مشاكل الموظفين ومعاناتهم

[مستكشف]

السلام عليكم ورحمة الله وبركاته ، ومشكورين اخواني اللي قاموا بالعمل الطيب والناجح انشالله واللي راح يوصل بعون الله كلمتنا ونقدر اناقش مواضيع تفيدنا انشالله .

انا طبعا هذي اول مشاركه لي ومن حنة واحد من الشباب ماني ذاكر اسمه هني بالمنتدى ذبحني امس الا ادش ولا ادش ودشيت الصراحه وقواكم الله :o

اخواني اان قبل اي شئ على فكره والله هذي ثالث مره اكتب فيها مشاركه طول سور الصين وارد امسحها واخر شئ شفت انا نسمع الشكاوي وكل واحد يحط شكوته ولا يحط مشكلته علشان الكل يتشارك فيها ونحاول نتجنبها وعلشان كل واحد فينا يفهم شنو اللي له وشنو اللي عليه ، يا جماعه احنا غافلين عن امور كثيره المسؤول قاعد يلعب على كيفه واحنا عبالنا هذا من صلاحياته ، فخلونا نتشارك كل شئ مضايقكم وكل شئ ماذيكم واتمنى من الكل يقول مشاكله علشان نقدر مثل ما قتلكم نتجنبها وانحاول نلقى حلول ومشكورين

[dehen_3ood]

وعليكم السلام ورحمة الله وبركاته

ويا هلا فيك وحياك الله معانا في المنتدى
أسعدنا انضمامك الكريم
مع تمنياتنا لك بالإفاده والاستفاده
وبداية موفقة وعساها مو آخر مشاركة :)

[norema-sarto]

ما شاء الله عليك يا dehen_3ood
رقم عضويتك 92

ما شاء الله

الله يوفقك

[KOCQ8ya]

مشكلتي يا طويل العمر التفرقه بين الموظفين خاصه بالاتزام بالدوام
انت اللي تيي مبجر وينكسر ظهرك على المكتب وانت تشتغل وما تطلع الا اخر الدوام يا ويلك ان تاخرت 5 دقايق وتحقيق اذا بغيت تستاذن وغصب عليك ترجع الدوام حتى لو كنت رايح الديره وما يمديك ترجع الا قبل نص ساعه من الدوام ما تقولي شنو بسوي بهالنص ساعه واذا ما تبي ترجع قدم اجازه على اخر ساعتين مو ظلم
والناس البطاليه اللي ما منهم فايده حلال عليهم يتاخرون يدشون ويطلوعون على كيفهم محد يقولهم شي

لا واللي العن ان لو انت تحركت من مكانك حتى لو حق شغل قامو يدورون عليك جنك منحاش ولا يكون اييك احد يقعد يسولف وياك جنك قاعد في سجن انفرادي
والبطاليه عادي يسوون دواوين وسوالف وضحك بصوت عالي محد يقولهم شي

وانت المسكين يتكود عليك الشغل واللي معاك بالقسم يتفرفر من مكتب لي مكتب حش وقرقه وبلعه ما يبي يشتغل اشكله يرفضون الشغل ومحد يحاسبها وانت خلك موت من ضغط الشغل محد يساعدك
واذا اخذت طبيه حتى لو مره وحده بالسنه ما ينسونلك اياها بالتقرير السنوي وفي ناس ما ينشافون طول السنه وتقاريرهم احسن منا

والا الكورسات والبونس كله حق اللي ما يشتغل شنو هالظلم يا جماعه ويين شغلي طول السنه ليش يروح حق انسان مايستاهل ماخذ معاشه حرام في بطنه

سامحوني اذا طولت وهذا شيء من لا شيء
وعلى قولتهم قلبي متروسه والصفحه خلصت

[norema-sarto]

مشكلتي يا طويل العمر التفرقه بين الموظفين خاصه بالاتزام بالدوام
انت اللي تيي مبجر وينكسر ظهرك على المكتب وانت تشتغل وما تطلع الا اخر الدوام يا ويلك ان تاخرت 5 دقايق وتحقيق اذا بغيت تستاذن وغصب عليك ترجع الدوام حتى لو كنت رايح الديره وما يمديك ترجع الا قبل نص ساعه من الدوام ما تقولي شنو بسوي بهالنص ساعه واذا ما تبي ترجع قدم اجازه على اخر ساعتين مو ظلم
والناس البطاليه اللي ما منهم فايده حلال عليهم يتاخرون يدشون ويطلوعون على كيفهم محد يقولهم شي

لا واللي العن ان لو انت تحركت من مكانك حتى لو حق شغل قامو يدورون عليك جنك منحاش ولا يكون اييك احد يقعد يسولف وياك جنك قاعد في سجن انفرادي
والبطاليه عادي يسوون دواوين وسوالف وضحك بصوت عالي محد يقولهم شي

وانت المسكين يتكود عليك الشغل واللي معاك بالقسم يتفرفر من مكتب لي مكتب حش وقرقه وبلعه ما يبي يشتغل اشكله يرفضون الشغل ومحد يحاسبها وانت خلك موت من ضغط الشغل محد يساعدك
واذا اخذت طبيه حتى لو مره وحده بالسنه ما ينسونلك اياها بالتقرير السنوي وفي ناس ما ينشافون طول السنه وتقاريرهم احسن منا

والا الكورسات والبونس كله حق اللي ما يشتغل شنو هالظلم يا جماعه ويين شغلي طول السنه ليش يروح حق انسان مايستاهل ماخذ معاشه حرام في بطنه

سامحوني اذا طولت وهذا شيء من لا شيء
وعلى قولتهم قلبي متروسه والصفحه خلصت

حاسة فيييج ......حاسة فيييج
شنسوي بعد ...اللي مكتوب على الجبين لازم تشووووووووووووووفه العين:eek:

اللي علينا نسويه .... ;)

[HUMMER]

حياك الله اخوي مستكشف بس اتمنى اللي ذبحك من الحنه عالدشه ماكان غلطان لان نفس ماانت عارف المنتدى متنفس للموظف عشان يقول اللي بقلبه واحنا اهني كلنا اخوان لا تحاتي وهم اعيد واقول نسعى للمصلحه العامه مو الشخصيه وحياك الله مره ثانيه
وان شاء الله تتحفنا بمواضيعك وردودك.

[مستكشف]

سلام عليكم ورحمة الله وبركاته
عيدكم مبارك وعساكم من عواده وتقبل الله طاعتكم

مشكوره اختي العزيزه دهن عود على هالترحيب الطيب وان دل يدل على طيب صاحبه

اخوي او اختي العزيزه KOCQ8ya
طبعا ما ادري ريال ولا مره ميخالف عاد سامحوني

اول شئ الله يكون بعونك على سالفت انك تشتغل وغيرك قاعد وباقي تفاصيل مشكلتك

اخوي صدقني انا مشكلتي نفس مشكلتك بس شرايك اقولك شغله تهون عليك :)
حب شغلك واخلص فيه وعمرك لا تلتفت للغير لانك لما تشتغل قاعد تشتغل لنفسك ولما تسوي تسوي لنفسك وانت قتلي غيري قاعد ما يسوي شئ ، يعني انت وغيرك وكلنا بدوائرنا عارفين منو يشتغل ومنو ما يشتغل بس صدقني يكفي لا طروا اسمك قالوا ونعم ريال شغول ولا سيده شغوله يعني شغلك يشهدلك لكن ثق بالله ان الانسان اللي تقول عنه ما يشتغل لا اشتغل ولا انه فكر يشتغل صدقني يكفي ان الكل يقول اخ او غريبه فلان يشتغل واظن الكثير يوافقوني الراي وهذا حاصل تقريبا بكل الدوائر

انا طبعا من الناس اللي كنت امووووت بشغلي ووصلت مرحله اني اداوم بالويك اند والله العظيم من نفسي وبدون اوفر تايم لاني كنت احس اني لما انجز ولا اشتغل اشبع غروري او اطلع الطاقه اللي فيني ووصلت مرحله اني مو بس انجز لا قاموا في بعض المسؤولين يسوون لي الف حساب ، لكن شنو النتيجه طبعا ولا شئ
كسروا مياديفي حسبي الله على اللي كان السبب ومثل ما قلت قاعد اشوف غيري حاط ريل على ريل وياخذ قريد وبونص وانا قاعد جذي بس خلني افيدك بشغله على الاقل تهون عليك مصيبتك

شوف شنو الشغل اللي يتعلق في مسماك الوظيفي وحاول تسويه واذا بتزيد من عندك هذا شأنك ، انا مو قاعد اقولك تمرد ولا لا تشتغل بالعكس بس انا صدقني قاعد احاول اخفف عليك او اوصلك اني انا سويت جذي والحمد لله ارتحت

طبعا بعد ما انقلبت من انسان حافر الممرات بريله وايده سوده من الكمبيوتر والاوراق صرت انسان شغلي عادي وبارد والكل ملاحظ في دائرتي هالشئ والكل ياني واسالوني يا فلان شفيك شصاير فيك وطبعا وصلت بصوره غير مباشره اني كنت اشتغل شحصلت والحين قاعد مرتاح نفس الشئ وعلى فكره هم وصلت بصوره غير مباشره اني زعلان وان اللي قاعد يصير لي مو عاجبني وظلم ولا قعدت في مكان واستانس على فكره لا شفت بعض الناس اللي تقول عنهم يترقون بدون شغل واشكره اقوله انت ترقيت بواسطه وانت ما تشتغل وصار لساني شويه طويل وما قمت اخاف او ما اداري شعور احد من هالاشخاص

طبعا يمكن الكل يقولي شنو تربح ان سويت جذي اقولهم ماراح اربح لكن ماراح اخسر شئ يكفي على الاقل اقول وبكل صراحه للناس اللي ما تشتغل وبصوت عالي انت مو كفو


وانشالله ربك ما ينسى عبده ترا وعلى فكره الصدقه تدفع البلاء والدعاء من مظلوم على فكره مافي بينه وبين ربك سبحانه وتعالى حجاب فعليك بالدعاء والصدقه وربي يعينك انشالله



وسامحوني على الاطاله يا بعد راسي

وانشالله قاعد احاول احصل الفورمه مالت الشغل لجميع المسميات الوظيفية وطبعا هذي شغله اظن يخشها المسؤول عن الموظف انشالله باذن واحد احد لا حصلتها راح احطها لكم هني بس لا تنسونا من دعاكم

[مستكشف]

صج نسيت كل الشكر لهمر وترحيبه فيني (اخاف يزعل ويطقنا بعد)

ويا جماعه ترا مو همر اللي حان علي علشان ادش المنتدى

[HUMMER]

ههههههههه حياك الله حبيبي مستكشف مره ثانيه وان شاء الله عن طريق هالمنتدى الممتاز نقدر نوصل ولو شي بسيط عن مشاكلنا

والله يكون بالعون

[kuwaity001]

هذا بكل مكاان بس يجب علينا ان نقف بوجه كل

[الفيصل]

السلام عليكم ورحمة الله وبركاته ، ومشكورين اخواني اللي قاموا بالعمل الطيب والناجح انشالله واللي راح يوصل بعون الله كلمتنا ونقدر اناقش مواضيع تفيدنا انشالله .

انا طبعا هذي اول مشاركه لي ومن حنة واحد من الشباب ماني ذاكر اسمه هني بالمنتدى ذبحني امس الا ادش ولا ادش ودشيت الصراحه وقواكم الله :o

اخواني اان قبل اي شئ على فكره والله هذي ثالث مره اكتب فيها مشاركه طول سور الصين وارد امسحها واخر شئ شفت انا نسمع الشكاوي وكل واحد يحط شكوته ولا يحط مشكلته علشان الكل يتشارك فيها ونحاول نتجنبها وعلشان كل واحد فينا يفهم شنو اللي له وشنو اللي عليه ، يا جماعه احنا غافلين عن امور كثيره المسؤول قاعد يلعب على كيفه واحنا عبالنا هذا من صلاحياته ، فخلونا نتشارك كل شئ مضايقكم وكل شئ ماذيكم واتمنى من الكل يقول مشاكله علشان نقدر مثل ما قتلكم نتجنبها وانحاول نلقى حلول ومشكورين

أخي المستكشف


وعليكم السلام ورحمة الله وبركاته



حياك الله معنا في المنتدي ونتمني نستفيد منك ونفيدك



دمت بود

[KOCQ8ya]

مشكور اخ مستكشف على الرد
بصراحه انا كنت احب دوامي وكنت اشتغل وادور الشغل دواره واكسر ظهري واتعب نفسي حتى لو كنت تعبانه وما كنت انتظر اي مقابل بس للاسف لما شفت مافي تقدير حتى لو بسيط صار ما عندي حافز اني اشتغل بدون زياده وصار شغلي بس علشان احلل معاشي مو اكثر واشغل وقتي

المشكله الاعظم ان الي ما يشتغل ولا يعرف الدوام شلون صاير اهو اللي يترقى واهو مو عارف كوعه من بوعه بالله ما تقولون لي شلون بيدير الشغل لا وعقب ما يمسك الكرسي يطلع حرته فيك يعني مو كافي انه ماخذ مكانك هم يتفلسف عليك و ينتقم منك

بصراحه صارت اوضاع الشركه تبجي بس الواحد شيقول غير الله كريم وحسبي الله ونعم الوكيل

[مستكشف]

بعد راسي ما قصرت الفيصل وهذا من طيبك حبيبي
اما انتي ياخيتي الله يعينج ويعينا على الظلم
ومشكورين وما قصرتوا

[العندليب]

صباح/مساء الخير على كل الموجودين.......

بصراحه الموضوع جدا جميل وأشكر صاحب الفكره على طرح مثل هالموضوع لأن كثير من العاملين يواجهون ويعانون من هذي المصيبه وللأسف أن اللي مايشتغل -ولايحلل معاشه اللي ياكله هو وعياله وبيته- تلاقيه مرتااااااااااااااااح والمسؤولين مايعطونه شغل ولايكلفونه بأي مهمه او انجاز ولما تسألهم طيب فلان أو فلانه معانا بالقسم ليش ماتعطون شغل ترى ضغطتونا بالشغل ياجماعه يامسؤولين...توقع شنو الرد يكون للأسف يرد عليك يقولك يامعود هذا أو هذي مايداوم والشغل يتعطل عنده وكله متأخر ومرضيات وتزريق والشغل يتأخر ومايخلص ونتوهق !!!!!!!!!!!!!!!!!!!!!!!!! يعني هذا رد من مسؤول المفروض أنه يعرف شلون يتصرف مع ناس ماتبي الشغل..ياخي يقعد في بيتهم ويجي غيره مو لاقي شغل وينجز أحسن منه.....والمصيبه الأكبر والطامه أن حالك حله شنو تاخذ هو مثلك..........


لكن أهم شي الواحد يحلل معاشه والله المستعان .

[Shoomy]

حياك الله اخوي مستكشف بين اخوانك وخواتك
ونتشرف بمعرفتك وانضمامك لنا :)

انا مشكلتي تيم ليدري ... مزهقني عيشتي ... ومن اول يوم قالي انا ماني بحاجتج بالقسم :eek: :eek: بس قعدني
مع انه يتني الفرصه اني اروح اماكن وااايد غير المكان اللي انا فيه :cool:
بس قلت لأ هالتيم ليدر لازم اسويله فورمات واعاده تربيه اقصد اعاده برمجه :D

والله قاعده على قلبه .. الحمدلله اشتغل شغلي على اتم وجهه واللي يبيه يصير بس بنفس الوقت اي شي يضايقه وماله علاقه بالدوام اسويه :D
وابسط شي انه مايحب الضحك يعني انا بالذات ليش كله اضحك يقولي مابي اشوفج تضحكين :eek: وين قاعدين اخوي؟؟
فشومي شتسوي؟؟؟ ... تقوم كل ماتمر عند مكتبه تضحك جذي :D واهو يتنرفز ويعصب جذي :mad:

كااااااااااااك والله اعرف ارفع ضغطه ... ياخطيره ياشومي :p

عالعموم موضوعك بطل جروحي ياخوي بس هم ماقصرت :o
وحياك الله مرة ثانيه

تقبل مشاركتي
تحياتي

[إعلامية KPC]

ما اقدر اقول غير
ولكم بالقطاع النفطي

http://www.q8ow.com/up/uploads/cc63df08fe.gif (http://www.q8ow.com/up/)

[المهندس]

كسروا مياديفي حسبي الله على اللي كان السبب ومثل ما قلت قاعد اشوف غيري حاط ريل على ريل وياخذ قريد وبونص وانا قاعد جذي بس خلني افيدك بشغله على الاقل تهون عليك مصيبتك

شوف شنو الشغل اللي يتعلق في مسماك الوظيفي وحاول تسويه واذا بتزيد من عندك هذا شأنك ، انا مو قاعد اقولك تمرد ولا لا تشتغل بالعكس بس انا صدقني قاعد احاول اخفف عليك او اوصلك اني انا سويت جذي والحمد لله ارتحت

طبعا بعد ما انقلبت من انسان حافر الممرات بريله وايده سوده من الكمبيوتر والاوراق صرت انسان شغلي عادي وبارد والكل ملاحظ في دائرتي هالشئ والكل ياني واسالوني يا فلان شفيك شصاير فيك وطبعا وصلت بصوره غير مباشره اني كنت اشتغل شحصلت والحين قاعد مرتاح نفس الشئ وعلى فكره هم وصلت بصوره غير مباشره اني زعلان وان اللي قاعد يصير لي مو عاجبني وظلم ولا قعدت في مكان واستانس على فكره لا شفت بعض الناس اللي تقول عنهم يترقون بدون شغل واشكره اقوله انت ترقيت بواسطه وانت ما تشتغل وصار لساني شويه طويل وما قمت اخاف او ما اداري شعور احد من هالاشخاص


صار معاي نفس الشي - تدري هذا اللي ما يشتغل ليش ياخذ قريد وبونص - هذا لانه متفرغ وما عنده شغل ومركز على اقريد والبونس متا يحين وقتهم نط على المسئول وحن عليه ودبر واسطته - قسم بالله انا نسيت نفسي وايد وكنت مركز على الشغل وكل الاس او بي فري جوود وفري جوود بس وعندي اوت ستاندمج واللي كنت ادربهم ونعرف انهم ما يشتغلون والا اس او بي مالهم اي شي جود ونازل خذو الترقيه - مشكلتي اني عرفت الطبخه متأخر المهم دبرت واسطتي وخذيت الدرجه الي ابيها - تفاجأت الناس اللي مثلك وشرواك وتعرفني عدل قامت تباركلي وفرحانين والكل يقولي انت والله تستاهل - ياني مسئولي قال سو عزيمه قتله سوري انا الجريد يايبه بواسطه ولو يايني من طيب خاطر جان سويت - بس سوري جريدي يبته بذراعي :) - اندقر \\

:)
بالتوفيق اجمعين

[مستكشف]

اول شئ احب اشكر كل من شارك وتجاوب معانا
صج نسيت السلام عليكم ورحمه الله وبركاته :)
شومي ورب الكعبه فطستيني من الضحك لاني قاعد اسوي نفس الشئ بمسؤولي :p
ميننه ومطلع له قروووون وعلى فكره في اشياء ما يقدر يحاسب عليها القانون او مفردات ما يقدر المسؤول ياخذ اي اجراء تاديبي وعلى فكره ماله حق التيم ليدر ولا اين كان يقول للموظف لا تضحك بس ديري بالج عاد مو تضحكين بصوت عالي ترا هذي يقدر يعطيج عليها كوشن ;)
بس الله يقويج ويعينج انشالله وتكتشفين اكثر واكثر شنو اللي يغثه ههههههههههههه

المهندس حبيبي قواك الله على مشاركتك والمفروض انا كلنا نسوي نفسك بس شنو ذنب الناس اللي ما عندها واسطه
والله قاعدين يشتغلون ويكرفون وفقاره ما عندهم الا ربهم
ما اقول الا الله يعين الجميع
شباب وبنات اذكركم لا تنسون المسؤولين بصلاتكم والدعاء عليهم (طبعا الظالم منهم)
وشكرا

[Export_Doc's]

يا جماعه الواسطه كل شي بالشركة صج القهر انك تكرف و الي جدامك يقره جرايد و التقارير نفس الشي بس مقيوله كل مدير وله شلته و جماعته و اذا طالبنه ابشي قالو ماكو ميزانية ابي اعرف الميزانية بس عليكم الله كريم

[jajs04]

أنا مو باط جبدي غير موضوع البعثات حق 6000 موضف كرسيين بس ، أنا عندي عقدة نفسية :confused: لأني مو قادر أصدق إن هالكرسيين ينبعثون من غير واسطة :cool:

بس ودي أعرف شنو وضع الراتب لما الواحد يروح بعثة على النفط ؟

[Export_Doc's]

أنا مو باط جبدي غير موضوع البعثات حق 6000 موضف كرسيين بس ، أنا عندي عقدة نفسية :confused: لأني مو قادر أصدق إن هالكرسيين ينبعثون من غير واسطة :cool:

بس ودي أعرف شنو وضع الراتب لما الواحد يروح بعثة على النفط ؟

هههههه ضحكتني والله يبه هذا الحجي مو لنه حق الكباريه و ربعهم و الراتب الله كريم :)

[سعوود]

عرض المعاناه والمشاكل حلوو فى هذا الموضوع
لانها قد تجد الحلول فى الردود وكذلك أخذ العبر منها