الدوام أيام العيد

[KOC_747]

مرحباً للكل

وكل عام وإنتم بخير وتقبل الله طاعتكم وصالح أعمالكم

الدوام في العيد ، موضوع نبي نفتح النقاش فيه ونعرف رأي الأعضاء وخصوصاً إللي دوامهم شفتات ، شلون يقضونه بالدوام ، وشلون يقزر بعيد عن الأهل والأحباب ؟

شلون إحساسكم بالعيد ؟
المسؤولين متساهلين وياكم ولا شغالين كبسات؟<========== ( لغير الناقطين باللغة الشفتية تعني هذه الكلمة قيام المسؤول بتجميع العيادي من موظفي الشفتات أيام الهوليداي ورك ) .

نبي تفاعلكم الكريم ، وعيدكم مبارك .

[operation]

اخوي انا دوامي كان ثاني يوم العيد (مروننج) طبعا السوبر فايزر والتيم ليدر كانوا مسقبلينا في السنتر من صباح الله خير والقصد يعايدون علينا <====(طل) وبعدها ريقناهم صوم فلافل وحمص من كناري وقعدوا الى قبل الغدا واخيرا مشوا
سؤال يدور في بالي هل هذيل الي زارونا يسجلون حق نفسهم (اوفر تايم) او يايين ابلاش؟

[BG. 1]

داومت اول يوم والحين أوفر تايم عسي الله يزيده

طبعا تعودوا الأهل علينا خدمة عشرين سنة وطبعا ما حسيت بالعيد لأني أمس واليوم بالدوام وطالع الحين البيت

ورايح مع الأسرة علي قولتهم نتفسح وين الله أعلم


فلافل وحمص من كناري

يالله صباح خير حق الغازات

سؤال يدور في بالي هل هذيل الي زارونا يسجلون حق نفسهم (اوفر تايم) او يايين ابلاش؟

طبعا التيم ليدر ما له أوفر تايم أما السوبرفايزر اكيد له

وكل عام وأنتم بخير

[HUMMER]

والله اخوي انا دوامي كان بالعيد اول وثاني يوم
وطبعا الكبسات لازم لانها تكون عن طريق لجنه
واذا عن يمعه الاهل صج فرق بس الواحد يقول الحمدلله لاحقين عليهم
والكويت تستاهل

[منصور المجيبل]

داومت ثاني يوم بالعيد صبح

والوضع طبيعي وعادي تعودنا علي الدوام بالعطل والأعياد وأهلنا وربعنا تأقلموا علي الموضوع

والحمد لله اول يوم عيدنا بين أهلنا وربعنا

[الولدالذهبى]

الحمدلله خووش دوام





وبس

[dehen_3ood]

الله يعطيكم العافية وقواكم الله وكفو عليكم يا عيال الديرة :)

[moh83]

بالنسبه للكبسات فحدث ولا حرج ماشاء الله الهوامير عايدونه بمرورهم الكريم إلي احنا متوقعينه يعني صايدين الحركه
ندري انهم بييون بس نسوي نفسنا ما ندري أول ما جو سلمو واقعدو و أول ما طلبو طلبو لبن كيديدي ....احم آسف اندمجة مع الدعايه
أول ماسئلو عن الموجودين بس بشكل غشمره .....هههههه

[KOC_747]

صباح الخير للكل

شكراً لكل الذين ردوا وأعاد الله عليكم العيد أعواماً مديده ،

أخوي أبريشن ، لازم يمرون على السناتر ، يخافون بعض الموظفين مايدرون بالعيد فيجون يعلمونهم ;)

ومثل ما قال الأخ بي جي 1 السوبر له أوفرتايم والتيم ليدر لالالالالالالالالالالالالالالالالالالالالالالالالا لالالا

الأخ بي جي 1 : لك طولت العمر و وكثرة الأوفر تايمات بإذن الله .

الأخ همر : كلامك صحيح والأهل لابد يتعودون مثلنا .

منصور المجيبل والولد الذهبي : الله يديم عليكم الأفراح والراحة

الأخت دهن العود : شكراً على المرور العطر

الأخ محمد 83 : خذ الحذر أنت بخطر ، دير بالك من سؤال الهوامير ترى له أضرار كبيرة خصوصاً بعد ظهور التقارير السنوية

وانا دوامي كان ثاني يوم العيد بعد إجازة ممتعة في العشر الأواخر من الشهر الكريم ، والكبسات حولينا ولا علينا بإذن الله

دستوووووووووووووووور :d

[Aziz]

يمعود مقزرينها نت الشباب :)