شركة نفط اول مره اسمع فيها بس المعاشات حرررررررررراق [الأرشيف]

مشاهدة النسخة كاملة : شركة نفط اول مره اسمع فيها بس المعاشات حرررررررررراق

الوحش123

07-17-2010, 03:52 AM

السلام عليكم

انا حاب اسال عن شركة شلمبر جير شلونها ؟

يقولون معاشاتها قويه ونااار .صج؟

وبالنسبه لأختبار القبول شلون؟

انا اعرف موقع الشركه بس ما اعرف اقدم على الوظيفه,

المهم منو سمع عنها ؟

بس انا خايف ان شروطه صعبه و خياليه ولا شتقولون ؟

الوحش123

07-17-2010, 04:24 AM

اببببببببببببببببب

الوحش123

07-17-2010, 11:30 PM

شالسالفه محد سامع فيها اخاف شركه وهميه ؟!

الوحش123

07-17-2010, 11:32 PM

الوحش123

07-18-2010, 03:04 PM

ابببببببببببببببببببب

الوحش123

07-19-2010, 01:48 AM

لوووووووول

الحين ابيكم تردون على سؤالي ....لاحقين على السوالف

نواف محسن المطيري

07-19-2010, 02:03 AM

لوووووووول

الحين ابيكم تردون على سؤالي ....لاحقين على السوالف

مساك الله بالخير
والله يا اخوي انا اعرف انها فعلاً معشات طيبه بس شغلهم واجد ومتعب جداً والترقيات على حسب المجهود وهذا كل الي اعرفه عن هذه الشركه بعض المرات نجتمع معاهم برق ويصير فيه مجال انسولف معاهم ..
هذا كل ماعندي وسمحلنا على الازعاج.. والنكرة هذا دوخنا معاه لكن الساعه المباركه الي اشتركنا معاك في موضوعك...

وانا اوعد اذا صارت عند اي معلومه ابلغك ان شاء الله ..

br4v0

07-19-2010, 02:37 AM

الي اعرفه ياخذون مهندسين اعتقد بس خريجين امريكا, اخو واحد من الشباب هناك زهقان عيشته و يقول الدوام شقاقي, عادي داقين عليك 3 الفير يقولون لك تعال, بس كل شي بحسابه طبعا :)

مطيري برازي

07-19-2010, 05:29 AM

لاحول ولاقوة إلا بالله الناس شفيها قامت تاكل بعضها بعض

الوحش123

07-20-2010, 02:01 AM

لا حول ولا قوه الا بالله

الوحش123

07-21-2010, 08:44 PM

الي اعرفه ياخذون مهندسين اعتقد بس خريجين امريكا, اخو واحد من الشباب هناك زهقان عيشته و يقول الدوام شقاقي, عادي داقين عليك 3 الفير يقولون لك تعال, بس كل شي بحسابه طبعا :)

من قالك حق امربكا بس.؟

متاكد؟

سالم بن طفلة

07-23-2010, 12:33 PM

أخوي الوحش

مسألة انهم ياخذون بس خريجين أمريكا مو صحيحه

لكن بصراحة مانصحك تشتغل بهالشركة

لأنك بكل بساطة راح تفقد حياتك الاجتماعية

والسلام عليكم

كويتي وافتخر Q8

07-25-2010, 06:40 AM

السلام عليكم ورحمة الله وبركاته

الشركة هذي شركة قوية ومعروفة بالعالم ..

اهيا شركة فرنسية .. ولها أفرع بدول الخليج

مثل ما قالوا الأخوان .. شغلهم متعب .. لكن كل شي بحسابه

وياخذون مهندسين .. وياخذون خريجين التكنولوجيا من الكويت

والله يوفقك ويوفق الجميع

تحياتي لك

الوحش123

08-07-2010, 05:37 AM

IMeCH-E

08-08-2010, 11:51 AM

السلام عليكم,

شباب اول شي الشركه المانيه ( Schlumberger) و لكنها شركة عالميه و شغاله باكثر من 80 دوله فما يهم اساس الشركه وين, و الشركة سمعتها طيبه و اسمها معروف

بالنسبه للرواتب :

معاشاتهم قويه و مزايا ممتازه مقارنه بالشركات الثانيه

بالنسبه لانواع التوظيف :

عقود محليه او عقود دوليه ( اذا تشتغل في عقود دوليه راتبك بيكون له علاوه على حسب الدوله )

بالنسبه للدوام:

ساعات العمل 12 ساعه باليوم و الحد الاقصى 16 ساعه ( يعني يقعدونك بالدوام 16 ساعه كحد اقصى ) و سواء داومت 12 او 16 نفس الراتب لان الراتب اصلا 16 ساعه علشان يتجنبون المشاكل و overtime و غيره

بالنسبه لطبيعة العمل كرف, و متعبه جدا ..

بالنسبه للتطوير:

في عندهم برنامج لازم تمشي عليه و اذا نجحت بالمخطط الي حاطينه لك تاخذ علاواتك و قريداتك طبيعي و شركة ممتازه للخبره

بالنسبه للحياة الاجتماعيه:

مافي انسى باختصار

بالنسبه لطريقة التقديم و الاجراءات :

اولا تقدم عن طريق الموقع و تبعث الاوراق المطلوبه, اذا يبونك يدزونلك ايميل يقولون عندنا المنصب الفلاني اذا لك اهتمام رد علينا
اذا رديت و قتلهم عندي اهتمام, يحددون معاك موعد مقابله بالتلفون ( مقابله هاتفيه ).

المقابله الهاتفيه بالانجليزي ظبعا, و تكون من 15-30 دقيقه سوالف ( شنو تعرف عن الشركة؟ ليش تبي تشتغل معانا؟ ليش نوظفك؟ قولي شنو سويت؟ قولي موقف صار معاك؟ ) يعني يكلمك يشوف استجابتك معاه. اذا نجحت بهذي المقابله يدزونلك ايميل يقولون فيه انه تم اختيارك لتكون داخل برنامج التوظيف و يطلبون منك اوراقك الرسميه.

بعدها يدزونلك ايميل و يعطونك موعد تروح المستشفى, بالكويت اهم متعاقدين مع International Clinic الي بالسالميه... تروح و تسوي الاختبارات و الفحوصات كلها و تتوكل على الله.

الفحوصات ( دم, اشعه, قلب, نظر, سمع, فحص عام, صدر, امراض معديه, دم, تكرمون بول و خروج )

اذا كل شي انشالله سليم يردون يدقون عليك و يقعدون يعلمونك طبيعة العمل و طريفة العمل و انها متعبه و كذا و من هالسوالف, اذا للحين تكون مستعد و ناوي تدخلها ... يدزونك لشغله اسمها ( Field Exposure ) و هذي فترة اختبار و مدتها اسبوعين و غير مدفوعه.

و تكون هذي الفتره بالسعوديه بالنسبه للخليج, يكون فيها اول 4 ايام تدريب امن و سلامه و يفهمونك الشركة و طريقة عملها. بعدين يدزونك ال Field سواء من Rig او Workshop او Well Service او اي مكان عندهم ... الزبده انه الاسبوعين تتبهذل معاهم بكل المواقع الي عندهم و تشوف انت شلون بيكون دوامك اذا دشيت عندهم ... و يكون دوامك طبيعي 12 ساعه ... 5 الصبح - 5 المغرب او 5 المغرب - 5 الصبح.

يكون السكن عندهم في ال Camp, على قولتهم واكل شارب نايم على حسابهم و لكن غير جذي مافي ( ما عدا اول جم يوم فتره تدريب ال saftey ممكن يقعدونك ب فندق بمنطقة الخبر )

المهم يعطونك شغله معينه لازم تفهمها و تسويها خلا الاسبوعين و بنهاية الاسبوعين لازم تسوي Presentation و مقابله شخصيه Interview اذا نجحت فيهم و عجبهم شغلك و كل شي يرجعونك الكويت و يدزونلك Offer على الايميل.

طبعا هذا Offer مبدئي و مو عقد, و يكون عندك يومين او 3 فتره محدده يا توافق يا ما توافق ... اذا وافقت يدقون عليك و يحددون معاك موعد تدش فيه الشركه و تبلش دوامك.

طبعا الشركة تدخلك بالبدايه Trainee يعني متدرب, و في اختبارات و امتحانات و مدارس و سفرات مجبور تسويها و تعديها و تتطور معاهم خطوه خطوه حسب برنامج مرسوم لك و يكون عندك في مواعيد هالشغلات كلها.

شباب بعد الشرح احب اقولكم جم معلومه:

الشركة شركة مهندسين ( لنا برنامج تطوير كامل و مرسوم و ممتاز )
الصراحه انه الي يدخلها مو مهندس يتعذب معاهم بالدوام
الشركة فيها كرف حييييييل و لا تفكر انك تقزرها
قوانينها صااااااااارمه و شديييييده
و لكن الي ناوي يضحي جم سنه من عمره و يدخلها تره المستفبل جدامك و الشركات كلها تبيك

اي استفسارات او معلومات محتاجينها عطوني خبر و انشالله برد عليكم. و بالتوفيق للعموم انشالله

الوحش123

08-08-2010, 02:41 PM

IMeCH-E

08-09-2010, 01:15 PM

حبيبي ما تقصر كفيت وو فيت بس انت اشتغلت فيها ؟

قدمت و رفضت ؟

والمعدل العام و الخاص ترى خاسف عندي...مو شي ....له علاقه ؟

المعاشات تكون قويه بسبب المخاطر ولا شنو ؟

انا ان شاء الله باقيلي سنه و اتخرج ...فيه اشياء اقدر اجهزها من الحين ...مثل التوفل ...؟

انا اسف على الاطاله .... و.....الصراحه ما عندي الا اقولك

بالتوفيق

ما سوينا شي و حاظرين والله. و هذي الاجوبه لك:

انت اشتغلت فيها ؟ قدمت و رفضت ؟

اخوي انا حاليا موظف فيها و الحمد الله

والمعدل العام و الخاص ترى خاسف عندي...مو شي ....له علاقه ؟

والله يالغالي اكثر تركيزهم على اللغه و انك مستعد للوظيفه, بس المعدل راح يساعد بانهم يرفعون التلفون بالاساس و يدقون. و اذا كانت سيرتك الذاتيه حلوه و مرتبه تجذب انتباهم.

انا ان شاء الله باقيلي سنه و اتخرج ...فيه اشياء اقدر اجهزها من الحين ...مثل التوفل ...؟

والله يالغالي مثل ما قتلك تركيزهم حيل على اللغه, اذا تقدر تاخذ توفل و ايلز هذا راح يجذبهم لك

و بالعكس مافي اي ازعاج. و اذا تبي اي معلومات بعد انا حاضر

عافور

08-09-2010, 03:43 PM

في يوما ما قابلوني هالشركة بس طريقة المقابله تختلف عنك شوي.. ببساطه كانت تلفون حددولي موعد و رحت لكني ماكملت معاهم بسبب عدم التشجيع من جميع اللي اشتغلوا فيها.. لكن مثل ماذكر الاخ IMecH اهي فعلا شركة جدا قويه و سمعتها حلوة ولكنها صارمة جدا.. شخصيا مازلت افكر اقدم عليها مرة اخرى ولكن موقفني شي واحد.. انك راح تستلم معاش و ماتلحق تصرفه لانه ببساطه ماكو وقت.. و شكرا اخوان عالتوضيح

عمار يوسف ناصر

08-09-2010, 04:02 PM

حبيبنا شركة شلمبرجير شركة نظام مقاول والشغل فيها شقاقى فيك شدة شيلة بايبات وزنها 60كيلو او 130 كيلو ,التفنيش فيها بسهولة لأنها مقاول ومافيها أمان وظيفى للكويتى :mad:

IMeCH-E

09-10-2010, 09:15 PM

السلام عليكم.

اسمحولي علي الاطاله بصراحه كنت منشغل لكن حاب ارد اعلق على الموضوع و رد الاخ عمار يوسف..

شركة نظام مقاول اي نعم ولكن مقاول عن مقاول يفرق :) الشغل مو شقاقي ولا شي ... و لكن مافي مجال للدلع ... يعني روح الدوام بصم واشرب جاي و رد البيت مافي.

و الشغل على حسب مرتبتك بالشغل, و مافي انسان يشيل بايب وزنه 60 او 120 كيلو على قولتك ... اصلا ممنوع علشان ما تتعور و يدفعونلك اهم علاج و تعويض.

التفنيش فيها بسهوله؟ اقدر اجادلك بالموضوع ... اذا الواحد كان مظبوط بدوامه بعمره ما يتفنش و بالعكس في امان وظيفي ممتاز و مزايا روعه بعد.

بس الاهم من كل هذا ... الدوام دوام و الشغل شغل ... و اذا انت تبي وظيفه تناسب الجنسيه هذا شي ثاني .. بس في ناس تدور دوام على حسب شهادتهم و خبرتهم.

و شركة نفس شلمبرجير انا شخصيا انصح فيها ... و الخبره الي تاخذها معاهم بسنتين ما تاخذها بالحكومه بعشر سنين

الدوام متعب اخوي اي نعم بس لمن ترد البيت اسمك راد من الدوام مسوي شي و شعورك انك مسوي شي ... و ثاني يوم لمن ما تداوم تدري انه الشغل واقف عليك و لازم تداوم ...

هذي المسئولية و هذي الوظيفه ... و مثل ما قلت في بداية فتح الموضوع ... كل شركة لها مزايا و سيئات ...

و بالتوفيق للجميع انشالله

Salem J

09-11-2010, 09:48 AM

بارك الله فيك اخوي ميك
وكثر الله من امثالك

ابو ريتاج

09-11-2010, 01:25 PM

جم رواتبهم اذا الواحد عنده دبلوم هندسه

أبو خالد 112

09-13-2010, 03:39 PM

أخوانا IMeCH-E
قواك الله و الله يوفقك

أنت و الأخوان تقولون أن الحيات الأجتماعية تنتهي مع هل شركة
زين هل العمل في هل نوع من الشركات مزعج للحياة الزوجية
يعني المتزوجين يتأون ما عندهم وكت كلشش لأهلهم و عيالهم
و اختصار سألي
تنفع للمتزوجين ولا المتزوج خل ينحش منها
و هل أهي بس تنفع هل شركة للعزابة
و مشكور

elwed

09-13-2010, 07:00 PM

اب اب شلون طريقه التقديم

أبو خالد 112

09-13-2010, 08:29 PM

اب اب شلون طريقه التقديم

Online and GOOD LUCK

http://careers.slb.com/

IMeCH-E

09-14-2010, 11:12 AM

Salem J : ما تقصر يالغالي و مشكور على المشاركة الطيبه

ابو خالد 112 : بصراحه للمتزوج صعبه شوي, و في عقود اصلا تمنعك من الزواج باول سنة.

elwed : طريقة التقديم على النت عن طريق موقعهم مثل ما افادنا الاخ ابو خالد

ابو ريتاج : يالغالي بالنسبه للرواتب مختلفه من قسم الي اخر ...و بالنسيه للدبلوم كلش ما عندي خبر .. و لكن عموما رواتبهم عاليه.

و اسمحولي مره ثانيه اذا طولت بالرد عليكم... وموفقين انشالله

عمار يوسف ناصر

11-24-2010, 11:32 PM

رد على الأخ IMECH-Eالصراحة آنا جربت الشغل لدى المقاول لمدة سنتين ونصف تقريبا وكل شغلى باoilfiled as opratorالصراحة المعاش لايساوى الشغل اللى تقوم فيه مو مثل الشركات الحكومية النفطية يعنى على سبيل المثال الovertime فى الkoc على حسب القريد مو اقل من 300دينار بس فى المقاول يمكن يعطيك ويمكن لا والساعة ب2,00دينارين كويتى يعنى تداوم 30ساعة مثل ما صار معاى ب60 دينار ويومين بالفيلد فى الrig فلا تقنعنى وتقول ان المقاول زين ,المقاول قاعد يهين الكويتيين الصراحة .ويعطيك العافية .

عمار يوسف ناصر

11-24-2010, 11:41 PM

وحبيت أضيف شغلة ثانية بعد انه القطاع النفطى الخاص (المقاول ) تأثر تأثير كبير من الأزمة العالمية اللى حصلت فى العالم وتم تفنيش أعداد كبيرة من المواطنين الكويتيين فى سنة 2008 ولولا (الله) عز وجل والأخ رئيس مجلس أدارة شركة نفط الكويت اللى وقف معانا فى ان انقذنا وحولنا لشركات بديلة كان احنا فى الشارع .أرد وأقول المقاول لا توجد فيه امتيازات ولا بدلات وكرف عالفاضى .

IMeCH-E

12-01-2010, 02:52 PM

مشكور على التعليق طال عمرك ... حبيت اقولك اول شي انه الموضوع هذا مو موضوعي ..

و احنا مو قاعدين نتكلم عن المقاولين كلهم ... انا اتكلم عن شركة شلمبرجير

بالنسبة لتعليقك عن ال overtime ... انت تقول ان الساعه بدينارين ؟ و الله طويل العمر زين انك طلعت ..

بالنسبه لشركة شلمبرجير على حسب القريد طبعا .. و انا ما عندي فكرة عن ال Operator

و لكن بالنسيه للمهندس الاوفر اكثر من 200% من اليوم العادي ... و اذا كنت في ال Field حتى في ساعات العمل العاديه تاخذ Field Bonus لا تقل عن 100 دولار في اليوم.

و اعطيك مثال .. نفرض الراتب الف دينار و ساعات العمل من 8 الى 4 لمن تكون بالمكتب او بال workshop فنهاية الشهر تستلم الف دينار ..

اما اذا كنت في Job في ال Field خل نقول اسبوعين نايم في ال Rig نهاية الشهر راح تستلم الف + Field Bonus
و اذا كنت قريد 9 و اعلى تاخذ Job Bonus اي نسبة من ارباح ال Job و لو كانت النسبة 1% هذي النسبة تغطي الراتب

هذا غير حقوقك بالاسهم المخفظه و الخصومات و التامين و المرايا ...

بس طبعا لا تتوقع كل هذا في اول يوم تدخل الشركة ... على قولتهم "you have to earn your place" يعني تثبت مكانك و صدقني بيكون اخر همك الراتب

الموضوع مو بالمادية .. و مافي مقارنة نهائيا بين الشركات هذي و الشركات الحكومية ...

اذا كنت تشتغل و فاهم شفلك ممكن انك تطلع راتب سنة في 5 اشهر او اقل حتى ..

الموضوع مو بالفلوس يا اخوان ... ارد و اقول الشركة ممتازه .. و لكن تنهي الحياة الاجتماعية نهائيا

بالنسبه لتاثيرها بالاحوال العالمية هذا شي اكيد و لا تتوقع معامله خاصه ... هذي الشركة فيها 105,000 موضف .. و شغاله في اكثر من 80 دولة ...

و بالتوفيق للجميع

eng-q8ii

07-19-2011, 10:15 PM

موفق اخوي على الرد

ومرورك الكريم

كويتاووي

07-31-2011, 10:23 PM

يعطيك العافيه IMecH والمعلومات اللي قلتها حيييييل وافيه وكلامك عين العقل
ياخوك انا عندي استفسار بسيط انا مهندس في وزارة الكهرباء في محطة الزور
ومعاشي حييييل قوي وصارلي فترة في المحطه
وانا ناوي من زمان اسجل في شركة شلمبرجير
ابي اعرف جم استلم بالضبط اذا توظفن عندهم
وانا عندي خبره سبع سنوات في المحطه

جناان

08-12-2011, 05:22 AM

وين مكانهم بالضبط ؟؟؟ بليززززززززززززززززززززززز

eng-q8ii

08-24-2011, 08:16 PM

اهي بالاحمدي

Moe_equate

11-16-2011, 04:47 PM

سوال مقارنه بين شركه ايكويت وشلمبرجير
اذا قبلو اختصاصي حقل على قريد 8 بالرق
جم بالظبط يستلم مع البدلات ؟
لازم اعرف بالظبط لانه حتى بعد المقابله الثانيه كل ما اسأل المسؤول يقولي تستلم خير
ابي اعرف لانه قبلوني من فتره بس ليلحين ما وقعت معاهم وابي اعرف بالظبط شنو الي بميزني عن دوامي بشركه اكويت لما انقل لشركه شلمبرجير ؟