شرايكم نمتنع عن تناول الوجبات [الأرشيف] - منتدى العاملين بالقطاع النفطي الكويتي

أبو خالد

10-09-2007, 12:04 PM

ياجماهة الخير: الشركة سنويا تدفع مبالغ ضخمة جدا على مناقصات الوجبات (ذات ال100 فلس)

بما أن الأغلبية الساحقة غير رابغبين فيها أو بالعربي مو طايقينها . . ليش ما نمتنع عن تناولها خير شر
والمبالغ اللي تروح تنفيع حق شركات ما تعرف شي بالطبخ ، نخلي المبالغ هذي تصب في صالح الموظفين وبيئة العمل ... تطويرهم تحسين جو العمل .إلخ

ولاّ شرايكم؟

dalloomi

10-09-2007, 01:03 PM

ياليت أفلوسها يوزعونها على العاملين كبونص اعتقد افضل واللي يبي ياكل يجيب معه أكله من البيت انظف وأحلا.:confused::D

أبو خالد

10-09-2007, 01:25 PM

أنا أشوف جذي بعد
كلش كلش المطاعم على أفى من يشيل

MAB12

10-09-2007, 01:32 PM

في مصفاة ميناء عبدالله بخصوص المطعم .... اكل بايت وكله ريحه

ياجمعه يتصل علينا المطعم الساعه 8 يقولو شتبون والساعه 11 يكون الطلب موجود ( 3 ساعات ) انا بودي اعرف متى طبخوا ومتى قسموا الوجبات عشان الوزيع على الاقسام واذا تبدل الشفت ودخل شفت العصر يتصل الساعه 4 ويسئل شتبون والساعه 6 موجود الطلب يعني نفس الضيه متى طبخوا ؟ انا اعتقد انهم بس يغيرون اسم الطلبات

والله العظيم مره بالقسم قاطعنا المطعم وبعد مده جانا الليدر وسئلنا ليش ماتطلبون من مطعم الشركه ؟ ( المطعم داز كتاب يستفسر )

الله يخلي المطاعم ابرك من مطعم الشركة

BG. 1

10-09-2007, 05:26 PM

أتكلم عن السناتر

90% من الشباب ما ياكلون وجبات المطعم

والغالبية تطلبه علشان الليبرية وعمال الصيانة

يعني المطعم خسارة علي الفاضي

op2

10-10-2007, 06:05 AM

صح كلام بي جي ون

لا وبالمناقيش يطلبون من بو ربع عشان السوبرفايزريه هناك نفسهم دنيه

يدق الصبح يسالهم شنو غداكم اليوم من اي مطعم ومرات يتشرط شنو يبي يتغدى

ويجمع عصابته وييون ياكلون على حساب الشفت

ويقعد عندهم ويغثهم بالسنتر

وهذا الي يخليهم يظطرون ياكلون من بو ربع

BG. 1

10-10-2007, 06:15 AM

مشكلة المناقيش مع الأصلع ورفيقه

أبشرك بعد العيد مفتكين منه

وبعدين ضبطوا غداكم

أبو خالد

10-10-2007, 11:59 AM

ياجماعة الخير..

الكلام اللي بقوله خطير.. بس نفعه راح يعم الكل انشالله

في بعض العقود تكون عقود خدمات.. يقدمون خدمات للموظفين (اللي هم المستخدمين) طيب ليش ما يكون لهم تقييم خدمة أنا يا شركة نفط الكويت ليش ما أسوي استبيان أو استعلام شامل من قبل الموظفين عندي حول مستوى الخدمة اللي يقدمها المقاول ... إذا زين نخليه يستمر وإذا موزين نخليه يفارق ... شكو ادفع له فلوس الدنيا والخدمة اللي قاعد يقدمها لموظفيني تعيسة.؟؟؟
أنا اقصد شركة الوجبات والكل يعرف اسمها .. لا أكلهم ينبلع ولا مطعمهم يقدم شي فيه خير .. ترا بمبلغ المناقصة الراسية عليهم في ألف شركة وشركة مستعدة تقدم شغل متعوب عليه . . مو الخمبقة اللي قاعدين نشوفها الحين
ترا ماحنا مجبورين

ياجماعة مايصير نكتفي بالتعليق لازم يكون لنا موقف (رد فعل)

الولدالذهبى

10-10-2007, 12:48 PM

خووش موضوع يا بو خالد
بس البدليات .. وااايد
انا معاكم .. وافضل نطبخ بمكان العمل والا يحطون
بكل منطقه مطعم من المطاعم الكشخه والزززززززينه
والموظف يطلب واهم يوصلون الطلب
انا اكل الشركه والوجبات ما اكلللللللللللله
الله يديم النعمه

وبس

KOCQ8ya

10-10-2007, 01:13 PM

السلام عليكم

انا معاكم بعد اكل الشركه صج الله يزيد النعمه على الاقل قبل كان ينوكل الحين ماكو شي معلقين على الفول واللبنه
والا المرتديلا يعني كله مافيه طباخ كله جاهز ينحط بالصمون وقبل على الاقل ناكل الفطاير الحين كرواسون امريكانا بايت مال جم يوم ويابس ما ينوكل والا السلطه يا ذره والا معكرونه شلون يعني نبي شي ثاني واذا سوو سلطه يا مالهم خلق كل قطعه اكبر من ايدي وناشفه والا حطو الخضره بدون طمام يعلهم الفقر حتى الليمونه هونو عنها

الواحد بصراحه لوما اليوع والا جان ما اكل منهم احنا مو عيزانين عن ريوقنا بس الواحد في بعض الاحيان يضطر
والمطاعم صارت هالايام ممنوع تدخل مناطق الشركه واذا اسمحولهم يا يايك الطلب غلط والا بارد ما ينوكل

انا ماني عارفه شركه شكبرها ليش اتدور ارخص المقاولين ليش ما اييبون شي سنع احنا راضين يزيدون سعر الوجبه بس خل اييبون شي ينوكل

على فكره قبل جم سنه سوو استبيان عقب ما اشتكو العالم من الوجبات وقالو راح يعدلون الوجبات وبالاخر ما صفينا الا على هالشكره التعبانه ام صمون ناشف والله الواحد اييبله بخصم ودرابيل وايد ابرك

norema-sarto

10-10-2007, 01:27 PM

والله إحنا في منطقة الأحمدي المطاعم يمنا...حررررررررررة

وكل يوم نغير ...حتى اللي بالمنقف والفحيحيل ..يوصلون

بس ترى البوكس ينفع ساعات ...لما تكون مفلس..خخخخخخخخخخخخ

HUMMER

10-10-2007, 08:20 PM

والله يااخوان يبيلنا وقفه جاده مع هالمطعم ولازم نشوف منو المسؤل عن المطعم ونكلمه والليبر موضروري ياكل من المطعم نفس مانطلب من بره نحسب حسابه
وانا معاكم بمقاطعة المطعم

جونم جقرم

10-11-2007, 02:05 AM

خلووووكم علي اللونق سالاط ابركلكم علي الاقل فيه حبه تفااح وحبه موووز (((((((:

KOCQ8ya

10-11-2007, 09:35 AM

الله يهداكم حاشنا تسمم وسوء تغذيه وامراض من اكلهم شوفوا لنا حل خلص رمضان وبنموت من اليوع والسبه هالوجبات

BG. 1

10-11-2007, 11:39 AM

شباب وشايات عندي رأي

ليش ما نختار يوم بعد رمضان والجميع يمتنع عن طلب الوجبات لنا وحق العمال الباقين من مقاول وعمال سناتر

شرايكم

أبو خالد

10-11-2007, 11:39 AM

كلامكم صج يطيب الخاطر ويبرد الحرة

أنا قبل فترة رحت حق المجلة (كويتي) اللي هم بعد راح نقعد لها قعدة.. ما علينا ، قلت لمدير التحرير إني حاب أعلق وأبدي رايي عن المطعم والوجبات . قالي لا ما يصير نهاجمهم . طيب إذا ما وصلت صوتي ورايي عن طريق المجلة اللي تتوزع على كل مكتب شلون بيدرون أصحاب القرار إن أغلب موظفي الشركة مايرغبون الوجبات التعبانة هذي.

عقد مثل هذا يبيله متابعة أول بأول من جماعة العقود أو المشتريات ... شركة قاعد تقدم وجبات للموظفين 3 مرات يوميا (لكل شفت) وفوق ال 90% مو مستسيغين الأكل واخليهم يستمرون .. لا وأطلب منهم يسوون بوفيهات وتنظيم حفلات.

ياجماعة حرام حرام تستمر الشركة هذي في تقديم منتجاتها لنا ..

أبو خالد

10-11-2007, 11:42 AM

بي جي ون

أنا رايي من رايك ... ولو تبي شهر ماعندي مانع
وأفضل وقت الشهر الجاي كله على البراد

والله بيجيهم طراق ما هو طراق

الولدالذهبى

10-11-2007, 01:05 PM

الريجييييييييييييييييييييم
:)

وبس

KOC FIRE

10-11-2007, 05:06 PM

[SIZE="5"]وأنا معـــــــــــــــــــــاكم
أحنى اذا ماصرنا صف واحد المطعم مايرد علينى بس اذا صرنا ايد وحده صدقوني نكسر خشمه المطعم
ويتغير شغلة من الاسواء الاحسن ونضرب عن المطعم جميع الاقسام الشفتات لمدة اسبوع وقسم راح يتغير

لا لمطعــــــــــــــــــــــــــــــــــــــــم شركـــــة نفط الكــــــــــــويت:mad::mad:]

operation

10-12-2007, 02:11 PM

وانا بعد وياكم لتغيير المطعم الشركة الوصخ

الولدالذهبى

10-13-2007, 12:12 PM

شباب وشايات عندي رأي

ليش ما نختار يوم بعد رمضان والجميع يمتنع عن طلب الوجبات لنا وحق العمال الباقين من مقاول وعمال سناتر

شرايكم

خوووش رأى
أنا وياكم
:)

وبس

أبو خالد

10-18-2007, 08:46 AM

توكلوا على الله .. الوعد ( 01/11/2007)

Shoomy

10-18-2007, 09:39 AM

لا لا لا كلام قوي بصراحه

كااااااااااااااااااااااااااااااااااااااااااااااااا ااااااااااااااااك منو الاصلع ورفيجه يا op2 ؟؟
وشفيهم سوبرفايزريه المناقيش؟؟

هااااا؟؟؟
ترا ما افتن والله :)

والله يابوخالد اول شي هذي نعمة الله ومانقدر نقول شي والحمدلله على كل حال والله غيرنا مو محصل هالبوكس
ثانيا اذا مانبي البوكس هذا لازم نكتب كتاب ويندز للاداره مو اييون 100 موظف ماياكلون لمده يوم ولا شهر حتى عبالكم جذي بيتاثرون؟؟
لا والله عند يدهم واسمحلي بهالكلمه اهم يبون يستفيدون وهالمناقصات كلها بوق X بوق يعني جذي ولا جذي راح تنباع هالبوكسات

عشان لاتعور راسك ومادري يرتفع ضغطك ( اسم الله عليك يعني ) لاتطلب البوكس واكل من برا ولا ييب معاك من البيت
واللي يبي يسوي هالشي عادي

تخيلوا اشكالنا كل يوم الصبح داشين الدوام مع جنطه اكل؟؟ كااااااااااااااااااااااااااااااااااااااااااااااااا اااااااك :)

عالعموم يعطيكم العافيه واللي تامرون فيه يصير بس اول شي نتناقش فيه وبعدين يتنفذ

ودمتم سالمين :)

جونم جقرم

10-19-2007, 02:54 AM

يا جماااعه نسوي قطيه ونحط كافتريا لناااا خااصه فينااا تسوي صموون وجاي حليب شغل عدل وحزه الغدا تسوي مجاابيس
>>>>> قاام يقلب كرشه (:

BG. 1

10-22-2007, 09:29 PM

ههههههههههههههههههههههههههههه

تصدقون اليوم في اميل يمكن الغالبية قرأوه

عن الوجبات الجديدة يقولون انتضروها هل الايام

يمكن دشوا المنتدي وشافوا موظوع الأكل وغيروا رأيهم

وإذا ما تغيروا أنا مع الاخ ابوخالد 1-11-2007 مقاطعة

hassankoc

10-22-2007, 11:48 PM

SMART_BOY

10-23-2007, 12:32 AM

الله يديم النعمة

أنا عن نفسي من زمان مقااااااااااااطع

KOCQ8ya

10-23-2007, 01:21 PM

يا جماعه الخير تذكرون اخر استبيان عن الوجبات اللي استبشرنا فيه خير وقلنا راح تتطور وتكون احسن كانت النتيجه عكسيه وصار اسوء من قبل الحين انا اتوقع انه بكون كلش مره وحده بعد الاستبيان اليديد

شكلهم والله اعلم حاطين واحد في المطبخ ومخلينه يحوس على كيفه

هـــــ KOC ــاجري

10-23-2007, 07:40 PM

مشكلة المناقيش مع الأصلع ورفيقه

أبشرك بعد العيد مفتكين منه

وبعدين ضبطوا غداكم

الأصلع شهر يناير ... ورفيقه شهر يونيو .... للعلم :)

المهندس

10-24-2007, 08:15 AM

Shoomy

10-24-2007, 08:24 AM

ههههههههههه انا شايفهم شلون يحشون الصمون بالاكل - دخلت عندهم وشفت :) الطماط طايح عالارض والخس والبنجاليه معرقين وقاعدين يحشون بايدينهم وعالشريع بس عليه انه يلفها في بلاستيك :) ترا في التطمش تكتشفون اشياء كثيره - بالنسبه لي انا اشرب العصير واكل الفاكهه بس والباجي اعطيه البنقالي المعفن اللي عندنا

:eek: :eek: :eek:
ليش ماقلت عشان انيي ونشوف وياك؟؟؟؟؟؟

:D اشوه اني ماشفت شي بعيني جان سويت جريمه وكتبوا عني بالجرايد ... الفتاة التي فجرت مطعم ال KOC عشان صمونه ... :rolleyes:

واصير مشهوره بعدين ... وين اودي ويهي من الناس ...

تحياتي :D

BG. 1

10-24-2007, 09:52 AM

الأصلع شهر يناير ... ورفيقه شهر يونيو .... للعلم :)

لا يكون انت المنجر واحنا ماعندنا خبر

تكفي ودني المناقيش من زمان مارحت لها منذ العهد الغابر Gca

الكويت

10-24-2007, 11:28 AM

استغفر الله الواحد حرام يتذمر على النعمه بس الوجبات الي موفرتها الشركه الله يزيدها وتلوع الجبد ، قبل كان مو عاجبنا الاكل على ايام الكرتون الابيض بس الحين صار رحمه بالنسبه للبربس الي قاعدين نشوفه ... يا جماعه اشكره يبين ان الموضوع فيه ان لأن ما اعتقد المسئولين عاجبهم الاكل بس الي انا احس فيه ان يمكن والله اعلم في ناس مستفيده من ورا هالشركه ..... انا وحده عن نفسي من اشتغلت بالشركه لين اليوم ولا مره اكلت اكلهم ....

انا اضم صوتي لأبو خالد واقول خل الموظفين تستفيد من هالمبالغ الي قاعدين يصرفونها على هالبربسه والي هم تروح بجيب بعض الناس

http://www.q8ow.com/up/uploads/d5e63882c2.jpg (http://www.q8ow.com/up/)

أبو خالد

10-25-2007, 09:42 AM

مشكورة يا كويت
يا جماعة انا الفترة اللي طافت كلمت اكثر الزملاء اللي معاي في المبنى، وانشالله ما يدخل شهر نوفمبر إلا والجميع راح يمتنعون عن طلب الوجبة هذي . . المبنى اللي انا فيه يضم حوالي 170 موظف/موظفة
وان شالله راح يمتنعون كلهم .. وخل نشوف النتيجة

على فكرة قبل كم يوم وصلني ايميل من البوست ماستر (جماعة خدمات الاحمدي) يتكلم عن حفل -أظن في الاتحاد- الحفل هذا راح يكون أكل X أكل

أبو خالد

10-25-2007, 09:48 AM

أغلب الظن إن الجماعة وصلهم خبر عن سوالفنا في المنتدى ومدى التحلطم اللي أبداه الموظفين فقامو وسووا الحفل هذا

على فكرة بالاعلان كاتبين (قريبا) يعني ما في تاريخ بس يبون يستدركون المشكلة والغضب اللي بالموظفين

ويقولون راح يسوون استبيان وتجميع آراء المشاركين !؟؟؟ تو الناس وينكم من زمان . . أصلا اول مرة يسوون حفل عشان يشوفون آراء الناس (مو قايل لكم انه راح يأثر فيهم الكلام/الفعل)

ما علينا؛اللي يحب يشوف الاعلان خل يدش السايت هذا :

http://mykocportal/sites/A/ASG/CST/SpeOffAnn/Lists/Announcements/Attachments/254/وجبة%20الغداء.pps#257,2,Slide 2

ولا يحرمنا من ابداء رايه
ودمتم

أبو خالد

10-25-2007, 09:49 AM

هذا الموقع (بعد التعديل)
http://mykocportal/sites/A/ASG/CST/SpeOffAnn/Lists/Announcements/Attachments/254/وجبة%20الغداء.pps#257,2,Slide 2

أبو خالد

10-25-2007, 09:52 AM

الظاهر عندي مشكلة في الكوبي بيست

روحو الموقع هذا واختارو (وجبة الغداء) وان شالله تضبط معاكم

http://mykocportal/sites/A/ASG/CST/SpeOffAnn/Lists/Announcements/AllItems.aspx

فيصل العجمي

10-25-2007, 10:29 AM

السلام عليكم

ابو خالد الموقع هذا يفتح فقط من احهزة الدوام اللي برى مايشتغل عنده

على العموم شي زين اذا كلامنا وصل للمسؤلين وحسوا فيه

ولكن سمعت ان عقد المطاعم قريب يخلص واذا ماصار العقد الجديد احسن راح نحدد ايام نمتنع فيها عن طلب وجبات وراح تتم مراسلة جميع اعضاء المنتدى بهذا الخصوص ان شاءالله

أبو خالد

10-25-2007, 10:36 AM

على القوة ياخوي فيصل

hassankoc

10-26-2007, 05:19 AM

نفط الكويت

10-27-2007, 04:07 PM

ترقبوا العيش الاموش و المرق الشبزي و الآش مع صب القفشه و الكنافه النابلسيه في كرتون بو إميه قريبا في دور العرض

صخرة رسوبية

10-27-2007, 05:03 PM

انا اقترح يوزعون علينا وجبات من ماكدونالدز

المهندس

10-27-2007, 07:33 PM

Phox

10-27-2007, 08:38 PM

المفروض اذا يبون يطوروون انفسهم - الحل هو بالترشيد :)

المفروض قبل الوجبخ بيوم يقدمون لنا استبيان وخيرون بين اكثر من وجبه حق وجبه اليوم الثاني - يعني راح اعرف غداي حق باجر :) وعلشان ابشر البنغالي الي عندي
عندنا بالحقول يعطونا لستة حق الاسبوع كامل تلقاها عند البانترى ... تدرى شنو غداك كل يوم

حلاتك ساكت :)

أبو خالد

10-28-2007, 10:26 AM

انتم للحين اتدورون لستات (منيو)

ياجماعة حنا موقفين من الخميس اللي طاف

نبي وقفة جدية منكم

أبو خالد

10-30-2007, 08:46 AM

النداء الاخير
شباب ترا الموعد بعد بكرة على الامتناع عن تناول الوجبات واللي راح يكون شهر كامل

اللي ما يقدر يصبر كيفه ... بس مو يجي بعدين يقوم يتحلطم ويكتب في المنتدى
حنا من البداية حطينا مجال لعرض الآراء /الشكاوي ...والحين جا وقت التنفيذ

Shoomy

10-30-2007, 09:00 AM

عدل عدل
ناس ماتمشي الا بالزف ;)

كاااااااااااااااااااااااااك
اي يابوخالد انا وياك من الالف لي الياء
ومن رقم 1 لي ماله نهايه
ومن العبدلي لي الجهرا
ومن القطب الشمالي لي القطب الجنوبي مرورا بخط الاستواء ... صرت مدرسه اجتماعيات الله يهداني
:D

انشالله عقب باجر الوعد واللي مايتحمل اليوع اييب معاه لانش بوكس كل يوم بالعربي جنطة اكل
جنكم رايحيين المدرسه :D

:rolleyes: اتخيل اشكالنا الصبح واحنا داشيين

تقبل مشاركتي

تحياتي

باش دبلوم

10-30-2007, 11:42 AM

يازين الكاروسون بالجبن من امريكانا والبسكويت مع جاى حليب

وريح مخك من وجبات الشركه والتحلطم كل يوم

والأكل السنع تلقاه فى البيت

خففوا من الكروش ياكوايته فضحتونا بين العالم

زهرة التوليب

10-30-2007, 01:21 PM

الظاهر كل القطاع النفطي يعاني من مشكله الوجبات وردائة المطاعم !!!

والله عيب قطاع نفطي وحاطين لنا أسوأ خدمات تغذيه !!!

نفط الكويت

10-31-2007, 02:10 AM

بس تعالوا اذا تبونا نسوي مقاطعه لازم تكون مقاطعه مدروسه يسبقها اعلام جبار

فنطلع اسم حق هذي المقاطعه و اقترح يكون

حمكو

حركة مقاطعة كرتون الوجبات:d

WOLF

10-31-2007, 07:03 AM

والله يبيله نمتنع ونتحرك شوي .... مادري شفينا مالنا خلق نسوي شي لا لنا خلق نطالب بحقوقنا... أبسط حقوقنا مالنا خلق نطالب فيها .... اذا طبقنا سالفة الامتناع عن شراء وجبات البوربع .... رااح تتغير شغلات واااايد بس المشكلة !! مالنا خلق !!

أبو خالد

10-31-2007, 12:32 PM

اخوي الذيب

لو كل قسم في الكي او سي في واحد مثلك، اظن امور واجد راح تتغير للاحسن

كل اللي نبيه همتك بكرة انت واللي تقدر تكلمهم

شكرا

Shoomy

10-31-2007, 12:40 PM

الوعد باجر يابوخالد

redrose

10-31-2007, 01:11 PM

خو سوها مره ومتنعوا عند الطعام (ضراب ) وشوفوا الرد شنو راح يكون ...........

الكباب الكباب لا نخلي عيشتكم هباب...

لوووول

al-khaldi

11-01-2007, 01:19 PM

والله انا معاكم بس حتى لو امتنعوا عن المطاعم اخاف بس الفلوووس الي تندفع للمطعم يخلوونها لنا اخاف صج وشكرا

أبو خالد

11-01-2007, 01:28 PM

انت بس شد حيلك معانا يابو يوسف . . وبنشوف

أبو خالد

11-05-2007, 12:56 PM

أوجه شكري لكل من ساندني حتى الآن من القسم اللي انا فيه وأخص...

* أبو نادر
* أم ضاري
* أم فهد
* أبو سيف
* أبو محمد
* عسكور
* أحمد - أبو عبدالهادي-
* براك
* ابو تريحيب
* زيد
* محمد دشتي
* عادل - ابو حسن-

واللي نسيت اسمه يعذرني رجاءا

حرف

11-14-2007, 08:12 PM

ياجماعه انتم تطالبون بتوقيف الوجبات زين وشنو البديل

اللى بالاحمدي ماكوا مشكله عليهم يطلبون من اى مطعم بس المناطق الخارجيه مثل برقان المناقيش ماعندهم كفتيرياا شنو يسوون

يعني يقعد الواحد من الساعه 7 لى الساعه 3 على لحم بطني مايصير

والا تبونهم يقزرونها ... جاى وزقاير

أبو خالد

11-15-2007, 10:49 AM

اخوي حرف

الديرة مليانة مطاعم. . انا دوامي بالمالية داخل الاحمدي ونطلب من اي مطعم. . او كلش كلش اي واحد من الشباب اللي بالقسم يجيب المقسوم معاه... بس ما فينا اللي يشتهي وجبة الشركة

أخلصك .. حتى الفراشين عندنا ما يخذون منها إلا العصير او الفاكهة. . الله يزيد النعمة

الفصول الأربعة

11-15-2007, 11:43 AM

نبي سلطات سنعه نبي صمون حار
آآآآآآآآآآنا مايبط كبدي الأ الكروسان اللي يحطونه صغير لقمه المشكله كاكاو يديم النعمه الله
مدري صراحه منو المقترح أن يحطون كرواسان بالكاكاو يعني قصدهم أحلي يعني
والبسكوت منو قالهم نبي بسكوت يعني عقب ماآكل الوجبه آكل بسكوت وجاي
تبون الصج هذي الوجبة هنود. أي شي ياكلون
حتى بنتي قامت تزفني من كثر مااجيب البسكوت وتتحطم بعد
تقول لي بسكوت مابي أنتوا ماعندكم غير بسكوت.
يرضيكم بنتي تتطنز على مطعم الشركة؟