منو كان بوزارة الكهربا وحول النفط ؟

[bo7anon]

السلام عليكم

ابي منو بالمنتدى او ناس تعرفونهم كانوا بوزارة الكهرباء سواءا محطات كبيره ا وصغيره وسجلوا بالنفط ونقلوا ؟

للعلم شهادتي ثنويه مقررات 2.01 سنه 2002
وشهادة معهد التطبيقي كهربا وماي 1.74 سنه 2006
وتوظفت بسنه 2006 بمحطات الكهرباء بالدوحة حتى يومنا هذا

وأول امس سويت اختبار قدرات داقين علي ورحتلهم وامتحنت وخلصت بمركز التدريب البترولي بالاحمدي قالولي بندق عليك لان في اختبار انجليزي بعد ومن هالاجراءات الثانيه

بليز ياجماعه ضروري

قبل كل شي
انا ودي اني اروح النقط بسبب ان وظيفتي حالها حال النفط بعد غير المردود الاعلى + مميزات وتذاكر وبونصات بما ان تعدل نظام العقود وصار فيه مميزات والدوام دوام نفس المحطات التزام وجذيه ومافيه تزريق يعني مداوم دوام ف انقل ابركلي

مادري ابي نصيحتكم اذا مثلا انقبلت بالعقود وانجزت بالاختبارات وقبل لا اوقع
تنصحوني اروح ؟

اتمنى يقبلوني عقد بشركة KOC
عشان بعد العقد بحاول اني احول لهالشركه وكون فيها دائم :rolleyes:

[bo7anon]

ومنا الى اصحاب الاختصاص

[rig]

عندي شخص ولد المطوع ينقاله بوخالد جان تعرفه كان عندكم بالدوحه ويانا بالنفط قطاع خاص .. بس ما سئلته منو افضل وراح اسئلك ياه باقرب وقت انشاء الله


ونصيحتي لو تحصلك وظيفة بال koc او knpc يعني بالشركات الكبيرة والمضمونه اي والله روح وانت مغمض بس اذا مع مقاولين ما تسوا خلك بوضيفتك عالاقل ضامنها ... بس المقاولين يخوفون باي وقت فنشك وجنه العيد


موفق

[bo7anon]

ياخوك المشكله ماصدقت انهم دقوا علي

انا قدمت بأيكويت وقدمت بكي عو سي ولا دقوا

بس بشوف خل ينزلون اعلانات ولله ماقصر بسجل بسجل بسجل

[bo7anon]

ومنا الى اصحاب الاختصاص

[موادع]

والله ياخوك يمكن تسجل مع (( ذوي الخبره )) اما مع اعلانات حديثي التخرج ما تقدر لأن شهادتك قديمه صار لها اربع سنين وهم راح يفتحون السنه الجايه يعني راح يصير لشهادتك خمس سنين وهم من شروطهم (( الا تتعدى الشهادة ثلاث سنين منذ حصوله عليها )) علشان جذي هم ما يتصلون عليك كل ما سجلت..
والله ياخوك حبيت انورك واعلمك الاشياء اللي غايبه عنك ...وبالتوفيق