مستشفى الأسنان والعذاب

[خالد]

بودي أن أسئل وياليت ألاقي جواب

المراجع حينما يستخف ويذهب لمستشفى الأسنان هل المطلوب منه أن يتعالج بإنتظاره بالأستقبال أو يعالجه دكتور مختص

يعني تبي تتعالج تعال الصبح مبكر وجيب غداك معاك والله يستر لتوصل المسأله للعشاء بعد

ماني متكلم عن الواسطه وتسهيل دخول وعلاج الكثير

بس ودي أتكلم عن سياسة التطفيش هذه والمتبعه بالمستشفى وياويلك يامراجع إن طلع عندك خلع أو حفر أحد من أسنانك

يطلب منك تجي يوم الخميس الفجر وياليت تحصل دور يومها من كثر المراجعين وتخبرون جنسياتهم وتاخذ موعد إذا أمك راضيه عنك للخلع أو حفر هذا السن

يعني يقرر الدكتور مشكورا خلع سن يوم الأحد تنطر ليوم الخميس إذا حالفك الحظ بموعد وتشيله يوم الخميس مع إن المطلوب هو 10 دقائق فقط يوم الأحد للخلع أو الحفر بعد البنج

ودي أسئل مسئول هذه المستشفى ( الأسنان ) شنو هذه العبقريه بالروتين ولا ماعاد فيه دكاتره بالمستشفى أو بالكويت والزحمه بالدور للطوارىء ( خذ بالك طوارىء ) توصل أن ينتظر المريض مده تصل 3 ساعات

ياخي خافو الله بالناس وبرواتبكم

إذا أنا غلطان صلحوا لي فهمي الخطأ وإذا أنا مصيب ساعدوني ولو بكلمه نصلح الوضع البائس والمزري هذا

وشكرا للجميع

[.K.O.C]

تصدق يا زميلي........أنا رافع قضية على مستشفى الاسنان وعلى الدكتور

لانه تسبب بكسر سني مما ادى الى خلعه ....قضية رقم 1

طلبت من العيادة تقرير طبي والحبايب تلاعبوا فيه علشان يطلع بالصورة الحلوة وكتبوا ان السن كان تعبان 100% ... وان كان تعبان

تروحون تكسرونه؟؟...............قضية رقم 2



بصراحه......ماشفنى منهم خير لا بالوقت ولا بالمواعيد ولا بالدكاترة



لا والمصيبة الناس اللي عندها موعد تركيب اسنان ممكن يوصل معاهم الموعد سنه وشي

وانا قالوا لي نركب لك سن بكرا........اشكره يعني يعرفون انهم غلطانين لكن ,,,,, شقول الله المستعان

[خالد]

أعانك الله يازميلي وأعاننا على ما إبتلانا

وعسى الله يفرج لنا جميع

ودي من له مشكله مع مستشفى الأسنان بكتابة شكواه أو معاناته لعل وعسى تكون لها فائده والنائم يصحى ويعدل حاله ويخاف ربه

وترى بسكوتنا المشكله تتفاقم وتكبر لأن المسؤول الضاهر نايم بالعسل ويقول الموظفين راضين وساكتين

نبي نوصل رساله لكل مسئول

إما تكون كفؤ أو خل مكانك يملاه الكفؤ

[HUMMER]

صدقت اخوي الكريم وقد قدم كثير من الشكاوي على قسم الاسنان ولكن مامن مجيب

والله يكون بعون المراجع

[Shoomy]

:D

اخي العزيز خالد

قبل فتره من الفترات الزمنيه الغابره .. اقصد فيها قبل جم شهر :D
كنت اعاني من الم بسيط في اسناني لمن اشرب اشياء بارده
رحت دخلت طوارئ مثل ماشرحت انت
وقفت بالدوور حالي حال اي شخص .. وطبعا مثل ماتكرمت الطابور تقول طابور خباز
ولمن تخلص من تسجيل رقمك .. اقل شي تنطر ساعه على ماينادوون اسمك وهذا كله شنو ... طـــــــوارئ

المهم .. صار دوري ودخلت على الدكتوره وشافت الضرس جان تقولي "نخر" قلتلها يعني شنو .. جان تقول في كسر صغير بالضرس مخلي الضرس يصير حساس من اي شي بارد
قلتلها عدل هذا اللي صاير معاي .. قالت انا عندي ضغط راح اعطيج موعد وتيين بعديين قلتلها متى بعدين .. قالت باجر الصبح
قلت ماشي .. حلووو .. الموعد قريب

رحت الرسبشن (الاستقبال بالعربي:D ) المهم وعطوني موعد
ورحت وييت ثاني يوم .. ولا الموعد مو عند نفس الدكتوره .. لا لا لا .. عند دكتور ثاني
قلت مومشكله لطالما بتعالج

قام الدكتور الحبيب وطلب اني اسوي اشعه .. لــــــــيـــــــش مادري :confused:
رحت وسويت .. وانا وياه نتمقل بالاشعه جذي :eek:
طبعا انا استفهامات لاني مادري وين يشوف .. المهم قال عندج سوس وعصب وسواها قصه
قلتله الدكتوره فلانه قالت جذي .. جان يقول انا الاشعه جدامي وانا اقولج جذي

قلت كيفك .. المهم قعدت والحبيب اشتغل بدون بنج .. يقولي انتي كبيره وتتحملين
طييييييييييييييييير يامعود .. اتحمل .. :cool:
المهم .. حفر وحفر وحفر .. والله عبالي اسناني رق من الارياق .. وفي نفط داخل ويبي يطلعه
من كثر الحفر .. مره وحده حسيت انه وصل مخي ولا الحبيب حاش العصب .. جرح اعصابي .. اقصد العصب مال الضرس
ومت من البجي . قلتله خلاص خلاص .. وقف ماني قادره اتحمل .. صكرها بحشوه مؤقته وبعدين ايي يوم ثاني وتكمل

المهم صكرها ورحت حق الدكتور اللي اعرفه وقلتله الموضوع .. دخل على ملفي وشاف ولا يقول الضرس سليم ومافيه شي

:eek: :eek: :eek:
هلا اخوي؟؟
عفوا؟؟؟

وقعدت ورد فتح الضرس مره ثانيه .. جان يقولي حايش العصب وجارحه لج .. وراح ياخذ وقت على مايصير زين مره ثانيه

جان اروح واقدم شكوه مكتوبه بخط ايدي وتوقيعي واسمي وكل معلوماتي فيها .. ولي يومك ماصار شي .. والدكتور يلعب لعب بخلق الله
ومن يومها انا مارحت المستشفى .. طبعا عالجت ضرسي عند الدكتور اللي اعرفه .. وبس بطلت اروح مناك

انشالله ماتمرون بللي مريت فيه

:D جذي ضروسي الحين

يعطيك العافيه على الموضوع
والله كريم

:p

تحياتي

[خالد]

أجركم عند الله

هم يحسبون مافيه حساب يوم القيامه يوم يعالجون خطأ أو يهملون علاجنا

هذه مشكلة النجاح بالفلوس والرشوه وآخرتها دكتور بدرجة مقبول يبي يمضي مده وبالواسطه يصير إداري ويرتاح من الطب ( خوش هدف يسعى له )

بدت المشاكل تطلع وودي الكل يشارك بتجربته

و شكرا

[جونم جقرم]

أخلصك روح للعيادات الخااصة وخلص شغلك وخل فلوسك تعزك بلا نطره دور وبلا شيله ضرس بالغلط

أتوقع انهم يطبقون الخطه الخمسيه بتطفيش المراجعين واجبارهم علي الخاص

[خالد]

أخلصك روح للعيادات الخااصة وخلص شغلك وخل فلوسك تعزك بلا نطره دور وبلا شيله ضرس بالغلط

أتوقع انهم يطبقون الخطه الخمسيه بتطفيش المراجعين واجبارهم علي الخاص

أفا عليك

يعني فلوس العلاج مأكوله وندفع بره بعد

هذا وأنا أخوك حق من حقوقنا وإذا كل شوي تهاونا في واحد منها بتضيع كلها

أدري مشاركتك مداعبه لتلطيف الأجواء ومشكور عليها

[جونم جقرم]

أفا عليك

يعني فلوس العلاج مأكوله وندفع بره بعد

هذا وأنا أخوك حق من حقوقنا وإذا كل شوي تهاونا في واحد منها بتضيع كلها

أدري مشاركتك مداعبه لتلطيف الأجواء ومشكور عليها


والله يا الغالي أنا مشاركتي هذي كتبتها وأنا متعمد فيها ومن باب الواقع ماهي مداعبه او شي
يعني أمانة أنت شايف مبني العيادة شايف أستراحة المراجعين وين تترجي يمشي دورك أو أتعدل ها السياسة
يعني تخيل الناس من الساعة 6 الصبح واقفه عند باب العيادة عشان بس يكون الأول بالدور
وصدقني حتي لو تأخذ رقم عندك موظفي الأستقبال عندهم بطئ مو طبيعي بالملفات
يعني تخيل تجي الساعة 6 وتنطر أدش العيادة الساعة 7 تأخذ رقم أدش ع الدكتور الساعة 8.30
ويعطيك موعد بعد 3 شهور والموضوع كله خلع او حشوه
ياخي اروح لعيادة خاصه واقطلي 20 دينار وانا مرتاح وشغل مظبوط ومعاملة أوادم وعناية طبية بمعني الكلمة

[المحترف33]

:D:D:D:D:d وجذي ضرسي الحين

يعطيك العافيه على الموضوع ~~~والله ضحكتيني يا شومي ~~انا اقول حط فلوسك وادفع لنفسك وارتاح وياويلك اذا رحت مستشفي الشركه

[norema-sarto]

:D

اخي العزيز خالد

قبل فتره من الفترات الزمنيه الغابره .. اقصد فيها قبل جم شهر :D
كنت اعاني من الم بسيط في اسناني لمن اشرب اشياء بارده
رحت دخلت طوارئ مثل ماشرحت انت
وقفت بالدوور حالي حال اي شخص .. وطبعا مثل ماتكرمت الطابور تقول طابور خباز
ولمن تخلص من تسجيل رقمك .. اقل شي تنطر ساعه على ماينادوون اسمك وهذا كله شنو ... طـــــــوارئ

المهم .. صار دوري ودخلت على الدكتوره وشافت الضرس جان تقولي "نخر" قلتلها يعني شنو .. جان تقول في كسر صغير بالضرس مخلي الضرس يصير حساس من اي شي بارد
قلتلها عدل هذا اللي صاير معاي .. قالت انا عندي ضغط راح اعطيج موعد وتيين بعديين قلتلها متى بعدين .. قالت باجر الصبح
قلت ماشي .. حلووو .. الموعد قريب

رحت الرسبشن (الاستقبال بالعربي:D ) المهم وعطوني موعد
ورحت وييت ثاني يوم .. ولا الموعد مو عند نفس الدكتوره .. لا لا لا .. عند دكتور ثاني
قلت مومشكله لطالما بتعالج

قام الدكتور الحبيب وطلب اني اسوي اشعه .. لــــــــيـــــــش مادري :confused:
رحت وسويت .. وانا وياه نتمقل بالاشعه جذي :eek:
طبعا انا استفهامات لاني مادري وين يشوف .. المهم قال عندج سوس وعصب وسواها قصه
قلتله الدكتوره فلانه قالت جذي .. جان يقول انا الاشعه جدامي وانا اقولج جذي

قلت كيفك .. المهم قعدت والحبيب اشتغل بدون بنج .. يقولي انتي كبيره وتتحملين
طييييييييييييييييير يامعود .. اتحمل .. :cool:
المهم .. حفر وحفر وحفر .. والله عبالي اسناني رق من الارياق .. وفي نفط داخل ويبي يطلعه
من كثر الحفر .. مره وحده حسيت انه وصل مخي ولا الحبيب حاش العصب .. جرح اعصابي .. اقصد العصب مال الضرس
ومت من البجي . قلتله خلاص خلاص .. وقف ماني قادره اتحمل .. صكرها بحشوه مؤقته وبعدين ايي يوم ثاني وتكمل

المهم صكرها ورحت حق الدكتور اللي اعرفه وقلتله الموضوع .. دخل على ملفي وشاف ولا يقول الضرس سليم ومافيه شي

:eek: :eek: :eek:
هلا اخوي؟؟
عفوا؟؟؟

وقعدت ورد فتح الضرس مره ثانيه .. جان يقولي حايش العصب وجارحه لج .. وراح ياخذ وقت على مايصير زين مره ثانيه

جان اروح واقدم شكوه مكتوبه بخط ايدي وتوقيعي واسمي وكل معلوماتي فيها .. ولي يومك ماصار شي .. والدكتور يلعب لعب بخلق الله
ومن يومها انا مارحت المستشفى .. طبعا عالجت ضرسي عند الدكتور اللي اعرفه .. وبس بطلت اروح مناك

انشالله ماتمرون بللي مريت فيه

:D جذي ضروسي الحين

يعطيك العافيه على الموضوع
والله كريم

:p

تحياتي

سلالالالالالالالالالالالالالالالامة ضروسج عيني :)


عدوينج إنشالله

صج صج عاد خرعتيني...
يعني وين نعالج ؟؟

لا من مستشفيات الحكومه ولا الخاص؟؟؟
وين نروح؟؟؟

[EQUATER-1]

سلالالالالالالالالالالالالالالالامة ضروسج عيني :)


عدوينج إنشالله

صج صج عاد خرعتيني...
يعني وين نعالج ؟؟

لا من مستشفيات الحكومه ولا الخاص؟؟؟
وين نروح؟؟؟

طال عمرج حطي فلوسج بالشمس وقعدي بالضلال لانه مستشفى الاحمدي مايعتبر خاص وان شاءالله ماتحتاجين المستشفيات

[خالد]

طال عمرج حطي فلوسج بالشمس وقعدي بالضلال لانه مستشفى الاحمدي مايعتبر خاص وان شاءالله ماتحتاجين المستشفيات

أخي من هذه الحكمه نخلي الخطأ يستفحل ونترك الأمور على طمام المرحوم ولانصلح ولانتعب مادام فيه فلوس تحل المشاكل

وخل المخطىء يزيد لا ونساعده ونشجعه

فهو ما أخطأبعلاجه وتشخيصه ويمكن بدراسته أبد والخطأمننا نحن الي نأذيهم ونراجع نبي العلاج

صج حنا مزعجين ومأذينهم ولابد ينامون بالدوام ويتلحفون بعد

منطق معكوس ياليتنا مانفكر فيه ولا نصير سلبيين ونهرب من المطالبة بالإصلاح وهذا من حقوقنا

على قولة القايل ضربني بوجهه على إيدي

ولا شرايكم

[نفطي كويتي]

سلامة اعصابج ياشومي
والله يعينا على بلاوي المستشفي

[feed gas]

قااااال شحااادك علا المررر ..قاااال الامر منه...

مستشفى الشركه احسن السيئين بالنسبه لقطاع الرعايه الصحيه فى الكويت للفقراء مثل حالتنا نحن عمال النفط...ولا القطاع الخاص فاتح ابوابه بس مو الكل يقدر علا تكاليفه.... اللله كريم

[خالد]

قااااال شحااادك علا المررر ..قاااال الامر منه...

مستشفى الشركه احسن السيئين بالنسبه لقطاع الرعايه الصحيه فى الكويت للفقراء مثل حالتنا نحن عمال النفط...ولا القطاع الخاص فاتح ابوابه بس مو الكل يقدر علا تكاليفه.... اللله كريم

أخي جزاك الله خير

من طبع النعام أن تخبىء رأسها فقط حين الخوف وهذا ليس من طبع الإنسان

طبعا لاأشبهك بها أعزك الله ولكن التصرف مشابه

ولو سكتنا عن حقوقنا وهي معروفه وبسيطه لظاعت كل حقوقنا واحده تلو الأخرى

وهذا نتيجة السلبيه والتخاذل وهذه ليست وسيله نافعه ولاتفيد أي قوم وأمه تريد التقدم والرقي

شكرا على رأيك

[feed gas]

"]شكرااااااااااان للتوضيح.. النعامه طير كبير له جناح وما يطير..... يبه الى ضرسه يعوره يحطله قرنفل حبتين ويفكنا من مشاكله...العيب مو فينا العيب فى نقابات البترول الى الله يخلف علينا قاعدين يتهاوشون علا الرياسه والعمال اخر همهم..!![/COLOR]

[خالد]

"]شكرااااااااااان للتوضيح.. النعامه طير كبير له جناح وما يطير..... يبه الى ضرسه يعوره يحطله قرنفل حبتين ويفكنا من مشاكله...العيب مو فينا العيب فى نقابات البترول الى الله يخلف علينا قاعدين يتهاوشون علا الرياسه والعمال اخر همهم..!![/COLOR]

طيب أخي حفظك الله ماهو الحل برأيك غير الحل السلبي

[feed gas]

????????????????!!!!!!!!!!!!!!!!!!!!!!!!?????????? ????????????

[خالد]

أخي بما أن علامات الإستفهام بهذا العدد

بودي أن يفيدنا أحد بحل وحتى نصل للحل المنشود بودي لو أن الجميع يشارك بما لديه

فمن كثر المشاكل والمعاناة ممكن نتوصل لشيء يفيدنا ونقدر نصلح المايل والغلط على الأقل لايستفحا ويزيد


وشكرا للجميع

[MESHARI.M.AL-AZEMI]

هذا الوضع خطير يا أخوان والقضيه كبيره والله .. طيب اإذا كان هذا كله حاصل وين الرقابه عن هالأمور صراحه وضع خطير جداً واتمنى أن يتم طرح دلائل حيويه عن هالأمور حتى يتبين الأمر جيداً للجهات المختصه وان كان هناك من يتلاعب بالدلائل حتى في وقت رفع قضايا ,,, على المستشفى يدل على عدم وجود رقابه .......؟ مالحــل؟؟؟؟؟؟

[خالد]

هذا الوضع خطير يا أخوان والقضيه كبيره والله .. طيب اإذا كان هذا كله حاصل وين الرقابه عن هالأمور صراحه وضع خطير جداً واتمنى أن يتم طرح دلائل حيويه عن هالأمور حتى يتبين الأمر جيداً للجهات المختصه وان كان هناك من يتلاعب بالدلائل حتى في وقت رفع قضايا ,,, على المستشفى يدل على عدم وجود رقابه .......؟ مالحــل؟؟؟؟؟؟

أخي مشاري والله إن الوضع أخطر مما تتصور وفيه مصائب مخفيه ومنها

الأدويه وشرائها

العلاج بالخارج والواسطه

صرف الأدويه للبعض فقط ( تصدق إنهم يعطون واحد متنفذ جدا إبر هرمونات مكلفه جدا علشان يصير جسمه ضخم )

تهميش من لايعجبه الوضع ونقله من بينهم

وخلافه والذي لاأستطيع البوح فيه لأني ليس لدي دليل

[خالد]

إخواني الأعزاء وصلني للتو خبر جديد

ومفاد الخبر بأن المسؤلين في مستشفى الأسنان شكلوا غرفة عمليات لمواجهة الإنتقادات المثاره من المنتدى

وكأن العمليه إنتقاميه أو ثأر وليست إنتقاد للإصلاح وتطوير الذات والعمل

فلله الأمر من قبل ومن بعد وسأواصل مسيرتي معكم حتى يقضي الله أمرا كان مقضيا

والسلام عليكم

[خالد]

إخواني

إذا لم يعد هناك مشاركات فهذا يعني أنه ليس هناك مشاكل بالمستشفى

وطبعا هذه غريبه

أرجو المشاركه وسرد المشاكل حتى نساهم بإصلاح الخلل

وشكرا

[خالد]

من عدم مشاركاتكم إخواني أعتقد

1 - أن الوضع الحالي عاجبكم سواء صحيح أو خطأ

2- أن هناك تهديد لحياتكم إذا شاركتم

3 - أن لكم تجارب مريره ولا تريدون الخوض فيها من جديد حتى لو بالمشاركه

4- أنهم أغروكم ماديا أو معنويا

وسأترك الأجابه لكم ولن أعاود فتح الموضوع إلا بمشاركه منكم

والسلام عليكم

[حنان]

والله موضوعك يا بوقتة حتى انا جذية اسناني كلها عالجوها لي عصب والمصيبة لي يا دور التلبيس اللي يكون بعد سنة من التاريخ اللي سجلتي فية وطبعا كل شي بواسطة, ممكن انت مسجل اليوم في التلبيس وباجر اتيي تاخذ " العضة " حتى يسون لك هالتلبيس بس المشكلة اذا مافي واسطة بتم تنطر وتنطر وطبعا هلاسنان وايد ضعيفة اي شي قوي يكسرها .....

الله يعين

[خالد]

والله موضوعك يا بوقتة حتى انا جذية اسناني كلها عالجوها لي عصب والمصيبة لي يا دور التلبيس اللي يكون بعد سنة من التاريخ اللي سجلتي فية وطبعا كل شي بواسطة, ممكن انت مسجل اليوم في التلبيس وباجر اتيي تاخذ " العضة " حتى يسون لك هالتلبيس بس المشكلة اذا مافي واسطة بتم تنطر وتنطر وطبعا هلاسنان وايد ضعيفة اي شي قوي يكسرها .....

الله يعين

ياسلام

علاج العصب الحين والتلبيس بعد سنه

يمديه السن طاح ومايلبسونه

لو ما أعرف مستشفانا كان ما صدقتك أختي

لكن العجب العجاب للحين ما طلع

ياريت الأخوان يشاركون بهذه القصص العجيبه والي بندخل فيها موسوعة غينس في العبقريه الإداريه

شكرا لكي أختي وأعانك الله وأعاننا

[بواحمد]

الاسنان و ما ادراك ما الاسنان