مطلوب سيارات للسناتر شراايكم

[kuwaity001]

مطلوب سيارات للسناتر شراايكم:)

[kuwaity001]

السلام

ياجماااعه حنا الفئه المظلووومه بالشركة لا سيارات ولا وسائل ترفيه وماني عارف ايش السبب

فمثلا بعض السناتر لايوجد بها سيااراات والسبب مجهوول ياليت نقابتنااتتبنى القضيه او يخلونا ندخل بسياراتنا مثل قبل

ويعطونا تصااريح ترا إحنا نستااهل

شراااايكم

[HUMMER]

يعطيك العافيه اخوي على مااظن ان اغلب السناتر اذا مو كلهم عندهم سيارتين سيارة الكنترولر
وسياره حق الفورمان فالقضيه محلوله وماله داعي النقابه تتبناها بس اكتب كتاب حق السوبر فايزر خلي يكلم التيم ليدر

[dehen_3ood]

على حسب علمي في POOL CAR بالسناتر قاعده بالسنتر ما اتحرك
والسالفه إن كانت رادة على الروحة والجية من وإلى الكامب او بتحدر الديره
فالسوبربانات موجوده توديك وإتييبك

[BG. 1]

فمثلا بعض السناتر لايوجد بها سيااراات والسبب مجهوول

بالنسبة للسناتر كل منطقة فيها سيارتين سيارة المراقب وسيارة الفورمن يعني النقص في سنتر بكل منطقة

Op1 و Op2 مالهم شغل بالسيارة وشغلهم داخل السنتر

[op2]

انا اقول مثل ما قال اخوي بي جي 1


كل منطقه عمل فيها سيارتين وحده للكنترولر والثانيه للفورمن

والسنتر مو محتاج سياره لان شغلك داخل السنتر مو بره


والكنترولر يستخدم السياره في تنقلاته بين السناتر


والفورمن للعيون يستخدم سياره الشفت حسب موقعه باي سنتر ويغطي كامل المنطقه


الا لو تبي سياره للنحشه وقتها ضبط مع المقاول وهو ما يقصر

[BG. 1]

هههههههههههههههههههههههههه

الا لو تبي سياره للنحشه وقتها ضبط مع المقاول وهو ما يقصر

دق علي الفورمن قبل لا يزرق يوصلك وياه

وتري الكنتروليه كلهم زينين دق علي الربع ياخذ سيارته ويوصلك

[منصور المجيبل]

ليش لا وخاصة بعد التقيم الجديد للدائرة أعطي op1 التوقيع خارج السنتر يحتاج سيارة للذهاب للمواقع

[M7MD]

لا تفتح الباب على نفسك ومثل ما قالوا الربع ضبط مع المقاول او الله يعينك على التأشيره بس لحد يشوفك :)

[ما عندي واسطه]

مشكور اخوي وانا اقول احنا الmaint لازم يكون لنا سياره بس من يعترف فينا عمك اصمخ

[Ykarim]

والله الربع هني كنهم عمال بنقاليه لو واحد صار له ظرف بره و لا لا سمح الله حاله طارئه لازم يوقف على الخط مثله مثل البنقالي لي يوقف له هندي و لا اي مقاول و لا راعي تنكر يوصله كنه مو ولد الديره و ما هو كويتي
تعال شوفهم على الخط واحد طايفته السياره و الثاني داش يبي يوقع اوراق بالمكاتب و لا يبي اجازه و يمر عليك الهندي مرات و لا يلقيك بال و اخوانا اللي عندهم سيارات طبعا عمره ما راح يحسون بمعناة اللي ما عندهم سياره خله يوم واحد يوقف على الخط بعدين يلعن الساعه اللي دش فيها الشركه
صج يحسن انه ما له كرامه ذالينه على الخط يترجى رحمة المقاول ولا راعي تنكر اذا عطاه وجه ما كنا كويتيين حالنا حال اللي متسمتيين بسيارات الشركه و ما هامتهم الشغله
كم مره تصير للواحد منهم ظرف طاري خصوصا بعد الساعه 3 لا يلقى مقاول و لا حتى جني يوصله لا اللي داش الدوام و لا اللي يبي يطلع كل هذا بحجه الامن ولو تشوف السناتر مليانه سيارات المقاولين اللي حريصين على امن البلد اكثر من عيال الديره
و نتمنى من ادارة الشركة الجديده ان تعيد النظر في الموضوع بعين الاخوه لان احنا بعد اخوانهم و كويتيين حرام يسوون فينا كذي

[جونم جقرم]

ياا جماااعه لو يعطوونا تصااريح لسيااراتنا احناا اولا فيهاا من المقااول
عشان لاسمح الله صار ظرف او شي يقدر الواحد يزرق مو ينطر الفوورمن ليمن يخلص او اطييحلك بكنترولر اقشر يمن عليك بالسيارة

[op-2]

السلام عليكم

فعلا احنا نحتاج للسياره بعد التقييم الجديد

بعض دوائر الشركه درجاتعم اقل من درجاتنا وصارفين لهم سيارات مع ان دوامهم بالاحمدي

كلام اخوي بوصالح صحيح

على الاقل يسمحون لنا بالدخول ابسياراتنا

بعد التحرير كنا انداوم بسياراتنا وكنا انداوم قبل نص ساعه من بداية الدوام

وعطيكم العافيه

[المشاكس]

يا جماعه .... ترا من حق الكنترولر طلب سياره من الترانسبورت في أي وقت وتقدر تخلي أي واحد يوصلك إذا عندك حاله طارئه جداً فعلاً ... لكن الموضوع إذا كان يخص التزريقه ف هذا أمر ثاني ... تقدرون تتصلون على السوبرفايزر يمر ياخذكم . :)

[Ykarim]

الاخ مشاكش افترض انك في سنتر 4 و ما فيه سياره كم يبيله وقت علشان السيارة توصلك من الاحمدي و يكون عندك حاله طارئه تبي تطلع ضروري
و بعدها كم يبيلك وقت لين توصل الاحمدي و بعدين تركب سيارتك
هذا بالنسبه للبرقان فما بالك المناقيش و الروضتيين لا يكون التفكير انك بس تبي تحد من النحشه في امور مهمه تصادف الواحد و اغلب الاوقات سيارات الزام طالعين فيها و هي حق الشغل مو حق التوصيل
اغلب الفرامنه مو قادر ين يقومون باشغالهم عدل بسبة انهم مطارايش , يحدر الاحمدي الواحد منهم مرتين الى 3 مرات في الزام على حساب الشغل و بعدين الكل يلومه ما خلص شغله مو هذا اللي قاعد يصير في السناتر و غيرها