المساعد الشخصي الرقمي

مشاهدة النسخة كاملة : طريق المقوع

op2
10-12-2007, 02:21 AM
السلام عليكم جميعا


عندي اقتراح اتمنى لو في احد من المسؤولين يقراه او اعضاء النقابه يطالبون فيه (بالمشمش)


طريق المقوع ليش ما يسمحون لموظفين الشركه يدخلون بسياراتهم الخاصه يمرون من خلاله


لان هالشي بيختصر عليهم على الاقل ربع ساعه


خصوصا للي ساكنين في الديره او محافظه الفروانيه والجهرا


بدال ما نروح للنقطه وننتظر رحمه العسكري الي هناك


ونترجاه وتكفى وهالسوالف

يعني ما فيها شي بما اني موظف في الشركه اني اعبر من هالطريق واروح للاحمدي او العكس بسيارتي


بدال ما ادخل الاحمدي من طريق الملك فهد وزحمه المدارس وموظفين الشركات الي هناك

وبنفس الوقت تخفف الزحمه بالدشه والطلعه


ولا اشرايكم شباب ؟
KOC_747
10-12-2007, 02:35 AM
أخوي كل عام وانتا بخير
وشكرا على طرح الموضوع المهم جدا ، سبق إني كلمت رئيس النقابة مرة عن هالشي
وكان ردة إن الشركة مو موافقة على شان ما تصير زحمة في طرقها الجميلة ، مع إنه العسكر رايحيين رادين على هالطريق
وماله حاجة يمرون فيها كثر الموظف اللي جاي من الجهراء او المنطقة الرابعة او حتى الديرة
بس شنقول غير الله كريم

وشكرا على طرح الموضوع
op2
10-12-2007, 03:37 AM
يعطيك العافيه اخوي وشاكرلك مرورك وتعليقك
فيصل العجمي
10-12-2007, 03:42 AM
بالفعل اخي الكريم هذا الطريق يختصر الكثير من الوقت

ونتمنى من الله عز وجل ان يكون للنقابة وقفة مع هذا المطلب

او على الاقل لو ماتجابوا معاكم يقدم الطلب من مجموعة كبيره من الزملاء علشان يكون له قوه عندهم
KOC FIRE
10-12-2007, 09:42 AM
عــــــــيدكم مبــــــــــــــارك
وتقبـــــــل الله طاعتكـــــم

موضوعك صعب يتنفذ ليش انا اقولكم والسبب :

1_ مرور الجيش الامريكي من الطريق المختصر والأمن عشان مايتعرض لمواجهات ارهابية.
2_ صعب الشركة توافق علي مرور المواظفين ألا بتصريح لسيارة والسبب الاعمال الارهابية لسناتر وغيرها.
3_ اذا تعود العسكري لتدخيل المواضفين راح يدخل كل من مر على النقطة وهذا احنى عارفينه .
مختبرجي
10-12-2007, 12:05 PM
:confused:انا سمعت ممنوع والسبب امني مثل ماتفضل اخوي اللي سابقني بالموضوع
انا اقول ان الخوف مو منه احنا والله الخوف من البنغال والهنود هذول لو تبخهم بملغ وقدره
والله يسوي البلاوي وهذول يدشون بسياييرهم واحنا لا ؟



وكل عام وانتم بألف خير
م.محمد
10-12-2007, 03:57 PM
انشاالله الله يسمع منك
ومو بس حق الناس الي
بيوتهم بالمنطقه العاشره
حتى الي بالديره ينفع
لهم
HUMMER
10-13-2007, 07:49 AM
والله اخوي اقتراحك خووش اقتراح ونتمنى انه يتنفذ
M7MD
10-13-2007, 08:03 AM
لأني ساكن الأحمدي وما راح استفيد من هالطريق أكيد راح أصير ضد هالفكره ويبقى الوضع كما هو وما ودي يسمحون لكم بالمرور من هالطريق ...... (( اتغشمر )) معاكم :) واتمنى لكم كل خير واتمنى من المسئولين التجاوب مع هالاقتراح ويسهلون الامر على اخوانا اللي ساكنين بعيد تراهم يستاهلون .
الولدالذهبى
10-13-2007, 11:46 AM
خووش فكره
وأشمعنى الجيش والشرطه يسمحون لهم
والله شووفهم بالخط سواااقه دايخه ويهااال
وحدهم بايعينها بالطريج
الله يهووون الامووور
:)






وبس
op2
10-13-2007, 12:42 PM
شكرا لكل من علق على الموضوع وشارك بالتصويت


بس حبيت اقول ترى طول الطريق من الاحمدي الى الدائري السابع 13 كيلومتر


يعني منو هالارهابي الي ترك الجيش الامريكي من عريفجان الى العبدلي وما طرا على باله يفجرهم الا بطريق المقوع ؟؟!!!

واقتراحي بسيط اي شخص يحمل تصريح لدخول الحقول وموظف فيها يسمحون له بالمرور من هالطريق

بسيارته الخاصه اختصارا للطريق وللوقت

يعني انا ساكن بالديره واداوم في برقان


عشان هالشي اطلع من بيتنا عشان الحق سياره الشفت قبل الموعد بساعه الا ربع او 40 دقيقه


ولو طوفني العسكري من بيتنا للترانسبورت الطريق يصير ثلث ساعه بس !!!!!!!!

اتوقع كثير بيستفادون من هالشغله
HUMMER
10-14-2007, 07:42 PM
جان زين اخوي الاوبريتور يسوون بالاقتراح هذا هم يوفرون علينا الوقت ومايصير في تاخير
Engineer
10-15-2007, 02:50 PM
بصراحه كأنك قاعد تقرا أفكار الشركة وبحكم طبيعة عملي وبحكم علاقتي مع بعض المسؤولين بالشركة بأن هناك خطه سيعلن عنها لايجاد أربع مداخل ومخارج لمدينة الأحمدي

الأول - من طريق مستشفى العدان ويصل الى الأحمدي مباشرة

الثاني - من طريق الفحيحيل الحالي

الثالث - من طريق السناتر الحالي ( الاحمدي )

الرابع - من طريق المقوع ولكن سيكون هناك طريقة معينه للدخول حتى يتم حماية السناتر أيضا


ولكن أيضا بشاره أخرى بأن موقع ادارة مرور الأحمدي والهجرة سيزال قريبا وسينقل الى جانب مبنى الشركة الرئيسي اللي قبل المحافظه وبذلك أتوقع ستخف الزحمة علينا

شكرا
BG. 1
10-15-2007, 07:52 PM
ماتفرق معاي

من باب أولي السماح للجميع بدخول سياراتهم للمنطقة مثل الجيش وشركات المقاول
op2
10-16-2007, 12:20 AM
اخوي Engineer


يعطيك العافيه على التوضيح


بس بودي اسالك سؤال من متى هالاقتراح موجود ومتى بيتنفذ ؟؟؟


مدخل مستشفى العدان لي 10 سنين اسمع عنه بما اني من سكان الاحمدي سابقا


متى بيتطبق ؟؟ اهني الحجي
منصور المجيبل
10-16-2007, 02:22 AM
اتمني يسمح لموظفين الحقول من جميع الاقسام فقط
عين السيح
10-16-2007, 09:09 PM
السلام عليكم بالنسبه للموضوع


ليش موضوع امني احنا موضفين بالشركه وكويتيين وهذا باب رزقنا وما اعتقد ان اي واحد منا يفكر بهذا التفكير


والسياره دائما تتفتش قبل ماندخل



وغير هذا كل شركات المقاول فيها جميع الجنسيات يدخلون ويطلعون وممنووع على الموظف الاساسي koc
عالي الهمه
10-16-2007, 11:36 PM
السلام عليكم

فعلا مطلب جيد وضروري واذا كان العذر بالامن فكيف يخونون بالكوتيين ويامنون للاجانب والعاملين الكوتيين في السناتر اذا كانوا ناوين على شي ما يحتاج يدخل سيارته


الله يعطيك العافيه
Engineer
10-17-2007, 12:32 AM
Op2

والله أنا كنت في لجنة التنازل عن الأراضي للفتره الماضية وانشاءالله التطبيق سيكون في القريب العاجل نظرا لان الشكرة الأن تسعى لبناء مدينة الاحمدي الجديدة اللي كلكم سمعتم عنها

شكرا
HUMMER
10-17-2007, 09:35 AM
يعطيك العافيه اخوي انجنير على هالمعلومات الطيبه اللي قريناها بس اشرايكم بالاقتراح خلي يفتحون طريق المقوع ويسورن يمين ويسار الشارع ويكون فقط لموظفي شركة نفط الكويت ويحطون جهاز ماسح للهويه عند الدخول تمسح في الهويه تتبطل البوابه وعند الخروج جذي سواء داش الواد او طالع من الدوام وهذا الجهاز يسجل بيانات صاحب الويه على برنت ويبين عند الاخوان منو بالشركة
Ykarim
10-17-2007, 11:38 AM
تمت مطالبة ادارة الشركة عدة مرات بالسماح للموظفين الكويتيين بالدخول الى مناطق الحقول بسياراتهم الخاصه كما هو الحال بالنسبه للعسكريين اللي يدخلون بسياراتهم و كذلك المقاولين مع العلم بان فيهم غير كويتيين ومن جنسيات متعدد و بدون و غيرهم ومع احترامنا للجميع
الا انا ادارت الشركة تقول هذا يتعارض مع الوضع الامني و ادارت المنشآت في حين ان جميع السناتر و المحطات تلقى سيارات المقاول محوطه المكان بدون ما يسببون خطر على المنشئات بس الموظفين اللي يداومون في هالمنشئات هم الخطر!!!!!!!!!
فالمطالبه موجوده لكن ادارة الشركه يمكن تبي تتحكم بدخول الموظفين و خروجهم بحجة الدواعي الامنيه
نتمنى من ادارة الشركه ان يعيدو النظر في الموضوع بجديه اكثر
و يمكن لان الموضوع لا يهمهم لان جميعهم عندهم سيارات و مو حاسيين فينا
Engineer
10-17-2007, 01:52 PM
hummer هذي الفكرة الموجوة أساسا مثل ماقلت وبهالصوره الطريق راح يكون مفتوح للكل أساسا
op2
11-05-2007, 06:43 AM
شكرا لكل من علق على الموضوع وقال رايه
المهندس
11-05-2007, 08:03 AM
اقتراح قديم بس المفروض يطبقونه لانه راح يخفف الزحمه على مدخل الاحمدي - اذا قصدهم عن امنيه يقدرون يحطون شبك من الجانبين الطريق للجيك بوينت ويحطون كامرات سيكيوريتي - ويكون الدخول بس من 7-3 وقت الدوام الرسمي

وسكرا
OVER TIME
11-14-2007, 11:31 PM
للاسف ربعنا صارو نفس عين عذاري يسقون البعيد ويخلون القريب هالعسكر والهنود صارو اهم منا