غلاء مواد البنـــيان واسعار المنازل

[النك تحت الصيانه]

اسلام عليكم ورحمة الله وبركاتة الغلااء الفاحش بسعر الحديد والاسمنت والى الـــــــــــــــــخ يعني اسبيعن الف تحط فوقهااا سبيعن علشان تبني اسعار خيالية وغير طبيعيه حاليا تقريب سعر الطن الحديد200دينار وقبل سنتين 100 دبل يعني والاسمنت بعد وغيرهااا من الامووور واسعار البيوت ياجماعة وصلت250الف و300الف ديناار انا شاري بيت مو عمارة شنوا البيت 300الف شاري بيت مطلي من ذهب ولا شنو >>الله لايحرمناا من ردودكم

[ABDULLAH]

زيادة مفتعلة جدا من التجار ، اللي بنى سنة 2000 كان كيس الأسمنت ب 650 فلس و 750 يتراوح بين هالأسعار و الحديد القطري كان ب 80 دينار للطن ن الحين الأسمنت ب دينار و ربع او نص ، و الحديد الردي ب 120 للطن و اسعار الطابوق زادت و العمالة زادت اسعارها و السبب الثاني الظاهر ، كثرة العمران و المناطق السكنية تحت الإنشاء في الكويت و إعادة الإعمار في العراق من بعد 2003
كل هذا خلا الارقام تصير خيالية فوق فوق و الله المستعان

[النك تحت الصيانه]

اظاهر مافيه احد يبني بيت الاايام هذي

[ABDULLAH]

اظاهر مافيه احد يبني بيت الاايام هذي

الله يعينك أخوي محد تجاوب مع الموضوع
أقول شرايك نبيع هالجم طابوقة و جيس اسميت نسوي أكشاك حق الشرطة عند الإشارات

:d

[Winchester]

الله يعينهم صراحة اللي يبنون

غلاء فاحش غير معقول

[النك تحت الصيانه]

اي والله ياخواني غلاء فاحش وكارثة الله يعين

[ali_85]

والله انا من اللحين احاتي شلون راح ابني بيت المستقبل

[النك تحت الصيانه]

ali-85 الله يعين ربك يفرجهااااا بس لاتضايق مدام بنك الوطني موجود

[ABDULLAH]

ali-85 الله يعين ربك يفرجهااااا بس لاتضايق مدام بنك الوطني موجود


نصيحة صادقة من أخو ، حاول تجمع لك بيزتين و وخر عن البنوك ، اسألني عن الفوائد المركبة و الهموم المركبة

[النك تحت الصيانه]

اشكر مرورك اخوي عبدالله ولا توصي حريص وتقبل تحياتي

[نشيط]

اي ماادري لي ويين بنووصل مع هالارتفاااع الحيين بالتفق الوااحد يشتري بييييت

[النك تحت الصيانه]

نشيط هههههههههه الله كريم واشكرك على مرورك تقبل تحياتي

[SOS_KW]

عزيزي النك تحت الصيانه ويقولون

لا اسقاط للقروض ... نعم لارتفاع الأسعار

لا لزيادة الرواتب ... نعم لارتفاع الأسعار

يشد حيلة الواحد في مجلس الأمة ويحارب ويصارخ لا لاسقاط القروض ... ويتردد في مطالبة اقرار الزيادة او الكوادر

بس حق ربعهم التجار ما حد يتكلم ... التجار هني لاعبين فينا لعب .. بالله عليك دلني على بضاعة والا عقار ما زادت أسعاره .. شكلها موضة ومطبقينها على هالمواطن .. حتى على قرض وأرض حاسدينا يا عزيزي

--------------------------------------------------------------------------------

ملف العقار : في التقرير الشهري لأسواق العقار الخليجية

الكويـــــــــــــــــــــــــت:
تعاني الكويت مشكلة الارتفاع في أسعار العقارات في جميع مناطقها والعرض أقل بكثير من المطلوب نتيجة ندرة الأراضي المسموح فيها بالبناء. وتنفرد الكويت بأنها الدولة الوحيدة التي لا توجد فيها منطقة ارخص نسبيا من منطقة أخرى بل تعتبر كل مناطقها مرتفعة الأسعار بطريقة غير طبيعية في حين تتحكم عوامل كثيرة في بعض الدول في أسعار العقارات مثل عوامل السياحة والمناظر الطبيعية وغيرها. وتعتبر مشكلة ارتفاع الأسعار في الكويت عائقا كبيرا في طريق التنمية الاقتصادية لا سيما مع تزايد أعداد السكان في الكويت سواء كانوا مواطنين أو وافدين، وتسبب مشكلة ارتفاع الأسعار خروج المستثمر المحلي إلى الأسواق العقارية الخارجية وعدم التفكير في السوق العقاري الكويتي نتيجة لوجود امتداد عمراني أدى إلى ارتفاع أسعار مواد البناء مما يعني أن المستثمر يواجه حاليا مشكلة عند تفكيرة دخول العقار الكويتي حيث أن سعر الأرض مرتفع وأيضا تكاليف مواد البناء.

[النك تحت الصيانه]

SOS-KW صحيح هذا الي صاير بديرة وفوق كل مايملكونه التجار من افلوس يبون بعد

[تايتنك]

لو يعطون كل واحد كويتي اول مايتزوج السبعين الف وية قطعت ارض يدبر حالة وايد ابرك

[النك تحت الصيانه]

صحيح اخوي تايتنك لكن الله المستعان واشكرك على مرورك

[feed gas]

اتق الله اخوى
نك تحت الصيانه (ali-85 الله يعين ربك يفرجهااااا بس لاتضايق مدام بنك الوطني موجود)

البنوك الربويه لالالالالالالالالا تنصح احد فيها ولا تراك بتشيل اثم نصيختك الله يهدى الجميع