دمج قطاعات المؤسسة

[الكبير]

هذه الأيام يتداول بعض الموظفين في المؤسسة معلومات لخطة دمج قطاعات المؤسسة على النحو التالي :
قطاع الشؤن الإدارية + قطاع التدريب + قطاع المالية يصبحون تحت رئاسة عضو منتدب واحد
قطاع التخطيط تحت عضو منتدب واحد
قطاع التسويق تحت عضو منتدب واحد

فهل هذه المعلومه صحيحه وإن كانت صحيحه فهل يعقل ثلاثة قطاعات كبيرة كالمالية والتدريب والشؤن الإدارية يصبحون تحت عضو منتدب واحد وقطاع صغير كالتخطيط يصبح له عضو منتدب واحد . إن صح هذا الخبر فإن ذلك الظلم بعينه ؟!!

ارجو لمن لديه معلومات الرد والمشاركة

تقبلوا تحيات أخوكم // الكبير

[أبو طلال]

حياك الله أخوي الكبير ...

أول مره أسمع هذا الكلام ... و فعلا غير منطقي ...

و ما سمعناه هو تفكير لدمج شركات ذات طبيعه متقاربه

و ليس دمج قطاعات ...

[ولد أل KPC]

مو منطق التخطيط شعندهم عشان يصيرون قطاع بروحهم !!!

التخطيط مع الماليه في قطاع واحد هذا الوضع الحالي وإذا يبون يفصلون القطاعين عن بعض الأولى إن يكون قطاع المالية هو قطاع بروحه وقطاع التخطيط يشوفون له قطاع يحطونه وياه .ليش كل المؤسسات والشركات العملاقة في الدول المتقدمة يكون قطاع الماليه مستقل ولديه مسؤل يرأسه أما إنه يكون قطاع التدريب والمالية والإدارية قطاع واحد تحت عضو منتدب واحد مستحيل وأتوقع هذه إشاعات والرئيس التنفيذي الجديد السيد /سعد الشويب شخص حكيم ولديه خبرة كبيرة في القطاع النفطي ويدرك بأن من الخطأ الجمع بين تلك القطاعات
كما ذكرت أنا أتوقع بأن تلك مجرد إشاعات ذكرت في إحدى الصحف اليوميه
وشكرا

[الرويشد]

هذا كلام صحيح و راح تندمج الشركات بعد بس حاطين لجنه عشان يدرسون الوضع راح يصير بس تقريبا 3 او 4 شركات او 2 بس التفاصبل لا علم لدي بس وسالفه ترى مدوله هذا الخبر من مسول كبير في الموسسه وثقه

[AGRP]

اخوي الرويشد شوي وتقول الخبر جايبه من (( دوانيه عروقها بالماي )) ههههههههههه

ياجماعه بهالمواضيع الحساسه تكثر الاشاعات والاقاويل

والزمن كفيل بابراز الحقيقه



نــــــــلــــــــــتــــقــي لـــــــنــــرتــــــــقـــي

[الرويشد]

اخوي الرويشد شوي وتقول الخبر جايبه من (( دوانيه عروقها بالماي )) ههههههههههه

ياجماعه بهالمواضيع الحساسه تكثر الاشاعات والاقاويل

والزمن كفيل بابراز الحقيقه



نــــــــلــــــــــتــــقــي لـــــــنــــرتــــــــقـــي
اي عروقها بالماي يبا السالفه ان قاعدين يقللون من المسولينين الكبار عشان يوفرون جم دينار من رواتبهم والبونص والمكافاة بس للحين ترى السالفة تحت الدراسه ترى انا نوعي اجيب الخبر صح اهم شي المصداقيه بالخبار

[BIG MANAGER]

صعبه ياجماعه يصير قطاع الماليه والتدريب والشؤون الإدارية بالمؤسسة قطاع واحد تحت عضو منتدب واحد قمة المهزلة يعني إذا كان العضو المنتدب اللي راح يصير على هذا القطاع ذمته وسيعه يعني البوق سهالات هو يبوق وهو يغطي على نفسه
عشان هيييييييييك مستحيل يصير هذا الشي وبعدين سعد الشويب رجل جاي ينظف ويصلح وما اتوقع يصير هالشي في عهده

[راعيها]

يدمجون ولا ما يدمجون المهم معاشاتنا ماشيه والباقي مالنا شغل فيه :)

[الكبير]

شكرا للجميع على المرور والمشاركة

[KPC]

دمج شركات ودمج قطاعات في المؤسسة ؟!!!

شفيهم على سياسة الدمج هذا سؤال يطرح نفسه ؟!!

وبعد فترة يجي وزير جديد او رئيس تنفيذي جديد ويقول فصل القطاعات والشركات وما خلصنا

[ابوراشد]

الظاهر السالفه فيها تنفيع

[قطعة 6]

لو يحطون كل القطاعات في المؤسسة تحت عضو واحد أحسن ويصير مسؤوله الرئيس التنفيذي

يعني رئيس تنفيذي يرأس رئيس تنفيذي :)

شاكرين لكم حسن تعاونكم

[شارع 607]

شكرا ياخوي قطعة 6
بس الظاهر هذا الكلام راح يسوونه لتنفيع ناس معينين

[قطعة 6]

حبيبي شارع 607

تنفيع شخص واحد بعد جبدي مو ناس معينيين;)

[شارع 607]

الظاهر الشخص وراه ظهر كبير ما يقدرون عليه ويبون يقسمون المؤسسة علشانه

[قطعة 6]

والله الظاهر كلامك سحيح مية بالمية

تدري خبر اليوم بفلوس باشر ببلاش

إلا ما قلت لي شخبار جادة 5 تشوفه:p

[عقلاني]

كل شي جايز بس المنطق يقول ماراح يتم تعيين رؤساء الشركات النفطية والأعضاء المنتدبين في المؤسسة إلابعد تعيين وزيرللنفط بالأصالة

هذا اللي انا اتوقعه دام وزير النفط الحالي بالوكالة ما اتوقع يصير شي بهذا الخصوص

[Future man]

انا اتوقع هذه مجرد إشاعات

إحنا بالكويت ونفس هذه الفترات تكثر الإشاعات :eek:

[العجمي]

اسعد الله أوقاتكم

دمج شركات القطاع النفطي راح يصير ياجماعة على غرار الشركات العالمية اللي احنا قاعدين نحاول نقايش معاهم (طبعا الفرق ان عندهم ماكو واسطات، والمدير اللي ما يقدم شي يطلعونه مو يرقونه!!) ، والدمج راج يكون بدمج الشركات ذات التخصص المشابه الى قطاعات منها على سبيل المثال قطاع الـ Upstream وتحته شركة الـ KOC و الـ KUFPEC وخلافه ، ثم قطاع الـ Downstream وتحته شركة الـ KNPC و الـ KPI ومن شابهها وأعتقد لازم يكون فيه قطاع للدراسات والبحوث وقطاع للخدمات لكن ماظن ربعنا فيهم شدة يدفعون القطاع النفطي الى أعلى المراتب ولو ان الإمكانيات موجودة والكفاءات على أفا من يشيل...وهذي هي الفكره وطبعا فوقهم كلهم شركة الـ KPC والهدف ان يتم تطبيقه في فترة 3 السنوات القادمة

[نقابي]

والله كل شي جايز

[HUMMER]

مشكور اخوي الكبير على الموضوع

[Shoomy]

والله ياجماعه انا اللي اعرفه الدمج مو للقطاعات اللي اعرفه نفس الوضع اللي الحين شلون ال Kpc اهي المؤسسه الأم؟؟ واحنا كلنا ضمن نطاقها ... نفس الشي بس اللي بيختلف ان ماكو شركات ضمنها يعني يمكن تصير بس ال Kpc بروحها وكل الشركات الباجي ظاهريا" مالها وجود بس احنا موجودين ... ادري مافهمتوني اللي اقصده ان بعدين ماكو Koc ولا Knpc ولا... الخ لا كلنا نصير شركه وحده ومايندرا اذا بيتغير الاسم ولا لااا
هذا اللي اعرفه

)

[Phox]

[


شتقولين انتى ؟؟؟ قريت كلامج 13 مره مو راضى اربط واستوعب .. بابا انتى مو منزل انتى فيلا :)

المؤسسة راح تتم الام وتحتها بدل ما يكون 11 شركه راح تصير شركتين ... وحده تنقب وتستكشف وتنتج واتصدر ... والثانيه تكرر وتصنع .. والشركة الام تبيع وبس !!

انتى يبيلج مترجم ... مره ثانيه تنحنحي اذا دشيتى عشان اركز

[Shoomy]

شتقولين انتى ؟؟؟ قريت كلامج 13 مره مو راضى اربط واستوعب .. بابا انتى مو منزل انتى فيلا :)

المؤسسة راح تتم الام وتحتها بدل ما يكون 11 شركه راح تصير شركتين ... وحده تنقب وتستكشف وتنتج واتصدر ... والثانيه تكرر وتصنع .. والشركة الام تبيع وبس !!

انتى يبيلج مترجم ... مره ثانيه تنحنحي اذا دشيتى عشان اركز



احم احم

انا هني :D

انا كلامي مفهوم بس اتكلم بسرعه عشان جذي مافهمت شي ... او انك تقرا بسرعه فمافهمت عليي

كاااااااااااااااااااااااك بالحالتين انت اللي مافهمت:D

[بنت كوفبك]

اذا صار دمج في المؤسسات راح يصير فوضى احنا مومتعودين عليها كل مال داعي

[العضو المنتدب]

اسعد الله أوقاتكم

دمج شركات القطاع النفطي راح يصير ياجماعة على غرار الشركات العالمية اللي احنا قاعدين نحاول نقايش معاهم (طبعا الفرق ان عندهم ماكو واسطات، والمدير اللي ما يقدم شي يطلعونه مو يرقونه!!) ، والدمج راج يكون بدمج الشركات ذات التخصص المشابه الى قطاعات منها على سبيل المثال قطاع الـ Upstream وتحته شركة الـ KOC و الـ KUFPEC وخلافه ، ثم قطاع الـ Downstream وتحته شركة الـ KNPC و الـ KPI ومن شابهها وأعتقد لازم يكون فيه قطاع للدراسات والبحوث وقطاع للخدمات لكن ماظن ربعنا فيهم شدة يدفعون القطاع النفطي الى أعلى المراتب ولو ان الإمكانيات موجودة والكفاءات على أفا من يشيل...وهذي هي الفكره وطبعا فوقهم كلهم شركة الـ KPC والهدف ان يتم تطبيقه في فترة 3 السنوات القادمة

كلام أخوي العجمي صحيح ، وهذا ما يحدث حاليا في عالم الشركات وإدارة الأعمال وخاصة إن أهم عنصر يساعد على ذلك التطور الرهيب الذي حصل في تقنية المعلومات والتكنولوجيا التي ساهمت في سهولة دمج القطاعات لوجود الأدوات والطرق والمناهج الحديثة التي تساعد على ذلك بكل سهولة
ولا تفكرون إنها شيء صعب ، شركات اندمجت مع بعض فما بالكم في أقسام أو دوائر فالأمر أسهل بكثير