وين موظفين هالشركة؟ [الأرشيف] - منتدى العاملين بالقطاع النفطي الكويتي

ابوراشد

10-12-2007, 01:45 AM

السلام عليكم
ياجماعة ودي اعرف هالشركة لها موظفين بالكويت ولا لا؟
ومنو مسؤلها وشنو اقسامها ووين يشتغلون موظفينها؟
وفيها نسبة كويتين واجد ولا لا؟

عبدالله العصيمي

10-13-2007, 02:47 AM

هذي شركة كويتية في الخارج ( أعتقد في هولندا أو الدانمارك ) تهتم بشؤون المنتجات النفطية الكويتية خارجياً ( والله أعلم ) ..
ونحن بإنتظار مشاركة أحد من موظفيها معنا في المنتدى ليفيدنا ..

مشكور بو راشد

HUMMER

10-13-2007, 09:08 AM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لاحس ولا خبر
جان زين تعلومنا وين مكتب توظيفهم اللي بالكويت واي معلومه عن الشركه

مشكورين عالموضوع

op2

10-13-2007, 01:59 PM

يمكن مسافرين :)

زين محد يعرف احد من موظفينها

عشان يبلغه عن المنتدى

وهو يسوي دعايه بين ربعه عن هالمنتدى

HUMMER

10-14-2007, 07:56 PM

ودي اعرف بعد شنو نشاط الشركة؟؟

BG. 1

10-16-2007, 01:45 AM

شركة كويتية تهتم بالتسويق وبيع المنتجات ولها عدة مصافي ومحطات بنزين بعدة دول

وهذا رابط الشركة الرسمي

http://www.q8.com/

العجمي

10-16-2007, 04:41 PM

السلام عليكم

الشركة باختصار شديد تقوم بما تقوم به الـ Knpc و Kafco وشوية زيادة بس بالخارج وبالتحديد في أوروبا وفي بعض دول شرق آسيا..كان مكتبها الرئيسي في لندن حتى عام 2000 عندما تم افتتاح مكتبها الجديد في الكويت وبالتحديد في غرفة التجارة ومن ثم بعد انتقال الـ Kpc لمبناها الجديد، انتقل مكتب الـ Kpi الرئيسي الى مبنى الصالحية - الدور الرابع (مداخل 5 الى 7)

موظفيها خليط بين كويتيين وأجانب من جنسيات مختلفه ويرأسهم حاليا عبداللطيف الحوطي حتى انتقاله الى التسويق العالمي في الـkpc وتسليم زمام الأمور في نوفمبر الى الرئيس الجديد حسين اسماعيل

جميع الموظفين الكويتيين لديهم خبر بهذا المنتدى عن طريقي ، لكن ماأعتقد راح نشوف مواضيع كثيرة أو أي مواضيع لأسباب عدة...يمكن يتغير الوضع فيما بعد والأيام بيننا :)

KPI

10-17-2007, 01:07 AM

السلام عليكم

اشكر الأخوان الكرام على سؤالهم عن إخوانهم في الـkpi وأخص الأخوين العجمي و Bg.1 على إضافتهم ومحاولاتهم الرد على بعض استفسارات الأخوان

أحب أضيف على ماتفضلوا به بأن إخوانكم في الـ Kpi معاكم يسرهم ما يسركم والعكس أيضا ولكن النظرة للمشاركات بالمنتديات قد تكون محدودة لعدة أسباب أسهلها عدم معرفة البعض باستخدام الكيبورد العربي :) <انا واحد منهم> وغيرها قد يكون عدم الإيمان بفائدة التحدث عن الأمور الخاصة بالشركة خصوصا عندما لا يتجاوز عددنا الـ 40 موظف وموظفة كويتيين وان شاء الله مع مرور الأيام نشوف مشاركين أكثر وبدور فعال

ختاما أنا في خدمتكم جميعا للرد عن أي تساؤلات بخصوص الـ Kpi وان شاء الله بيكون لي موضوع فيما بعد للحديث عن هذه الشركة بمزيد من التفصيل

وتقبلوا تحياتي

HUMMER

10-17-2007, 08:37 AM

مشكورين جميع الاخوان عالتوضيح وحللت اهلا وسهلا فيكم بعد

Winchester

10-19-2007, 07:53 PM

السلام عليكم

اشكر الأخوان الكرام على سؤالهم عن إخوانهم في الـkpi وأخص الأخوين العجمي و Bg.1 على إضافتهم ومحاولاتهم الرد على بعض استفسارات الأخوان

أحب أضيف على ماتفضلوا به بأن إخوانكم في الـ Kpi معاكم يسرهم ما يسركم والعكس أيضا ولكن النظرة للمشاركات بالمنتديات قد تكون محدودة لعدة أسباب أسهلها عدم معرفة البعض باستخدام الكيبورد العربي :) <انا واحد منهم> وغيرها قد يكون عدم الإيمان بفائدة التحدث عن الأمور الخاصة بالشركة خصوصا عندما لا يتجاوز عددنا الـ 40 موظف وموظفة كويتيين وان شاء الله مع مرور الأيام نشوف مشاركين أكثر وبدور فعال

ختاما أنا في خدمتكم جميعا للرد عن أي تساؤلات بخصوص الـ Kpi وان شاء الله بيكون لي موضوع فيما بعد للحديث عن هذه الشركة بمزيد من التفصيل

وتقبلوا تحياتي

يعطيك العافيه عالتوضيح وماقصرت

المهندس

10-22-2007, 07:57 AM

جم معاشاتكم والبونص السنوي

KPI

10-24-2007, 09:00 AM

الأخ المهندس نفس معاشات الـ Kpc والبونص السنوي على قولتك ، إذا تكرموا وتحننوا وتعطفوا وعطوك اياه بيكون راتب شهر واحد وان شفته سنه غاب عنك خمس إلا اذا كنت من المقربين والمحبوبين المحسوبين فأبشر بالخير بونصات ودرجات وترقيات بالهبل

نفطي كويتي

11-03-2007, 02:13 PM

مشكورين جميع الاخوان عالتوضيح

Element_X

11-05-2007, 12:08 AM

يا جماعه نفس ماقال اخونا العجمي وحبيت ازيد عليه الشركه فيها موظفين اجانب منها البريطانيين والايطاليين وفيها بحدود 60 موظف كويتي هني وفيهم جم واحد كويتي بالتجنيس

hassankoc

11-07-2007, 10:44 AM

ماهي مميزات وعيوب الشركه

جونم جقرم

11-12-2007, 03:31 AM

http://www.q8ow.com/up/uploads/fd5ffa2a81.jpg (http://www.q8ow.com/up/)

نوارة البترول الوطنية

11-13-2007, 12:22 PM

آنا أتمنى إني اشتغل عندهم ، أو في المؤسسة ، الناقلات أو الاستكشافات
و لكن هيهات
الله كريم ، انشاء الله ، الله يكتبلي و أطلع من شركتي و أفتك

Reader

11-16-2007, 12:14 PM

آنا أتمنى إني اشتغل عندهم ، أو في المؤسسة ، الناقلات أو الاستكشافات
و لكن هيهات
الله كريم ، انشاء الله ، الله يكتبلي و أطلع من شركتي و أفتك

والله الحين ما تبين وخصوصا بعد انتقال حسين اسماعيل كرئيس مجلس الأدارة والعضو المنتدب....!!!

رجل امن اول

11-16-2007, 11:06 PM

انزين انا مافهمت يعني اهما يشتغلون خارج الكويت ولا

موجودين اهني؟؟؟

وشكرا لكم

Reader

11-17-2007, 12:03 PM

انزين انا مافهمت يعني اهما يشتغلون خارج الكويت ولا

موجودين اهني؟؟؟

وشكرا لكم

اذا ماني غلطان عندهم مكاتب بالصالحية
لكن المكتب الرئيسي في لندن
واغلب العمليات في اوربا من مصافي تكرير ومحطات Q8 لتعبئة الوقود
وكان عندهم استثمارات كبيرة في جنوب شرق اسيا وخصوصا تايلند
واذا ما خانتني الذاكرة تخارجوا من هالأستثمارات من سنتين
وكان عندهم مشروع مصفاة مع الهند...........بس مادري شنو صار عليه
رايس مجلس الأدارة الجديد هو السيد حسين اسماعيل
خلفا للسيد عبد اللطيف الحوطي
والأخوان يمكن يصححون لنا بعض هالمعلومات او يأكدونها
هذا حد خبري فيهم وبانشطتهم............

رجل امن اول

11-17-2007, 09:33 PM

يعطيك الف عافيه اخوي على المعلومات

بارك الله فيك

بترولية حتى النخاع

11-20-2007, 02:02 PM

جميل جدا .. انك تلقى احد يسأل عنك في هالديرة .. واحنا من الناس اللي نعتبر مغمورين اقصد موظفين الكي بي آي ... بصراحة قطاع كبير من الناس ما يعرفون شي عن هالشركة .. وما ادري هل هذا الشيء تقصير منا احنا كموظفين بهالشركة .. او تقصير من الجهات العليا المختصة بمثل هذي الأمور
على العموم خلنا متفائلين وخلنا نقول يمكن لأنها شركة كان مقرها ومعظم انشطتها خارج الكويت وما استقرت بالكويت الا قبل سنوات قليلة .. وللأسف للآن هي تعتبر من الشركات الغير مسجلة قانونيا كشركة كويتية وحتى الآن تتبع مكتب المملكة المتحدة في جميع انشطتها وتعاملاتها الرسمية

وان شاءلله نكتب المزيد عن هالشركة قريبا واعتقد ان هذا يقع على عاتقنا احنا كموظفين في هذي الشركة

حياكم الله

النفطي

02-25-2008, 07:14 AM

الله يعطيك العافيه يالعجمي وانا مثل حالتك قبل كنت اظن ان الشركه هذي مكاتبها وشغلها بره

وما قصر الاخ بوراشد على الموضوع ...

والشكر كله لأخوي Kpi

تبنى الرد عن موظفين الشركه والاستفسارات عنها

الله يعطيكم الصحه والعافيه ,,,