الانتخابات

[مختبرجي]

الانتخابات قربت ولازم نجهز لها
شرايكم ياجماعه نتفق على اي قائمه نعطي
وياريت نستظيف اعضاء القوائم المتنافسه في المنتدى
ونسمع اهدافهم وافكارهم وعهودهم اللي تهم العاملين
وشكرا

[KOC_747]

فكرة رائعة أخوي مختبرجي

وأشدد على إقتراحك بإستضافة أعضاء من القوائم المترشحة للإنتخابات
لمناقشتهم وإعطاء الفرصة لهم في طرح برامجهم بالمنتدى خصوصاً وإن المنتدى له متابعين كثر

تشكر أخوي

[k.p.c]

اشكرك على الطرح الجميل اخي العزيز مختبرجي

وكلامك في محله لا بد ان نصوت للأفضل والذي يضع امام عينه النفع العام للموظفين جميعآ

نتمنى من ادارة المنتدى الموقره ان تعمل لقأ لكل قائمه من القوائم المرشحه للأنتخابات

ومالهم وما عليهم بعد الفوز

والله يوفقهم جميعآ للنفع والمطالبه بحقوق العاملين

ولكم كل الشكر والتقدير جميعآ

[KOC FIRE]

فكرة ولا اروع منها المنتدى راح ينفذ مستحقاتنا

وشكرا على الفكرة الممتازة

[moh83]

أخاف يعطونه حشي ماخوذ خيره
و اذا انجحو يعطونه طاف و لا كنهم قالو شي
لازم نوثق كلامهم حلوه نوثق ههههه

[فيصل العجمي]

السلام عليكم ورحمة الله وبركاته

فكره جميله اخي الكريم وماعندنا مانع من التنفيذ
ولكن نحتاج معرفة اسماء القوائم اللي نازله وطريقة الاتصال فيهم

[fireeccc]

فكرة جميله وياليت تنفذ الفكره على كل الشركات وتقوم اداره المنتدى بتحديد موعد مع الاعضاء وناقشهم

[BG. 1]

وأنا بعد معاكم
ننتخب الأصلح للعمل النقابي

[op2]

اول شي منو القوائم الي نازله


بس نسمع عنهم ومانشوف اشخاص يمثلونهم


سمعنا العماليه والميثاق وانسيت اسم الثالثه بس قريب من الائتلافيه والله يستر لا يطلعون اخونجيه من حركه عدس قصدي حدس




بس الى الان ما في اسماء ولا مرشحين وما بقى شي على الانتخابات

[loard]

الله يوفقك قائمه الشباب وتذهب قائمه الشياب اللي بس مهتمين بمصالحهم بس ونسوا العمال

[HUMMER]

والله اقتراح حلو وانا معاك (يبيله)

[مختبرجي]

أخاف يعطونه حشي ماخوذ خيره
و اذا انجحو يعطونه طاف و لا كنهم قالو شي
لازم نوثق كلامهم حلوه نوثق ههههه

اول شي اشكر كل من عقب على اقتراحي وتحمس له.
وبالنسبه لكلام اخوي moh83 انا ذكرت ان ناخذ العهود منهم .

[Engineer]

السلام عليكم

بداية أشكركم على هالأقتراح الرائع فلكم مني تحيه عطره أحبتي في الله

بالنسبة للقوائم اللي راح تنزل

العماليه >>> كلكم تعرفونها

المعتدلة >>> خذلتنا

الميثاق >>> بصراحة أنا كنت أحد مؤسسيها ولكن لظروف خاصه امتنع عن المشاركه فيها رغبه مني في ايجاد المصلحه العامه للموظفين وهذا ما أسعى اليه دائما في حياتي وهذا هو ما تعودت عليه من تربيه والدي لي .

الائتلاف >> انا اللي اعرفه انهم مو من الأخوان لانكم تدرون الأخوان منو كانوا يدعمون ولكن يقال انهم ناس كانوا بالمعتدله أو أعلبهم من المعتدله ولكنهم يسعون جاهدين في الفتره الأخيره للوصول لكل شرائح الموظفين وشخصيا الى الأن مقتنع فيهم الى حد ما ولكن ما أطلبه هو اعطائنا صورة عامه عن أهداف وطموحات هالقائمة

شكرا