المساعد الشخصي الرقمي

مشاهدة النسخة كاملة : الزيادة

KOCQ8ya
10-16-2007, 12:52 PM
يا جماعه الخير
اولا مبروك عليكم الزياده

وثانيا اللي اعرفه انه الزياده اقرت من شعر سبتمبر بدون اثر رجعي على اساس انها راح تندفع مع معاش شهر اكتوبر
وبعض الاخوان قالو انها ماراح تندفع الا على شهر نوفمبر او ديسمبر يعني راح ايمعونها ويعطونا اياها بالجمله يقصون علينا علشان يسكتونا وهذا شي ما ينسكت عنه لانها المفروض تكون باثر رجعي من شهر ابريل والا انتو شنو رايكم

قبل جم يوم قريت انه الكويتيه اقرو لهم زياده باثر رجعي من شهر يونيو وليش احنا لا؟؟؟


ياريت اللي بالنقابه يردون علينا برايهم وعطونا انتو بعد رايكم
الفيصل
10-16-2007, 01:06 PM
السلام عليكم

اليك هذا الرابط لمعرفة للأفاده

http://www.q8ow.com/vb/showthread.php?t=336

مع التحية
HUMMER
10-17-2007, 07:32 AM
لا مو ظلم اللي صاير ومتى راح نشوفها بالراتب ولا يكون الزياده وتاريخ تطبيقها نقطه في الملف النقابي للقائمه المسؤوله؟؟

ياجماعه خلي نفتح ..
norema-sarto
10-17-2007, 01:00 PM
السلام عليكم

اليك هذا الرابط لمعرفة للأفاده

http://www.q8ow.com/vb/showthread.php?t=336

مع التحية



من صجك؟؟؟؟
يا معود...بنيناااااااااااا آمال على الزيادة والأثر الرجعي

لا تحبطنا :(
q8-koc
10-17-2007, 02:37 PM
أول شي خلونا نبارك لإخوانا إلي إنتقل مسماهم من موظفين شركة نفط الكويت إلى شركة الخدمات النفطيه ( أو البتروليه ) نسبه 20% على الراتب الأساسي (أكثر أو أقل يرجى التصحيح) وإخوانا إلي راحو شركة نفط الخليج بعد .
الكلام الآن إن المستشفى رجع إلى شركة نفط الكويت بعد عملية الإختلاس إلي الكل سمع فيها. فهل راح يساوونا فيهم بعد إنتقالهم ورجعتهم لنا بسرعه وينقصون الي خذوه وهذا أمر مستبعد طبعا ولا بيعطون زملائهم نفس ماعطوهم عشان الزياده إلي أوقرت في سبتمبر 2007 وبدون أثر رجعي تكون أحلى وأحلى لكل موظفين الشركه وليس للي حالفهم الحظ بإنتقالهم إسما وعودتهم من جديد
م.محمد
10-17-2007, 10:52 PM
انا اقول الله كريم
op2
10-18-2007, 12:22 AM
للعلم الزياده الي سمعتو عنها والي اقروها مو اكيد هي نفسها الي تتطبق


كل شي مرهون بموافقه ديوان الخدمه المدنيه


يعني في احتمال كبير الديوان يردها ويقول الزياده اكثر من ما تستحقون


والسبب بسيط اولا لعدم اهتمام الادارات بالموضوع ولا الضغط على الديوان بالاستعجال بالموضوع


ثانيا ما عندنا وزير


ثالثا النقابات الي هللت واعلنت بالجرايد ان الفضل لهم بالزياده وينهم ؟؟؟؟؟؟؟؟؟؟؟؟


مانقول الا الله كريم
Winchester
10-18-2007, 12:30 AM
تفائلوا بالخير تجدوه

ان شاء الله
جونم جقرم
10-19-2007, 03:06 AM
والنعم بالله بس ياا اخي ذلوونا علي ها الزياادة
خلااص دام اقرها المجلس الاعلي للبترول المفروض الديوان يقرهاااا ويدرس الالية وتنصرف الزياادة
الممااطله هذي ليش والروتين الميت هذا لمتي يعني
Phox
10-20-2007, 04:19 AM
مجلس الخدمة المدنية من صلاحيته تعديل هذى الزياده بالزياده او بالنقصان بس في تعهد شفوي من السيد/ فيصل الحجي ( نائب رئيس مجلس الوزراء ووزير الدوله لشئون مجلس الوزراء) للسيد / سعد الشويب، بانه راح يقرها بدون اى تعديلات وما راح يكون في اثر رجعى ( الا اذا وافق مجلس الخدمة المدنيه على الاثر الرجعي)

للعلم كادر الاطباء معطل من 7 شهور في مجلس الخدمة وكذلك زيادة الخطوط الكويتيه متعطله من 3 شهور ... الصبر زين :)
كويتي
10-20-2007, 11:42 AM
يا صبر أيوب على بلواه ؛؛

هل يعقل أن شركة خاصة توظف شركة من أكبر الشركات العالمية ( إيرنست & يونج ) لعمل دراسة مستفيضة للأعمال المدرجة لديها ؛ و لا يقوم قطاع النفط بعمل دراسة مشابهة لوضع النقاط على الحروف ؟؟

الشريان الرئيس في الدولة يستحق أن يعطى أولويات بحجم مسؤولياته ؛

الله يرحم أيام زمان ،؛،