أدوات السلامة

[KOC_747]

مرحباً للكل

أدوات السلامة علنا نعرفها أو سمعنا عنها أو حتى إذا تمادينا في الأحلام نقول نستعملها كل يوم

ودي أعرف منكم إخواني :

هل تم توزيعها عليكم بالكامل ؟

هل قمتم بشرائها من حسابكم الخاص ؟

شنو تجاربكم معاها ؟ منها فائدة ولا لا ؟

علما ً بأننا مطالبين بها في أوقات العمل رسمياً و إلا ...............








كوشن:eek::eek:

[HUMMER]

مرحبا فيك اخوي انا اللي اعرفها واللي وزعوه علينا الاتي
طبعا البلسوت والهلمت والسيفتي شوز والكمام
هذا اللي اعرف انه وزعوه علينا

[جونم جقرم]

الصرااااحه انا واحد من النااس شااري البيلسووت والسيفتي شوز والهلمت من حسااابي الخاااص لان ادوات السلاامه الي توزعه الشركه نوعيتها رديئه وتعيسه وتدبل الكبد



وتقبلو تحيااتي

[م.محمد]

اغلب الموظفين الي بالشركه
شاريه ادوات السيفتي من
حسابها الخاص لأنه النوعيه
الي توزعه الشركه تعبان

[KOC_747]

شكراً على تفاعلكم إخواني


أضيف على كلام الأخ الراقي همر إنه في بعد أدوات إحنا مطالبين فيها مثل ال h2s dedictor

والنظارات والسماعات

ومثل ما ذكر بعض الأخوان جودة ملابس السلامة حقت الشركة ولا ببيزة

والأحسن الواحد يريح باله ويشتري من بره أريح

[HUMMER]

اخواني سؤال في موظف بالشركة يلبس او يستخدم اغراضها كلنا نشتري من بره البلسون من ديكز اللي بالمثنى او رد ووينج من الاحمدي والسيفتي هم من هناك والباقي حتى لو يعطونا مانستخدمهم

[الولدالذهبى]

كلامكم صح وانا معاكم
كله من برااااا
ومن حسابنا الخاص





وبس

[BG. 1]

بالنسبة لدائرة الإنتاج

القفاز او الجلفز وسدادة الإذن والنظارات والواقي المطري والربر شوز حق المطر والبلسوت

والسيفتي شوز والهلمت

وموجودة وسهل الحصول عليها

ولكن نوعية البلسوت لك عليها والسيفتي شوز نوعيته عادية


هل قمتم بشرائها من حسابكم الخاص ؟

يوجد بعض الموظفين بالدائرة يشترون علي حسابهم وخاصة البلسوت والسيفتي شوز


شنو تجاربكم معاها ؟ منها فائدة ولا لا ؟

البلسوت مو شي والسيفتي من ارخص الانواع


مشكور اخي علي طرح الموضوع

[KOC_747]

كأنه صار لازم الموظف يتحمل ملابس الشغل من جيسه

مو مشكله ، بس ياريت لو يعجب بعض المسؤولين ، يعني تلبس لك بلسوت من ديكيز ولا رد وينج ولا حتى مال شركة البترول وهم يطلع لك واحد ويقولك وين شعار الكي أو سي ، انا صار معاي هالشي ،

مرة لابس بلسوت ديكيز ولا التيم ليدر داش علينا ويوم ما لقى شي قام يسأل ليس مو لابس بلسوت الشركة ؟

لما قلت له المهم السيفتي ولا الشعار ؟ ما رد علي بس قام يتفلسف وعلى أيام الفليج وايام اللي قبله وايام الديناصورات كنا نلبس شعار الشركة .

شتقوله بالله ؟ لما قلت له ايام اللي ذكرتهم كان اللبس من إنجلترا والحين من سوق واجف ، طلع ولا شفته من ذاك اليوم .

[KOC_747]

الأخ العزيز والكبير بي جي 1

كلامك عدل والأبريشن محد يقدر يتفلسف على روسهم لأنه ماشاء الله كلمتهم وحده ،

بس تعال أطلب راين كوت ولا ربر شوز حق بعض الأقسام وشوف الأعذار ، ما تحتاجون ، ماكو في الستور ، أخذ من الأبريشن ،سلك أمورك ،...........................

وإلا السيفتي شوز وانتم بكرامة ،،،،،،،،،،،،،،،،،، حدوته وحياتك ، في النوع اللي بدون خيوط سوى بريولي أكزيما والسبة بخل الشركة عل الموظفين

[الفيصل]

السلام عليكم


أخي KOC 747

أغلب موظفين الشركة شاري من حسابة الخاص البلسوت والسيفتي شوز وحتى القلفز وذلك لنوعية الرديئه التي يتم صرفها لنا الله يخلي ((Red Wing )) والسبب لعدم صرفها لنا سعرها غالي

ما قول لهم غير (( من استرخص اللحمة خانته المرقة ))


مع التحية