الديووووون

[Neilz]

يا جماعه يوم الحسم غدا الساعه8 صباحا في مجلس الامه
حضوووورك دعم لاسقاط الفوائد فارجو من كل مواطن ان يشارك في هذا اليوم ...


تحياتـــــــــــــــي:)

[غيوره جدا]

احنا ناس ملتزمين شنو ذنبنا !!

يعني نروح ناخذ قرض ؟؟

والناس اللي عايشه على قد معاشها و ما همتها المظاهر شنو ذنبهم ؟!

اعتقد من باب اولى و من باب المساوة يزيدون الشعب كله

اللي عنده قرض واللي ما عنده

[LaRambla]

يبا السالفه منتهيه خلاص انسوا مافي اسقاط قروض ولا في شراء مديونيات


الحكومة عرفت منو تشتري من الاعضاء وباجر تشوفون

[بلبل عنقريزي]

بتسقط بحاله وحده

ولا ماراح اقول يمكن يكون كلامي تعدي ماحب السياسه

بس ابشروا بالخير راح تطيح الديون اللي على العراق وغيرها من دول الضد

وااااااعجبني من هالنوعيه اللي يموت ب :)

[algharib]

الصراحه انا معارض اسقاط القروض لانه ماعندى قرض وجذيه ما يسير فيه انصاف
الي اخذ قرض واستانس فيه يطيحونه له والي ما اخذ ما يستفيد شي ومع العلم انى في ناس كانت مطره لضروف معينه بس همن اقول مافي انصاف

[غيوره جدا]

شــــــــــــــــــــــــــــــــــــــــكــرا

ياللي ببالي

[ABDULLAH]

فوائد ديون الدول المقترضة من الكويت هي 1 % ، فوائد ديون المواطنين للبنوك تلامس 100 % ، أكثر الدول المقترضة ترسل مندوبيها طالبين العفو و السموحة من الكويت لإسقاط أصل الدين و الفوائد ، فيغادر المندوبين و هم في غاية لسعادة من التفاعل الإيجابي الذي يلقونه هنا ،
يأتي المواطن يقترض 20 ألف دينار على أساس أن فائدة قرضه تصل إلى 9 ألاف ، بعد بضع سنين يجد نفسه مدين إلى البنك بمبلغ 40 ألف و يسأل لماذا فيقال له مبروك إرتفعت الزيادة و زادت النسبة و إرتفع القسط الشهري و عدد السنوات .
القطط الكبار تسمن و تسمن و القط الهزيل يلاحق السيارة الكبيرة الصفراء فجرا طلبا لإشباع أطفاله. القطط السمان لا تريد أن يجالسها أو يخالطها قط ولد فقارة فليزيد الفارق بين الطبقات في المجتمع و لتسحق الطبقة الوسطى. لاحول و لا قوة ألا بالله

البنك المركزي ترك المواطن المقترض للبنك المفترس، فنهش البنك الدائن المواطن و نهش و نهش حتى جعل المواطن يقبض من دبش ،لا هو خلص من دفع قرضه و لا ملحق على الفايدة اللي صارت تقريبا نفس مبلغ القرض الأصلي

إسقاط الفوائد طلب عادل

[رجل امن اول]

والله كلامك عدل اخوي عبدالله

بس مشكله الكويتين حسوودين مايبون الخير حق اخوانهم

ان شاءالله وبأذن الله الفوائد اطيييييييييح ياااااااااااااااارب

[العتيبي Q8]

يقولون في الأمثال:( فلان لاحصله من عنب اليمن ولا من بلح الشام ) يااخواني النفطيون راح وقتكم بين زوير وعوير.. ( الزياده,والقروض)

ماحصلنا على الزياده في وقتها اللي نبيه؟والحين الناس تطبل على اسقاط القروض؟؟؟ يعني الواحد طلع من حفره وسقط في دحديره,

الكل يرجو الرفاهيه للكل ولاكن تجري الرياح بما لا تشتهي السفن نسأل الله العافيه فريحوا اعصابكم عالاخر مع عصير ليمون من سوق

الشبره تراه مفيد جدا للاسترخاء.. ونسأل الله البركه في ما رزقنا . اللهم أمييييين وشكرا.......

مع تمنياتي ان القروض تطيح كلها في ناس مايصفالها شي اخر الشهر وعليها التزامات الله يكون بالعون ؟؟؟؟؟؟؟

[ابو فاطمة]

يا جماعه يوم الحسم غدا الساعه8 صباحا في مجلس الامه
حضوووورك دعم لاسقاط الفوائد فارجو من كل مواطن ان يشارك في هذا اليوم ...


تحياتـــــــــــــــي:)

فكنا من شرك نيلز وخلنا بهمومنا :) وخلك بالشت داون

انشالله يسقطون كل شي

[like.no.other]

ان شاء الله تطيح يا رب بعدين اختي غيوره انا من الناس مو ماخذ قرض لكن اتمنى اسقاط القروض تقولين ليش اقولج انا شفت ناس ورب الكعبه حدتهم الدنيا انهم ياخذون قروض ليرمم بيت اهله او يعطي ابوه ولا امه وانا اعرف واحد ماخذ قرض من هذي الاسباب واللحين صارله 7 او 8 سنين يقاسط و المبلغ ما نقص منه شي واذا نقص نقص شي قليل والرجال يبي يتزوج وصل عمره 30 بس ما يقدر ما يبقى شي من معاشه كلها اقساط باقساط ومثله ناس واجد يعني والله حرام اتطيحون على دول تقدر تدفع الفلوس وما تطيحون على المواطن اللي معاشه ما يلحق ومو قادرين يتزوجون او يسدون حاجات بيتهم والله حرااام والله حرااااااام حسبي الله ونعم الوكيل

[بلبل عنقريزي]

شي يفيد الكويتيين موافقين عليه

ياجماعه الكويتيين اولى واحق من غيرهم

اي مع اسقاط القروض

حني ياحكومه عيب

[norema-sarto]

صباح الخير كلكم

أدعوا يا رب أنهم يسقطون القروض

لأننا من أرض وحدة وأصل واحد لازم الخير يعمنا كلنا

مو نعطي فلوسنا للدول الضد ويفرحون
وعيال الكويت محتاجة
بغض النظر إني خذيت قرض ولا ما خذيت
المهم الفلوس راح تندفع لعيالنا

عدل ولا ولا
يا غيووورة جدا

[ali_85]

انا واحد من الناس خذيت قرض علشان اعالج الوالده بره تخيلو مصاريف سفر وعمليه والحين انا مديون ومادري شلون بتزوج

[مبارك الشمري]

فوائد ديون الدول المقترضة من الكويت هي 1 % ، فوائد ديون المواطنين للبنوك تلامس 100 % ، أكثر الدول المقترضة ترسل مندوبيها طالبين العفو و السموحة من الكويت لإسقاط أصل الدين و الفوائد ، فيغادر المندوبين و هم في غاية لسعادة من التفاعل الإيجابي الذي يلقونه هنا ،
يأتي المواطن يقترض 20 ألف دينار على أساس أن فائدة قرضه تصل إلى 9 ألاف ، بعد بضع سنين يجد نفسه مدين إلى البنك بمبلغ 40 ألف و يسأل لماذا فيقال له مبروك إرتفعت الزيادة و زادت النسبة و إرتفع القسط الشهري و عدد السنوات .
القطط الكبار تسمن و تسمن و القط الهزيل يلاحق السيارة الكبيرة الصفراء فجرا طلبا لإشباع أطفاله. القطط السمان لا تريد أن يجالسها أو يخالطها قط ولد فقارة فليزيد الفارق بين الطبقات في المجتمع و لتسحق الطبقة الوسطى. لاحول و لا قوة ألا بالله

البنك المركزي ترك المواطن المقترض للبنك المفترس، فنهش البنك الدائن المواطن و نهش و نهش حتى جعل المواطن يقبض من دبش ،لا هو خلص من دفع قرضه و لا ملحق على الفايدة اللي صارت تقريبا نفس مبلغ القرض الأصلي

إسقاط الفوائد طلب عادل

------------------------------------------------

يا سلام عليك أخوي عبدالله كلامك عدل وصحيح 100% وما دام فلوسنا رايحه يمين ويسار للي يسوى واللي ما

يسوى فالمواطن الغلبان والمكبل بالديون والهموم والغموم أولى من غيرة في خير الديرة .

والحكومة لها سابقة بإسقاط ديون الهوامير والقطط السمان وهي ثلاث أضعاف ديون جميع المواطنين !!!.

يعني يا حكومة ومعكم الأعضاء المعارضين لإسقاط القروض ... حبكت هالحين على الكبارية والدول الأخرى حلال

وعلى المواطن المسكين والذي يئن ويشكو من شظف العيش وغلاء المعيشة وضغوط الحياة اليومية وقلة ذات اليد

أقول حلال عليهم إسقاط مديونياتهم المليونية وحرام على الفقير إسقط ديونه اللي كاسرة ظهره بفوائدها الهائلة

شنو صارت ديرتنا عين عذاري تسقى البعيد وأهلها ميتين من العطش وهلاكى !!!. أضعف الإيمان أن تعامل

الحكومة المواطن اللي منتف من الديون وفوائدها المتراكمه واللي دوم تتوالد وما تخلص أقول تعاملهم مثل ما تعامل

الدول اللي تعطيها قروض بدون فوائد أو بفوائد لا تذكر 1% وما شابه وإلا المواطن ما يستاهل ويبون يحولون الكويت

إلى طبقية غني وفقير وبس .

مرة أخرى تسلم أخوي عبدالله على ما خط قلمك فهو برأيي عين الصواب وكلمة حق ودفاعا عن المطحونين المديونين

والذين ما استدان أغلبهم إلا لحاجة ضرورية كمثل شراء أرض أو منزل بعد أن ملوا طول الإنتظار الذي وصل 15 سنة

سلامتك يا الحبيب .... ودمتم

[رجل امن اول]

ابي اخت غيوره ترد وينهي

الي ماتبين القروض اطيح

تعالي شوفي حجي الناس وينج يلي ماتبين الخير حق اهلج واخوانج وخواتج

الكويتين بس اللهم نفسي

[اه ياكويت]

انشاء الله ما يسقطون شي انا شنو ذنبي ماخذيت قرض و ماد ريلي علي قد الحافي

[مبارك الشمري]

يا جماعه يوم الحسم غدا الساعه8 صباحا في مجلس الامه
حضوووورك دعم لاسقاط الفوائد فارجو من كل مواطن ان يشارك في هذا اليوم ...


تحياتـــــــــــــــي:)

----------------------------------------

شكرا لك أخي الكريم على طرح هذا الموضوع الهام لشريحة كبيرة وكبيرة جدا من الكويتيين

وأسأل الله العلي العظيم الكريم المنان مالك الملك والذي يعطي سبحانه من يشاء بغير حساب أن يخفف الدين على

المدينيين وأن يفرج الكرب على المكروبين وأن يلين قلوب المسئولين ويهديهم لما فيه خير البلاد والعباد آآآآآمييييين

سلامتكم ... ودمتم

[SAK22]

الخرافي يرفع الجلسه ويخلي القاعه من الجمهور بعد هجوم احدهم علي احمد ناقر

[Instrument]

الخرافي يرفع الجلسه ويخلي القاعه من الجمهور بعد هجوم احدهم علي احمد ناقر



مواطن صرخ على النائب باقر: أينكم من الفحم المكلسن والمدينة الإعلامية
جاسم الخرافي يخلي قاعة المجلس من الجمهور لاخلال النظام
وقت النشر 11:50ص

كتب محمد السلمان:


رفع رئيس مجلس الأمة جلسة مجلس الأمة مؤقتاً اليوم وأمر باخلاء القاعة من الجمهور اثر اختلال النظام داخل القاعة، بسبب صراخ احد المواطنين على النائب أحمد باقر الذي كان يدافع عن نفسه حول موقعه من المديونيات الصعبة عام 1992، وقد صرخ المواطن قائلاً: اتق الله في نفسك يا باقر، انت ضد الشعب... الله أكبر عليك، وين العدالة في الفحم المكلسن والمدينة الإعلامية، لو عرضوا ديون العراق انت أول واحد توافق عليها.
ورد باقر معلقاً عليه انك كذاب.. طلعوه من القاعة.
عندها قام رئيس مجلس الأمة باخراجه من القاعة واخلاء القاعة من الجمهور.
وكان المجلس قد فتح نقاشاً صباح اليوم في اقتراح قانون شراء الدولة لمديونيات المواطنين.

تاريخ النشر: الثلاثاء 4/12/2007

[كي او سي]

هذا اللي يبونه

للاسف

بطيخ

[غيوره جدا]

موجوده غيوره

طبعا ابي الخير لهلي و ديرتي و بالعكس ما زعلت لما اجلوا الزياده .. لعل بالامر خيره و نكون احد الاسباب اللي خلت الزياده انشالله تعم عالجميع ..

ثاني شغله .. الكويت عضو بالامم المتحده و مجبوره تطبق قرارته

والسياسه الخارجيه تحتم عليها انها تبرع للدول المنعدمه و المحتاجه .. كل الدول النفطيه مو بس الكويت

والله حافظ الكويت و السبه هالمساعدات ..

بعدين المديونيات هذي مالها ضوابط ؟ و هل القروض العقاريه من ضمنهم ؟؟

UNFAIR انو يطيحون من واحد 30 الف و الثاني 10 والثالث ولا شي .. و بيعايرونا فيها بعد !!

يعني مثلا فلان شاب محترم ما عنده غير معاشه حب يشتريله سياره على قده شرا كامري

علان نفس مستواه بس حب انه يوحي من طبقه ماديه اعلى شويه خذا قرض خنقول شرا range sport مع الفوايد

الثاني تكافئونه و تطيحون عنه ؟!

اذا طاح قرضه بيبيعه و و ياخذ قرض اكبر من اللي طاف و يشتري ماي باخ !!

انا عارفه انه في حالات انسانيه استدعت القرض ..

و المثل يقول " من فرق بين حوار و حوار له مقعد بالنار "

نبي حل يرضي الجميع .. اما زيادة الرواتب 100% او منحه لكل مواطن 10 الاف او اي دبره

مو يقعدون هالنواب يشتتون الشعب و يضيعون الصقله

[مبارك الشمري]

مواطن صرخ على النائب باقر: أينكم من الفحم المكلسن والمدينة الإعلامية
جاسم الخرافي يخلي قاعة المجلس من الجمهور لاخلال النظام
وقت النشر 11:50ص

كتب محمد السلمان:


رفع رئيس مجلس الأمة جلسة مجلس الأمة مؤقتاً اليوم وأمر باخلاء القاعة من الجمهور اثر اختلال النظام داخل القاعة، بسبب صراخ احد المواطنين على النائب أحمد باقر الذي كان يدافع عن نفسه حول موقعه من المديونيات الصعبة عام 1992، وقد صرخ المواطن قائلاً: اتق الله في نفسك يا باقر، انت ضد الشعب... الله أكبر عليك، وين العدالة في الفحم المكلسن والمدينة الإعلامية، لو عرضوا ديون العراق انت أول واحد توافق عليها.
ورد باقر معلقاً عليه انك كذاب.. طلعوه من القاعة.
عندها قام رئيس مجلس الأمة باخراجه من القاعة واخلاء القاعة من الجمهور.
وكان المجلس قد فتح نقاشاً صباح اليوم في اقتراح قانون شراء الدولة لمديونيات المواطنين.

تاريخ النشر: الثلاثاء 4/12/2007


-------------------------------------------

ياجماعة الخير أحمد باقر وإن كنا نعارضه ونختلف معاه في توجهاته وتصرفاته التي أغلبها مع الحكومة والتجار و ضد

المواطنين وقضياهم كمثل زيادة الخمسين دينار , وتقليص عدد الأبناء في علاوة الأولاد , والقروض إلا أن الرجل بصراحة

كان واضحا وصريحا وقالها بالفم المليان إنه ضد القرارات الشعبية السالفة الذكر .

لكن موتك وخوفك من الأعضاء الذين صرحوا وطنطنوا بتأييدهم حقوق المواطنين نبي نشوف بعضهم اليوم يصمدون

ويصملون في كلامهم وإلا لا ( و الله يستر ) , وعس أن التصويت يكون اليوم علانية حتى نتبين الخيط الأسود من الخيط

الأبيض وتنكشف الأمور ونعرف اللي من النواب قول وفعل واللي بس حكي .

ونرجوا أن لا تتحول الجلسة إلى جلسة سرية وبالتالي تضيع الطاسة وحقوق المواطنين ويختلط الحابل بالنابل .


سلامتكم .... ودمتم

[كي او سي]

-------------------------------------------

ياجماعة الخير أحمد باقر وإن كنا نعارضه ونختلف معاه في توجهاته وتصرفاته التي أغلبها مع الحكومة والتجار و ضد

المواطنين وقضياهم كمثل زيادة الخمسين دينار , وتقليص عدد الأبناء في علاوة الأولاد , والقروض إلا أن الرجل بصراحة

كان واضحا وصريحا وقالها بالفم المليان إنه ضد القرارات الشعبية السالفة الذكر .

لكن موتك وخوفك من الأعضاء الذين صرحوا وطنطنوا بتأييدهم حقوق المواطنين نبي نشوف بعضهم اليوم يصمدون

ويصملون في كلامهم وإلا لا ( و الله يستر ) , وعس أن التصويت يكون اليوم علانية حتى نتبين الخيط الأسود من الخيط

الأبيض وتنكشف الأمور ونعرف اللي من النواب قول وفعل واللي بس حكي .

ونرجوا أن لا تتحول الجلسة إلى جلسة سرية وبالتالي تضيع الطاسة وخقوق المواطنين ويختلط الحابل بالنابل .


سلامتكم .... ودمتم

جميل زيزوم

بس الطاسة سووها قحفية والبسوها وخلونا


للاسف

[غيوره جدا]

انتو من صجكم ؟؟

2000 مالت الكهربا ما طيحوها !! تبون يطيحون قرض !!

قرض انسى .. يطيحون فايده نعديها !!

بس ماكو فايده

بعد الغزو الله يرحمه الشيح جابر الأحمد طيح القروض

ورد المواطن الكويتي كما ولدته امه من ناحية الذمه الماليه ؟؟

القروض بدمكم مثل الخبيث .. ماكو فايده لا شلت الورم و طلع بداله واحد !

عندي سؤال ..

نفرض طيحوا القروض " اهو ده اللي مش ممكن "

باجر عيالكم لاقترضوا هم بيطيحون ؟؟

انا افتكر ان الحل يكون بتعديل القانون !!

يعني لازم تكون للفايده حد و ضوابط مثل صندوق التنميه !

القرض ما نلحق عليه مثل كرة الثلج كل يوم يكبر

يعيش قرض الشباب

[LaRambla]

موجوده غيوره

طبعا ابي الخير لهلي و ديرتي و بالعكس ما زعلت لما اجلوا الزياده .. لعل بالامر خيره و نكون احد الاسباب اللي خلت الزياده انشالله تعم عالجميع ..

ثاني شغله .. الكويت عضو بالامم المتحده و مجبوره تطبق قرارته

والسياسه الخارجيه تحتم عليها انها تبرع للدول المنعدمه و المحتاجه .. كل الدول النفطيه مو بس الكويت

والله حافظ الكويت و السبه هالمساعدات ..

بعدين المديونيات هذي مالها ضوابط ؟ و هل القروض العقاريه من ضمنهم ؟؟

UNFAIR انو يطيحون من واحد 30 الف و الثاني 10 والثالث ولا شي .. و بيعايرونا فيها بعد !!

يعني مثلا فلان شاب محترم ما عنده غير معاشه حب يشتريله سياره على قده شرا كامري

علان نفس مستواه بس حب انه يوحي من طبقه ماديه اعلى شويه خذا قرض خنقول شرا range sport مع الفوايد

الثاني تكافئونه و تطيحون عنه ؟!

اذا طاح قرضه بيبيعه و و ياخذ قرض اكبر من اللي طاف و يشتري ماي باخ !!

انا عارفه انه في حالات انسانيه استدعت القرض ..

و المثل يقول " من فرق بين حوار و حوار له مقعد بالنار "

نبي حل يرضي الجميع .. اما زيادة الرواتب 100% او منحه لكل مواطن 10 الاف او اي دبره

مو يقعدون هالنواب يشتتون الشعب و يضيعون الصقله



اول مره احد يقنعني بسالفة القروض

كلام طيب ووجهة نظر سليمة

[ABDULLAH]

اول مره احد يقنعني بسالفة القروض

كلام طيب ووجهة نظر سليمة


ولد كوم وكف وشك للحيط

[LaRambla]

ولد كوم وكف وشك للحيط



يابوصالح

ما من رجا يابوصالح

السالفة غدت وانتهينا

[ABDULLAH]

يا معود حتى رجا ................. تقاعد
خلها على الله

[LaRambla]

يا معود حتى رجا ................. تقاعد
خلها على الله


كله على الله يابوصالح:D

باعونا برخيص حسبي الله عليهم

[ABDULLAH]

كله على الله يابوصالح:D

باعونا برخيص حسبي الله عليهم

لا هم بس يبون يشوفون قدرتك على التحمل لي وين

[زهرة التوليب]

لوووووول

والله انكم متفائلين حضرتوا والا ما حضرتوا
الحكومه مو راضيه من الاساس على اي مقترح من النواب
لا اسقاط المديونيات
ولا شراء الديون
ولا حتى فوائد القروض !!!

الحكومه بس حضرت الجلسه علشان تقول انا حضرت !!!

وطبعا كنت متأكده انهم راح يفلون الجلسه وتصير سالفه ويقطونها براس الجمهور
اللي بعضهم متعمدين يسوون هالشي علشان تفضون الجلسه وتصير سريه لصالح الحكومه وبعض النواب

خلهم يقطون فلوسهم على فلان وعلان
ويخلون الشعب عايش مديون لين يندفن بقبره

[بوعبدالرحمن]

احنا ناس ملتزمين شنو ذنبنا !!

يعني نروح ناخذ قرض ؟؟

والناس اللي عايشه على قد معاشها و ما همتها المظاهر شنو ذنبهم ؟!

اعتقد من باب اولى و من باب المساوة يزيدون الشعب كله

اللي عنده قرض واللي ما عنده ( ابي اسألج سؤال يا غيوره جدا !! اذا ابوج او اخوج او زوجج بالسجن وعليه مبالغ ماليه وانتي الوحيده من بعد الله عز وجل اللي تقدرين اتساعدينه عن طريق الاقتراض الربوي شتسوين يملتزمه وعايشه على قد حالج ؟؟؟؟؟ ترى الحسد ماياكل الاصاحبه .... ياغيوره

[ali_85]

احنا ناس ملتزمين شنو ذنبنا !!

يعني نروح ناخذ قرض ؟؟

والناس اللي عايشه على قد معاشها و ما همتها المظاهر شنو ذنبهم ؟!

اعتقد من باب اولى و من باب المساوة يزيدون الشعب كله

اللي عنده قرض واللي ما عنده


وهذا رد لج
كم اب تسلف على شان يعالج احد افراد اسرته في الخارج لان ما عنده واسطة تسفره للخارج، وكم رب اسرة تدين على شان يبعث احد ابنائه للدراسة في الخارج لان ما عنده واسطة، وكم رب اسرة ارهقه الدين بسبب الايجارات لان ما عنده بيت والفضل يعود لك انت وربعك؟ وكم اسرة لحقها الدين لان ما عندها معيل! وكم اسرة على الله وعلى معاش الشؤون، وكم اسرة تعصف فيها الظروف الصعبة وتتجرع مرارة قلة الحيلة وجور الوقت، وكم رب اسرة اقعده المرض عن العمل وكثرت عليه الديون، وكم اسرة على الله وعلى جود اهل الخير، وكم اسرة واسرة ما تلقى حتى كسوة العيد!

الرد مقتبس من الكاتب مفرج الدوسري جريدة الوطن
وهذا المقال كامل
http://www.alwatan.com.kw/Default.aspx?MgDid=574590&pageId=163
وشكرا

[nuclear]

احنا ناس ملتزمين شنو ذنبنا !!

يعني نروح ناخذ قرض ؟؟

والناس اللي عايشه على قد معاشها و ما همتها المظاهر شنو ذنبهم ؟!

اعتقد من باب اولى و من باب المساوة يزيدون الشعب كله

اللي عنده قرض واللي ما عنده

و منو قال انه كل المقترضين همها المظاهر؟؟ لاتجمعين يا اختي اذا انتي مانحديتي على القرض قولي الحمدلله لكن لاتحللين مشاكل الناس على انها مظاهر و عندي اثنين اعرفهم خذو قرض لهذي الاسباب و ارجو ان تقولين لي هل هذه مظاهر
الشخص الاول:
اخذ قرض لانه بيتهم هدام و ابوه شايب و اهو كبير البيت هل يخلي البيت على و ضعه خرير ماء و حشرات و و و و و الخ؟؟؟؟؟
الشخص الثاني:
امه مريضه و طبعا مستشفياتنا العلاج فيها اذا مو ادول بنامول و مابقا مستشفى بالكويت ماراح له حكومي ولا خصوصي و ماكو علاج اخذ قرض و راح المانيا معاها الحين ولله الحمد مافيها شي طيبه

هل تسمين هذول الاشخاص مظاهر و غيرهم كثير منهم الي فك دين اخوه ولا ابوه و ما انكر انه في ناس شرو سيارات و سفرو حريمهم اصابع ايدكم مو سوا فانا اقول انشاء الله تطيح الديون او تشترى على الاقل لانه خير الكويت قاعد يتوزع على اعدائنا فخل ياخذونه اهل البلد احسن و عقب الي يقتؤرض ذنبه على جنبه
و تقبلو مني فائق الاحترام و التقدير

[حرف]

وهذا رد لج
كم اب تسلف على شان يعالج احد افراد اسرته في الخارج لان ما عنده واسطة تسفره للخارج، وكم رب اسرة تدين على شان يبعث احد ابنائه للدراسة في الخارج لان ما عنده واسطة، وكم رب اسرة ارهقه الدين بسبب الايجارات لان ما عنده بيت والفضل يعود لك انت وربعك؟ وكم اسرة لحقها الدين لان ما عندها معيل! وكم اسرة على الله وعلى معاش الشؤون، وكم اسرة تعصف فيها الظروف الصعبة وتتجرع مرارة قلة الحيلة وجور الوقت، وكم رب اسرة اقعده المرض عن العمل وكثرت عليه الديون، وكم اسرة على الله وعلى جود اهل الخير، وكم اسرة واسرة ما تلقى حتى كسوة العيد!

الرد مقتبس من الكاتب مفرج الدوسري جريدة الوطن
وهذا المقال كامل
http://www.alwatan.com.kw/Default.aspx?MgDid=574590&pageId=163
وشكرا

الله يعطيك العافيه كفيت ووفيت

والا بيرد على كلامك بعتقد انه مو انسان ولا يحمل احاسيسي ومشاعر داخله

[غيوره جدا]

جيتكم واحد وجيتوني جماعة !

بو عبدالرحمن - ali_85 - nuclear

تدرون شنو الخلاف بينا !!؟

عندي بعد نظر .. وانتو ما تطالعون الا على المدى القصير

ما نبي نطرح مشاكلنا الشخصيه علي85 .. انا عارفه انك ماخذ قرض عشان تودي الوالده الله يشافيها علاج .. اجرك عند ربك انشالله
بو عبدالرحمن " السجون قضيه ثانيه طلعنا من موضوع القروض " انا اتكلم عن شعب مو عن 1 او 20 شخص

انا وحده عندي قرض و اهلي كلهم عندهم قروض

عنده قرض + فيه سكر + عصبي = كويتي

بس ما شفت نفسي بالسالفه
ما اتكلم عن شعب و بس !! اتكلم عن اجيال

ممكن تفسرولي اذا عيالكم باجر اقترضوا مثلكم منو بيطيح قروضهم ؟!

وكل جم سنه بيطيحون القروض ؟الدوله تعذب حالها و تعطي قروض سكن و البنوك بكل مجمع يرغبون الشباب بنواع

القروض !! جان تعطي هبه و خلاص !

يا جماعه الغزو كان استثناء !!

و مطلبكم الغير واقعي والغير مجدي راح تستفيد منه فئه معينه !! لا الناس اللي التزموا من قبل استفادو ولا اللي بيقترضون بالمستقبل و لا اللي قرضه تافه استفاد

على سبيل المثال اذا احتجت بعد 5 سنوات قرض ؟! منو راح يطيحلي اياه ؟! ولا يطيح عن علي او عبدالرحمن وانا لأ ؟!

اعتقد الحل يكون بتطبيق قانـــــــــــــــــون اسوة بصندوق التنميه اللي ياخذ 1% او 3% بالكثير !

و يضعون ضوابط للبنوك التجاريه ..

وحلول يقدمها بنك التسليف !

واعتقد المطلب الحقيقي هو الزياده الخياليه اللي تماشى مع البراميل و مردودها !!

البرميل داش بال 100 و بيعديها و الاسعار ترتفع و احنا مكانك راوح

افتكر هالمطلب هو اللي بيفيد ابناءكم .. مو اسقاط ما يستفيد منه الا فئه و ما راح يتكرر

و آسفه للاطاله

[حرف]

الخطئ الاكبر خطأ الدوله لانها ماحطت قوانين للبنوك وفتحتها على مصاراعيها والفائده لما ارتفعت ضلمت ناس وبهذلت ناس كثير
ولما نزلت فائده بامريكا على طول البنك المركزي الله يعطيه العافيه فصل الارتباط بين الدينار والدولار والفائده فى امريكا نزلت واحنا مازالت مرتفعه عندنا يعني المشكله كلها لعبه كبيره لعبها البنك المركزي

والمفروض الدوله تصحح هذا الغلط باسقاط القروض او اعاده جدولتهاا حرام واحد يستقطعون منه 200 ومع ارتفاع الفاسيده صارت 500 والله ضلم
وبعد ما تعدل الوضع الدوله وتصح الاخطاء اللى ارتكبها الننك المركزي ذيج الساعه تحط قوانين وبنود وشروط للبنوك وللى يبي ياخذ قرض

واهني راح يكون الوضع سليم

[كي او سي]

الخطئ الاكبر خطأ الدوله لانها ماحطت قوانين للبنوك وفتحتها على مصاراعيها والفائده لما ارتفعت ضلمت ناس وبهذلت ناس كثير
ولما نزلت فائده بامريكا على طول البنك المركزي الله يعطيه العافيه فصل الارتباط بين الدينار والدولار والفائده فى امريكا نزلت واحنا مازالت مرتفعه عندنا يعني المشكله كلها لعبه كبيره لعبها البنك المركزي

والمفروض الدوله تصحح هذا الغلط باسقاط القروض او اعاده جدولتهاا حرام واحد يستقطعون منه 200 ومع ارتفاع الفاسيده صارت 500 والله ضلم
وبعد ما تعدل الوضع الدوله وتصح الاخطاء اللى ارتكبها الننك المركزي ذيج الساعه تحط قوانين وبنود وشروط للبنوك وللى يبي ياخذ قرض

واهني راح يكون الوضع سليم

سنع ولد سنع يا حرف

قوانين البنك المركزي والتي لم تطبقها البنوك مع العلم بان هذه القوانين منها بسنة 1999 ومنها بسنة 2001

1- التأمين على الحياة ، رجعولي التامين بعد 3 سنوات من القرض بامر من البنك المركزي وليس كاملا
2- زيادة القسط الشهرى عن نصف الراتب وانا واحد منهم قبل ارتفاع الفائدة
3- زيادة في ارتفاع الفوائد ولي نصيب ايضا فيها
4- عدد السنوات يجب ان لا تتجاوز ال 15 سنة للقروض السكنية والشخصية و 5 سنوات بالقروض الاستهلاكية وانا واحد منهم قرضي 18 سنة
5- تاجيل قسط شهري : تستطيع تاجيل القسط مره او مرتين وبعض البنوك ثلاث مرات في السنه وياخذون رسوم عليها وهذا ايضا ممنوع بتعليمات من البنك المركزي ولم تتطبق
6- تاجيل القسط الشهري : تاجيل القسط يجب ان يكون كاملا بدون اي نقصان ولكن البنوك تستقطع الفائدة وتؤجل اصل الدين وهذا مخالف ايضا

والله هذا اللي اعرفه لاني راح ارفع قضية في الوقت القريب وبتوصية من احد المحامين ضد البنك المركزي وضد البنك التجاري لعدم تطبيق القوانين

لان واحد من اصحابي رفع قضية ضد احد البنوك وكسب القضية بعد ما كان قيمة القسط اعلى من نصف الراتب
وهذه معلومة ليستفيد منها كل من عليه قرض بس هالله هالله بالمحامي الشاطر

وشكرا