الزيادة

[LEADER]

السلام عليكم ورحمة الله وبركاته .... بالنسبه لموضوع الزياده الكل يتكلم عنها ويبارك ولكن لم يذكر أحد متى راح تنزل ؟
من لديه أخبار أكيده فلا يبخل علينا .... ولكم جزيل الشكر

[فيصل العجمي]

وعليكم السلام ورحمة الله وبركاته ,,, اهلا ومرحبا اخي الكريم ليدر وحياك الله
بالنسبة للزيادة ماعندنا خبر متى تنزل بس اتوقع انها شهر 11 لانها بتاخذ منهم شغل ووقت
هذا اذا مو شهر 12

[LEADER]

الله يحييك يا أخوي Q8ow وأشكرك على ردك بس أنا سمعت أنه في ناس يقولون شهر 10 وأنهم قارينه بجريدة الرأي يوم الأربعاء وبحثت بجريدة الرأي ليوم الأربعاء وفعلا لقيت مقال لسعد الشويب يقول فيه أن الزياده من 1/9 وراح تصرف الشهر المقبل أي شهر أكتوبر ... وأتمنى تصرف شهر أكتوبر ولا يكون فيها تأخير عشان يصير العيد عيدين مثل مايقولون :)

[ثائر]

انشالله تصرف شهر 10 بس ما اعتقد
لينها بتمر على مجلس الوزراء وديوان
الخدمه انشالله خير مادام انهم اقروها

[أبو طلال]

أخي الكريم ... حسب ما سمعت أنها ستصرف مع راتب شهر 12

و لكنها ستحسب من 1 / 9 .... و صرفها يحتاج لبعض الوقت

فبعد إقرارها من مجلس الخدمة المدنيه ستحول إلى المؤسسة و الشركات

التابعة لها .. و سيستغرق إعداد الكشوف بعض الوقت لكثرة الأعداد ...

و نتمنى أن يتم صرفها بوقت أسرع إن أمكن ...

[crude]

السلام عليكم ورحمة الله

يا جماعة الزيادة اللي أقروها للخطوط الكويتية صار لها شهرين والى اليوم مانزلت

يعني ماكو شي قبل 2008 والله أعلم
الى الادارة: اتمنى يتم مناقشة الزيادة في موضوع واحد فقط

[أميرة الرقه والذوق]

والله دوختنا هالزياده ومافي كلام صح نبي شي رسمي ماعليكم امر

[HUMMER]

انا اللي سمعته ان بتنزل بروحها شهر 11 والله العالم.

[المشاكس]

والله دوخونا بهالزيادة ..... كل يوم لهم كلمة ... انا ألي سمعته يقولون راح تصرف بعد من أقرارها من الخدمة المدنية ...

انا سألت واحد بالمحاسبة عن الزيادة يقول ماكبين شي كلش ..... العادة لما يكونون متأكدين من الموافقة يقولون حق المحاسبة زهبو شغلكم بس هالمرة صخه ..... والله مايندره

[dehen_3ood]

تاريخ التنفيذ سيكون اعتباراً من تاريخ الاعتماد من مجلس الخدمة المدنية !!

[M7MD]

بصراحه تعبنا من هالزياده يوم المؤشر أخضر ويوم احمر وهكذا وضعنا بالطوشه ... انا عندي اقتراح بسيط يعطونا (( عربون )) :) من الزياده علشان نتأكد وعلشان ما يغيرون رأيهم ويلغونها .

[HUMMER]

الزياده تصرف شهر1
واحتمال يلغون الاثر الرجعي ويسوونه من تاريخ خروجه من الديوان

[KOC_747]

والله شكله راح يجي شهر واحد واحنا للحين ناطرين الديوان


الله المستعان