قهوة المصريين

[نفطي كويتي]

هذا الاسم شفته في فلم عوكل

يوم قام ولقي نفسه بتركيا

وضاع
ولقي القلعة بجانب البحر

وتسائل اي اللي جاب القلعة جنب البحر

وبحث لين سمع اغاني ام كلثوم

وقرأ الافته اللي فوق القهوه

قهوة المصريين

وبما اننا مسافرين مصر بإذن الله
لتكملة مسيرتنا الدراسيه

مصر العروبه والهرامات والفراعنه والازهر والحسين وجمال عبدالناصر
مصر 73


واليوم انا مسافر

وتارك أرض الوطن وعيالي وأهلي وأخواني وأبناء عمومتي وأصحابي
وذكرياتي
تدرون الله يصبرنا والحمد لله ان فترة سفرتنا قصيره
وإلا كان بكيت لكم
:D

واشوفكم علي خير

واتمني لكم التوفيق في العمل
وان لا يصيبكم اي مكروه

واتمني لأخواني المتنافسين في علي مقاعد النقابه بالتوفيق بلا استثناء من القائمتين

حبيت اخلي هذه الصفحه لتكون صفحة تواصل بيننا نحن اخوانكم في مصر

وبينكم انتم اخواننا في الكويت أرض الوطن أرض المحبة والوفاء

وإذا احنا سافرنا الشوق يرجعنا ............ حب الوطن غالي والعيشة في جنة

ناخذ علومكم وعلوم الشركه وتاخذون علومنا وعلوم امتحاناتنا

ونكون متواصلين علي طول

وأهم شي اتمني من مشرفتنا التكرم والتواصل معنا يوم التصويت
اولا بأول




واستودعكم الله الذي لا تضيع ودائعة

وشكرا لكم

[معيكل]

الله يوفقك وترانا بنفقدك يا ملح المنتدى وستين خط تحت ملح بدون كلورين
وسلم لنا على أم الدنيا وعسى النجاح فالك

[brilliant]

بس ما اوصيك تدخل المنتدى من مصر ونشوف طلتك من هناك

كل التوفيق لك ولكل الاخوان ونشوفكم حملة شهادات باذن الله

تروح وترد بالسلامه وسلملي على مصر :)

[فرحان العجمي]

موفق يا بو حمود وبحفظ الله ورعايته ,,,

ويازينك وانت بالامتحان تكتب بدال اسمك نفطي كويتي ..:d:d

[SOS_KW]

مع ألف سلامة عزيزي نفطي كويتي ... فأنتم السابقون ونحن اللاحقون .. وأرجو ألا تبخل علينا من أرض مصر بالعطاء اللي تعودنا عليه من أخ عزيزي وغالي ... نكن له كلنا كل احترام وتقدير

http://www.hawahome.com/vb/nupload/33178_1183218759.gif
http://www.hawahome.com/vb/nupload/33178_1183218882.gif
تروح وترجع بالسلامة وبالتوفيق والتفوق:)
http://d21c.com/BeautifulTonight/roses/brebar3.gifhttp://d21c.com/BeautifulTonight/roses/brebar3.gif

[الدردور]

الله يوفقك ويردك بالسلامة ... وفالك النجاح ان شاءالله

[acebace]

بالتوفيق يالنفطى .... وناطرين البشارة انشالله

[تكانه]

بعد السلام.. عسى الله يوفقك ويسدد خطاك إنت وكل اللي مثلك وترجعون رافعين الراس بالشهادة الكبيرة..!!

وعلى قولة عبدالحليم حافظ : النفطي يرفع إيده ..! وناطرين موضوعك القادم : هذا إحنا نجحنا ..!! :rolleyes:

تروح وترد بالسلامة..

[منقاش]

اللــــــــــــــــــــــــــــــــــــــــــ ـــه معاك وترجع بالسلامه

وبالتوفيق للجميع اللى يدرسون واللى يصوتون واللى يرشحون من البرد

[نفطي كويتي]

وصلت امس والحمد لله

ارض مصر
الجو كان اكثر من رائع
وشفت بعض اخواني
في العمل
بخير وطيبين ويسلمون عليكم
وحصلي موقف اول ما وصلت
يضحك
رحت لمكتب التأجير ابي سياره توصلني انا وصاحبي للزمالك ومن ثم المهندسين

سألني وين تبون ورديت عليه
طبعا كنت لابس دشداشه احب السفر بالدشداشه تعودت عليها واريح لي
قام الاخ يحسب ويكسر
قلت وين قسم المحاسبه عنه
طبعا كويتي ودشداشه حسبنا بالوزن الواحد فينا
كيلو الكويتي 2ونص:)
قال حسابكم 290 جنيه
ضحكت وخليته
وقال صاحبه ميه
وقال الثالث 75
وبعد ماخذانا بره المطار وصلها 90
عطيناه 100
ورحت الشقه وطلعت ناسي المفتاح في البيت
انتظرت خالتي لين جات وفتحت الشقه مشوكوره عاد بروحها تعبانه
الله يعينها علينا
ولقيت الكهرباء مقطوعه يبون الف جنيه
طلعت وفتحت الصدندوف الخارجي ورديت الكهرباء يدوي
بس لحد يعلم وزارة الكهرباء المصريه
ولحقت علي حصة التقويه الساعه 7 بالليل
ورحت السنما بعدها
ولعشاق السينما المصريه
نازله افلام جديده عندهم
1 جوبا
2 الجزيره
3 خارج عن القانون
4 حين ميسره
5 هي فوضى


وفيه كم فلم بعلمكم فيه بعدين
وبعد شوي بيجي المدرس
يا حلو مصر تعيش فيها كل المناصب السياسيه
باشا
وبيه وريس
وامير
وملك
وشيخ
واشكر كل من شاركني وتواصل معاي

[تكانه]

وصلت امس والحمد لله

يا حلو مصر تعيش فيها كل المناصب السياسيه
باشا
وبيه وريس
وامير
وملك
وشيخ




أول شي نقولك : حمدالله عالسلامة .. يا جاي من السفر .. وحشانا الإبتسامه.. وشّك ولا القمر ..!!

المناصب اللي تعيش بمصر تذكرني بالفيلم العربي : ابن مين بالمجتمع ..!!

بس أحسن شي بالكويت إن الكل بالظاهر ( شيوخ ) وخلّي الطبق مستور ..!!

ســلام...

[brilliant]

الحمدالله على السلامه يا باشا :)

(باشا ولابس دشداشه :D)

[عبدالله السبيعي]

الحمدلله على السلامه ياباشا

اسمع يابوحمود ما اوصيك بالصوغه

الصوغه = لب مصري سوبر الله يخليك مابي كثير كيلو بس

مو حجي منتديات ترى صج راح انطرك بالمطار مو جايب ياحلوك ترد تاشيره

تقبل تحياتي والله يوفقكم ان شاء الله وسلم على بقية الزملاء ودعواتنا لهم بالتوفيق

[نفطي كويتي]

حاضر ابشر بالحب
بس شنو الحب ابيض أو اسمر
وإذا مشرفتنا واصلتنا يوم الانتخابات أول بأول
تبشر بالحب الاسمر والابيض
واللي تبي من مصر
حاضرين بس لحد يكثر

[نفطي كويتي]

صباح الخير شخباركم واخبار الشركه

كلنا والحمد لله بخير مو ناقصنا شوقنا وحنينا للكويت واللي فيها
امس كان يوم حافل جدا

طابعا من دراسسه جاده وتمشي والسفاره وغيره وغيره
ماحسينا بالوقت
عزمني اخوي فيصل سعيد على
المطعم اليمني
بشارع ايران خوش مطعم اكله ولا أروع
ولكن فعلا مثل ما قال الشاعر
الاماكن كلها مشتاقه لك
كل ما رحنا مكان تذكرنا اخونا وحبيبنا اللي ما راح ننساه ابدا
وتذكرنا ذكياتنا معاه وكانت الاماكن تذكرنا فيه
اخوي محمد الشمري
أسأل الله العلي القدير
أن يشفيه ويخليه لأهله وأولاده ويرجع معانا كما كان
اللهم امين
ومشعل العجمي صاحب المجهود الرائع بصراحه ما قصر معانا خلص اونا بالجامعه كلها بيض الله وجه
حصل موقف حلو وغريب
دشينا السينما امس انا واخوي فيصل
اللي ما قصر وخلاني أنام معاه بالشقه ونفس الغرفه لين يوصل صاحبي من السفر
طبعا فيصل من اعز وأقرب الناس لي والكل غالي
المهم الموقف
وحنا نتابع الفلم صارت هوشه بين شايب وزوجته وشباب مصريين داخل القاعه وحدث هرج ومرج
وخذو الشباب كم طراق يحبهم فلبكم
وزوجة الشايب فضحتهم بالصياح
عشر دقايق وحنا ضايعين نتابع الفلم أو نكمل الهوشه
وبعدين رجع كل شي مثل ماكان بدون محد يفرقهم وكأن لم يحدث شيئ
ماشاء الله عليهم لهم خلق يتابعون بعد النرفزه
واللي ضحكني اللي انطق كل شوي رايح جاي دام المشاهدين متنرفز يعني
وربعه كل شوي واحد رايح يهديه مع انه ما كان بيسوي شي
وكل ما مر قدام العجوز عطته نظره انا اللي مالي شغل خفت منها
نحمد الله أن مالنا شغل بالموضوع والله يستر علينا من المشاكل
وشكرا كم
وكل ماشفته تذكرت الطراق وضحكت

[نفطي كويتي]

حبيت اسلم علي الجميع
امس جانا مطر حلو بس نزل الديزل باللي بالجو كله
ملابسنا صارت سود
بس حلو احسن ينظف الجو
اكلمكم من كوستا كوفي اللي تحت شقتنا
والجو ولا اروع غير وبرد حلو
انتم شخباركم
حبيت اصبح واسلم

[brilliant]

انتبه من الامطار الي في القاهره لان الجو مليئ بالـ H2S والمطر يذوب هالغاز ويصير حمض الكبريتيك المخفف وهالماده تظر الجلد

فبعد المطر حاول تسبح بسرعه وتجنب هالامطار وبالتوفيق :)

[kkk]

الحمدلله على السلامه ياباشا

اسمع يابوحمود ما اوصيك بالصوغه

الصوغه = لب مصري سوبر الله يخليك مابي كثير كيلو بس

مو حجي منتديات ترى صج راح انطرك بالمطار مو جايب ياحلوك ترد تاشيره

تقبل تحياتي والله يوفقكم ان شاء الله وسلم على بقية الزملاء ودعواتنا لهم بالتوفيق

محمصة العروبه بجانب قهوة العمده...................انا حاضر بس النجاح اول

[الفيصل]

حبيت اسلم علي الجميع
امس جانا مطر حلو بس نزل الديزل باللي بالجو كله
ملابسنا صارت سود
بس حلو احسن ينظف الجو
اكلمكم من كوستا كوفي اللي تحت شقتنا
والجو ولا اروع غير وبرد حلو
انتم شخباركم
حبيت اصبح واسلم



هلا والله بالزميل



تري الامتحانات قربت الامتحانات عقب باجر



وأذا بغيت شي ترى حاضرين



تمنياتي لك بالتوفيق



بس ما اوصيك مكتبة شات نت كل شي عندهااا :p



أعتمادنا على الله ثم عليها :p:p:p




موفق ان شاء الله

[نفطي كويتي]

انتبه من الامطار الي في القاهره لان الجو مليئ بالـ H2S والمطر يذوب هالغاز ويصير حمض الكبريتيك المخفف وهالماده تظر الجلد

فبعد المطر حاول تسبح بسرعه وتجنب هالامطار وبالتوفيق :)
مشكور اخي على نصيحتك القيمه
وبيض الله وجهك علي تواصلك معاي

[نفطي كويتي]

اليوم الجو بارد جدا
طبعا وصل صاحبي بالسلامه ارض مصر
ونور الزمالك والشقه
بنوره
وخذيته نتعشى ونتمشى وفسحته بالسيما
عمار يامصر
ومن ثم خذيناها مشي من هلتون رمسيس للزمالك
احلى مافي الدراسه به انك شايل هم نفسك والوقت عندك كبير
يعني تقوم الصبح ويجيك المدرس والظهر تراجع شوي
والمغرب تسيير علي ربعك
وبعدين تشوف انت وين تبي تتمشى
وترجه نص الليل تراجع شوي
وبعدين تدش المنتدي عشان تشوف الحبايب

[معيكل]

اليوم الجو بارد جدا
طبعا وصل صاحبي بالسلامه ارض مصر
ونور الزمالك والشقه
بنوره
وخذيته نتعشى ونتمشى وفسحته بالسيما
عمار يامصر
ومن ثم خذيناها مشي من هلتون رمسيس للزمالك
احلى مافي الدراسه به انك شايل هم نفسك والوقت عندك كبير
يعني تقوم الصبح ويجيك المدرس والظهر تراجع شوي
والمغرب تسيير علي ربعك
وبعدين تشوف انت وين تبي تتمشى
وترجه نص الليل تراجع شوي
وبعدين تدش المنتدي عشان تشوف الحبايب

خوووش برنامج ما تشوف لي قبول ينولك ثواب بس شرط امشي على نفس برنامجك
ومكافأتك بتكون تذكرة من عندي لحموووووود عشان يحوس برنامجك :)

[نفطي كويتي]

خوووش برنامج ما تشوف لي قبول ينولك ثواب بس شرط امشي على نفس برنامجك
ومكافأتك بتكون تذكرة من عندي لحموووووود عشان يحوس برنامجك :)

دنته تنور مصر من الاسكندريه لي اسوان

بس لا تنساني بالبقشيش

وخل حمود عليه امتحانات الله يوفقه ويوفق عيالكم ان شاء الله

اما عن المشي فأنا تعودت اني امشي في مصر
ولي تاريخ حافل بالمشي
مره مشيت من الحسين للزمالك
ومره من الفيرست مول للزمالك
غير المشيات الخفيفه
من المهندسين شارع شهاب للزمالك رايح جاي
واحمد عرابي ومحي الدين ابو العز
والكتكات عند عمارة الكويتيين مقابل مستشفي القلوب
واتحاد الطلبه
الجو حلو وفعلا يساعدك علي المشي
والدنيا زحمه ماتحس بالمشي
والحبيبه على كل كبري
ملتقي العشاق
وبياعين الذره والترمس والبطاطا الحلوه وعصير العرق سوس
وغير اللي يبوعون شاي تحت الكبري
شاي كشري
كفايه انك فوق النيل

[نفطي كويتي]

السلام عليكم ورحمة
الله وبركاته


اليوم بدأت امتحانات الجامعه
طبعا اليوم سنة رابعه
وبكره اول امتحان لنا سنة ثالثه
والحمد لله اول امتحان درسناه
واخوانا في إتحاد الطلبه جهدهم مشكور
حاطين دروس تقويه لجميع المواد
عشان الكل يستفيد
وجهدهم واضح ومشكورين عليه
وبعد المطر
جانا البرد خاصتا بالليل
امس جانا اخونا جابر وقعدنا وياه
واحلى ما في الموضوع انه كان بعيد عن مواضيع الشركه
كنا نسولف عن مصر والدراسه والزهقه ومتي نخلص والمواد
والدروس
لا نقابه ولا هم
الله يعينكم علي ايام الانتخابات
صج حلوه بس كلامها واجد ومكرر ويملل
اما حنا غيرنا الروتين وقمنا نسولف عن الدراسه

[brilliant]

خوش اخبار عسى الله يتمم على خير :)

[نفطي كويتي]

الحمد لله خلصنا من الاول
وياوليك يا الجاي اقصد
ياوليلنا من الجاي
الحمد لله كان امتحان مقبول وتقديمنا فيه زين بفضل الله
تعالى
المشكله ان الامتحان الساعه 3ونخلص الساعه 5
طبعا 6 بالكويت
وعلي ما نرد البيت المهم اليوم كله رايح ما فيه وقت نراجع والامتحانات يوم وترك
وكل الجاي صعب الله يستر إن شاء الله
اليوم وصلت متأخر للجامعه
زحمه والتكسي قديم وما يبدل ثالث
والسايق شايب
المهم اول ما دخلت لقيت غرفة 8
دشيت وامتحنت
جابو الاسامي عشان نوقع الحضور الا كل الحروف تبدى بحرف العين واسمي مو موجود
طلعت لجنه ثانيه
قالو روح صفك وعطنا ورقة الاجابه
رفضت مو باقي الاساعه وانا كنت حال ورحت لرئيس اللجنه
ووافق يعطيني الورقه
ورحت لجنتي والحمد لله كانت اسهل من اللجنه الي كنت فيها
الحمد لله

[تكانه]

الحمد لله كان امتحان مقبول وتقديمنا فيه زين بفضل الله
تعالى

جابو الاسامي عشان نوقع الحضور الا كل الحروف تبدى بحرف العين واسمي مو موجود
طلعت لجنه ثانيه



أول شي كل سنة وانت طيب...! ( هذه على مدار السنة هناك ومالها شغل بالاعياد والمناسبات )..!!

و ثاني شي الله يببشرك بالخير ... وبالتوفيق لك وللزملاء المغتربين بباقي الامتحانات..!!

ولا تدير بال إذا اسمك (سقط سهوا ) عندهم .. لأن المهم ذكراك بقلوبنا حاضرة وناطرينك على أحر من الجمر..!!
إنت ما سمعت اللي يقول : عشقت حرف العين..!!

بس سالفة السينما والهوشه اللي صارت بالفيلم عجيبة ومت عليها من الضحك..!! إنت بهالحالة دفعت تذكرة وحده وشفت فيلمين ..!!

وعادي عندهم سالفة ( حضرب وحضرب ) و عبالك الحين الدمّان بتطشر عليك بس كلشي ماكو وصافي يا لبن..!!
طبعا هذه ميزة فريدة وتعكس طيبة المصريين اللي هناك وقلبهم الخضر ..!!


ســـلام يا باشا..!!

[نفطي كويتي]

أول شي كل سنة وانت طيب...! ( هذه على مدار السنة هناك ومالها شغل بالاعياد والمناسبات )..!!

و ثاني شي الله يببشرك بالخير ... وبالتوفيق لك وللزملاء المغتربين بباقي الامتحانات..!!

ولا تدير بال إذا اسمك (سقط سهوا ) عندهم .. لأن المهم ذكراك بقلوبنا حاضرة وناطرينك على أحر من الجمر..!!
إنت ما سمعت اللي يقول : عشقت حرف العين..!!

بس سالفة السينما والهوشه اللي صارت بالفيلم عجيبة ومت عليها من الضحك..!! إنت بهالحالة دفعت تذكرة وحده وشفت فيلمين ..!!

وعادي عندهم سالفة ( حضرب وحضرب ) و عبالك الحين الدمّان بتطشر عليك بس كلشي ماكو وصافي يا لبن..!!
طبعا هذه ميزة فريدة وتعكس طيبة المصريين اللي هناك وقلبهم الخضر ..!!


ســـلام يا باشا..!!

مشكور اخوي الغالي على اهتمامك وكلامك الجلو
ويشهد اله اني احبكم بالله

اليوم تعشينا بمطعم فرحات حمام محشي ومشوي
وتمنيت امينه
ان شركتنا تتعاقد معا هالمطعم
احلي وانظف علي الاقل كل يوم بناكل حمام
وفعلا مثل ماقلت الشعب طيب جدا
وفيه ميزه انك ما تحتاج تروح السينما كل يوم تشوف عشرات الافلام في الشارع والمطعم التكسي
وحتي بالشقه الحارس والشغاله كل واحد فيهم فلم لحاله
اشكر مره ثانيه علي اهتمامك وحرصك علي اخبارنا
ودامني في قبلك لو ضيعوا حروف اسمي كلها ماراح ازعل
بس انا اللي كنت فلم اليوم دشيت صف مو صفي ولا احرف اسمي ولا رقم جلوسي
ولا تشوفون الثقه اللي انا فيها
واخر شي طلعت داج لان حرف اسمي مو مع طلبة العين
من عاشر القوم صار فلم مثلهم

وتسلم يا امير
وكل سنه وانت طيب

[تكانه]

اليوم تعشينا بمطعم فرحات حمام محشي ومشوي
وتمنيت امنيه
ان شركتنا تتعاقد معا هالمطعم
احلي وانظف علي الاقل كل يوم بناكل حمام


بالهنا والشفا و ستين ألف عافيه..!!

عاد هناك الحمام متعوب عليه ( و تزغيط الزغاليل ) على ودنه ..!! غصبن عليها الحمامة يكون فيها لحم ومو بكيفها..!!

وعلى طاري التعاقد مع مطعم الشركة.. يا معود إحنا عندنا ناس تاكل ( الزلط ) مو بعد حمام محشي ومشوي...!!
هالحمام يخلونه عقب الغداء والعشاء يحلوّن فيه لزوم التمزمز ..!!


وفيه ميزه انك ما تحتاج تروح السينما كل يوم تشوف عشرات الافلام في الشارع والمطعم التكسي



بهذه صدقت ...!!!

( الفوليوم ) هناك له حد معين ما ينزل عنه وما فيه ميزة ( الميوت )..!!

تمشى عالنيل وتشوف حلقات من كل نوع أكثر من حلقات رمضان..!!

تلقى ناس تتناقش بالميزانية والمهيّه اللي ما تكفي..!! وناس تتناقش بمشاكلها الإجتماعيه وتدخل حماته بحياتهم وناس طايحتله مغازل وماله شغل بالأوادم .. وغيره وغيره ..!!

إذا شفت هالسوالف كلها بمكان واحد : يبقى انته أكيد في مصر ..!!


ســـلام...!!

[معيكل]

مشكور اخوي الغالي على اهتمامك وكلامك الجلو
ويشهد اله اني احبكم بالله

اليوم تعشينا بمطعم فرحات حمام محشي ومشوي
وتمنيت امينه
ان شركتنا تتعاقد معا هالمطعم
احلي وانظف علي الاقل كل يوم بناكل حمام
وفعلا مثل ماقلت الشعب طيب جدا
وفيه ميزه انك ما تحتاج تروح السينما كل يوم تشوف عشرات الافلام في الشارع والمطعم التكسي
وحتي بالشقه الحارس والشغاله كل واحد فيهم فلم لحاله
اشكر مره ثانيه علي اهتمامك وحرصك علي اخبارنا
ودامني في قبلك لو ضيعوا حروف اسمي كلها ماراح ازعل
بس انا اللي كنت فلم اليوم دشيت صف مو صفي ولا احرف اسمي ولا رقم جلوسي
ولا تشوفون الثقه اللي انا فيها
واخر شي طلعت داج لان حرف اسمي مو مع طلبة العين
من عاشر القوم صار فلم مثلهم

وتسلم يا امير
وكل سنه وانت طيب


بالتوفيق أولا وبالهنا والشفا ثانيا وسلم على محمود فرحات صاحب المطعم ثالثا ولا عزاء للحمام المشوي رابعا

[نفطي كويتي]

اليوم
مريت اخوي فيصل جايب خوش طباخ مسويه كبست لحم اللي قلبكم يحبه ولا اروع
مره عجز بس سمحه ونفسها حلو بالطبيخ
بس ماكليت عدل لأن كان مسير عليني واحد جاي من الصعيد مع ولد اخته رايح يوصله المطار بكره يكمل دكتوراه كميائي علي حساب مصر
وكان جايب معاه خبز صعيدي وجبن وخيرات الله يعرف صاحبي اللي معاي بالسكن كان يشتغل عنده بالكويت
وقعدنا نتريق طبعا الساعه كانت وحده ولما رحت لفيصل كنت شبعان حدي
كليت لقمتين عن حلفه هو يا ربعه اللي معاه بالشقه
ومن ثم رحت اتمشي بوسط البلدوبعدين

رحت قهوه عاديه شعبيه يعني مثل ما يقولون
وطلبت ناسكافيه وصاحبي ناسكافيه وحليب وماي صحه صغير
جانا الطلب
الله لا يرويكم
قاعدين نشرب ماي
حار

المهم قلنا كم الحساب قام الشايب يحسب
واخر شي قال 38 جنيه
المكان اللي احنا فيه حسيت انه يبالغ
وحنا الكوتيين ما نحب احد ينصب علينا
عطيته الحساب وانا مضايق
وصلت للباب وبعدين ترددت لقيت الحارس وقلت له وين المدير
رحت للمدير وقلت له الشاي بحلق الكويتي غير الشاي اللي يشربه المصري قالي ليه قلته الموضوع قالي كم
حاسبك قلت له انا شربت كذا وكذا كم حسابه قال 30 جنيه قلت الاخ حاسبني علي 38 ويبي بقشيش
زياده قام ورجعلي الباقي وقعد يتأسف
وطلعت ولقيت تكسي قلت له الزمالك قالي تدفع كام قلت 5
راح ولا عبرني قعد صاحبي يضحك علي شكلي والموقف اللي صار لي
باجر امتحاني ولا طلعت ببشركم بعلومنا
ومشكور اخي تكانه ومعيكل وكل من تواصل معاي

[نفطي كويتي]

ابشركم الامتحان الثاني طاف على خير
والحمد لله
واليوم الحمد لله وصلت بدري واجد قبل الامتحان بساعه تعلمت من غلطت اول يوم
وحجزت لي كرسي مكانه زين بالنص
لا مع اللي فوق مشبوه ولا مع اللي تحت مفضوح
والزحمه اليوم خافه شوي
وكافئت نفسي علي ادائي اليوم بالاختبار وقمت عزمت نفسي بمطعم فرايديز
استهال مقدم زين وانا اللي يقدم زين اكافئه
سلطة سيزر وستيك ول دن وبطاط بالجبن
وبيبسي
ويني ويين الرجيم
وبعدها رحت القهوه وطلبت شاي كشري اعدل دماغي
ورحت اتمشي على النيل وتذكر اغنية عبدالحليم حافظ
وحيات البي وافراحه
والناجح يرفع ايده
دمفيش افراح بالدنيا زين الفرحان بنجاحه
ولو كان الجو حار كان رحت للأسكندريه
وغنيت دقوا الشماسي
على البلاج يا احلي بحر واحلى رمل واحلى ميا احنا وشببنا وحبنا لسكندريه
طبعا عقبالكم كلكم بنجاح عرسكم الانتخابي بكره بإذن الله
واتمني من الله العلي القدير التوفيق والنجاح لأخواني المرشحين
وسلامتكم

[brilliant]

بالتوفيق يا شباب مصر المهاجرين :p

[pic2020]

ابشركم الامتحان الثاني طاف على خير
والحمد لله واليوم الحمد لله وصلت بدري واجد قبل الامتحان بساعه تعلمت من غلطت اول يوم
وحجزت لي كرسي مكانه زين بالنص
لا مع اللي فوق مشبوه ولا مع اللي تحت مفضوح
والزحمه اليوم خافه شوي
وكافئت نفسي علي ادائي اليوم بالاختبار وقمت عزمت نفسي بمطعم فرايديز
استهال مقدم زين وانا اللي يقدم زين اكافئه
سلطة سيزر وستيك ول دن وبطاط بالجبن
وبيبسي
ويني ويين الرجيم
وبعدها رحت القهوه وطلبت شاي كشري اعدل دماغي
ورحت اتمشي على النيل وتذكر اغنية عبدالحليم حافظ
وحيات البي وافراحه
والناجح يرفع ايده
دمفيش افراح بالدنيا زين الفرحان بنجاحه
ولو كان الجو حار كان رحت للأسكندريه
وغنيت دقوا الشماسي
على البلاج يا احلي بحر واحلى رمل واحلى ميا احنا وشببنا وحبنا لسكندريه
طبعا عقبالكم كلكم بنجاح عرسكم الانتخابي بكره بإذن الله
واتمني من الله العلي القدير التوفيق والنجاح لأخواني المرشحين
وسلامتكم


الله يبشرك بالخير ...

[نفطي كويتي]

الله يجزاكم خير

[نفطي كويتي]

اليوم كان شغلي الشاغل الانتخابات
رديت بدري الشقه عشان اعرف شنو صار
وضبطت عمري بعشا محترم
بط وحمام
وملخيه

تاكلون صوابعكم وراها
والحين انطر شنو نتيجة الاصوات
من الزهقه قزرتها اليوم بوسط البلد
قاعد ادور طقم مكتب تقليد ماركات ما لقيت
طلبته مني الغاليه
وانا مقدر ارد لهم طلب
بس لقيت جلد تمساح 23 قطعه عجبني قاموا وقالو جيب اثنين نفس الشي لهم ولصاحبتهم
طلبعا ماعي الا السمع والطاعه لو تبي اجيب لجماعتهم كلهم
المهم القى نفس الشكل واللون
والله يعين شكلي بفر مصر كلها لجل عينها
لو اقطع من جلدي وسويه طقم مكتب حلو واجد
بس رحت ادور غيره وبعدين رجعت له بسأله اذا عنده قطعتين لقيته مسكر
الحين شنو ينومني وانا ما جبت شي بخاطر الغاليه
الله يصبرني علي بكره بطلع من الامتحان علي السوق عشان اجيبه وارتاح

الحين ليل وخير
والصباح رباح اليوم معاكم ومع الانتخابات وبكره اسمحولي لين القى اللي يبون

[نفطي كويتي]

بعد ان زاحت الغمه عن هذه الامه
وخلص الانتخابات التي اصابتنا بالحمى
وكانت شغلنا الشاغل
قمنا اليوم وحنا الامتحان والحمد لله والمنه
قدمنا اختبار جيد
وشفت رائد الكندري
وعجبني رده وقلت له مبروك فوز اخوانا التجمع
قال انا واخواني واحد من فاز فينا فكأني نا اللي فزر
وطلعت من الاختبار ورحت وسط البلد علي طول ادور طقم مكتبي ولقيت ولكن كنت ابي
طقمين المهم رجعت مشي الي هلتون رمسيس الملحق وابشكم لقيت طقم مكتبي ماركات طبعا تقليد
وبلغتهم بالكويت
بس قالو لا تشتري لين نفكر اي ماركه نشتري
طبعا لقيت 11 قطعه وغير الزباله الله يعزكم وغطى الكلينكس
وكنت بروح المهندسين اشتري اقطم جنط وجواتى والعاب لعيالي
ولكن دق صاحبي وقال تعال انا طابخ لك عشا طيب
ورجعت من هلتون للزمالك مشي
وبكره بإذن الله اروح المهندسين
ولا تخاف يا عبدالله مو ناسي الحب
يالله هانت باقي 3 امتحانات واحد سهل تقريبا واثنين الله يعينا عليهم

[نفطي كويتي]

اليوم خلصنا الامتحان الرابع
وقمت متأخر شوي وما مداني اتريق

والعقل السليم بالجسم السليم

المهم طلعت وكنت جوعان حدي

واول مانزلت الزمالك رحت لمطعم الزمالك بيع فول وطعميه
بالخبز البلدي

والفرق بين الطعميه المصريه والفلافل السوريه هي بنسبة الفول والحمص فيها

فإخوانا السوريين يزيدون نسبة الحمص اما اخوانا المصريين يزيدون نسبة الفول فيها

اذن الطعميه هي فول وحمص تقلى بالزيت الحار وتوضع بالعيش البلدي مع السلطه والطحينه

وتذكرت ايام العم منصور كان يبيع فول قدام العمارة اللي سلكنين فيها هو وعياله تعاملنا معاه من سنة 1980

وكنا ننتظره بالصبح بدري عشان ناخذ منه صحن فول بجنيه ايام ما كان الجنيه جنيه
وذكرتني بشقاوتي في تلك الايام

فأنا بحكم زياراتي لمصر الكثيره اصبح لدي خليط بين الشقاوه المصريه والقلاعه الكويتيه

كنت احسن واحد يطمر المدرسه اللي بجانب شقتنا عشان ابوق ليمون ومانجه

وما ارتاح لين يلحقني حارس العماره وطبعا بحكم كبر سنه ما له امل يحصلني

نسيت طلعت بره الموضوع ودخلت بذكرياتي

الحمد لله باقي امتحانين اسأل الله لي ولأخواني التوفيق والنجاح

واليوم معزومين بشقة فيصل علي خروف يعني لحمه راح ناكل لحمه
ربعة بالشقه مسوين له عشى على عودته بالسلامه ارض مصر ونجاحه هو وقائمته اسأل الله لهم التوفيق في مهمتهم النقابيه وشكرا لكم

[تكانه]

واول مانزلت الزمالك رحت لمطعم الزمالك بيع فول وطعميه
بالخبز البلدي

والفرق بين الطعميه المصريه والفلافل السوريه هي بنسبة الفول والحمص فيها

فإخوانا السوريين يزيدون نسبة الحمص اما اخوانا المصريين يزيدون نسبة الفول فيها

اذن الطعميه هي فول وحمص تقلى بالزيت الحار وتوضع بالعيش البلدي مع السلطه والطحينه




شرح وافي تشكر عليه ويخليني أدق سلف واروح الكناري لزوم التطبيق ..!!

وذكرني هالشرح بالمقطع الشهير لشيرين في مسرحية المتزوجون لما غثها سمير غانم بالفول والطعمية وقالت قولتها المشهورة : ما الفول من الطعمية و الطعمية من الفول ..!!!

وحلوة ذكريات الشقاوة سواء كانت مع البيه البواب أو المشاهير أمثال ( شيرين ) وغيرها..!! :rolleyes:

وبالتوفيق لكم جميعا بالإمتحانات..!!

[نفطي كويتي]

اليوم كان يوم صعب بالنسبه لي


اول شي ما جاني اتصال من الكويت

عشان يفتح شهيتي للأمتحان

وبعدين مطر واجد وزحمه يا دنيا زحمه

ودشيت الامتحان ولقيت النفسيات تعبانه اليوم

وكان الامتحان طويل

جدا يعني ما تنفع لا دراسه ولا مكتبة شات

وبعدين صارت هوشه بين طالب كويتي و والمراقب
مشكلة الكويتي انه شايف نفسه على البشريه وهذي مشكله حقيقيه عويصه صعب استئصالها من الشباب الكويتين
طق شايب كبر ابوه

وقاله كلام ماله اول من تالي انا دافع 30 الف وانت مصري وان وانت وانت

والمصري مسكين خذا زاويه بكل امانه قصر خاطري

الولد متافي وهذا ما فيه حيل

الحمد لله كنا بين الاثنين وحاولنا نفرق

سكرت الحنط استعدادا للسفر كبعا بتقولون بدري بس انا احب اجهز اعراضي بدري
مدري طبيعه فيني احب اخلص

اليوم برد بعد المطر ووصلنا حاله من ازهقه ننطر بكره يطوف علي خير

وبعد نمتحن نرجع بإذن الله

طبعا راح اختفي منكم اكثر من اسبوع

ولحد يقول ليش ولا يلومني

بقعد مع عيالي انسي الدوام والامتحانات لأن متي ما خلصت اجازتي انقطع علاقتي بالعالم الجارجي انقطاعا جزئيا
اتمني ان يكون الاختبار الاخير سهل ونفوسنا تكون حلوه

وابتداء من يوم الخميس تبدأ جحافل ووفود طلبة العلم المغتربين في مصر العوده الي ارض الوطن
ويودعون مطعم فرحات الي الصيف القادم
اسأل الله لي ولهم ولكم التوفيق اللهم اميين

[pic2020]

اليوم كان يوم صعب بالنسبه لي


اول شي ما جاني اتصال من الكويت

عشان يفتح شهيتي للأمتحان

وبعدين مطر واجد وزحمه يا دنيا زحمه

ودشيت الامتحان ولقيت النفسيات تعبانه اليوم

وكان الامتحان طويل

جدا يعني ما تنفع لا دراسه ولا مكتبة شات

وبعدين صارت هوشه بين طالب كويتي و والمراقب
مشكلة الكويتي انه شايف نفسه على البشريه وهذي مشكله حقيقيه عويصه صعب استئصالها من الشباب الكويتين
طق شايب كبر ابوه

وقاله كلام ماله اول من تالي انا دافع 30 الف وانت مصري وان وانت وانت

والمصري مسكين خذا زاويه بكل امانه قصر خاطري

الولد متافي وهذا ما فيه حيل

الحمد لله كنا بين الاثنين وحاولنا نفرق

سكرت الحنط استعدادا للسفر كبعا بتقولون بدري بس انا احب اجهز اعراضي بدري
مدري طبيعه فيني احب اخلص

اليوم برد بعد المطر ووصلنا حاله من ازهقه ننطر بكره يطوف علي خير

وبعد نمتحن نرجع بإذن الله

طبعا راح اختفي منكم اكثر من اسبوع

ولحد يقول ليش ولا يلومني

بقعد مع عيالي انسي الدوام والامتحانات لأن متي ما خلصت اجازتي انقطع علاقتي بالعالم الجارجي انقطاعا جزئيا
اتمني ان يكون الاختبار الاخير سهل ونفوسنا تكون حلوه

وابتداء من يوم الخميس تبدأ جحافل ووفود طلبة العلم المغتربين في مصر العوده الي ارض الوطن
ويودعون مطعم فرحات الي الصيف القادم
اسأل الله لي ولهم ولكم التوفيق اللهم اميين


بالتوفيق ... اخوي نفطي

...

ولاخوانك كلهم

...

وترجع لنا ... سالم


...

تحياتى



:)

[نفطي كويتي]

حبيت اشكر مبارك فويضل الهاجري


علي القلم اللي عطاني اياه

وقال راح يكون سبب نجاحك

بعد توفيق من الله

والحمد لله خمس امتحانات وانا اكتب فيه القلم

اربعه كانوا سهلين نسبيا والاخير صعب يعني اربعه بواحد وباقي امتحان

التوفيق من الله

بس اذا سقطت ما راح اعرف غيرك يامبارك انت وقلمك اللي عطيتني اياه

قلم التألف والمعتدله

انا مالحقت اخذ قلم التجمع العمالي

عشان كل يوم ادش بقلم مره تألف ومره تجمع

واقارن بينهم واللي يكون معاي قلمه ممتاز اصوت له بعد سنتين

تدري عاد يا مبارك ما شريت قلم ومشيت على وصاتك
وبشوف اخرتهامعاك

اليوم كان طويل مليغ دائما عندما يكون الانسان يحسب الدقايق والثواني يطول عليه اليوم

انطر بس انام عشان يجي بكره

وارجع لكم بإذن الله

الله يعينا على دوام الشفتات اللي اصبح جزء لا يتجزأ منا

والسلام عليكم ورحمة الله وبركاته

[بايب رينش]

الله يردك بالسلامه

يا بو حموووووود