مشاهدة النسخة كاملة : الدراسة في الخارج
operation
10-09-2007, 07:55 PM
السلام عليكم
الصراحة مواضيعكم كلها مهمة و مفيدة والمشاكل الي طرحتوها تره كلنا مارين عليها بس ساكتين لانه مافي احد يسمعنا :)
انا ودي اطرح موضوع الدراسة في الخارج انا موظف op-2 في قسم الانتاج و عندي شهادة دبلوم و اطمح اني اكمل الهندسة ابي أي احد من الاخوان يفيدني ليش الشركة ما ادزنا في الخارج للدراسة؟؟؟؟
مااعتقد الشركة ماتقدر تتحمل التكاليف الدراسة مثل الوزارات الاخرى ا و الموظفين الجدد الي يايبيلهم دكاترا من كندا و درسوهم لمدة سنتين الي كلفتهم آلاف الدنانير بدون أي فايده و اتحدى أي واحد يقول انه استفاد من الدورة , يعني هذي الآلاف الي هدرت بدون أي فايده ليش مادزونا ندرس فيها في الخارج وله شرايكم ياجماعة؟
...وشكرا:):)
BG. 1
10-09-2007, 08:00 PM
من الاخوان يفيدني ليش الشركة ما ادزنا في الخارج للدراسة؟؟؟؟
الشركة ترسل موظفين للدراسة علي نفقتها ولها شروط وأهم شيء معاها فتامين واو
والشباب ماشاء الله عليهم كثير منهم بدائرة الإنتاج يدرسون علي حسابهم في جامعات داخل وخارج الكويت
عسي الله يوفقهم
مختبرجي
10-09-2007, 11:18 PM
اولا الشركه تدز اذا يبت بالتوفل درجه عاليه واعتقد انها 550 وهذي الدرجه تعجيزيه تقدر تقول
واذا انت تقدر تييب هالدرجه تقدر تدرس بالخارج على حساب الشركه.
وبالنسبه للي يبون يدرسون الهندسه في ناس راحوا اسكندريه وفي ناس بيروحون التشيك وفي بالهند بعد
بالنسبه للي راحوا درسوا في الاسكندريه تقريبا تكلف الدراسه مع السكن وكل شي مابين 2500 الى 3000 دينار
والله يوفقكم ان شاء الله
mohammed
10-10-2007, 12:10 AM
الي انا اعرفه انا حاجت الشركه للمهندسيين معدوده جدا يعني اتشوف في السنه او السنتين يقبلون فقط مهندس او اثنين على حسب القسم
هم يبون شهادات الدبلوم اكثر الانهم يبون ابريشن اكثر من اداريين
والله اعلم
وطبعا بخصوص الدراسه الخارجيه طلباتهم اعجازيه لانا ما يبون مهندسيين كثار
والله اعلم
:)
اول شي اخوي يعطيك العافيه على الموضوع الحلو
بس تعتقد كم شخص في قسمك بس شهادته دبلوم ؟؟
وفي غيرك دبلوم هندسه بترول يعني شهادته من صميم التخصص ومع ذلك ما دزتهم الشركه
لانهم مو محتاجين مهندسين كويتيين
مكتفيين بالهنوود والاجانب المهندسين الي بيكلفونهم نص راتبك لو صرت انت وغيرك مهندس
غير جذي قالك بو عبدالله حاجه الشركه للمهندسين محدوده وبتخصصات معينه مو مثل قبل
يعني حتى بالتوظيف جم دبلوم توظف الشركه بالسنه وجم مهندس
بس روح مصر اخذ شهاده عشان تنفعك بالترقيات بقسمك لانها صارت مقياس الحين للترقيه حتى لو اقتصاد منزلي :)
أبو خالد
10-10-2007, 12:17 PM
السلام عليكم
الحين الشركة ليش تبعث بس تخصصات فنية !!
طيب والاداريين شفيهم؟؟
كل سنة يجيبون اختصاصيين ومستشارين (قانونيين ومحاسبين واتحليل استثمار وغيره) أجانب. طيب ليش ما يبتعثون الكويتيين الجامعيين اللي عتدهم؟
الولدالذهبى
10-10-2007, 12:42 PM
الكل يطمح للأفضل وللرقى فى عمله
طبعا كلامكم يا اخوان حلوووو وجميل
بالنسبه للشروط اللى وضعتها دائرة التطوير الوظيفى
كلكم تعرفون اللى وضعها ( المدير )
يعنى بالنسبه لأول بعثه اللى دزوا فيها شخص واحد
من قرايب ذاك المدير .. لا توفل ولا شى !!!!!!!!!
ومن عقبها حطوا نسبة او درجة التوفل 550
انا اقول اذا فيه خير هالمدير ييب 400 بالتوفل
المشكله شهادته متوسطه للاسف
انا اعتقد ان الشركه لا بد ان تفتح باب الدراسه
وتوقف جلب هالعماله اللى ريحتها تصك الراس
وسلامتكم
وبس
HUMMER
10-10-2007, 08:29 PM
اخوي اذا عندك واسطه وواسطه قويه تدزك الشركه والكل عارف انا اقصد منو ومو ضروري وقتها التوفل ولا منو يقدر ييب درجه اكثر من النص واللي اهيه 550 اذا التعليم العالي يدز بعثات على درجه 400-450 واهني الشركة تبي 550 منو اللي بييب
حط واسطه ولازم تكون قويه يعني من منجر وفوق واتمنالك احلى حياة سعيده
واسال وشوف اسامي اللي دازينهم بعثه وجم عددهم صدقني راح تتفاجئ
جونم جقرم
10-11-2007, 02:17 AM
يااا عزيزي موضووعك جدا حساااس بس الدراسة بالخاارج تكلف حسب نظرة المسؤولين (:
واذا دزت الموظفين كلهم راح تخسر الشركة (:
وانا اقوول خلك مقابل الدي سي اس لين يحلهاا ربك ((:
وتقبل تحيااتي
KOC_747
10-11-2007, 02:31 AM
مثل ما قال احد الأخوان اللي قبلي
هات لك أي شهادة ولو كانت في الإقتصاد المنزلي وراح تكون سبب في الترقيات
والبعثات في الشركة محسومة حق البعض من قبل يدش الشركة
يعني يدش و اهوا متطمن على مستقبله واهوا على مقاعد الدراسة :)
جم واحد انطبقت عليه الشروط وقدم ونطر وتاليتها تطلع الأسامي خالصة من زماااااااااااااان
والله المستعان
operation
10-11-2007, 03:28 AM
الصراحة نفس ماقلتوا يبيله عندك فيتامين واو والمشكلة مومتوفر بالصيدليات حاليا:) :)
بس اذا في اي احد يفيدنا إفادة كاملة في هذا الموضوع يعني ابي اعرف الجامعات الزينه وين اروح و شسوي واكون شاكر لكم :)
HUMMER
10-13-2007, 07:57 AM
الواسطه في الشركه = تحقق امنياتك
الولدالذهبى
10-13-2007, 11:48 AM
كل ما اشووف هالموضوع
أدش وأقرأ كل المشاركات فيه
:(
وبس
kuwaity001
10-15-2007, 05:01 AM
يبااا ماتدري إنها لناس وناااس هذي شركة نفط الكويت مجموعة عصااباااات وظيفتهم تحطيم الموظف الغلبااان
لكن على قولة الشاااعر
كــــدرهااااا على الطـــيــــــــب *********** وتصفاااااا للأنـــــــذ اااااال:p
HUMMER
10-15-2007, 06:35 AM
عيل وين دور النقابه (( المعتدله ))
ولا بس قبل الانتخابات نسمع صوتها
القلب نفطي
10-29-2007, 08:29 AM
طيب وبالنسبه للانستااااااااب معترف فيه بالشركه ويعدلون وضعه اللي اخذ الشهاده الجامعيه
بالتخصصات الاداريه ولا الموظف اخذ قاصرها ويقعد بوظيفته ؟؟؟؟؟؟؟؟؟؟
Shoomy
10-29-2007, 11:09 AM
السلام عليكم
الصراحة مواضيعكم كلها مهمة و مفيدة والمشاكل الي طرحتوها تره كلنا مارين عليها بس ساكتين لانه مافي احد يسمعنا :)
انا ودي اطرح موضوع الدراسة في الخارج انا موظف op-2 في قسم الانتاج و عندي شهادة دبلوم و اطمح اني اكمل الهندسة ابي أي احد من الاخوان يفيدني ليش الشركة ما ادزنا في الخارج للدراسة؟؟؟؟
مااعتقد الشركة ماتقدر تتحمل التكاليف الدراسة مثل الوزارات الاخرى ا و الموظفين الجدد الي يايبيلهم دكاترا من كندا و درسوهم لمدة سنتين الي كلفتهم آلاف الدنانير بدون أي فايده و اتحدى أي واحد يقول انه استفاد من الدورة , يعني هذي الآلاف الي هدرت بدون أي فايده ليش مادزونا ندرس فيها في الخارج وله شرايكم ياجماعة؟
...وشكرا:):)
والله ياخوي الشركه كل سنه تبتعث 2 من موظفينها
:D
تدري يعني شنو تبتعث 2 بس؟؟ ولا هالاثنين واسطات؟؟
يعني اغسل ايدك تروح على حساب الشركه
وبعدين اهم بس يدزون اللي تخصصاتهم فنيه ومن حملة الدبلوم بس
اما اللي عندهم بكالريوس ويبون الماستر فهذول عادي اي واحد يقدر يروح بس بترشيح من التيم ليدر وموافقة المنجر
عرفتوا حبايبي شنوا معنى كلمة مالك امل انك تدرس؟؟
هذا بالنسبه للبعثات
نصيحه ياخوي اذا انت جاد بهالفكره وصج تبي تدرس تقدر تروح انتساب مصر ولا التشيك ولا يوغوسلافيا ولا الهند يعني دوله من هالدول اللي التعليم العالي موافق عليها ومعترف فيها
او ادرس باحد الجامعات الخاصه اللي موجوده بالكويت
والله يوفقك انشالله ويسهل دربك
وانشالله تاخذ اعلى الشهادات يارب
تقبل مشاركتي
تحياتي
Shoomy
10-29-2007, 11:13 AM
طيب وبالنسبه للانستااااااااب معترف فيه بالشركه ويعدلون وضعه اللي اخذ الشهاده الجامعيه
بالتخصصات الاداريه ولا الموظف اخذ قاصرها ويقعد بوظيفته ؟؟؟؟؟؟؟؟؟؟
ياخوي يالقلب النفطي
اذا تدرس انتساب عادي ماعندهم مشكله مهما كان تخصصك المهم يصير عندك شهاده اعلى من شهادتك الحاليه
وانشالله لمن تتخرج تروح للتطوير الوظيفي وتعطيهم شهادتك واهم يسوون الاجراءات اللازمه ويتعدل جريدك ومسماك وراتبك وحتى نفسيتك :d
تقبل ردي وتحياتي
كلمـ ولو جبر خاطر ـه
10-31-2007, 09:29 AM
مشكور على الموضوع الحلو والله كريم
al3od
03-04-2008, 09:00 PM
اذا كان تخصص هندسه اشلون الوضع اذا واحد راح على المثال التشيك او الهند او سلوفاكياااااا وهل راح يعادلون االشهاده ويعملون لي تعديل
under maintenance
03-05-2008, 04:24 AM
عيل وين دور النقابه (( المعتدله ))
ولا بس قبل الانتخابات نسمع صوتها
ولا عليك امر لو توضح بس!
مافي احد يقدر يفيدنا بنواحي الدراسه والمعادله في اي شخص من القسم المختص واتمنى من العاملين انه يستضيفون احد المسؤولين عن الدرسه بالخارج وسوف يكون للجميع الفائده وشكراااااااااااا لكم ا
المنصور
03-09-2008, 07:49 PM
بالنسبة للدراسة في الخارج في طريقتين:
الأولى: الدراسة عن طريق الشركة يعني على حسابها وتكون لبعض التخصصات اللي الشركة محتاجتها وطبعًا
العدد قليل.
الطريقة الثانية: ان الموظف يدرس على حسابة وطبعًا من غير تفرغ دراسي.
يعني الموظف لازم ياخذ من رصيد اجازاته ويحط فوقهم اجازة بدون راتب او من رصيد السنة القادمة + اجازة امتحانات من الشركة (عددها 30 يوم بالسنة الدراسية) ويتم تحديدها عن طريق فريق عمل التطوير الوظيفي والتخطيط عند الاخت/ فضيله (ام فؤاد) ، واللي يبي ياخذ اجازة امتحانات لازم يجيب كتاب لمن يهمه الامر من وزارة التعليم العالي تفيد بأن الموظف مقيد بالجامعة ويدرس على نفقته الخاصة وبإشراف الوزارة ويرفق مع الكتاب جدول الامتحانات او صورة عنه + كتاب من رئيس فريق عمل الموظف يفيد بأنه لامانع لديه من اخذ اجازة تقديم امتحانات وبناءً على الاوراق هاذي تقوم الموظفة بتحديد تاريخ بداية ونهاية الاجازة.
ولازم تكون الجامعة والتخصص معترف فيهم من وزارة التعليم العالي ، وعقب ما يتخرج الموظف من الجامعة ويستلم شهادته مصدقه ، يشوف له مكان في الشركة فيه وظيفة شاغرة تناسب تخصصه وبعدين يروح لفريق عمل التطوير والوظيفي والتخطيط ويسوي اجراءات النقل.
وعسى الله يوفق الجميع ان شاء الله
بالنسبة للدراسة في الخارج في طريقتين:
الأولى: الدراسة عن طريق الشركة يعني على حسابها وتكون لبعض التخصصات اللي الشركة محتاجتها وطبعًا
العدد قليل.
الطريقة الثانية: ان الموظف يدرس على حسابة وطبعًا من غير تفرغ دراسي.
يعني الموظف لازم ياخذ من رصيد اجازاته ويحط فوقهم اجازة بدون راتب او من رصيد السنة القادمة + اجازة امتحانات من الشركة (عددها 30 يوم بالسنة الدراسية) ويتم تحديدها عن طريق فريق عمل التطوير الوظيفي والتخطيط عند الاخت/ فضيله (ام فؤاد) ، واللي يبي ياخذ اجازة امتحانات لازم يجيب كتاب لمن يهمه الامر من وزارة التعليم العالي تفيد بأن الموظف مقيد بالجامعة ويدرس على نفقته الخاصة وبإشراف الوزارة ويرفق مع الكتاب جدول الامتحانات او صورة عنه + كتاب من رئيس فريق عمل الموظف يفيد بأنه لامانع لديه من اخذ اجازة تقديم امتحانات وبناءً على الاوراق هاذي تقوم الموظفة بتحديد تاريخ بداية ونهاية الاجازة.
ولازم تكون الجامعة والتخصص معترف فيهم من وزارة التعليم العالي ، وعقب ما يتخرج الموظف من الجامعة ويستلم شهادته مصدقه ، يشوف له مكان في الشركة فيه وظيفة شاغرة تناسب تخصصه وبعدين يروح لفريق عمل التطوير والوظيفي والتخطيط ويسوي اجراءات النقل.
وعسى الله يوفق الجميع ان شاء الله
اذا في واحد يدرس في سلوفاكيا هندسه كيف الاجراء او التشيك شنو الحل معاااه مع العلم ان الجامعه معترف فيهااا وكل الامور على مايراااام فشلون شنو العمل اذا تخرج والاجراااااااااء وشكراااا
المنصور
03-09-2008, 08:19 PM
اخوي
كل الاجراءات انا موضحها للجميع من طأطأ.. لي سلام عليكم ;)
وحبيت ازيد ان قبل لا تروح وزارة التعليم العالي ، تمر بطريجك التأمينات وتاخذ شهادة لمن يهمه الامر علشان التعليم العالي راح يطلبون منك اثبات انك موظف بالشركة والاثبات اهو ورقة التأمينات
اخوي
كل الاجراءات انا موضحها للجميع من طأطأ.. لي سلام عليكم ;)
وحبيت ازيد ان قبل لا تروح وزارة التعليم العالي ، تمر بطريجك التأمينات وتاخذ شهادة لمن يهمه الامر علشان التعليم العالي راح يطلبون منك اثبات انك موظف بالشركة والاثبات اهو ورقة التأمينات
انا اسف على ازعاجك ابي اغلبك معاااي انا قتلك عن الهندسه اولااا وبعدين اذا تعيد كتابه الخطوات واكون شاكرلك انشاله وفي ميزان اعمالك
وانا عاجز عن الشكر
محد رد على الموضوع ممكن توضيح
المنصور
03-12-2008, 02:13 PM
انا اسف على ازعاجك ابي اغلبك معاااي انا قتلك عن الهندسه اولااا وبعدين اذا تعيد كتابه الخطوات واكون شاكرلك انشاله وفي ميزان اعمالك
وانا عاجز عن الشكر
اذا كان الموظف مسجل في الجامعة عن طريق وزارة التعليم العالي ما عليه اي مشكله
بس يتخرج ويستلم شهادته مصدقة من الوزارة ويشوف له مكان يناسب تخصصه وفيه شاغر وظيفي
يروح لفريق عمل التطوير الوظيفي والتخطيط واهم يعلمونه على إجراءات النقل سواء داخل نفس المديرية او خارجها
* الخطوات الحصول على إجازة تقديم امتحانات:
1- ياخذ شهادة لمن يهمه الأمر من التأمينات تفيد بأنه موظف بالشركة.
2- يروح وزارة التعليم العالي ويطلب كتاب لمن يهمه الامر تفيد بأنه مقيد بالجامعة ويدرس على نفقته الخاصة وبإشراف الوزارة.
3- ياخذ كتاب من رئيس فريق عمل الموظف يفيد بأنه لامانع لديه من اخذ اجازة تقديم امتحانات.
4- يرفق جميع الأوراق السابقة مع بعض (ورقة التأمينات + ورقة التعليم العالي + كتاب رئيس الفريق) مع جدول الامتحانات او صورة عنه ويروح لفريق عمل التطوير الوظيفي والتخطيط عند الأخت/ فضيلة.
وبناءً على الاوراق هاذي تقوم الموظفة بتحديد تاريخ بداية ونهاية الاجازة
مع الاسف اني ابي اسجل وبدون التعليم العالي لان الهندسه هذي مشكلتهاااا لازم انتظام والا الكلام الي انت قلته على راسي بس ماراح ينطبق علي :(
سمو الموظف
03-12-2008, 07:05 PM
السبب النحاااااااااااااااااااااااااااااســــــــــــــه يابعد عمرى الاداره شبعانين كورسات كل يوم بدوله اكثر الكورسات مع عيالهم والله بالصيف اورووووبا والشتا فى الخليج وانت اخذ سامبل لين تخيس او اسمع كلام الشباب وجيب شهادة من الحسين من مصر وتكلم كلمه عربى وكلمه انجليزى تمشى امورك البلد يبى نصب وناس مبلتعه
المنصور
03-13-2008, 11:49 AM
مع الاسف اني ابي اسجل وبدون التعليم العالي لان الهندسه هذي مشكلتهاااا لازم انتظام والا الكلام الي انت قلته على راسي بس ماراح ينطبق علي :(
اذا الجامعة معترف فيها ومسهله على الطالب مسألة الحضور والغياب.. سجل عن طريق وزارة التعليم العالي لأنها راح تحميك في حالة ان الاعتراف انشال عن الجامعة ، لأن قرار إلغاء الاعتراف راح يحمي الطالب اللي مسجل عن طريق وزارة التعليم العالي قبل تاريخ هالقرار.
اذا انت موظف في القطاع الخاص.. ماراح تلقى مشكله عند وزارة التعليم العالي
لكن اذا انت موظف بالقطاع الحكومي.. لازم تضبط نفسك مع ديوان الخدمة المدنية
بالنسبة للقطاع النفطي يعتبر قطاع خاص ولكنه مملوك للحكومة
بعض الناس عندها فكرة خاطئة وتقول ان القطاع النفطي يعتبر قطاع حكومي وليس خاص
انا والله عاجز عن شكرك وانشاله ابي امشي بنصيحتك ولك مني اطيب التحيات وجميع العاملين على المنتدى اللي سهل علينا التواصل معاااكم وشكراا للجميع
المنصور
03-18-2008, 05:51 PM
انا والله عاجز عن شكرك وانشاله ابي امشي بنصيحتك ولك مني اطيب التحيات وجميع العاملين على المنتدى اللي سهل علينا التواصل معاااكم وشكراا للجميع
عزيز وغالي ياخوي
واتمنى التوفيق للجميع
q8nrsh
03-18-2008, 11:18 PM
راييي كل واحد يقضب ارضه والله فاضين تدرسون
vBulletin® v3.8.7, Copyright ©2000-2012, TranZ by Almuhajir