اذا تاخرت = خصم بالسستم

[brilliant]

السلام عليكم

ياجماعه الي صاير هاليومين قسم شؤون الموضفين شادين حيلهم ويبون يطبقون الخصم الالكتروني

يعني كل دقيقه تاخر عليها يخصمونها عليك

مع العلم انه ياما قعدت الى الساعه 4 ونص ومحد فكر يعطيني زياده دينار

والحين على الدقيقه بيحاسبونا عليها

مالك الا 3 ساعات بالشهر فقط تاخر فيها

[Green Tea]

شكثر يخصمون على الدقيقه ؟
انا الحمدلله خلال شهرين تأخرت بس 4 دقايق يعني بالشهر دقيقتين بس في مشكله ثانيه انا حاسبينلي غياب يومين (عطله العيبد) اللي اهما يوم الثلاثا 18 و يوم الاحد 23
مادري بس انا ولا كلكم نفسي ؟؟ لووول

يعني 16 ساعه تأخير

[brilliant]

مادري ما شييكت على الاوراكل لكن عادي تصير شكثر بس مايخصمون يعدلونها بعدين

[Export_Doc's]

الله يعينكم على هالدوام

[جابر]

الله يعينكم ... الخصم الأوتوماتيكى يلغى صلاحيات المدراء ورؤساء الأقسام .........شلون رضوا فيه ووافقوا عليه ;)

[فيصل العجمي]

دائما نسمع ان نقابة المؤسسة من اقوى النقابات

اعتقد ان هذا وقتها في مثل هذه المشاكل

[Green Tea]

الله يعينكم ... الخصم الأوتوماتيكى يلغى صلاحيات المدراء ورؤساء الأقسام .........شلون رضوا فيه ووافقوا عليه ;)

بس يحقق العدل والمساواه :)

[جابر]

بس يحقق العدل والمساواه :)

إذا كان هذا الهدف .... حنا نشد على أيدهم .... بس ياترى هل من العدل يتطبق على شركه وحده وباقى الشركات لا ، خصوصا إن الدوام واحد والدرجات والمميزات وحده :o

[brilliant]

أنا بالعكس راضي على هالشي بس بشرط يعطونا اوفر تايم على كل دقيقه نتاخر فيها بالدوام لان دوامنا مرات يتطلب منا نقعد ساعه او ساعه ونص بالدوام ولا عليها ولا فلس زياده ,,, واليوم الثاني اذا تاخرت دقيقه يخصمونها عليك

[Green Tea]

أنا بالعكس راضي على هالشي بس بشرط يعطونا اوفر تايم على كل دقيقه نتاخر فيها بالدوام لان دوامنا مرات يتطلب منا نقعد ساعه او ساعه ونص بالدوام ولا عليها ولا فلس زياده ,,, واليوم الثاني اذا تاخرت دقيقه يخصمونها عليك

اي صح هذا ظلم ! انزين يصير الواحد يرفض انه يقعد زياده عن فتره الدوام ؟؟ ولا مو من حقه؟

[Green Tea]

إذا كان هذا الهدف .... حنا نشد على أيدهم .... بس ياترى هل من العدل يتطبق على شركه وحده وباقى الشركات لا ، خصوصا إن الدوام واحد والدرجات والمميزات وحده :o

اممممم يعني بس ينطبق علينا :mad:
يالله ميخالف الفال حق باجي الشركات

[brilliant]

يحقلج بس موحلوه المدير والسينير والكوردينيتر بياخذون فكره مو حلوه عليج وبياثر في التقيم السنوي

[Green Tea]

يحقلج بس موحلوه المدير والسينير والكوردينيتر بياخذون فكره مو حلوه عليج وبياثر في التقيم السنوي
اي بس ولو ، كل وااحد عنده مسؤولياته الخاصه عقب الدوام ومن حقه يطلع بالوقت اللي ينتهي فيه دوامه ، ومسؤوليه البيت اولى من الدوام.

[إعلامية KPC]

هههههههههههههههههههههههههه
فعلا شر البلية ما يضحك
انا مرة دزولي يسألون عن 4 كنت فيها دورة
قلت ما عليه يمكن مو واصل عندهم من التدريب
بس يسألوني عن المرضية الي بالاصل هي من عندهم
ههههههههههههههههههه
هني ضحكت لما قلت بس

[جابر]

اممممم يعني بس ينطبق علينا :mad:
يالله ميخالف الفال حق باجي الشركات

أفا ...الحسد مو زين :D
للعلم ...ركبوا أجهزة البصمه عندنا (فى الخفجى) من أكثر من سنه وصدر القرار بإستخدامها ..لكن نقابتنا وقفتها أو على الأقل جمدت القرار :p

والفال لكم :D

[سالم الخالدي]

ياجماعة أنا من رأيي انه نعم القرار


مدامه مافي اجحاف لنا ولا ظلم فالموظف المطلوب منه يجي على الوقت وينصرف في الوقت المحدد


أو يطبق نظام الساعات بالضبط


يعني تجي 6 الصبح تطلع 2 الظهر

تجي 7 وربع تطلع ثلالث وربع


هذا هو الصح


يعني من رأيي والله أعلم انه هذا فيه نوع من العدل جتى يتم ضبط العمل لأن بعض الوظايف أكو ناس وايد تزرق وناس تتأخر

وناس أصلا ما تدوام

المفروض نبارك للشركة هذا القرار


وننتظر أن يتم تطبيقه في باقي الشركات

[brilliant]

القرار سليم وممتاز

لكن العيب وانا اخوك ان كثير من اقسام الشركه ما يخلصون الساعه 3 غصب عليك تقعد لين يخلص شغلك وبالعاده ما نخلص الا الساعه 4

ولا لك اي اوفر تايم واذا تاخرت ثاني يوم يخصمون عليك


لو اهد شغلي الساعه 3 واطلع اقولهم انا ملتزم بـ 8 ساعات فقط محد راح يردك لكن بيتاثر في تقييمك السنوي

[بترولي2000]

زين والله :)
صح النوم يإدارة ...

خنشوف الأوتوماتيك ...يطوف كالعادة حق بعض الناس ولا ...لأ :)

خلاص من يوم ورايح ..من تدق الساعة 3..بسكر كل شى و أمشى ..لو هو تلفون بسكره بويه إلى داق ..مو كفو الواحد يعطى من نفسه