااااااااااااك

مشكور اخوي على مشاركتك الحلوة يالذهبي :)

[الولدالذهبى]

متى تكمل دراسه؟؟ تقدر الحين تبلش .. اقصد الكورس الياي لان التسجيل خلص
تقدر تسجل بأي جامعه خاصه عندها دوام عصر او انك تروح انتساب برا الديره مثل مصر ولا يوغسلافيا ولا غيرها

الشركه كل سنه تاخذ 2 بس من موظفينها كلهم وتدزهم بعثه يكملون الدراسه
يعني انا وانت اذا بننطر بعثات الشركه ما راح نخلص ونسبتنا بين الموظفين ما تيي 0.99999999 يعني حتى ماصرنا واحد بالميه

والشركه بس قاعده تقول انها تطور من الكادر اللي عندها لانهم اهم اللي يطورون الشركه بس ماشفنا اي تطوير واي تطور

وعلى قولتك زادت عدسه النظاره ... الله وكيلك صارت قاعة قلاص ماي ماصارت نظاره

كااااااااااااااااااااااااااااااااااااااااك

مشكور اخوي على مشاركتك الحلوة يالذهبي :)

شكرا للرد شووومى
بس الدراسه
مووو ضاااابطه معاى
كلللللللش مللللللللللللش
بس أنا أقوووول
القناعه كنز لا يفنى
الحمد لله على كل حااال
:)






وبس

[Shoomy]

شكرا للرد شووومى
بس الدراسه
مووو ضاااابطه معاى
كلللللللش مللللللللللللش
بس أنا أقوووول
القناعه كنز لا يفنى
الحمد لله على كل حااال
:)






وبس



افا يالذهبي ليش موضابطه معاك

صح القناعه كنز لاينفى بس الواحد يطور من نفسه

بصراحه انا كنت راضيه بشهادتي بس اول يوم داومت فيه بالشركه ... ياني طراق علم على جبهتي :D

من يومها وانا ابي ادرس واحصل شهاده احسن من شهادتي :cool:

[SMART_BOY]

ومن ذا الذي ما اكل الطراقا ؟ **** وعلم على جبهته الطراقا؟؟؟

كااااااااااااااااااااااااااااااااااك

هذا بيت للمتنبي إذا ما ني غلطان


يا أحباب ...

ترا الشهادة ما هي بس للفلوس...

الشهادة تحسين للوضع الإجتماعي

تحسين نظرة الناس لك

ترتفع في أفكارك وعلمك

ترفع راس عيالك ويقولون أبوهم أكاديمي والا أمهم أكاديمية

كل هذا أهم من الفلوس

الفايدة المادية تجي بعدييييييين


والا لا يالذهبي

[Shoomy]

ومن ذا الذي ما اكل الطراقا ؟ **** وعلم على جبهته الطراقا؟؟؟

كااااااااااااااااااااااااااااااااااك

هذا بيت للمتنبي إذا ما ني غلطان


يا أحباب ...

ترا الشهادة ما هي بس للفلوس...

الشهادة تحسين للوضع الإجتماعي

تحسين نظرة الناس لك

ترتفع في أفكارك وعلمك

ترفع راس عيالك ويقولون أبوهم أكاديمي والا أمهم أكاديمية

كل هذا أهم من الفلوس

الفايدة المادية تجي بعدييييييين


والا لا يالذهبي






سمارتوووو :mad: من ياب طاري الفلووس؟؟

اكييد نبي نحسن وظعنا بس ماقلنا وظعنا المادي :D

كااااااااااااااااااااااااااااااك اتشاغا وياك مو تزعل انت بعد ... هالايام الزعل صاير بسرعه :cool:

[@ Foreman @]

صباح الورد ياشبااااااااااااااب

انا عندي استفسار عن الدراسه بالخارج غير بعثات الشركه

س : يقولون اذا درست وخذيت الشهاده مايقبلونها الا لما تقدم استقالتك وتقدم مرة ثانيه ؟ هل هذا الكلام صحيح ؟


سؤال ثاني هل توجد طريقه ثانيه للدراسه غير اللي نهايتها استقاله ؟

وشنو الاجرائات المناسبه؟

وشاكر لكم مساعدتكم

[Winchester]

صباح الورد ياشبااااااااااااااب

انا عندي استفسار عن الدراسه بالخارج غير بعثات الشركه

س : يقولون اذا درست وخذيت الشهاده مايقبلونها الا لما تقدم استقالتك وتقدم مرة ثانيه ؟ هل هذا الكلام صحيح ؟


سؤال ثاني هل توجد طريقه ثانيه للدراسه غير اللي نهايتها استقاله ؟

وشنو الاجرائات المناسبه؟

وشاكر لكم مساعدتكم

السلام عليكم

أخي العزيز بخصوص سؤالك الأول طبعا غير صحيح

اما بخصوص الدراسة عادي أخوي تقدر تدرس بأي جامعه بشرط عدم ما يتعارض عملك مع الجامعه بحيث انك تقدر تنسق بينهم ..

والشركة تعطيك أجازة دراسية مدتها 30 يوم بالسنه للأختبارات بس هذي الأجازة لها جم شرط :

1 . الجامعه معترف فيها من قبل التعليم العالي
2 . التخصص يفيد شركة نفط الكويت ( يعني مو تروح تدرس علم نفس ولا أخراج مسرحي الخ ترى ما يعطونك )
3 . كتاب موافقه من التيم ليدر ان ما عنده مانع انك تدرس .

وسلامتك

ملاحظه : اذا درست بدون علم شركة نفط الكويت وتخرجت ما راح يعادلونها الا بوااااااااااسطة لأن بقولون لك شلون درست وأنت مداوم عندنا ويصير فيها تحقيق ولازم يعطون الموظف عقاب ويكون على حسب قوة الواسطة يعني اذا واسطتك خفيفه يعطونك وورننق , بس اذا واسطة سنعه تاخذ كوشن ويعدلون وضعك ..

[شركة من صادها عشى عيالة]

السلام عليكم


انا من الناس اللي ادرس بالخارج واشوف 30 يوم مو ملحقة معاي الله يسلم الرصيد اكمله عليها

مثل الاختبارات الكورس الاول تقريبا 22 يوم يعطوني قبل الاختبار بيوم وبعده بيوم يعني راح 24 يوم

ويبقي 6 ايام حق الكورس الثاني اكمل عليه برصيد اجازاتي الخاص تقريبا 17 يوم


انا اشوف لو يزيدون اجازة الاختبارات افضل على اقل يبقي لتا شي من الاجازات


مع التحية

الفيصل وين المعادي P:

[شركة من صادها عشى عيالة]

رمانتين باليد ماينلزمون ..... هذا مثل ينقال
تبون دوام ودراسة بعد ... جان كملتوا دراستكم بعدين توضفتوا ليش مستعيلين على الوظيفه مادامكم تحبون الدراسة ...:)


يا اخوي كل انسان و ظروفه : )

[شركة من صادها عشى عيالة]

الواحد وده يدرس بس قوانين الشركة ما تسمح الله يهداهم يحدونا نتشري الشهادة ياما انصحونا و قالو في كليات سبهلله لكن ما رحنا ( ذابحتنا المبادئ ) مالت على البامية .

لي ترقوا الربع و صاروا فوقك خل تفيدك المبائ نقعها و اشرب مايهاا .

[EngineeeraH]

السلام عليكم

زين شمعنى الشركات النفطية الثانية مثل كوفبيك
ما عندهم شرط السنتين خدمة عشان تاخذ ال30 يوم اجازة امتحانات

ترى والله ظلم:mad:

[Kufpec Employee]

لالا تكفين لاتفتحين العيون علينا

[Shoomy]

كاااااااااااااااااااااااااااااااااااك

الله يوفقكم يا كوفبك .. وانشالله دووم الامور تكون سهالات عندكم

والفال لنا يارب

[مساعد مراقب حسابات]

كلام سليم 100%

اتمنى يخلونا ندرس بره .. انا سمعت ان لازم اخير سنتين يكون تقديرك امتياز عشان يعطونك منحه دراسية ...!


والله ماكو الا البحرين شنسوي ..!


شكرا على الموضوع اختي واطالب النقابة الجديدة بالضغط على المسؤولين .. >>> اي لازم نحلل صوتنا اللي صوتناه لهم :D >> الحين شيفككم مني :p

وبارك الله فيكم

[عيسى الكندري]

بالتوفيق ان شاء الله وشدو حيلكم ترا مراح ينفعكم الا الدراسة والشهادة


وموفقين ان شاء الله

:)

[مانشستراوي]

ياجماعه المشكله اذا رحت و درست وتمرمرت بره
وبالغصب تحصل اجازتك عشان تروح تمتحن
ويبيلك 4 سنوات على ما تتخرج
وتكون دافع دم قلبك
المشكله شنو يضمنلك ان راح يقبلون شهادتك
و اذا قبلوها ماراح يعدلون وضعك
يعني لازم تستقيل و ترد اتقدم مره ثانيه
وهذي بحد ذاتها مغامره صعبه الصراحه
ولا اشرايكم

تحياتي

[OPERATOR-2]

السلام عليكم اخواني واخواتي بهالمنتدى عساكم على القوه اختي اذا بتاخذين شهاده جامعيه ادبيه فا ماكو اسهل منها واذا على الهندسه هذي انسيها نهائيا :) شيليها من راسج ( بس انا الي اكمل هندسه ) :) ويعطيكم الف عافيه

[Shoomy]

بالتوفيق للجميع

ياجماعه ماكو شي صعب .. وبعدين مانزلت آيه ان اللي اييب شهاده جامعيه لازم يستقيل عشان يقبلونها .. اذا جذي جان محد فكر حتى انه يكمل دراسته

لايقصون عليكم بشي .. وبعدين لو تييب شهاده .. بتخصص اقتصاد منزلي يعادلونها لك .. المهم شهاده اعلى من شهادتك الحاليه

اتمنى التوفيق للكل .. بس اكثر شي للي يدرسون .. بالتوفيق

[jajs04]

أنا برأيي أعتقد إن الحكومة أوجدت هذه العقبات لسبب وجيه هو:
"جعل الشعب الكويتي طبقات متعدد " يعني في عمال و فنيين وجامعيين ودكاترة كلهم كويتيين حتى لا تعتمد الحكومة على توظيف عمالة خارجية.

يعني لو كل الكويتيين جامعيين واللي مادون غير كويتيين جان شكلو قوة خارجية معارضة تتحكم في أمن واقتصاد البلد

والله أعلم

[Shoomy]

:confused: :eek: :confused: :eek: :confused:

اذا على قولتك الحكومه تبي تخلي الشعب طبقات .. ليش يشجعون الناس على تكملة الدراسه؟؟ :cool:
وليش الشركات والبنوك والمؤسسات يدزون موظفينهم بعثات عساس يكملون دراساتهم
ويحصلون شهاده اعلى من شهادتهم الحاليه؟؟ :cool:
وليش اغلب الاماكن ماتقبل غير الجامعييين .. وعيال الدبلوم مالهم مكان؟؟ :cool:
ليش اللي عندهم دبلوم .. عيال بطه سوده؟؟ :D
كلنا عيال الكويت وكلنا درسنا بنفس المدارس ;)

ليش التفرقه؟؟؟ :rolleyes:

هذا اللي حبيت اوضحه
اذا يبون يطورون من موظفينهم .. ماله داعي يسوونهم طبقات ;)

بالنسبه لموضوع العماله الخارجيه .. سواء كنا جامعيين ولا دبلوم .. العماله موجوده .. موجوده :p
يعني فينا ولا بلانا .. اكو عماله :D

تحياتي

[مساعد مراقب حسابات]

صحيح كلام اخوي جا جس ..

النفط او البنوك تحب تقبل الدبلوم لأن اللي شهادتة دبلوم يطول على مايوصل للقريد 16 عشان يصير قيادي وياخذ سيارة .. وهم بالبنوك يحبون ياخذون الدبلوم ويعطونه دورات لأن الدبلوم يطول على مايمسك مناصب ..!


وهذا الشي انا اعرفة بالبنوك ومتأكد منة .. اما عن قبول جامعيين في البنوك او بالنفط اكيد اهم بحاجة للجامعين مايصير كلة دبلوم ..!

[Shoomy]

:rolleyes:


انزين اوكي ..

ليش يشجعونهم انهم يكملون دراستهم؟؟
ليش يدزونهم بعثات؟؟
وليش ... وليش ... وليش .. ؟؟

[جونم جقرم]

يا أخوان أنا أقول
كل واحد يقعد علي شهادته أبركله :D
شفيهاا الدبلوم يعني
كافي الدبلوم والدكتوراه يشتركون بحرف الدال :cool:

[Shoomy]

يا أخوان أنا أقول
كل واحد يقعد علي شهادته أبركله :D
شفيهاا الدبلوم يعني
كافي الدبلوم والدكتوراه يشتركون بحرف الدال :cool:

كاااااااااااااااااااااااااااااك

بهذي صدقت :D

[مساعد مراقب حسابات]

:rolleyes:


انزين اوكي ..

ليش يشجعونهم انهم يكملون دراستهم؟؟
ليش يدزونهم بعثات؟؟
وليش ... وليش ... وليش .. ؟؟

منو اللي يشجعهم ؟؟

البنوك او الفطاع النفطي عندهم شروط لازم اخر ثلاث سنوات تقاريرك امتياز ومادري شنو ولازم تشتغل بعد ما تحصل على الشهاده لايقل عن 3 سنوات مادري 5 سنوات بالبنك ..!


ومعروف بالنفط اول سنتين لايمكن تقديرك يكون امتياز كلة جيد ..!

يعني يحللونها .. واهم محتاجين للشباب الطموح وايضا يبون يطورون عاملينهم .. اللي عنده دبلوم يبيلة على ما يدزونه بعثة لايقل عن 6 سنوات + سنتين او ثلاث سنوات دراسة عشان تحصل على بكالريوس ..!


الزبده : يبيلك وقت على ما تصير قيادي .. وهذا هم اللي يبونة ..


اتمنى وصلت الفكرة اختي .. وشكرا

[Shoomy]

وصلت يالغالي .. اهي واصله من زمان بس حب للنقاش ومعرفة الاسباب

تحياتي للجميع

[mech.m]

يعطيكم العافيه اجمعين لا سيما ادارة المنتدى .

وعندي سؤال وابي نصيحه , كملت سنه و نص بالشركه في فريق الصيانه و عندي دبلوم , و ودي اكمل دراستي بس ادري ماراح اوفق بين دراستي و شغلي في نفس الوقت , فأبي رايكم استقيل و اكمل ؟ و الا لا ؟ لاني كنت حاط آمال على الشركه انه مع الدبلوم راح ارتاح في المكان الي انا فيه الحين بس طلع الموضوع العكس 180 درجه .
و فرضا اذا استقلت و كملت و يبت الهندسه هل ممكن اني اقدم على الشركه مره ثانيه ؟
قواكم الله و لا تبخلون علي بالرد لان عندي احساس اني ضايع .

[Winchester]

يعطيكم العافيه اجمعين لا سيما ادارة المنتدى .

وعندي سؤال وابي نصيحه , كملت سنه و نص بالشركه في فريق الصيانه و عندي دبلوم , و ودي اكمل دراستي بس ادري ماراح اوفق بين دراستي و شغلي في نفس الوقت , فأبي رايكم استقيل و اكمل ؟ و الا لا ؟ لاني كنت حاط آمال على الشركه انه مع الدبلوم راح ارتاح في المكان الي انا فيه الحين بس طلع الموضوع العكس 180 درجه .
و فرضا اذا استقلت و كملت و يبت الهندسه هل ممكن اني اقدم على الشركه مره ثانيه ؟
قواكم الله و لا تبخلون علي بالرد لان عندي احساس اني ضايع .

اخي العزيز ..

ترى في مجال تدرس وتشتغل في نفس الوقت بس فيها شويه تعب .. ( حاول منت خسران )

وانا شخصيا اعرف ناس قدموا استقالاتهم وراحوا يدرسون بس بعد ما تخرجوا حاولوا بالشركة بس ما قدروا يتوظفون ..

والله يوفقك ان شاء الله

[المخدوع]

شكرا"

[al3od]

السلام عليكم ورحمة الله وبركاته

اختي الكريمه نزلت نشره قبل يومين من المؤسسه بخصوص التفرغ الدراسي
بس للأسف انه يعطون تفرغ بدون راتب
هذي النشرة وصلتنا في البترول الوطنيه مادري عندكم اذا نفس الشي او لا

اتمنى انك ترشدناا عليهاا ولك طولت العمر وشكرااااا

[الـخـبـيـر]

الدراسة الحين صارت أسهل من قبل


الله يخلي البحرين ،،


هندسة تروح مره بالشهر

و الله الدراسة صارت مسخره



مخرجات التعليم صارت و راح تصير هاردلك

[المهندس عبدالله]

اول مشاركة لي
نصيحة لوجه الباريئ اللي يبي يكمل هندسة يجي الاسكندرية بالاكاديمية البحرية تخصص هندسة بحرية

اربع من زملائكم متخرجين هالكورس
الدراسة سهلة وفيه اجازات كثير
بس غالية حييل نار
يكلفك بالكورسين 2400 دينار واذا الوالد متوفى يعطونك خصم

وصدقوني ما راح تندمون بشرط توفق بين الدراسة والدوام

[Q825]

واللله ياجماعه انا اتمنى الكل ياخذ مو بس شهادة جامعيه حتى الدكتوراه ياخذها

بس ماتمنى يفتحون مجال الدراسه حق الكل.....

لنا اذا الكل يبي يداوم ويشتغل والله غلط جذي الانتاجيه بالعمل اتقل والموظف كل اهتماهه راح يكون بالدراسه والشغل معطيه بولباس.

اذا بيفتحون حق الكل انا يدرس كل الموظفين بكونون جامعيين وراها محد بيشتغل بوظائف الدبلوم والثانويه وراح يختل ميزان العمل بالشركه.

انا مع انا يتشددون بالمنح الدراسيه ولازم الناس ترضا بمستواها خلاص الي خذا دبلوم بس هذا مستواه ولي مايبي يستقيل من الشركه ويروح الحكومه ويقعد يدرس على كيفه ولا جان قبل مادش الشركه درست وشديت حيلك وصرت جامعي.

لنا معاش الدبلوم الي يشتغل بالشركه وخدمته سنتين معاشه اكثر من مدير قسم بأي جهه حكوميه وتبون فوق كل هذا دراسه ويمشيلكم معاش ماعتقد يكون في عدل ومساواه.

[workerq8]

واللله ياجماعه انا اتمنى الكل ياخذ مو بس شهادة جامعيه حتى الدكتوراه ياخذها

بس ماتمنى يفتحون مجال الدراسه حق الكل.....

لنا اذا الكل يبي يداوم ويشتغل والله غلط جذي الانتاجيه بالعمل اتقل والموظف كل اهتماهه راح يكون بالدراسه والشغل معطيه بولباس.

اذا بيفتحون حق الكل انا يدرس كل الموظفين بكونون جامعيين وراها محد بيشتغل بوظائف الدبلوم والثانويه وراح يختل ميزان العمل بالشركه.

انا مع انا يتشددون بالمنح الدراسيه ولازم الناس ترضا بمستواها خلاص الي خذا دبلوم بس هذا مستواه ولي مايبي يستقيل من الشركه ويروح الحكومه ويقعد يدرس على كيفه ولا جان قبل مادش الشركه درست وشديت حيلك وصرت جامعي.

لنا معاش الدبلوم الي يشتغل بالشركه وخدمته سنتين معاشه اكثر من مدير قسم بأي جهه حكوميه وتبون فوق كل هذا دراسه ويمشيلكم معاش ماعتقد يكون في عدل ومساواه.

انا ما اتفق معاك للان الدراسة عند الكثير منا يعتبر حلم بالنسبة له ويمكن الظروف الخارجة عن ارادته أعاقت تكلمة دراسته وكثير من اللى كملوا دراستهم اثناء عملهم هم من المتميزين والمتفانين في وظائفهم
وحصولهم على الشهادة راح يزيد من حماسهم وتطورهم في العمل
الحصول على الشهادة الجامعية مو بس الهدف مادي لكن له اهداف شخصية و اجتماعية الكل يسعى لها

[عادل]

بالعكس نتمنى ان الشخص الطموح يتركونه يدرس واكيد في ناس غير طموحه والله نتمنى ان نوصل الى صيغه نمشي عليهااا ممكن نحط ترتيب خطوات للي يبي يدرس اذا في شخص يفيدناا شكراا له

[ابو عبدالله37]

اخوي البعثه الدراسيه ماهي لصالحك تدري ليش ؟؟
لانهم بيعطونك بس الراتب الاساسي والعلاوه الاجتماعية يعني بيقل راتبك حيل بس هناك طريقتين لك علشان يكون راتبك كامل وتقدر تدرس بره..
1- تدرس بمصر مثلا واذا جت الامتحانات تاخذ من الشركه اجازه تادية امتحان طبعا الدراسه نظام حضور مو انتساب بس ماراح تحضر الا فقط الامتحان لان مافيه تحضير هناك
2- تسجل بالجامعه الخليجيه بالبحرين نظام 3 ايام بالشهر (( خميس وجمعه وسبت ))
وبالتوفيق لك

[elec]

يا جماعة ترى اهي سهلة وصعبة بنفس الوقت ليش؟ انا اقولكم اشلون اهي مو بس جامعة معترف فيها وبس لازم اهم شي الاجازة الدراسية من الشركة اهي اوراقها سهلة بس الورقة اللي من التعليم العالي ان الجامعة معترف فيها وبالنسبة حق التخصصلت الادارية سهلة بس بس الهندسة صعبة تعطيك ان معترف بالجامعة لا يسوولك سوالف وخصوصا على طريقة حضورك هناك فقبل ما تجلون عند احد او مكتب تاكدوا من كل شي وموفقين وانا اكمل ترى بس والله مو بالسهولة حدي تعبت بس الحمدلله ادري طولت عليكم بس حبيت افيدكم :)

[دسمان]

انا اقولك ليش ماتكمل دراستك بكل سهوله..... انت ابلد الحسد........ لو انصدره للخارج غرقنا العالم كله بالحسد المحلي.....شلون انته موظف عادي تبي تصير جامعي وتصير ماجستير وتصير دكتوراه انته من صجك ...وهم وين يروحون اتضايقهم.... وبعدين انته هالحين معروف بالاداره انك موظف عادي شلون بالله تصير مدير وياهم صعبه والله اخوي اسمحلنا مايصير تكمل دراستك إلا بطلعة الروح........ وآسف علي الإطاله.....

[عادل]

اذا في واحد بيدرس هندسه بسلوفاكيااا اشون اذا تخرجت اشلون ارجو التوضيح

[مزيووووون]

الله يعين

[ابو عمر]

مساكم الله بالخير جميع انا عندي سؤال وارجو من الي عنده اجابه يرد علي ( انا موظف قريدي 11 هل اذا جبت الهندسه يعدلون وضعي على الهندسه بدون تعقيدات) واسف على الاطاله.

[عادل]

انا نفس العمليه واتمنى الرد باسرع وقت ممكن

[Shoomy]

أخوي بوعمر + أخوي عادل
ردا على السؤال

انت لمن تكمل دراستك وتخلص .. وتييب الشهاده .. راح يعادلونها لك .. ويعدلون وضعك
بس ما اضمنلك انها تكون بدون تعقيدات
لان محد يعرف لهم ولمزاجهم ..

معلومه : في ناس ماعادلولهم وقالولهم قدموا استقالتكم وردوا توظيف يديد على الشهاده اليديده والسنوات اللي اشتغلت فيها يعادلونها على انها سنوات خبره

بس انتوا توكلوا على الله وكملوا دراستكم وييبوا الهندسه يا باش مهندسين ... والله يوفقكم ويسهل دربكم

[ابو عمر]

الله يعطيج العافيه اختي انتي قلتي فيه ما عادلولهم بس انا ودي اعرف فيه ناس عادلولهم ولو بالواسطه ؟ وشكرا

[Shoomy]

الله يعطيج العافيه اختي انتي قلتي فيه ما عادلولهم بس انا ودي اعرف فيه ناس عادلولهم ولو بالواسطه ؟ وشكرا

الناس اللي ماعادلولهم .. كان في مشكله بالشهادات .. إما مومعترف فيها بالشركه
واما كانت اوقات المحاضرات تتعارض مع الدوام الرسمي

وايي في ناس عادلولهم .. سواء بواسطه او من غير واسطه
طبعا اذا عندك واسطه .. شغلك يمشي اسرع ;)

بالتوفيق اخي العزيز

[ابو عمر]

الله يعطيج العافيه وما قصرتي

[Shoomy]

الله يعافيك ويخليك وبيت مكه يوديك

[عادل]

شكراااا لج

[مهاجر العالم]

بسم الله ارحمن الرحيم والله يعطيكم الصحة والعافيه والصراحة انا واحد من هل الناس الى تظرروا بعدم وجود قانون يساعد الموظف على تكميل مسيرة الدراسيه وللاسف لا حياة لمن تنادى

[أبودجانة]

السلام عليكم،
يا جماعة اللي يقدر يدرس ويكمل خل يشد حيله ترى الدنيا فرص وإذا ما كنت جاهز للفرص راح تروح عليك
اللي عنده دبلوم يكمل وياخذ البكالريوس واللي عنده باكلريوس ياخذ الماجستير..الخ
وشكرا،،،

[المهندس عبدالله]

معنا شباب يدرسون الهندسة من القطاع النفطي

وقد قاموا بالتوقيع على تعهد عدم المطالبة بزيادة الراتب عندما يصبحون مهندسين قالوا لهم نعم نعترف بكم كمهندسين ولكن بدون زيادات


ونصيحة الذي يريد الدراسة عدم التوقيع على هذا التعهد

[Winchester]

معنا شباب يدرسون الهندسة من القطاع النفطي

وقد قاموا بالتوقيع على تعهد عدم المطالبة بزيادة الراتب عندما يصبحون مهندسين قالوا لهم نعم نعترف بكم كمهندسين ولكن بدون زيادات


ونصيحة الذي يريد الدراسة عدم التوقيع على هذا التعهد


اخي العزيز اللي انا أعرفه ليس كما ذكرت وانما انه لم تجيب الشهاده عدم المطالبة بتعديل الوضع على طول الا في وجود شاغر وظيفي وهذا كلام قسم الكرير ..

[Shoomy]

معنا شباب يدرسون الهندسة من القطاع النفطي

وقد قاموا بالتوقيع على تعهد عدم المطالبة بزيادة الراتب عندما يصبحون مهندسين قالوا لهم نعم نعترف بكم كمهندسين ولكن بدون زيادات


ونصيحة الذي يريد الدراسة عدم التوقيع على هذا التعهد

عدل كلامك يامهندسنا .. هذا اللي انا سمعته بعد
بس احنا شعلينا منهم ... نروح ونكمل دراستنا ونخلص .. عدلوا وضعنا اهلا وسهلا .. ماعدلوا .. هني لك حريه الاختيار بين انك تقعد .. او تييب واسطه .. او تطلع من الشركه

[workerq8]

حتى مع وجود الشاغر الوظيفي شنو الضمان ان موظف الشركة الخريج الجامعي حديثا ان يأخذه

لكن سالفة ان الموظف بعد دراسته اثناء عمله وتخرج مهندس يوقع على كتاب ان ما يطالب الشركة بزيادة معاشه فأقول هذي الشغلة غريبة وما توقعتها للاسف
من الشركة

[Shoomy]

حتى مع وجود الشاغر الوظيفي شنو الضمان ان موظف الشركة الخريج الجامعي حديثا ان يأخذه

لكن سالفة ان الموظف بعد دراسته اثناء عمله وتخرج مهندس يوقع على كتاب ان ما يطالب الشركة بزيادة معاشه فأقول هذي الشغلة غريبة وما توقعتها للاسف
من الشركة


:rolleyes:
توقع ماهو غير متوقع ياخوي
بالشركه كل شي جايز وماكو شي غريب ;)

[المنصور]

اخي العزيز اللي انا أعرفه ليس كما ذكرت وانما انه لم تجيب الشهاده عدم المطالبة بتعديل الوضع على طول الا في وجود شاغر وظيفي وهذا كلام قسم الكرير ..

كلامك صحيح اخوي لكن في اكثر من بند

انا عندي صورة من الكتاب اللي عند فريق عمل التطوير الوظيفي والتخطيط وراح احاول رفعه على الموقع

[Winchester]

كلامك صحيح اخوي لكن في اكثر من بند

انا عندي صورة من الكتاب اللي عند فريق عمل التطوير الوظيفي والتخطيط وراح احاول رفعه على الموقع


الله يعطيك العافية اخوي منصور وبأنتظار صورة من الكتاب

[المنصور]

هذا اهو التعهد ولازم الموظف يوقع عليه قبل لا يعطونه اجازة الامتحانات



http://www.q8ow.com/up/uploads/601be8dc94.jpg (http://www.q8ow.com/up/)

[Winchester]

الله يعطيك العافيه اخوي المنصور ..


ما قصرت ..

[المنصور]

الله يعافيك اخوي

اتمنى ان الرؤيه تبين للجميع بحيث ان تكون عندهم المعلومه الصحيحة 100%

[مترجمه بلس]

السلام عليكم

أخي العزيز بخصوص سؤالك الأول طبعا غير صحيح

اما بخصوص الدراسة عادي أخوي تقدر تدرس بأي جامعه بشرط عدم ما يتعارض عملك مع الجامعه بحيث انك تقدر تنسق بينهم ..

والشركة تعطيك أجازة دراسية مدتها 30 يوم بالسنه للأختبارات بس هذي الأجازة لها جم شرط :

1 . الجامعه معترف فيها من قبل التعليم العالي
2 . التخصص يفيد شركة نفط الكويت ( يعني مو تروح تدرس علم نفس ولا أخراج مسرحي الخ ترى ما يعطونك )
3 . كتاب موافقه من التيم ليدر ان ما عنده مانع انك تدرس .

وسلامتك

ملاحظه : اذا درست بدون علم شركة نفط الكويت وتخرجت ما راح يعادلونها الا بوااااااااااسطة لأن بقولون لك شلون درست وأنت مداوم عندنا ويصير فيها تحقيق ولازم يعطون الموظف عقاب ويكون على حسب قوة الواسطة يعني اذا واسطتك خفيفه يعطونك وورننق , بس اذا واسطة سنعه تاخذ كوشن ويعدلون وضعك ..


هذي الشروط للبكلريوس ...والا للكل المراحل ؟؟؟

زي انا اوريدي ادرس وبقدم على الشركه شنو وضعي اقولهم والا ماقولهم عن دراستي ---> ثقه انها مقبوله :o