حظر دخول الهواتف ذات الكاميرات في مناطق عمليات شركة نفط الكويت !!

[dehen_3ood]

http://www.q8ow.com/up/uploads/52fc08c7be.gif (http://www.q8ow.com/up/)


طبعاً كل الموظفين إللي يداومون بالعمليات شافوا أو اسمعوا بالتملطش إللي ساعات يصير
عند نقطة التفتيش الـ Check Point على التلفونات !!
وصارت مواقف ومشادات كثيرة بين الموظفين بنات وشباب مع أمن المنشآت بهالخصوص !!
بس الظاهر إنها بتفرج وبدال التلفون بندخل تلفونين .. قولوا إن شاء الله :D
اقروا الكتاب المرسل من وزير الكهرباء والماء ووزير النفط بالوكالة المهندس محمد العليم
والموجه إلى معالي الشيخ جابر المبارك الحمد الصباح النائب الأول لرئيس مجلس الوزراء
ووزير الداخلية ووزير الدفاع بخصوص الموضوع أعلاه

والله ولي التوفيق

الكتاب موجود هنــــــــــــــــا (http://www.4shared.com/file/26164759/ba955b04/MEMO_001.html) :)

[BG. 1]

مشكورة علي إثارة الموضوع

بس صحيح ناس متخلفه إداره الشركة وبعيدة عن لتكنولوجيا

عدة مواقع بالنت تنقل لك الصور وتصويرها أوضح من كامرة الموبايل

لا والمشكلة جميع العاملين بالجيش
يمرون علي السناتر وخاصة برقان ومقوع ومعهم موبايلات بالكامرة ولا أحد يكلمهم من أمن المنشأت

[dehen_3ood]

أمن المنشآت بس يتشيحطون على البنات إلا نزلي إلا عطيني جنطتج !!
والله في منهم ما يستحوون على ويهم الصراحة ويتعمدون بهالحركات
بس أفضل شي في هالحالة الحقران ولا تلاسنه البنت

ومشكور على مرورك الكريم يا بي جي

[BG. 1]

وإنتي صاجه

الحقران

يقطع

المصران

[الولدالذهبى]

والله الكلام هذا صحيح
المشكله ليما يفتش العسكرى
ويقولك ممنوع الموبايل بو كاميرا
يكون اهو بجيبه موبايل بو كامرا
وين التطور والتكنولوجيا
مالت ع الباميه
:)






وبس

[سالم الخالدي]

بس صراحة الكتاب مال العليم عجبني


هذا ان دل يدل انه انسان متفهم بطبيعة عمل هالمساكين اللي بين الصحاري تبيد فيها البيد


على العمومة مشكورة دهن عود على الموضوع

[op2]

يعطيج العافيه على هالموضوع


صراحه اكثر من مره تصير مشاكل بينا وبين اداره المنشئات بخصوص هالشي


ماادري ليش احيانا فئه منهم تحس وانت تكلمه انه حاقد عليك


كانه حاسدك على وظيفتك او دوامك ماتدري شنو قصتهم


واحيانا تمرهم قاعدين الربع ومن بعيد يقولك طوف ولا الهندي يبطلك البوابه


واحيانا يمصخونها ويقول انزلو ولو عاندته قال طلعو تلفوناتكم


يحسسك كانك مار على نقطه سيطره عراقيه


يعني هم ما يدرون ان عن طريق النت وجوجيل ايرث اقدر اشوف كل المواقع وكل المناطق المحظوره



زين طلع منه شي العليم وحسينا انه في عندنا وزير

[مختبرجي]

انا ما الوم امن المنشآت لان ادارة شركة نفط الكويت اهي الي افتحت لهم الباب
ومنعت الجوال بوكاميره .
انا سمعت ان السبب الرئيسي لمنع الكاميره اهو عباره عن اقتراح احد المسؤولين عشان ياخد عليه بونص وانسنتيف
وآوتستاندينق :D
بس والله ماله معني المنع . التليفونات كل مالها وتتطور اكثر وهذول يبون نشتري تليفونات قديمه :(

[م.محمد]

انشاالله كلامك يكون صحيح
واهما نفسهم المنشآت
تلفوناتهم بوكاميرا

ومشكور يا الغالي
على ها الموضوع

[dehen_3ood]

ولا احنا البنات نحط التلفونات ابمخابينا وإذا يبي يفصفص بالسيارة ولا الجنطة
عنده اليوم كله كيفه وعلى قولة أهل الامارات برايه .. حد شريكه (بالمصري) :D
بس إن شاء الله تنحل على هالسالفه بسرعة لأنها مصخت !!

ومشكورين اخواني على هالتواصل الحلو والردود الجميلة

[HUMMER]

يعطيج العافيه اختي دهن عود على اثارة هالموضوع ..وانتي صاجه انا اكثر من مره صارلتلي مشكله مه هذيل امن المنشات ويقولون ان اخر السنه بيمسكون جماعه الامن والسلامه مكانهم ان شاء الله

بس اذا بيطبقون القانون والتشييك عالتليفونات عالاقل احنا كويتيين خلي يطبقونه على الماقاول والهنود والبغاليه لان هذيل ذمتهم بربع

[جونم جقرم]

الحمدالله فرجت انا عندي لو ياخذوون الجهااز مافي مشكلة بس اهم شي الميمووري لايااخذوونه في معلومات سريه (((((((((:

[dehen_3ood]

إن شاء الله يتم استبدال أمن المنشآت بالـ Security Officer ونرتاح :)

[BG. 1]

إن شاء الله يتم استبدال أمن المنشآت بالـ Security Officer ونرتاح :)

سيارات وبيوت وتبون يهدون المنشأت

الظباط معيدين بالمنشأت

[الكويت]

ههههههههههههههههههههههههههههه كل المواقف الي قلتيها مريت فيها وبصراحه وصلت اللعانه في واحد من العسكريين ( احنا البنات مسمينه سنفور غضبان ) تلقونه قاعد مكانه بس يشوف سيارة البنات يفز من مكانه وتخيلو مره قال لنا يا تقطون التلفونات الحين وتدخلون او ترجعونها البيت وتردون @@ حسباله بيوتنا بالفريج الثاني .

بس الحين الحمدلله صار لنا فتره ما نشوفه الظاهر نقلوه والوضع حاليا مستتب :) هههههههههههه

وعلى قولت اخونا بي جي الحين في مواقع يشوفون كل شي واهما مكانهم مو ناطرين كاميراتنا يا حظي

[dehen_3ood]

ههههههههههههههههههههههههههههه كل المواقف الي قلتيها مريت فيها وبصراحه وصلت اللعانه في واحد من العسكريين ( احنا البنات مسمينه سنفور غضبان ) تلقونه قاعد مكانه بس يشوف سيارة البنات يفز من مكانه وتخيلو مره قال لنا يا تقطون التلفونات الحين وتدخلون او ترجعونها البيت وتردون @@ حسباله بيوتنا بالفريج الثاني .

بس الحين الحمدلله صار لنا فتره ما نشوفه الظاهر نقلوه والوضع حاليا مستتب :) هههههههههههه

وعلى قولت اخونا بي جي الحين في مواقع يشوفون كل شي واهما مكانهم مو ناطرين كاميراتنا يا حظي

هههههه جنه مار علي سنفور غضبان :rolleyes:
قصير ومدحدح ;)
يقولج الشفت بكبره تبدل وقلعوهم بقلعة وادرين
لأن اسلوبه ناشف وما يعرف يتعامل مع الجنس اللطيف
والحمدالله والشكر الظاهر فيه بلا عفانا الله وإياكم :)

[الكويت]

هههههههههههههههههههههههههههههههههههههههههه

عليج نور قصير ومدحدح لا يكون بس انتي الي معاي بالسياره ههههههههههههههههههه

[بوعبدالعزيز.كوم]

إنزين واللي تلفونه في كاميرتين شسوي :)

قمة التخلف واللي يبي يصور المنشآت مع وجود هالتكنولوجيا في ستين الف جهاز وجهاز غير التلفونات وبدرجة وضوح رهيبة

الله يعينهم على روحهم

[dehen_3ood]

إي والله .. الله يعينهم على روحهم !! :)

يسلمووو على الطلة يا بوحنونه

[frfosha]

مشكوره يا اخت دهن عود على اطراء هالموضوع ، وتبين الصج أمن المنشآت ترى لا عندهم سالفه ولا عايده تخيلي حتى سي دي ما تقدرين تدخلينه داخل المصفاة يعني شنو هالتفكير والتلفون ما تدخلونه الا بتصريح وبوكامره با يدش حتى لو بتصريح يعني من صجهم ترى بالمواقع وبالتفصيل محطوط بموقع الشركه بس شتقولين شتحجين في مثل عندنا بالكويتي يقول اللي ما عنده مشغله ------------------------- محضور هالمثل اشويه

[بوعبدالعزيز.كوم]

إي والله .. الله يعينهم على روحهم !! :)

يسلمووو على الطلة يا بوحنونه

الله يسلمج يالغالية

[eagelkwt]

شكرا الاخت دهن عود
بخصوص الكتاب لا نسطيع ان نفتح بالضغط على كلمة هنا يعطينا error

أما بخصوص التلفونات الجماعة يعتقدون انا ما عندنا شغل وان كثير من عملنا يطلب تلفون وخصوصا في مواقعنا الخارجية التي نعمل بها

وللاسف الشديد يعتقد بعض الاخوان في امن المنشأت انه ملك زمانه حتى السلام ما يرد عليك
ودايما قاعد على الكرسي وياشر براسه يعني إدخل. ولو شاف الضابط صار عنتر

مع الشكر
Eagelkwt

[Winchester]

شكرا الاخت دهن عود
بخصوص الكتاب لا نسطيع ان نفتح بالضغط على كلمة هنا يعطينا error أما بخصوص التلفونات الجماعة يعتقدون انا ما عندنا شغل وان كثير من عملنا يطلب تلفون وخصوصا في مواقعنا الخارجية التي نعمل بها

وللاسف الشديد يعتقد بعض الاخوان في امن المنشأت انه ملك زمانه حتى السلام ما يرد عليك
ودايما قاعد على الكرسي وياشر براسه يعني إدخل. ولو شاف الضابط صار عنتر

مع الشكر
Eagelkwt


انا شغال معاي 100 %

[dehen_3ood]

شكرا الاخت دهن عود
بخصوص الكتاب لا نسطيع ان نفتح بالضغط على كلمة هنا يعطينا error

أما بخصوص التلفونات الجماعة يعتقدون انا ما عندنا شغل وان كثير من عملنا يطلب تلفون وخصوصا في مواقعنا الخارجية التي نعمل بها

وللاسف الشديد يعتقد بعض الاخوان في امن المنشأت انه ملك زمانه حتى السلام ما يرد عليك
ودايما قاعد على الكرسي وياشر براسه يعني إدخل. ولو شاف الضابط صار عنتر

مع الشكر
Eagelkwt

بخصوص الكتاب إذا انت بالدوام يمكن ما تقدر تشوفه لأن الرابط يدخلك على رابط ثاني ويمكن يكون بلوك !!
وبالبيت تقدر تشوفه عادي

ومثل ما تفضلت اخوي الكريم أمن المنشآت يتفرعنون علينا
بس ربك ما ينسى عباده فوق الكل سبحانه

أشكرك على هالطلة الكريمة

[kuwaiti]

السلام عليكم

اعزائى الزملاء

المشكله تدرون فى شنو انه احنا محنا عارفين قوانين الشركه ولا شنو اللى لنا ولا علينا

والشركه طبعا اى شى ضد موظفينها توافق عليه ولا حتى توقف معاه

وانا ترا ماكون ظالم لو قلت حتى النقابه صارلها الحين سنين الكل يدور مصلحته

شوفو حبايبي اذا مافيى قوانين مكتوبه ماراح يفيدنا شى

[dehen_3ood]

تفضلوا الكتاب !!

http://www.q8ow.com/up/uploads/82dd41ec0b.jpg (http://www.q8ow.com/up/)

[مواق]

على حسب علمي ان السبب الرئيسي لمنع التلفونات هو الخطر الذي قد يسبب في اندلاع حريق اثر تسرب غازات في موقع العمل..
وهو من المحظورات مثل الولاعات والكباريت والاشياءالتي من المحتمل ان تسبب مخاطر في مواقع العمل .

[WOLF]

انا ما الوم امن المنشآت لان ادارة شركة نفط الكويت اهي الي افتحت لهم الباب
ومنعت الجوال بوكاميره .
انا سمعت ان السبب الرئيسي لمنع الكاميره اهو عباره عن اقتراح احد المسؤولين عشان ياخد عليه بونص وانسنتيف
وآوتستاندينق :D
بس والله ماله معني المنع . التليفونات كل مالها وتتطور اكثر وهذول يبون نشتري تليفونات قديمه :(

عدل يامختبرجي ....... كلامك عين العقل :)

[Wes@m]

مشكوور على النقل

[المشاكس]

سبب منع التيلفون إدارة الشركة أهي ألي طلبت من أمن المنشآة هالشي وهذا قاله لنا ضابط عندهم

والسبب ... كان في حادث على طريق المناقيش على ما أضن وكان واحد من المطافي لابس نعال ومولابس سيفتي ومصوره واحد وناشره بالنت مال الشركة ومن بعدها نزل المنع

[المهندس]

المشكله الحين قاعدين يوزعون هويات حق اللي مسموح لهم التصوير هنود ومصاروه طبعا غير الكويتيين - يعني شدعوه ثقه هذولا وعلى فكره كل تيم فيه كامره ديجيتال - اخذها وروح صور على كيفيك ماكو ضوابط- ترا لو يشوف الكامره يطوفك عادي بس الموبايل لا- اصلن الحين ما قامو يبيعون تلفونات بدون كامره

وشكرا شكيرا

[skipper]

اوكي واللي يداوم بالبحر اكيد يحتاج التلفون
وفوق كل هذا مانعينا
ولا ندخل التلفون تزريق والله عيب
يبا ماناخذ تلفونات بوكاميرا شدعوه اللحين صارت السالفه جيمس بوند
روح حق برنامج قوقل ايرث وطلعلك احلى صوره بالاقمار الصناعيه وشرط مع الاحادثيه
والله مشكله مشكله